അജാനൂർ : മൂലക്കണ്ടം അംഗൻവാടിയിൽ ശിശുദിനം ആഘോഷിച്ചു.
മധുര, പായസവിതരണം, ചിത്രരചന, കുട്ടികളുടെ കലാപരിപാടികൾ നടന്നു.
മൂലകണ്ടം അംഗൻവാടി ടീച്ചർ പ്രസന്ന, വാർഡ് മെമ്പർ സിന്ധു ബാബു, വനജ, ആശാവർക്കർ ദീപ,മുൻ വാർഡ് മെമ്പർ നാരായണൻ, പത്മിനി തുടങ്ങി രക്ഷിതാക്കൾ വിവിധ സാംസ്കാരിക സംഘടന പ്രവർത്തകരും സംബന്ധിച്ചു.
കല്യാൺ റോഡ്ല്യാൺ റോഡ്ശ്രീ കൊറഗ ജ്ജൻ ദേവസ്ഥാനത്ത് 2023 ഫെബ്രവരി 28 നു നടക്കുന്ന കളിയാട്ട മഹോത്സവത്തോടു അനുബന്ധിച്ച് നടന്ന സംഘാടക സമിതി രൂപീകരണം പൂരക്കളി പണിക്കരും സംസ്കൃത പണ്ഡിതനുമായ പി .ദാമോധരപണിക്കർ ഉൽഘാടനം ചെയ്തു
. ക്ഷേത്ര പ്രസിഡണ്ട് , ശാസ്ത നാരായണൻ അദ്ധ്യക്ഷം വഹിച്ചു. അരവിന്ദൻ നെല്ലിത്തറ, ബാലകൃഷ്ണ ഗുരുസ്വാമി, ഭാനുമതി ടീച്ചർ, കുമാരി ബാലൻ, ദിനേശൻ എന്നിവർ ആശംസകൾ നേർന്നു. ചടങ്ങിൽ വെച്ച്ക്ഷേത്ര ഭണ്ഡാരത്തിനുള്ള തുക ഭാനുമതി ടീച്ചർ അരവിന്ദൻ നെല്ലിത്തറയ്ക്ക് കൈമാറി. ആഘോഷ കമ്മിറ്റി ചെയർമാനായി അരവിന്ദൻ നെല്ലിത്തറയും കൺവീനറായി ശിവൻ ശിവശക്തിയെയും സാമ്പത്തിക ചെയർമാനായി ചന്ദ്രൻ മരുതോടെ നെയും യോഗം ചുമതലപ്പെടുത്തി. ക്ഷേത്ര സെക്രട്ടറി ഭരതൻ കല്യാൺ റോഡ് സ്വാഗതവും ഷിജു തട്ടിൽ നന്ദിയും പറഞ്ഞു
മൂലക്കണ്ടം:ദേശീയ പാതാ വികസനത്തിന്റെ പേരിൽ ഏറെ ആശങ്ക കൾക്ക് വേദിയായ മൂലക്കണ്ടം ശ്രീ ഗുളികൻ ദേവസ്ഥാനം പുനർ നിർമ്മാണത്തിനൊരുങ്ങി. ദേശീയ പാതയ്‌ക്കരികിലായി ശില്പ ശാസ്ത്ര വിധി പ്രകാരമുള്ള കൊത്തുപണികളോട് കൂടിനിർമ്മാണം നടന്നുകൊണ്ടിരിക്കുകയാണ് .2023(മകരം 11,12,13)ജനുവരി 25,26,27, തീയതി കളിലായി വിവിധ ആദ്യമാത്മിക കലാ സാംസ്കാരിക പരിപാടികളോടുകൂടി ദ പുന പ്രതിഷ്ടാകളിയാട്ട മഹോത്സവം നടത്തപ്പെടുകയാണ്. മഹോത്സവത്തിന്റെ നടത്തിപ്പിനായി ഭരണ സമിതി പ്രസിഡന്റ് ജയൻ പാലക്കാൽ ചെയർമാനും, സെക്രട്ടറി വിനു മൂലക്കണ്ടം കൺവിനറുമായി 33അംഗ കമ്മിറ്റി നിലവിൽ വന്നു.
ലോക പ്രമേഹദിനം ആചരിച്ചു ….
കേരള സർക്കാർ ആയുഷ് ഹോമിയോപ്പതി വകുപ്പ്-ആയുഷ് മാൻ ഭവ: കാസറകോട് , ജില്ലാ ഹോമിയോ ആശുപത്രി കാഞ്ഞങ്ങാട്,കയ്യൂർ ചീമേനി ഗ്രാമ പഞ്ചായത്ത് സർക്കാറ് മാതൃക ഹോമിയോ ഡിസ്പെൻസറി ചീമേനി, റെഡ് സ്റ്റാർ ആർട്സ് & സ്പോർട്സ് ക്ലബ്ബ് പട്ടോളി, എന്നിവയുടെ സംയുക്ത ആഭി മുഖ്യത്തിൽ 13/11/2022 ന് പട്ടോളിയിൽ സൗജന്യ ജീവിത ശൈലി രോഗ നിർണ്ണയക്യാമ്പും ബോധ വത്ക്കരണ ക്ലാസും സംഘടിപ്പിച്ചു.
ലോക പ്രമേഹ ദിനാചരണത്തിന്റെ ഭാഗമായി നടന്ന മെഡിക്കൽ ക്യാമ്പിൽ പ്രമേഹം. രക്ത സമ്മർദ്ദം. ഉയരം. തൂക്കം. ഹോമിയോ കൺസൾട്ടേഷൻ. ഡയറ്റ് കൺ സൾട്ടേഷൻ എന്നിവയിൽ സൗജന്യ പരിശോധനയും മരുന്ന് വിതരണവും നടന്നു.
പ്രമേഹം – പ്രതിരോധം, ചികിത്സ ഹോമിയോപ്പതിയിലൂടെ എന്നവിഷയത്തിൽ ആയുഷ് മാൻ ഭവ മെഡിക്കൽ ഓഫീസർ ഇ. കെ. സുനീറ യും പ്രമേഹം – അറിയാം, നല്ല നാളേക്കായി എന്നവിഷയത്തിൽ നാച്ചുറോ പ്പതി മെഡിക്കൽ ഓഫീസർ ഡോ. എം. പൂജയും ക്ലാസ് എടുത്തു.
ഡോ. സി. എച്ച്. മുജീബ് റഹ്‌മാൻ പദ്ധതി വിശദീകരിച്ചു.
റെഡ് സ്റ്റാർ ആർട്സ് ആൻഡ് സ്പോർട്സ് ക്ലബ് പട്ടോളിയിൽ 13 ന് രാവിലെ 10മണിക്ക് കയ്യൂർ ചീമേനി ഗ്രാമപഞ്ചായത്ത് വികസന കാര്യ സ്റ്റാൻഡിങ് കമ്മിറ്റി ചെയർമാൻ ശ്രീ.അജിത് കുമാർ AG മെഡിക്കൽ ക്യാമ്പ് ഉത്ഘാടനം ചെയ്തു.
ക്ലബ്ബ് വൈസ് പ്രസിഡൻറ് ശ്രീമതി ഷീജ അധ്യക്ഷതവഹിച്ചു.
ക്ലബ് സെക്രട്ടറി കെ.പി സജിത്ത് സ്വാഗതവും ക്ലബ് ഭാരവാഹി രാജേഷ് സി.വി നന്ദിയും പറഞ്ഞു. 80 ഓളം പേർ പങ്കെടുത്ത ക്യാമ്പ് 2 മണിക്ക് അവസാനിച്ചു.
ഷാർജ : കാസർഗോഡ് പാക്കം സ്വദേശി ശ്രുതി മേലത്തിന്റെ പുതിയ പുസ്തകം
‘ പകലവസാനിക്കുന്നിടം’ ഷാർജ അന്താരാഷ്ട്ര പുസ്തകോത്സവത്തിൽ പ്രസിദ്ധീകരിച്ചു.
യുഎഇയിലെ ഷാർജ എക്സ്പോ സെന്ററിൽ വർഷംതോറും നടക്കുന്ന 41 മത് അന്താരാഷ്ട്ര പുസ്തകോത്സവത്തിലാണ് ശ്രുതി മേലത്തിന്റെ പുതിയ പുസ്തകം പ്രസിദ്ധികരിച്ചത്
യുഎഇയിലെ മഹാമേളകളിൽ ഒന്നാണ് ഷാർജ എക്സ്പോ സെന്ററിൽ നടക്കുന്ന ഷാർജ അന്താരാഷ്ട്ര പുസ്തകോത്സവം.
41മത്തെ പുസ്തകോത്സവം പ്രവാസികളായ അനേകം എഴുത്തുകാരെ സൃഷ്ടിക്കാനും അവരെ മുൻനിരയിലേക്ക് കൊണ്ടുവരാനും മേളക്ക് പറ്റുന്നുണ്ട്
കാസർഗോഡ് ജില്ലയിലെ പാക്കം സ്വദേശിയായ അധ്യാപക ജീവിതം നയിക്കുന്ന ശ്രുതി മേലത്ത് അനേകം കഥകളും ചെറുകഥകളും രചിച്ചിട്ടുണ്ട്’ ഇത്തിരി വെളിച്ചം ‘എന്ന പുസ്തകം ഇതിനുമുമ്പ് പ്രസിദ്ധീകരിച്ച പുസ്തകങ്ങളിൽ പെടുന്നു
ഷാർജ അന്താരാഷ്ട്ര പുസ്തകോത്സവത്തിന്റെ ഉദ്ഘാടനം മാധ്യമപ്രവർത്തകനും എഴുത്തുകാരനുമായ സാദിഖ് കാവിലാണ് നിർവഹിച്ചത്.പുസ്തകം ഏറ്റുവാങ്ങിയത് ബെന്ന ചേന്ദമംഗലൂർ, പുസ്തകപരിചയം നടത്തിയത് കെ പി കെ വേങ്ങര, ലിബി അക്ബർ, നാരായണ നമ്പ്യാർ, മുരളീധരൻ നമ്പ്യാർ, മുരളി മംഗലം തുടങ്ങിയവർ സംബന്ധിച്ചു
ജില്ലയുടെ അഭിമാനമായി സഹോദരങ്ങൾ ശ്രീനിവേദും, ശ്രീനന്ദയും
ആലപ്പുഴയിൽ വെച്ച് നടന്ന സ്റ്റേറ്റ് ലെവൽ സ്‌പെക് താക്രോ ചാമ്പ്യൻഷിപ്പിൽ മൂന്നാം സ്ഥാനം നേടി കാസറഗോഡ് ടീം അംഗമായ ദുർഗ്ഗ ഹൈയർ സെക്കന്ററി സ്കൂളിലെ പത്താം ക്ലാസ്സിലെ ശ്രീനിവേദ്.എം.വിയും
എട്ടാം ക്ലാസുകാരി ശ്രീനന്ദ എം വി യും ജില്ലയ്ക്ക് അഭിമാനമായി.മാവുങ്കാൽ കാട്ടുകുളങ്ങര സ്വദേശികളായ വിജയ സാരഥിയുടേയും സരിതയുടേയും മക്കളാണ്.
ഹരീഷ് ബി നമ്പ്യാർ ആർ.എസ്.പി.കേന്ദ്ര കമ്മിറ്റിയിൽ.
ആർ.എസ്.പി.യുടെ. ഇരുപത്തിരണ്ടാം പാർട്ടി ദേശീയ സമ്മേളനത്തിൽ ആർ.എസ്.പി.കാസർഗോഡ് ജില്ലാ സെക്രട്ടറി സ: ഹരീഷ് ബി നമ്പ്യാരെ കേന്ദ്ര കമ്മിറ്റിയംഗമായി തെരെഞ്ഞെടുത്തു.
എൻ.സി. പി ജില്ലാ സംസ്ഥാന ഭാരവാഹികൾക്ക് സ്വീകരണം നൽകി
പാലക്കുന്ന്: നാഷണലിസ്റ്റ് കോൺഗ്രസ് പാർട്ടി(എൻ. സി. പി) യുടെ സംസ്ഥാന, ജില്ലാ, ബ്ലോക്ക് ഭാരവാഹികൾക്കും വിവിധ രാഷ്ട്രീയ പാർട്ടിയിൽ നിന്ന് രാജിവച്ച് എൻ.സി.പിയിൽ ചേർന്നവർക്കും ഉദുമ ബ്ലോക്ക് കമ്മിറ്റിയുടെ നേതൃത്വത്തിൽ സ്വീകരണം നൽകി. പള്ളിക്കര ബീച്ച് പാർക്ക് ഓഡിറ്റോറിയത്തിൽ നടന്ന സ്വീകരണ സമ്മേളനം ജില്ലാ പ്രസിഡന്റ് കരീം ചന്തേര ഉദ്ഘാടനം ചെയ്തു. ബ്ലോക്ക് പ്രസിഡന്റ് ഇ. ടി മത്തായി അദ്ധ്യക്ഷത വഹിച്ചു. സംസ്ഥാന നിർവാഹക സമിതി അംഗങ്ങളായ സി. ബാലൻ, അഡ്വ. സി.വി ദാമോദരൻ, ജില്ലാ വൈസ് പ്രസിഡണ്ട് ടി. ദേവദാസ്, ജില്ലാ ട്രഷറർ ബെന്നി നാഗമറ്റം, എൻ. സി.പി. ജില്ലാ ജനറൽ സെക്രട്ടറിമാരായ വസന്തകുമാർ കാട്ടുകുളങ്ങര, ദാമോദരൻ ബള്ളിഗെ, സുകുമാരൻ ഉദിനൂർ, സുബൈർ പടുപ്പ്, എ.ടി വിജയൻ, സിദ്ദീഖ് കൈക്കമ്പ, എൻ. എം. സി സംസ്ഥാന ജനറൽ സെക്രട്ടറിമാരായ സന്ധ്യ സുകുമാരൻ, പി. സി സീനത്ത്, എൻ. ഷമീമ, ജില്ലാ പ്രസിഡന്റ് ഖദീജ മൊഗ്രാൽ, ജനറൽ സെക്രട്ടറി മഞ്ജു ചെമ്പ്രകാനം, ട്രഷറർ ബീഫാത്തിമ കുണിയയും കൂടാതെ മുഹമ്മദ് കൈക്കമ്പ, ഉബൈദുള്ള കടവത്ത്, സതീഷ് പുതുച്ചേരി തുടങ്ങിയവരും പ്രസംഗിച്ചു. ബ്ലോക്ക് ജനറൽ സെക്രട്ടറി നാസർ പള്ളം സ്വാഗതവും ചന്ദ്രൻ മുളിയാർ നന്ദിയും പറഞ്ഞു.
പുല്ലൂർ :അക്കാദമിക് മികവുകൊണ്ടും കലാ കായിക മേഖലയിലെ തിളക്കമാർന്ന വിജയങ്ങൾക്കൊണ്ടും ബേക്കൽ സബ് ജില്ലയിലെ ഏറ്റവും മികച്ച വിദ്യാലയമായി അറിയപ്പെടുന്ന പുല്ലൂർ ഗവൺമെൻറ് യു പി സ്കൂളിന് വേണ്ടി മുൻ ഉദുമ എം എൽ എ കെ കുഞ്ഞിരാമൻ്റെ ശ്രമകരമായ പ്രവർത്തഫലമായി പൊതുവിദ്യാഭ്യാസ വികസന ഫണ്ട് ഉപയേഗപ്പെടുത്തി നിർമ്മിച്ച ഇരുനില കെട്ടിടത്തിൻ്റെ ഉൽഘാടനം 2022 നവംബർ 17ന് വ്യാഴാഴ്ച ഉച്ചയ്ക്ക് രണ്ടു മണിക്ക് ബഹുമാനപ്പെട്ട കേരള വിദ്യാഭ്യാസ വകുപ്പ് മന്ത്രി ശ്രീവി’ ശിവൻകുട്ടി നിർവ്വഹിക്കും.’പ്രസ്തുത പരിപ്പാടിയുടെ വിജയത്തിനായുള്ള സംഘാടക സമിതി രൂപീകരണ യോഗം 14/11/20 22ന് തിങ്കളാഴ്ച വൈകുന്നേരം3 മണിക്ക് വിദ്യാലയത്തിൽ വെച്ച് ചേരും.
ചേറ്റുകുണ്ട്: ചിത്താരി കടപ്പുറം ശ്രീ അയ്യപ്പ ഭജനമന്ദിരം പ്രതിഷ്ഠാദിന ഉത്സവം 2022 ഡിസംബർ ഏഴാം തീയതി ബുധനാഴ്ച നടക്കും.
വാരിക്കാട്ട് ഇല്ലത്ത് സുബ്രഹ്മണ്യൻ തായർ എന്നിവരുടെ മഹനീയ കാർമ്മികത്വത്തിൽ രാവിലെ അഞ്ചുമണിക്ക് ഗണപതി ഹോമം കളരി ഭഗവതി ആഞ്ജനേയ മഠം ചിത്താരി കടപ്പുറം നടത്തുന്ന ഭജന, കാളിക ഭജന സംഘം കളനാടിന്റെ ഭജന, ഓമന മുരളിയുടെ മഹനീയ കാർമികത്വത്തിൽ നടക്കുന്ന സർവ്വേശ്വരവിളക്ക് പൂജ, ദിനേശൻ ഗുരുസ്വാമിയുടെ മുഖ്യ കാർമികത്വത്തിൽ നടക്കുന്ന ദീപാരാധനയും ഉണ്ടാകും.
ഉത്സവാഘോഷത്തിന്റെ ഭാഗമായി കൈകൊട്ടികളികളും ഗാനമേളയും നടക്കും. അടോട്ട് മൂത്തേടത്ത് കുതിര് പഴയസ്ഥാനം ശ്രീ പാടാർക്കുളങ്ങര ഭഗവതി ക്ഷേത്ര കാരണവരായി ആചാരം കൊണ്ട ജ്യോതിഷിനെ ആദരിക്കുന്നു. ഭക്തർക്ക് ഭഗവൽ പ്രസാദമായി അന്നദാനവും ഉണ്ടായിരിക്കുന്നതാണ്.