Categories
Kerala Latest news main-slider top news

കേരളത്തിലുള്ള ഒൻപത് രാജ്യസഭാ സീറ്റുകളില്‍ അഞ്ചിലും മുസ്‌ലിംകള്‍’; വീണ്ടും വര്‍ഗീയത പറഞ്ഞ് വെള്ളാപ്പള്ളി

സംവരണത്തില്‍ വീണ്ടും വർഗീയ പ്രസ്താവനയുമായി എസ്‌എൻഡിപി ജനറല്‍ സെക്രട്ടറി വെള്ളാപ്പള്ളി നടേശൻ. ഇടതു വലതു മുന്നണികള്‍ മുസ്‍ലിം പ്രീണനം നടത്തുന്നു.

കേരളത്തിലുള്ള ഒൻപത് രാജ്യസഭാ സീറ്റുകളില്‍ അഞ്ചിലും മുസ്‍ലിങ്ങള്‍. ക്രൈസ്തവർ ബിജെപിയെ രക്ഷകരായി കാണുന്നുവെന്നും വെള്ളാപ്പള്ളി. ഇന്ന് പുറത്ത് ഇറക്കിയ യോഗനാദം മാസികയുടെ മുഖപ്രസംഗത്തിലാണ് വെള്ളപ്പള്ളി നടേശന്റെ പരാമർശങ്ങള്‍.

 

ജനസംഖ്യയുടെ പകുതിയിലേറെ ഉള്ള ഹിന്ദുക്കള്‍ക്ക് രണ്ട് സീറ്റാണ് നല്‍കിയത്. മതവിവേചനവും വിദ്വേഷവും തിരിച്ചറിഞ്ഞ ക്രൈസ്തവരാണ് സുരേഷ് ഗോപിയെ വിജയിപ്പിച്ചത്. യാഥാർത്ഥ്യങ്ങള്‍ തുറന്നു പറയുന്നതിൻ്റെ പേരില്‍ രക്തസാക്ഷി ആകാനും തയ്യാർ. സത്യം പറഞ്ഞവർ ക്രൂശിക്കപ്പെട്ടതാണ് ലോക ചരിത്രം. ക്രൈസ്തവർ ബിജെപിയെ രക്ഷകരായി കാണുന്നുവെന്നും വെള്ളാപ്പള്ളി പറഞ്ഞു.

സാമൂഹ്യ സാമ്ബത്തിക സർവ്വേ നടത്താൻ വെല്ലുവിളിക്കുന്നു. സർവ്വേ നടത്തിയാല്‍ ഉന്നയിക്കപ്പെട്ട ആരോപണങ്ങള്‍ വ്യക്തമാണെന്ന് മനസ്സിലാകുമെന്നും വെള്ളാപ്പള്ളി പറഞ്ഞു.

Categories
Kerala Latest news main-slider top news

ജനങ്ങളെ കേള്‍ക്കാൻ പാര്‍ട്ടി തയ്യാറാകണം; ജനങ്ങള്‍ക്ക് ലഭിക്കേണ്ട ആനുകൂല്യങ്ങള്‍ പലതും കിട്ടിയില്ല’; തുറന്നടിച്ച്‌ തോമസ് ഐസക്‌

ലോക് സഭ തെരഞ്ഞെടുപ്പിലെ തോല്‍വിക്ക് ശേഷം തുറന്നടിച്ച്‌ സിപിഐഎം നേതാവ് ഡോ. ടിഎം തോമസ് ഐസക്. ജനങ്ങളെ കേള്‍ക്കാൻ പാർട്ടി തയാറാകണമെന്ന് തോമസ് ഐസക് പറയുന്നു.

ഓണ്‍ലൈൻ ചാനലിന് നല്‍കിയഅഭിമുഖത്തിലാണ് തോമസ് ഐസകിന്റെ പ്രതികരണം. തെരഞ്ഞെടുപ്പില്‍ പാർട്ടി അനുഭാവികളുടെ വോട്ട് പോലും ലഭിച്ചില്ലെന്ന് അദ്ദേഹം പറഞ്ഞു.

 

പാർട്ടി ജനങ്ങളുടേതാണെന്നും പാർട്ടിക്കുള്ളില്‍ അച്ചടക്കം സ്വയം തീരുമാനിച്ചെടുക്കണമെന്നും തോമസ് ഐസക് പറയുന്നു. തുറന്ന മനസോടെ ജനങ്ങളുടെ വിമർശനങ്ങള്‍ കേള്‍ക്കണമെന്ന് അദ്ദേഹം ആവശ്യപ്പെട്ടു. ലോക് സഭാ തെരഞ്ഞെടുപ്പില്‍ എന്തുകൊണ്ട് തോറ്റു എന്നത് കൃത്യമായ പരിശോധിക്കണമെന്നും അത് തിരുത്തണമെന്നും അഭിമുഖത്തില്‍ തോമസ് ഐസക് പറഞ്ഞു.

സൈബർ സഖാക്കളെയും തോമസ് ഐസക് വിമർശിച്ചു. സോഷ്യല്‍ മീഡിയയില്‍ എന്തുമാകാമെന്ന് ആയിരിക്കുമെന്ന് അദ്ദേഹം വിമർശിച്ചു. സൈബർ സഖാക്കള്‍ നിഷ്പക്ഷരെ പാർട്ടിയില്‍ നിന്ന് അകറ്റുന്ന സമീപനം അവസാനിപ്പിക്കണമെന്ന് തോമസ് ഐസക് ആവശ്യപ്പെട്ടു. പാർട്ടിക്കുള്ളില്‍ പറയേണ്ടത് പാർട്ടിക്കുള്ളില്‍ പറയണമെന്ന് അദ്ദേഹം പറഞ്ഞു. സൈബർ പോരളികള്‍ അഡ്രസ് ചെയ്യേണ്ടത് പക്ഷമില്ലാത്തവരെയാണെന്നും തോമസ് കൂട്ടിച്ചേർത്തു.

Categories
Kasaragod Latest news main-slider top news

ഹരിത കർമ്മ സേന ജില്ലാ പഠന ക്ലാസ്

ഹരിത കർമ്മ സേന ജില്ലാ പഠന ക്ലാസ്

കാഞ്ഞങ്ങാട്:കാസർകോട് ജില്ല ഹരിത കർമ്മ സേന വർക്കേഴ്സ് യൂണിയൻ(സിഐടിയു)ജില്ലാ പഠന ക്യാമ്പ് കാഞ്ഞങ്ങാട് നടന്നു.കുന്നുമ്മൽഎൻഎസ്എസ് ഓഡിറ്റോറിയത്തിൽനടന്ന ക്യാമ്പ് സിഐടിയു സംസ്ഥാന കമ്മിറ്റി അംഗം വി.വി.പ്രസന്നകുമാരിഉദ്ഘാടനം ചെയ്തു.പി കെ പ്രജിതഅധ്യക്ഷത വഹിച്ചു.വർത്തമാന കടമയും സിഐടിയു,സംഘടന, സംഘാടനംഎന്നീ വിഷയങ്ങളിൽ ഡോ:വിപിപി മുസ്തഫ, വി.വി.പ്രസന്നകുമാരിഎന്നിവർ ക്ലാസ് എടുത്തു. സിഐടിയു കാഞ്ഞങ്ങാട് ഏരിയാ സെക്രട്ടറി കെ.വി.രാഘവൻ സംസാരിച്ചു.സിന്ധു പാലായിസ്വാഗതം പറഞ്ഞു.

 

 

 

 

Categories
Kasaragod Latest news main-slider top news

നഗരസഭ ഇൻഡോർ സ്റ്റേഡിയം എത്രയും പെട്ടെന്ന് തുറന്നു കൊടുക്കുക: ഷട്ടിൽ ബാഡ്മിൻറൺ ക്ലബ്ബ്

 

കാഞ്ഞങ്ങാട്:-കാഞ്ഞങ്ങാടിന്റെ കായിക മേഖലയെ ശക്തിപ്പെടുത്തുക,വ്യായാമ സൗകര്യം ഒരുക്കുകഎന്നീ ലക്ഷ്യത്തോടെ ലക്ഷക്കണക്കിന് രൂപ ചെലവഴിച്ച് കാഞ്ഞങ്ങാട് നഗരസഭ ആലാമി പള്ളി ബസ് സ്റ്റാൻഡ് പരിസരത്ത് നിർമ്മിച്ച ഇൻഡോർ സ്റ്റേഡിയം മുഴുവൻ പണിയും പൂർത്തീകരിച്ച് എത്രയും പെട്ടെന്ന് പൊതുജനങ്ങൾക്കായി തുറന്നു കൊടുക്കണമെന്നും,കാഞ്ഞങ്ങാട് കേന്ദ്രീകരിച്ച് ഷട്ടിൽ ബാഡ്മിൻറൺ അക്കാദമി ആരംഭിക്കണമെന്നുംചെമ്മട്ടം വയൽ എക്സൈസ് ഓഫീസിന് എതിർവശത്തുള്ളകാഞ്ഞങ്ങാട്ഷട്ടിൽബാഡ്മിൻറൺ ക്ലബ്ബ്.വാർഷിക ജനറൽ ബോഡി യോഗം ആവശ്യപ്പെട്ടു.പടന്നക്കാട് ബേക്കൽ ക്ലബ്ബിൽ നടന്ന യോഗത്തിൽക്ലബ്ബ് പ്രസിഡണ്ട് പി.പി. കുഞ്ഞി കൃഷ്ണൻ നായർഅധ്യക്ഷനായി.മുതിർന്ന അംഗങ്ങളായ എം.ശ്രീകണ്ഠൻ നായർ,ബാബു രാജേന്ദ്ര ഷേണായി രാമനാഥ് ഷേണായി.വേൾഡ്സ്റ്റിൽ ഒളിമ്പിക്സിൽ സംസ്ഥാന തലത്തിൽ സ്വർണ്ണ മെഡൽ നേടുകയും ദേശീയ തലത്തിൽ മത്സരിക്കാൻ യോഗ്യത നേടുകയും ചെയ്ത അനഘ പ്രദീപ് എന്നിവരെ ചടങ്ങിൽ വച്ച് ആദരിച്ചു.ക്ലബ്ബ് മെമ്പർമാർ ആയിരുന്ന രഞ്ജിത്ത് സി. നായർ, ശ്യാം സുധീർ,കുവൈത്ത് തീപിടുത്തത്തിൽ മരിച്ചവരുടെയും വേർപാടിൽ യോഗം അനുശോചനം രേഖപ്പെടുത്തി.മുൻ പ്രസിഡണ്ട്എം കെ വിനോദ് കുമാർ,സെക്രട്ടറി ടി.വി.രാഘവൻ,ട്രഷറർ കെ.വിജയൻ,ജോ: സെക്രട്ടറി പി.വി.വിനോദ് കുമാർഎന്നിവർ സംസാരിച്ചു.

നിലവിൽ 80 അംഗങ്ങളുള്ള ജില്ലയിലെ ആദ്യത്തേതും ആധുനിക സൗകര്യങ്ങളോടുകൂടിഒ രേസമയം രണ്ടു മത്സരങ്ങൾ നടത്താൻ സാധിക്കുന്ന ഇൻഡോർ സ്റ്റേഡിയം ഉള്ളക്ലബ്ബ്.വിപുലീകരിക്കുന്നതിനും,കുട്ടികൾക്ക് നൽകിവരുന്നപരിശീലനം ശക്തിപ്പെടുത്തുന്നതിനും യോഗം തീരുമാനിച്ചു.

Categories
Kasaragod Latest news main-slider top news

മാവുങ്കാൽ കാട്ടുകുളങ്ങര പുതിയ വീട് തറവാട് കട്ടിള വെക്കൽ ചടങ്ങ് നടന്നു.

 

 

 

പുതിയ വീട് തറവാട് കട്ടിള വെക്കൽ ചടങ്ങ് നടന്നു.

 

 

കാട്ടുകുളങ്ങരയിൽപുതുതായി നിർമ്മിക്കുന്ന പുതിയ വീട് തറവാടിൻ്റെ കട്ടിള വെക്കൽ ചടങ്ങ് വിശ്വകർമ്മൻ അനിലിന്റെയും,ചെങ്കൽ നിർമ്മാണ ശില്പി പ്രകാശൻ എക്കാലിൻ്റെയും കാർമികത്വത്തിൽ നടന്നു.

 

 

കൊട്ടിലകത്ത് ചാമുണ്ഡിയും വിഷ്ണുമൂർത്തിയുടെയും.പുറത്ത് പൊട്ടൻ തെയ്യത്തിന്റെയും, രക്തശ്വേരിയുടെയുംസാന്നിധ്യമുണ്ട്.

 

കാട്ടുകുളങ്ങര ശ്രീ കുതിരക്കാളിയമ്മ ദേവസ്ഥാനം ക്ഷേത്രേശ്വേരന്മാരും,ക്ഷേത്രസ്ഥാനികരും,ക്ഷേത്ര കമ്മിറ്റിയും,,പൗര പ്രമുഖൻ ശ്രീ. വേണുഗോപാലൻ നമ്പ്യാരും, വിവിധ തറവാട് പ്രതിനിധികളും നാട്ടുകാരും, തറവാട്ങ്ങളും സംബന്ധിച്ചു.

 

 

 

 

Categories
Kerala Latest news main-slider top news

ശനിയും ഞായറും അവധി, 2 മാസം വേനലവധിയും, ഓണത്തിനും ക്രിസ്മസിനും വീട്ടിലിരിക്കാം, പക്ഷെ, അധ്യയന ദിവസം കൂട്ടിയാല്‍ ഉടന്‍ പ്രതിഷേധം, അധ്യാപകര്‍ സമരത്തിലേക്ക്

തിരുവനന്തപുരം: എല്ലാ ശനിയും ഞായറും അവധി, കൂടാതെ വര്‍ഷത്തില്‍ രണ്ടുമാസം വേനലവധിയും, ഓണം ക്രിസ്മസ് അവധി വേറെയും.

സംസ്ഥാനത്തെ അധ്യാപകരെക്കുറിച്ച്‌ പൊതുസമൂഹത്തിന്റെ പൊതുവെയുള്ള പ്രചരണമാണിത്. പ്രചരിക്കുന്നതില്‍ മുഴുവന്‍ സത്യാവസ്ഥയല്ലെങ്കിലും സര്‍ക്കാര്‍ ശമ്ബളം വാങ്ങുന്ന ജീവനക്കാരില്‍ അധ്യാപകരെപ്പോലെ അവധി ലഭിക്കുന്ന മറ്റൊരു വിഭാഗമില്ല.

 

സ്‌കൂളില്‍ കുട്ടികള്‍ക്ക് ലഭിക്കുന്ന എല്ലാ അവധിയും അധ്യാപകര്‍ക്കില്ലെങ്കിലും അവധിയുടെ കാര്യത്തില്‍ മറ്റാരേക്കാളും ഏറെ മുന്നിലാണവര്‍. എന്നാല്‍, അവധികളുടെ എണ്ണം അല്‍പമൊന്ന് കുറഞ്ഞുപോയാലോ വിദ്യാര്‍ത്ഥികളുടെ മികവ് വര്‍ദ്ധിപ്പിക്കാന്‍ അധ്യയന ദിവസം കൂട്ടാന്‍ നിര്‍ദ്ദേശം വന്നാലോ അപ്പോള്‍ തുടങ്ങും പ്രതിഷേധവും സമരവും. സംഘടനാബലത്തില്‍ ആനുകൂല്യങ്ങള്‍ നേടിയെടുക്കുന്നതില്‍ തെറ്റില്ലെങ്കിലും ഉത്തരവാദിത്വം നിറവേറ്റുന്നതില്‍ ഈ ആത്മാര്‍ത്ഥത കാട്ടാറില്ല..സംസ്ഥാനത്ത് ഈ വര്‍ഷം 220 ദിവസം അധ്യയനം വേണമെന്ന സര്‍ക്കാര്‍ നിര്‍ദ്ദേശത്തോട് കടുത്ത പ്രതിഷേധത്തിലാണ് ഒരുവിഭാഗം അധ്യാപകര്‍. ഇതിന്റെ പേരില്‍ ശനിയാഴ്ച കൂട്ട അവധിയെടുത്ത് പ്രതിപക്ഷ സംഘടനകളിലെ അധ്യാപകര്‍ പ്രതിഷേധിക്കുകയും ചെയ്തു. വിഷയം ചര്‍ച്ച ചെയ്യാന്‍ വിദ്യാഭ്യാസ മന്ത്രി വി ശിവന്‍കുട്ടി വിളിച്ച യോഗത്തില്‍ സമവായമാകാഞ്ഞതിനെ തുടര്‍ന്നാണ് പ്രതിഷേധം.

 

ഹൈക്കോടതി നിര്‍ദ്ദേശത്തെ തുടര്‍ന്നാണ് അധ്യയന ദിവസം വര്‍ദ്ധിപ്പിക്കാന്‍ സര്‍ക്കാര്‍ തീരുമാനിച്ചത്. ഇതിനായി 25 ശനിയാഴ്ചകളില്‍ പ്രവര്‍ത്തിദിനമാക്കി വിദ്യാഭ്യാസ കലണ്ടറും പ്രസിദ്ധീകരിച്ചു. എന്നാല്‍, തങ്ങളുടെ അവധി കവര്‍ന്നെടുക്കാന്‍ അനുവദിക്കില്ലെന്ന ഉറച്ച തീരുമാനത്തിലാണ് അധ്യാപകര്‍. മുതല്‍ എട്ടു വരെ ക്ലാസുകളില്‍ പ്രവൃത്തി ദിനം 200 ആക്കുന്നത് പരിഗണിക്കാമെന്ന് മന്ത്രി പറഞ്ഞെങ്കിലും പ്രതിഷേധക്കാര്‍ അയഞ്ഞില്ല. മന്ത്രി വിളിച്ച ചര്‍ച്ച പ്രഹസമാണെന്നായിരുന്നു കേരള പ്രദേശ് സ്‌കൂള്‍ ടീച്ചേഴ്സ് അസോസിയേഷന്റെ പ്രതികരണം.

 

അധ്യയനസമയം സംബന്ധിച്ച വിദ്യാഭ്യാസ അവകാശ നിയമത്തിലെ വ്യവസ്ഥക്ക് വിരുദ്ധമായാണ് വിദ്യാഭ്യാസ കലണ്ടര്‍ തയാറാക്കിയതെന്നാണ് സംഘടനകളുടെ ആക്ഷേപം. അധ്യയന ദിവസം കൂട്ടുന്നതിനെതിരെ വിദ്യാര്‍ത്ഥി സംഘടകളോ രക്ഷിതാക്കളോ ഇതുവരെ രംഗത്തെത്തിയിട്ടില്ല. അധ്യാപകരുടെ സമരം ജനങ്ങളോടുള്ള വെല്ലുവിളിയാണെന്നാണ് സര്‍ക്കാര്‍ നിലപാട്. ഉത്തരവാദിത്വം നിറവേറ്റാന്‍ അധ്യാപകര്‍ തയ്യാറാകണമെന്നും വിദ്യാഭ്യാസവകുപ്പ് പറയുന്നു.

Categories
Kasaragod Latest news main-slider top news

കേന്ദ്ര സർക്കാർ കുടുംബ സഹായ ഫണ്ട് പുനസ്ഥാപിക്കുക,വിധവാ പെൻഷൻ 3000 രൂപ ആക്കുക സിംഗിൾ വുമൺവെ ‘ൽ ഫെയർ അസോസിയേഷൻ

 

കാഞ്ഞങ്ങാട്:-കേന്ദ്രസർക്കാർ നിർത്തലാക്കിയ കുടുംബ സഹായ ഫണ്ട് പുനസ്ഥാപിക്കണമെന്നും കുടിശ്ശിക അനുവദിക്കണമെന്നും,വിധവ പെൻഷൻ 3000 ആകണമെന്നും കാഞ്ഞങ്ങാട് നടന്ന സിംഗിൾ വുമൺ വെൽഫെയർ അസോസിയേഷൻജില്ലാ കൺവെൻഷൻ ആവശ്യപ്പെട്ടു.കുന്നുമ്മൽ എൻഎസ്എസ് ഹാളിൽ നടന്നുയോഗം സംസ്ഥാന ജോയിൻ സെക്രട്ടറി പി.വി.ശോഭന ഉദ്ഘാടനം ചെയ്തു. കെ.സുജാത അധ്യക്ഷത വഹിച്ചു.വി വി പ്രസന്നകുമാരി,കെ വി ലക്ഷ്മി,ടിവി പത്മിനി, എം.ചന്ദ്രാവതി,ശാരദ എസ് നായർ, കെ.ജയശ്രീ,ഗീത പനയാൽ, പി.ഉഷഎന്നിവർ സംസാരിച്ചു

ജില്ലാ സെക്രട്ടറിദേവി രവീന്ദ്രൻ സ്വാഗതം പറഞ്ഞു

Categories
Kasaragod Latest news main-slider top news

അലുമിനിയം വില വർദ്ധനയിൽ ലേബർ കോൺട്രാക്ട് അസോസിയേഷൻ  പ്രതിഷേധിച്ചു

 

കാഞ്ഞങ്ങാട്:-അലുമിനിയം മെറ്റീരിയലുകളുടെയും,അനുബന്ധസാധനങ്ങളുടെയും അടിക്കടി ഉണ്ടാകുന്ന വിലവർദ്ധനവിൽ അലുമിനിയം ലേബർകോൺട്രാക്ട് അസോസിയേഷൻ ശക്തമായ പ്രതിഷേധം രേഖപ്പെടുത്തി.അസോസിയേഷൻ സംസ്ഥാന ഭാരവാഹിയോഗത്തിലാണ് പ്രതിഷേധം രേഖപ്പെടുത്തിയത്

വിലവർധനവ് ഈ മേഖലയുടെ നിലനിൽപ്പിനെ തന്നെ ബാധിക്കുകയാണെന്നും.വില വർദ്ധനവ് പിൻവലിക്കാൻ തയ്യാറാക്കാത്ത പക്ഷം ശക്തമായ സമര പരിപാടികളുമായിമുന്നോട്ടു പോകാൻ യോഗം തീരുമാനിച്ചു.യോഗത്തിൽ മൊയ്തു തോടന്നൂർ, സുരേഷ് പാത്തിപ്പാറ, ജയകുമാരൻ നന്ദിയോട്,ജോർജ് ജോസഫ്,തോമസ് ജോൺ, എൽദോസ്,പ്രേംകുമാർ,അബ്ദുൽ റഹിമാൻ എന്നിവർ സംസാരിച്ചു

 

.

Categories
Kasaragod Latest news main-slider top news

കാസർഗോഡ് ജില്ല മെഡിക്കൽ ഓഫീസിൽ നിന്നും ഓഫീസ് അറ്റൻറ്ററായി വിരമിച്ച എം.രഘുനാഥിന് യാത്രയയപ്പ് നൽകി  

 

കാസർഗോഡ് ജില്ല മെഡിക്കൽ ഓഫിസിൽ നിന്നും മെയ് മാസം മുപ്പത്തിയൊന്നാം തീയതി റിട്ടയർ ചെയ്ത എം.രഘുനാഥിന്

കാസർഗോഡ് ജില്ല കെ .ജി എച്ച് .എം .ഒ. എ യാത്രയയപ്പ് നല്കി .കാഞ്ഞങ്ങാട് രാജ റസിഡൻസിയിൽ വെച്ച് നടത്തിയ പരിപാടിയിൽ

കാസർഗോഡ് ജില്ല കെ. ജി എച്ച് .എം .ഒ. എ .പ്രസിഡൻറ്

ഡോ രതീഷ് പി അധ്യക്ഷത വഹിച്ചു .കാസർഗോഡ് ജില്ലാ മെഡിക്കലോഫീസർ

ഡോ. രേഷ്മ. എ.കെ പരിപാടി ഉദ്ഘാടനം ചെയ്തു .

കെ ജി എച്ച് എം ഒ. എ എക്സികുട്ടീവ് മെമ്പർ ഡോ.ശോഭ.കെ സ്വാഗതഭാഷണം നടത്തി .സ്റ്റേറ്റ് കമ്മിറ്റി മെമ്പർ ഡോ വിപിൻ രാജ് ,വൈസ്

പ്രസിഡൻറ് ഡോ .നാദിറ.എ

എക്സിക്യൂട്ടീവ് കമ്മിറ്റി മെമ്പർ

ഡോ സുജയ നായർ ,ഡോ അമ്പിളി.ബി, ഡോ.ബിജി

എന്നിവർ ആശംസ അറിയിച്ചു സംസാരിച്ചു. ട്രഷറർ ഡോ.ജാരിയ റഹ്മത്ത്

നന്ദി അറിയിച്ച് സംസാരിച്ചു .

2000 ൽ ഹോമിയോ വകുപ്പിൽ സർവീസിൽ പ്രവേശിച്ചു.കാസർഗോഡ് ജില്ല ഹോമിയോപ്പതിസ്റ്റാഫ് കോർഡിനേഷൻ കമ്മിറ്റിയുടെ നെടുംതൂണായി വളരെ കാലം പ്രവർത്തിച്ചു.2024 മെയ് 31 ന് ഡി.എം.ഒ. ഓഫീസിലെ ഒ.എ. ആയ ശ്രീ. രഘുനാഥൻ എം. സേവനത്തിൽ നിന്ന് വിരമിക്കുമ്പോൾ സംഭവബഹുലമായ ഒരു അധ്യായത്തിന്റെ കൂടി താൾ ഹോമിയോപ്പതി വകുപ്പിന്റെ ചരിത്രപുസ്തകത്തിൽ നിന്ന് മറിയുകയാണ്

ഡി.എം.ഒ ഓഫീസിന്റെ ആത്മാവും അച്ചുതണ്ടുമായിരുന്നു രഘുവേട്ടൻ. അവിടുത്തെ ഓരോ സ്പന്ദനത്തിലും അവദേഹം ഉണ്ട്. അവിടെയുള്ള ഓരോ രജിസ്റ്ററും ഫയലും പേപ്പറുമെല്ലാം കിടക്കുന്നത് പല അലമാരകളിലായാണെങ്കിലും, അവയോരോന്നും അടുക്കി അതതിന്റെ ക്രമത്തിൽ കിടക്കുന്ന വലിയൊരലമാരയാണ് രഘുവേട്ടന്റെ മനസ്സ്. എന്തും ഏതും അവ എത്ര പഴയതുമായിക്കൊള്ളട്ടെ, അദേഹത്തിൻ്റെ മനസ്സിലെ അലമാരയിൽ അധികമൊന്നും തപ്പാതെ തന്നെ ആവശ്യം വരുമ്പോൾ അത് പുറത്തേക്ക് വരും

ഔദ്യോഗികകാര്യങ്ങളിൽ മാത്രമല്ല മറ്റ് പല കാര്യങ്ങളിലും അദ്ദേഹത്തിന് താല്പര്യവും അവഗാഹമുണ്ടായിരുന്നു. മികച്ച വായനക്കാരൻ ആയ അദ്ദേഹം കണ്ണൂർ-കാസറഗോഡ് ജില്ലകളിലെ തെയ്യം എന്ന കലാരൂപത്തെയും അതുമായി ബന്ധപ്പെട്ട ചടങ്ങുകളെയും ഐതിഹ്യങ്ങളെയും തെയ്യം നടക്കുന്ന കാവുകളെയും ക്ഷേത്രങ്ങളെയും ഒക്കെ സംബന്ധിച്ച ഒരു എൻസൈക്ലോപീഡിയ തന്നെയായിരുന്നു. നാടകനടൻ എന്ന നിലയിൽ സവിശേശ്രദ്ധ നേടിയ അദ്ദേഹം പിന്നീട് സിനിമയിലുമെത്തി. കുറച്ച് സിനിമകളിലും ആൽബങ്ങളിലുമൊക്കെ അഭിനയിച്ചിരുന്നു; അവയിൽ ചിലത് ഉടൻ റിലീസ് ചെയ്യാൻ പോകുന്നുണ്ട്. കലാരംഗത്ത് ഒരു പുതിയ വാഗ്ദാനമായ അദ്ദേഹം സേവനത്തിൽ നിന്ന് വിരമിക്കുമ്പോൾ, പുറത്ത് അദ്ദേഹത്തെ ഇരുകൈകളും നീട്ടി സ്വീകരിക്കുവാൻ കലാലോകം കാത്തിരിക്കുന്നുണ്ട് എന്നത് ഏറെ സന്തോഷം നൽകുന്ന ഒരു കാര്യമാണ്.

Categories
Kasaragod Latest news main-slider top news

കാസർഗോഡ് ജില്ലാ ഓട്ടോറിക്ഷാ മസ്ദൂർ സംഘ് ബി എം എസ് ജില്ലാ കമ്മിറ്റിയുടെ നേതൃത്വത്തിൽ ക്ഷേമനിധി ഓഫീസ് മാർച്ചും,ധർണ്ണയും നടത്തി.

 

കാഞ്ഞങ്ങാട് – സ്ക്കൂൾ അധ്യായന വർഷത്തെ അംഗങ്ങളുടെ മക്കളുടെ പഠനോപകരണങ്ങൾ ഉടൻ വിതരണം ചെയ്യുക, ക്ഷേമനിധി അപാകതകൾ പരിഹരിക്കുക, ക്ഷേമനിധി ആനുകൂല്യങ്ങൾ കാലാനുസൃതമായി വർദ്ധിയ്പ്പിക്കുക തുടങ്ങി നിരവധി ആവശ്യങ്ങൾ ഉന്നയിച്ച് കൊണ്ടാണ് സംസ്ഥാന സർക്കാരിൻ്റെ കൊടും കാര്യസ്ഥതയ്ക്കെതിരെ ജില്ലാ ക്ഷേമനിധി ഓഫിസിലേക്ക് മാർച്ചും ധർണ്ണയും സംഘടിപ്പിച്ചത്.ധർണ്ണാ സമരം ബിഎംഎസ് ജില്ലാ സെക്രട്ടറി കെ.വി.ബാബു ഉദ്ഘാടനം ചെയ്തു.ജില്ലാ ഓട്ടോറിക്ഷാ മസ്ദൂർ സംഘം ജില്ലാ പ്രസിഡണ്ട് വിശ്വനാഥഷെട്ടി അദ്ധ്യക്ഷത വഹിച്ചു.ബി എം എസ് ജില്ലാ ജോയിൻ്റ് സെക്രട്ടറി സുനിൽ വാഴക്കോട്, ജില്ലാ ട്രഷറർ കുഞ്ഞിക്കണ്ണൻ ചാത്തങ്കൈ, ജില്ലാ പ്രവർത്തക സമിതി അംഗം എ.കേശവ, കുഞ്ഞിരാമൻ കാട്ടുകുളങ്ങര, കൃഷ്ണൻ ചേറ്റ് കുണ്ട് ,മനോജ് കല്യാണം, കുഞ്ഞി കണ്ണൻ അരയാലിൻങ്കിൽ,സദാശിവ മുള്ളേരിയ, ബാലകൃഷ്ണൻ സുര്യോദയം, എസ്.കെ.ഉമേശ്, പ്രസാദ് കാസർഗോഡ്, മോഹൻദാസ് അടുക്കത്ത് വയലിൽ, അരവിന്ദ് കാസർഗോഡ്, ജയന്ത മുള്ളേരിയ എന്നിവർ പ്രസംഗിച്ചു.ഓട്ടോറിക്ഷാ യുണിയൻ ജില്ലാ സെക്രട്ടറി ഭരതൻകല്യാൺ റോഡ് സ്വാഗതവും, ജില്ലാ ജോ. സെക്രട്ടറി പ്രഭാ ശങ്കർ നന്ദിയും പറഞ്ഞു.

Back to Top