Categories
Kasaragod Latest news main-slider

ഏകദിന ക്യാമ്പും ഫുഡ്‌ ഫെസ്റ്റും നടത്തി   

പാലക്കുന്ന് : അംബിക ആർട്സ് കോളേജ് മോന്റീസൊറി ടീച്ചേഴ്സ് ട്രെയിനിങ് കോഴ്സ് വിദ്യാർത്ഥി കൾക്കായി ഏകദിന ക്യാമ്പും ഫുഡ്‌ ഫെസ്റ്റിവലും സംഘടിപ്പിച്ചു. വിദ്യാഭ്യാസ സമിതി പ്രസിഡന്റ്‌ പി.വി. രാജേന്ദ്രൻ ഉദ്ഘാടനം ചെയ്തു. പ്രിൻസിപ്പൽ വി. പ്രേമലത അധ്യക്ഷയായി.എ.ബാലകൃഷ്ണൻ, രവീന്ദ്രൻ കൊക്കാൽ, ശ്രീജ പുരുഷോത്തമൻ, കസ്തൂരി, ടി. ഭാനുമതി, ബാബു ഹരിദാസ്, വി. സുനിത, ബി. എൽ. വിപിൻലാൽ എന്നിവർ പ്രസംഗിച്ചു. വിദ്യാർത്ഥി കളുടെ കലാപരിപാടികളുമുണ്ടായിരുന്നു. വിദ്യാർത്ഥികൾ പാകം ചെയ്തു കൊണ്ടുവന്ന വിഭവങ്ങൾ ഫുഡ്‌ ഫെസ്റ്റിൽ വിതരണം ചെയ്തു.

Categories
Kasaragod Latest news main-slider

അശോകൻ പതിക്കാലിനെ ആദരിച്ചു

പാലക്കുന്ന് : മട്ടയ്ങ്ങാനം കഴകം പൂബാണംകുഴി ക്ഷേത്ര യുഎഇ കൂട്ടായ്മയുടെ പ്രസിഡന്റായി തിരഞ്ഞെടുക്കപ്പെട്ടപ്പെട്ട അശോകൻ പതിക്കാലിനെ ക്ഷേത്ര ഭരണ സമിതി ആദരിച്ചു. പ്രസിഡന്റ്‌ കെ. ശിവരാമൻ മേസ്ത്രി അധ്യക്ഷത വഹിച്ചു.ജനറൽ സെക്രട്ടറി രാഘവൻ തച്ചംങ്ങാട്, കെ. ഗോപാലകൃഷ്ണൻ, കെ. സമജ് ബാബു, കെ. ദാമോദരൻ, ശിവാനന്ദൻ, ചന്ദ്രൻ തച്ചംങ്ങാട്, കുമാരൻ അരവത്ത്, ടി. മാധവി എന്നിവർ പ്രസംഗിച്ചു.

 

Categories
Kasaragod Latest news main-slider

സഹകരണം പെൻഷൻ ഫണ്ട്‌ : 1000 കോടി ട്രഷറിയിലേക്ക് മാറ്റാനുള്ള നീക്കം അപലപനീയം  

പാലക്കുന്ന് : സർക്കാർ നേരിടുന്ന രൂക്ഷമായ സാമ്പത്തിക പ്രതിസന്ധിയിൽ നിന്ന് താത്ക്കാലികമായി രക്ഷപ്പെടാൻ സഹകരണ സംഘം ജീവനക്കാരുടെ പെൻഷൻ ബോർഡിൽനിന്ന് 1000 കോടി രൂപ ട്രഷറിയിലേക്ക് മാറ്റാനുള്ള രഹസ്യ നീക്കത്തിൽ കേരള പ്രൈമറി കോ-ഒപ്പറേറ്റിവ് സർവീസ് പെൻഷനേഴ്സ് അസോസിയേഷൻ ജില്ലാ കമ്മിറ്റി പ്രതിഷേധിച്ചു. കേരള ബാങ്കിൽ നിക്ഷേപിച്ച പെൻഷൻ ഫണ്ട്‌ തുക കാലാവധിയ്ക്ക് മുമ്പായി പിൻവലിച്ച് ട്രഷറിയിലേക്ക് മാറ്റുമ്പോൾ, പലിശനിരക്കിൽ വരുന്ന ഭീമമായ നഷ്ടം സുഗമമായ പെൻഷൻ വിതരണത്തിന് തടസ്സമാകുമെന്ന് യോഗം ഉൾകണ്ഠ രേഖപ്പെടുത്തി..

7 വർഷമായി 100 രൂപ മാത്രമേ പെൻഷൻ വർദ്ധിപ്പിച്ചിട്ടുള്ളൂ. ലഭിച്ചുകൊണ്ടിരുന്ന ഡി.എ. പോലും നിർത്തലാക്കിയെന്നും യോഗം പരാതിപ്പെട്ടു. സംസ്ഥാന ട്രഷറർ പി. ഭാസ്കരൻ നായർ ഉദ്ഘാടനം ചെയ്തു. പ്രസിഡന്റ്‌ കൊപ്പൽ പ്രഭാകരൻ അധ്യക്ഷനായി. ബാബു സിറിയക്ക്, എ. ഗംഗാധരൻ നായർ, വൈ.എം.സി. ചന്ദ്രശേഖരൻ, വി. നാരായണൻ, കെ.കെ.തമ്പാൻ നായർ, കെ. ദിനേശൻ,പള്ളം ശ്രീധരൻ, വി. എം. സുകുമാരൻ, കെ.വി. രാജഗോപാലൻ, ബി. കൃഷ്ണൻ, ചിതാനന്തൻ, സുകുമാരൻ കൊവ്വൽ എന്നിവർ പ്രസംഗിച്ചു

Categories
Kasaragod Latest news main-slider

പാലക്കുന്ന് ക്ഷേത്രത്തിൽ പൂരോത്സവത്തിന് തുടക്കമായി. ആദിയ പൂരക്കുഞ്ഞ്

പാലക്കുന്ന് : കഴകം ഭഗവതി ക്ഷേത്രത്തിൽ പൂരോത്സവത്തിന് ഞായറാഴ്ച രാത്രി മകീര്യം നാളിൽ തുടക്കമിട്ടു . മുന്നോടിയായി ഭണ്ഡാര വീട്ടിൽ നർത്തകന്മാർ കെട്ടിച്ചുറ്റി , കർമികൾ തിടമ്പുകൾ വഹിച്ച് തിരുവായുധങ്ങളും മേലാപ്പും കുടയും കൈവിളക്കുമായി ക്ഷേത്രത്തിലേക്ക് എഴുന്നള്ളത്ത് പുറപ്പെട്ടു.പ്രദക്ഷിണം പൂർത്തിയാക്കി ശുദ്ധീകരണങ്ങൾക്ക് ശേഷം കലശമാടിയശേഷം പൂരക്കുഞ്ഞ് പൂവിടൽ ആരംഭിച്ചു . തുടർന്ന് പൂരക്കളിയും ഉണ്ടായിരുന്നു. 20 വരെ രാത്രിയിൽ പൂരക്കളി ഉണ്ടാകും. തുടർന്ന് 21നും 22നും പകൽ നടക്കുന്ന മറുത്തു കളിയിൽ പണിക്കന്മാർ ഏറ്റുമുട്ടും. സംസ്കൃതത്തിൽ എഴുതപ്പെട്ട പുരാണേതിഹാസങ്ങൾ ചൊല്ലി മലയാളത്തിൽ വ്യാഖ്യാനിച്ചു ചോദ്യങ്ങളും അതിന് ഉത്തരങ്ങളും നൽകുന്ന വിദ്വൽസദസ്സാണ് മറുത്തുകളി.

പണിക്കന്മാരുടെ തർക്കങ്ങൾ മൂക്കുമ്പോൾ ജഡ്ജിയായി കളി നിയന്ത്രിക്കുന്നയാൾ ഇടപെടുന്നതാണ് രീതി.23ന് മൂന്ന് പണിക്കന്മാരുടെ ഒത്തുകളിയും നടക്കും.

ആദിയ പൂരക്കുഞ്ഞ്

പാലക്കുന്ന് : പൂരം പെൺകുട്ടികളുടെ വസന്തോത്സവമാണെന്നാണ് വെപ്പ്. പാലക്കുന്നിൽ പൂവിടലും പൂരക്കളിയും പൂരംകുളിയുമാണ് പ്രധാന ചടങ്ങുകൾ. പൂരോത്സവം തുടങ്ങുന്ന ആദ്യ ദിവസം രാത്രി തന്നെ പൂവിടൽ ആരംഭിച്ചു. പത്ത് വയസ്സ് കവിയാത്ത ക്ഷേത്ര പൂജാരി കുടുംബത്തിലെ ബാലികയ്ക്കാണ് ആ വിശേഷാൽ കർമം നിർവഹിക്കാൻ അവസരം ലഭിക്കുന്നത് . ഇത്തവണ പാലക്കുന്ന് വടക്കേവീട്ടിൽ മണികണ്ഠന്റെയും നിമിഷയുടെയും മകളായ ആദിയയ്ക്കാണ് പൂരകുഞ്ഞാകാൻ നിയോഗം ലഭിച്ചത്.

ഉത്സവം കഴിയും വരെ ക്ഷേത്രത്തിലും ഭണ്ഡാരവീട്ടിലും അനുഷ്ഠാന നിർവഹണ പ്രാധാന്യമുള്ള ഇടങ്ങളിൽ കർമികളുടെ സഹായത്തോടെ ഈ കൊച്ചു ബാലിക പൂവിടൽ നടത്തും.ഉദുമ പടിഞ്ഞാർ അംബിക എ എൽ പി സ്കൂൾ രണ്ടാം ക്ലാസ്സ്‌ വിദ്യാർഥിനിയാണ്.

 

Categories
Kasaragod Latest news main-slider

കോൺഗ്രസ് മുൻ നേതാവ് തച്ചങ്ങാട് ബാലകൃഷ്ണന്റെ 8-ാം ചരമവാർഷികത്തിന്റെ ഭാഗമായി നടത്തിയ പ്രസംഗ പരിശീലന കളരി സമാപിച്ചു

പള്ളിക്കര: പ്രമുഖ കോൺഗ്രസ് നേതാവായിരുന്ന തച്ചങ്ങാട് ബാലകൃഷ്ണന്റെ 8-ാം ചരമവാർഷിക ദിനാചരണത്തിന്റെ ഭാഗമായി സംഘാടക സമിതി സംഘടിപ്പിച്ച 5 ദിവസത്തെ പ്രസംഗ പരിശീലന കളരി സമാപിച്ചു. ഏറെ വ്യത്യസ്ഥമാക്കി കൊണ്ടാണ് പരിപാടി സംഘടിപ്പിച്ചത്.

മാർച്ച് 12ന് ആരംഭിച്ച കളരിയിൽ 6 സ്ത്രീകളടക്കം 15 പേരാണ് പങ്കെടുത്തത്. അവസാന ദിവസം തച്ചങ്ങാട് ടൗണിലാണ് പ്രസംഗ പരിശീലന പരിപാടി നടന്നത്. 15 പേരെ രണ്ട് ഗ്രൂപ്പായി തിരിച്ച് രണ്ട് ഗ്രൂപ്പുകൾക്കും ഓരോ വിഷയം കൊടുത്ത് സ്വാഗതം, അധ്യക്ഷൻ, ഉദ്ഘാടകൻ, മുഖ്യ പ്രാസംഗികൻ, ആശംസാ പ്രസംഗികർ, നന്ദി എന്നിങ്ങനെ സമയം ചിട്ടപ്പെടുത്തിയാണ് നടത്തിയത്. ഈ പ്രസംഗ കളരി കൗതുകത്തോടെയാണ് നാട്ടുകാർ വീക്ഷിച്ചത്. പങ്കെടുത്തവരിൽ എല്ലാവർക്കും ആത്മവിശ്വാസം ലഭിച്ചതായി സമാപന പരിപാടിയിൽ പങ്കെടുത്തവർ വിശദീകരിച്ചു. ജേസിഐ ദേശീയ പരിശീലകൻ ജെയ്സൺ തോമസാണ് ക്ലാസ് നിയന്ത്രിച്ചത്.

സമാപന പരിപാടി കെ.പി.സി.സി മെമ്പർ ഹക്കീം കുന്നിൽ ഉദ്ഘാടനം ചെയ്തു. സംഘാടക സമിതി ചെയർമാൻ സുകുമാരൻ പൂച്ചക്കാട് അധ്യക്ഷനായി. ബ്ലോക്ക് കോൺഗ്രസ് പ്രസിഡണ്ട് കെ.വി.ഭക്തവത്സലൻ, യു.ഡി.എഫ് ഉദുമ നിയോജക മണ്ഡലം ചെയർമാൻ രാജൻ പെരിയ, മുസ്ലീം ലീഗ് പളളിക്കര പഞ്ചായത്ത് പ്രസിഡണ്ട് സിദ്ദീഖ് പളളിപ്പുഴ, മണ്ഡലം കോൺഗ്രസ് പ്രസിഡണ്ട് രവീന്ദ്രൻ കരിച്ചേരി, ചന്ദ്രൻ തച്ചങ്ങാട്, മഹേഷ് തച്ചങ്ങാട്, കണ്ണൻ കരുവാക്കോട്, ധനഞ്ചയൻ, ബി.ടി.രമേശൻ തുടങ്ങിയവർ സംസാരിച്ചു.

ക്യാമ്പിൽ പങ്കെടുത്തവർക്കെല്ലാം സർട്ടിഫിക്കറ്റ് വിതരണം ചെയ്തു. പരിശീലകൻ ജെയ്സൺ തോമസിന് പ്രസംഗ കളരിയിൽ പങ്കെടുത്തവർ ഉപഹാരം നൽകി.

Categories
Kasaragod Latest news main-slider

കീക്കാനം വയനാട്ടുകുലവൻ തെയ്യംകെട്ട് : ചെറു പുസ്തകം പ്രകാശനം ചെയ്തു

പാലക്കുന്ന്: കഴകത്തിലെ കീക്കാനം കുന്നത്ത് കോതോർമ്പൻ തറവാട് തോക്കാനം താനത്തിങ്കാൽ ദേവസ്ഥാനം വയനാട്ടുകുലവൻ തെയ്യംകെട്ടിന്റെ മുന്നൊരുക്കങ്ങളും വിശേഷങ്ങളും കോർത്തിണക്കിയ ചെറുപുസ്തകം സിനിമ താരം പി. പി. കുഞ്ഞികൃഷ്ണൻ പ്രകാശനം ചെയ്തു. പാലക്കുന്ന് ക്ഷേത്ര ഭരണ സമിതി പ്രസിഡന്റ്‌ അഡ്വ. കെ. ബാലകൃഷ്ണൻ ചടങ്ങ് ഉദ്‌ഘാടനം ചെയ്തു. ചെയർമാൻ ശിവരാമൻ മേസ്ത്രി അദ്ധ്യക്ഷത വഹിച്ചു. വർക്കിഗ് ചെയർമാൻ പി. പി. ചന്ദ്രശേഖരൻ, ജനറൽ കൺവീനർ ബാലകൃഷ്ണൻ പുളിക്കാൽ, ബ്ലോക്ക് പഞ്ചായത്ത് പ്രസിഡന്റ് കെ.മണികണ്ഠൻ, ഹെൽത്ത് ഇൻസ്‌പെക്ടർ സജീവൻ, പഞ്ചായത്ത് അംഗങ്ങളായ ലീനാകുമാരി, റീജരാജേഷ്, ടി.വി.രാധിക, പബ്ലിസിറ്റി ചെയർമാൻ ജിതിൻ ചന്ദ്രൻ വെളുത്തോളി, സുമതി, കേളു പുല്ലൂർ, നാരായണൻ നായർ കീക്കാനം, കമലാക്ഷൻ കീക്കാനം എന്നിവർ പ്രസംഗിച്ചു.

ഏപ്രിൽ 5 മുതൽ 7 വരെയാണ്‌ ഇവിടെ തെയ്യം കെട്ട്. മാർച്ച് 26ന് കൂവം അളക്കും.

 

Categories
Kasaragod Latest news main-slider

രാജ്യത്തിന്റെ പൈതൃകവും, മതേതരത്വവും സംരക്ഷിക്കാൻ ഇന്ത്യ മുന്നണി അധികാരത്തിൽ വരണം.

രാഷ്ട്രത്തിന്റെ പൈതൃകവും മതേതരത്വവും തുടർന്ന് നിലനിൽക്കണമെങ്കിൽ ഇന്ത്യ മുന്നണി അധികാരത്തിൽ വരണമെന്ന് കെ.പി.സി.സി മുൻ ജനറൽ സെക്രട്ടറി കെ.പി കുഞ്ഞിക്കണ്ണൻ പറഞ്ഞു. വർഗീയ ശക്തികളെ ഭരണത്തിൽ മാറ്റി നിർത്താൻ രാജ്മോഹൻ ഉണ്ണിത്താൻ വിജയിക്കേണ്ടത് അനിവാര്യമാണെന്ന് അദ്ദേഹം പറഞ്ഞു. പള്ളിക്കര പഞ്ചായത്ത് തെരെഞ്ഞെടുപ്പ് കമ്മിറ്റി കൺവെൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

യു.ഡി.എഫ് പഞ്ചായത്ത് കമ്മിറ്റി ചെയർമാൻ സിദ്ദിഖ് പള്ളിപ്പുഴ അധ്യക്ഷനായി. മുൻ ഡിസിസി പ്രസിഡണ്ട് ഹക്കിം കുന്നിൽ, കെ.പി.സി.സി സെക്രട്ടറിമാരായ കെ.നീലകണ്ഠൻ, ബാലകൃഷണൻ പെരിയ, കല്ലട്ര അബ്ദുൾ ഖാദർ, കെ.ഇ.എ ബക്കർ, കെ.ബി മുഹമ്മദ് കുഞ്ഞി, കെ.വിഭക്തവത്സലൻ, രാജേന്ദ്രൻ പ്രസാദ്, രവിന്ദ്രൻ കരിച്ചേരി, സത്യൻ പൂച്ചക്കാട്, ഹനീഫ കുന്നിൽ,മുഹമ്മദ് കുഞ്ഞി പെരുമ്പള, റൗഫ് ബാവിക്കര, ദിവാകരൻ കുഞ്ഞിത്തോട്, അഷറഫ് ചേറ്റുകുണ്ട്, ടി.പി.കുഞ്ഞബ്ദുള്ള, രാജേഷ് പള്ളിക്കര,കെ.ചന്തു കുട്ടി പൊഴുതല,അബ്ദുള്ള കുഞ്ഞി കീഴൂർ, ഷക്കീല ബഷീർ,ഷാഫി യൂസുഫ്,ഹമീദ് ഹാജി ബാങ്ക്,അബ്ദുൽ ഖാദർ ഗൈറ്റ്, യശോദ നാരായണൻ, എം.സി ഹനീഫ മൗവൽ, സിന കരുവാക്കോട്, വി.ബാലകൃഷ്ണൻ നായർ, ചന്ദ്രൻ തച്ചങ്ങാട്,സിറാജ് മഠം,അബ്ബാസ് മഠം എന്നിവർ സംസാരിച്ചു.

യു.ഡി.എഫ് പഞ്ചായത്ത് കമ്മിറ്റി കൺവീനർ എം.പി.എം.ഷാഫി സ്വാഗതവും, ചോണായി മുഹമ്മദ് കുഞ്ഞി നന്ദിയും പറഞ്ഞു. 501 അംഗ തെരെഞ്ഞെടുപ്പ് കമ്മിറ്റി രൂപീകരിച്ചു.

ഭാരവാഹികൾ:

ചെയർമാൻ: സിദ്ദിഖ് പള്ളിപുഴ

വർക്കിങ്ങ് കമ്മിറ്റി ചെയർമാൻ :ചോണായി മുഹമ്മദ് കുഞ്ഞി

ജനറൽ കൺവീനർ: രവിന്ദ്രൻ കരിച്ചേരി

ട്രഷറർ.: എം.പി എം ഷാഫി.

Categories
Kasaragod Latest news main-slider

പെരുമുടിത്തറയിൽ പന്തൽകളി സമാപിച്ചു

പാലക്കുന്ന് : കഴകം ഭഗവതി ക്ഷേത്രത്തിൽ പൂരോത്സവത്തോടനുബന്ധിച്ച് നടക്കുന്ന മറുത്തു കളിയുടെ ഭാഗമായി കരിപ്പോടി പെരുമുടിത്തറയിൽ ഒരു മാസത്തിലേറെയായി നടക്കുന്ന പന്തൽ പൂരക്കളി സമാപിച്ചു. ഓലപ്പന്തലിൽ ദൈവത്തറ കെട്ടി കഴിഞ്ഞ മാസം 11ന് രാജീവൻ കൊയങ്കര പണിക്കരുടെയും ക്ഷേത്ര പണിക്കർ കുഞ്ഞിക്കോരന്റെയും നേതൃത്വത്തിൽ തുടങ്ങിയ പന്തൽകളിയാണ്‌ ശനിയാഴ്ച രാത്രിയോടെ സമാപിച്ചത്.

Categories
Kasaragod Latest news main-slider

അങ്കണവാടികൾക്ക് ഗൃഹോപകരണങ്ങൾ വിതരണം ചെയ്തു.

പാലക്കുന്ന് : ഉദുമ പഞ്ചായത്ത്‌ 2023-24 പദ്ധതിയിൽ പെടുത്തി നടപ്പിലാക്കിയ അങ്കണവാടികൾക്കുള്ള വിവിധ ഉപകരണങ്ങളുടെ വിതരണം പ്രസിഡന്റ്‌ പി. ലക്ഷ്മി ഉദ്ഘാടനം ചെയ്തു. സ്ഥിരം സമിതി അധ്യക്ഷ സൈനബ അബൂബക്കർ, സെക്രട്ടറി, അസിസ്റ്റന്റ് സെക്രട്ടറി, വാർഡ് അംഗങ്ങൾ, ഐസിഡിഎസ് സൂപ്പർവൈസർ എന്നിവർ സംസാരിച്ചു. പഞ്ചായത്തിലെ 33 അങ്കണവാടികൾക്ക് അടുക്കള പാത്രങ്ങൾ, സോളാർ റാന്തൽ വിളക്കുകൾ, കുക്കർ, അടുപ്പോടുകൂടിയ കലം, ചീനചട്ടി എന്നിവയാണ് വിതരണം ചെയ്തത്.

Categories
Kasaragod Latest news main-slider

നാലു പതിറ്റാണ്ടുകാലം സൗജന്യ വിദ്യാഭ്യാസം നൽകി നാടിന് അക്ഷര വെളിച്ചമേകിയ ഏച്ചിക്കാനം ശ്രീ ഗുരുജി വിദ്യാമന്ദിരം നവീകരണത്തിനൊരുങ്ങുന്നു

✒️ : സുകുമാർ ആശീർവാദ്

മാവുങ്കാൽ:1984 ൽ പ്രവർത്തനം ആരംഭിച്ച ഏച്ചിക്കാനം ശ്രീ ഗുരുജി വിദ്യാമന്ദിരം നവീകരണ പ്രവർത്തനങ്ങൾക്ക് ഒരുങ്ങുന്നു.

1984 – 85 ൽ ജൂലൈ മാസം 2-ാം തിയ്യതി വിശ്വേശ്വര റാവു ദാനമായി നൽകിയ 5 ഏക്കർ സ്ഥലത്ത് അക്കാലത്തെ മുതിർന്ന സംഘകാര്യ കർത്താക്കളുടെ പ്രവർത്തന ഫലമായി 36 കുട്ടികളെ വെച്ചാണ് പ്രകൃതി രമണീയമായ ഏച്ചിക്കാനം പ്രദേശത്ത് ശിശു മന്ദിരം ആരംഭിച്ചത്. അന്ന് രണ്ട് ക്ലാസുകൾ മാത്രമായിരുന്നു തുടങ്ങി വെച്ചത്.(അരുൺ,ഉദയ് ) പിന്നീട് ശ്രീ ഗുരുജി വിദ്യാമന്ദിരം ഏച്ചിക്കാനം എന്ന നാമധേയത്തിലാണ് പ്രസിദ്ധമായത്. വളരെ പിന്നോക്കാവസ്ഥയിലായിരുന്ന ഏച്ചിക്കാനം ചെമ്പിലോട്ട് വിദ്യാഭാസം സൗകര്യം വളരെ കുറവായിരുന്നു. പരിസര പ്രദേശങ്ങളിലുള്ള പൊതു വിദ്യാലയങ്ങളിലേക്കുള്ള യാത്രാ ദുരിതം വളരെ ബുദ്ധിമുട്ടേറിയതായിരുന്നു.

അങ്ങനെയുള്ള സാഹചര്യത്തിലാണ് നാട്ടിലെ മുഴുവൻ കുട്ടികൾക്കും വിദ്യാഭ്യാസം ലഭിക്കണമെന്ന ഉദ്ദേശത്തോടെ സംഘം വിദ്യാലയം ആരംഭിച്ചത്.

വിദ്യാലയം ആരംഭിക്കാൻ ഏറ്റവും മുന്നിലുണ്ടായിരുന്ന ആദ്യകാല പ്രസിഡണ്ട് യശ്ശ:ശരീരനായ കുഞ്ഞപ്പ നമ്പ്യാർ (പ്രസിഡണ്ട് ) പി.വി കുമാരൻ ( സെക്രടറി) തുടങ്ങിയവരുടെ നേതൃത്വത്തിൽ മുഴുവൻ പ്രവർത്തകരേയും ഉൾപ്പെടുത്തി കമ്മിറ്റി രൂപീകരിച്ചു.ശാന്ത,ബാലാണി എന്നീ ആധ്യാപികമാരുമായി വിദ്യാലയം പ്രവർത്തനം ആരംഭിച്ചു.

നാടിന്റെ പ്രതിച്ഛായ തന്നെ മാറ്റാൻ ഈ വിദ്യാലയത്തിന് കഴിഞ്ഞിട്ടുണ്ട്. ഉന്നത മേഘലകളിൽ പ്രവർത്തിക്കുന്ന നിരവധി പൂർവ്വ വിദ്യാർത്ഥികൾ ഡോക്ടർമാർ എൻജിനീയർമാർ അധ്യാപകർ സൈനികർ, അഭിഭാഷകർ തുടങ്ങി വിവിധങ്ങളായ മേഖലകളിൽ ഈ വിദ്യാലയത്തിൽ പഠിച്ചു വളർന്ന പൂർവ്വ വിദ്യാർത്ഥികൾ പ്രവർത്തിക്കുന്നു എന്നതും ഗുരുജി വിദ്യാലയത്തിന്റെ മുതൽ കൂട്ടാണ്.

ഗുരുജി വിദ്യാമന്ദിരം വാർഷികാഘോഷം ഏപ്രിൽ 7 ന് വൈകുന്നേരം 5 മണി മുതൽ വിവിധങ്ങളായ കലാപരിപാടികളോടെ നടക്കും.

വിദ്യാലയത്തിൻ്റെ വികസന പ്രവർത്തനങ്ങളും വാർ ഷികാഘോഷവും വിലയിരുത്താൻ ചേർന്ന യോഗം പി.കൃഷ്ണൻ ഉൽഘാടനം ചെയ്തു. വാർഷികാഘോഷ കമ്മിറ്റി ചെയർമാൻ ബിനോരാജ് കോട്ടപ്പാറ,വിദ്യാലയ സമിതി പ്രസിഡണ്ട് യതീൻ. സി, സെക്രട്ടറി പുഷ്പലത.പി,ഗുരുജി വിദ്യാമന്ദിരം സ്ഥാപക സെക്രട്ടറി പി.വി.കുമാരൻ, സുരേഷ് പടിഞ്ഞാറെക്കര, മുരളികൃഷ്ണൻ,രാമചന്ദ്രൻ പി.പി. ( വൈസ് പ്രസിഡണ്ട് ) അമൃതകുമാർ (മുൻ പ്രസിഡണ്ട് ) വിദ്യാലയ സമിതി അംഗം വിജയൻ വി.വി,പ്രധാനാധ്യാപിക ഷീജ ടി.ആർ, അദ്ധ്യാപികമാരായ വീണ.പി,നിഷ.ഒ,ശാന്ത.കെ, രജിത.പി എന്നിവർ സംസാരിച്ചു. വിദ്യാലയത്തിൻ്റെ പുന:രുദ്ധാരണ പ്രവർത്തനങ്ങൾക്ക് ഞങ്ങളോടൊപ്പം കൈകോർക്കാൻ സമൂഹത്തിലെ ഏവരുടെയും സഹായ സഹകരണങ്ങൾ പ്രതീക്ഷിക്കുന്നു.

കൂടുതൽ വിവരങ്ങൾക്ക് 860629110 യതീൻ.സി(വിദ്യാലയ സമിതി പ്രസിഡണ്ട് ) 6282547363 പുഷ്പലത.പി ( സെക്രട്ടറി ) എന്നിവരുടെ ഗൂഗുൾ പേ നമ്പരിൽ ബന്ധപ്പെടണമെന്നും വികസന പ്രവർത്തനങ്ങളിൽ ഞങ്ങളോടൊപ്പം പങ്കാളികളാവണമെന്നും ഭാരവാഹികൾ അറിയിച്ചു.

പടം നാല് പതിറ്റാണ്ടായി സൗജന്യ വിദ്യാഭ്യാസം നൽകി പ്രവർത്തിച്ചു വരുന്ന ഏച്ചിക്കാനം ശ്രീ ഗുരുജി വിദ്യാമന്ദിരം

Back to Top