Category: top news

ശബരിമല അയ്യപ്പസേവാസമിതി കാസർഗോഡ് ജില്ലാ സമ്മേളനം കാഞ്ഞങ്ങാട് മഹാകവി പി സ്മാരക മന്ദിരത്തിൽ സംഘടിപ്പിച്ചു.ശിവഗിരി മഠo സ്വാമി പ്രേമാനന്ദ സമ്മേളനം ഉദ്ഘാടനം ചെയ്തു.ജില്ലാ കമ്മിറ്റി പ്രസിഡണ്ട് ടി. കുഞ്ഞിരാമൻ വെള്ളിക്കോത്ത് അദ്ധ്യക്ഷത വഹിച്ചു. ജില്ലാ കമ്മിറ്റി സെക്രട്ടറി അനീഷ് രാമചന്ദ്രൻ ,സംസ്ഥാന കമ്മിറ്റി ജനറൽ സെക്രട്ടറി പ്രകാശൻ പറമ്പൻ, ജില്ലാ കമ്മിറ്റി അംഗം ടി. രവി, ബാലകൃഷ്ണൻ സ്വാമി, രഘുനാഥൻ മണികണ്ഠ മ00 കുന്നുമ്മൽ, കൃഷ്ണൻ ഗുരുസ്വാമി, രജ്ഞ്ഞിത്ത് കൂത്തുപറമ്പ് ,ബാലൻ കണ്ണവം, രാധാകൃഷ്ണൻ മട്ടന്നൂർ, എന്നിവർ പ്രസംഗിച്ചു.

നീലേശ്വരം പള്ളിക്കര പാലേരെകീഴിൽ വിഷ്ണുമൂർത്തി ക്ഷേത്രം ദേശീയ പാത വികസനത്തിന്റെ ഭാഗമായി പൊളിച്ചു മാറ്റപ്പെടുന്നതിനാൽ പുതിയക്ഷേത്രം നിർമ്മിക്കുന്നതിനായി രൂപീകരിച്ചു പ്രവർത്തിക്കുന്ന കമ്മിറ്റിയുടെ ഓഫീസ് പള്ളിക്കരയിൽ തുറന്നു പ്രവർത്തനം ആരംഭിച്ച.

ഓഫിസിന്റെ ഉദ്ഘാടനം നീലേശ്വരം നഗരസഭ ചെയർപേഴ്സൻ   ടി വി ശാന്ത നിർവഹിച്ചു. കെ. ഗംഗാധ രൻ  ആധ്യക്ഷത വഹിച്ചു  നഗരസഭാ കൗൺസിലർ മാരായ പി കുഞ്ഞിരാമൻ, പി ശ്രീജ, കെ നാരായണൻ ക്ഷേത്ര കോയ്മ ചന്ദ്രശേഖരൻ, പി കുഞ്ഞി കൃഷ്ണൻ,വി വി. രമേശൻ എന്നിവർ ആശംസകൾ അർപ്പിച്ചു സംസാരിച്ചു. പി ദിനേശൻ സ്വാഗതവും പി. സുഭാഷ് നന്ദി യും പറഞ്ഞു.

ബേക്കൽ ഉപജില്ലാ സ്കൂൾ കലോത്സവം:ആൽത്തറക്കൂട്ടത്തിൻ്റെ പാർക്കിൽ കുട്ടിക്കൂട്ടത്തിൻ്റെ ആരവം

കാഞ്ഞങ്ങാട്: വെള്ളിക്കോത്ത് നടന്നു വരുന്ന ബേക്കൽ ഉപജില്ല സ്കൂൾ കലോത്സവത്തിൻ്റെ മൂന്നും അഞ്ചും വേദികളിലെത്തിയാൽ കലാപരിപാടികൾ ആസ്വദിക്കുന്നതിനൊപ്പം പാർക്കിലും സമയം ചെലവഴിക്കാം.
ഈ സാധ്യത കൂടി മനസിലാക്കിയിട്ടാകണം സ്‌റ്റേജിനങ്ങൾ തുടങ്ങിയതിന് ശേഷം പാർക്കിൽ കുട്ടിക്കൂട്ടത്തിൻ്റെ ആരവമാണ്. ഇന്ന് അവധി ദിവസമായതിനാൽ മറ്റു വേദികളിലെത്തിയവരും രാവിലെ മുതൽ കുട്ടികൾക്കൊപ്പം പാർക്കിലെത്തുന്നുണ്ട്. മൂന്നാം വേദിയായ യങ് മെൻസ് ക്ലബിലെ ചിലമ്പൊലി അഞ്ചാം വേദിയായ നെഹ്റു ബാലവേദി സർഗവേദിക്ക് സമീപത്തെ ശംഖൊലി എന്നിവയ്ക്ക് സമീപമാണ് ഈ പാർക്ക് . വെള്ളിക്കോത്ത് മഹാകവി പി സ്മാരക ഗവ.വൊക്കേഷണൽ ഹയർസെക്കൻ്ററി സ്കൂളിലെ പൂർവ വിദ്യാർത്ഥി പ്രവാസി കൂട്ടായ്മയായ ആൽത്തറക്കൂട്ടമാണ് സ്കൂളിലെ എൽപി വിഭാഗത്തിന് സമീപം സുസജ്ജമായ പാർക്കൊരുക്കിയത്. 5 ലക്ഷം രൂപ ചിലവിലൊരുക്കിയ പാർക്കിൽ കുട്ടികൾക്കുള്ള ഊഞ്ഞാൽ, സ്ലൈഡർ, എന്നിവയെല്ലാമുണ്ട്. ഇക്കഴിഞ്ഞ സ്വാതന്ത്ര്യദിനത്തിലാണ് പാർക്ക് തുറന്നത്. 2018ൽ ആറരലക്ഷം രൂപ ചിലവിൽ ആൽത്തറക്കൂട്ടം എൽപി വിഭാഗത്തിന് ശുചിമുറി സമുച്ചയവും നിർമിച്ചിരുന്നു. പാർക്കിന് സമീപം വി.വി.ശശിധരൻ്റെ നേതൃത്വത്തിൽ വെള്ളിക്കോത്ത് നെഹ്റു ബാലവേദി സർഗവേദി ഒരുക്കിയ ഓച്ചിറക്കളയുടെ പടുകൂറ്റൻ രൂപവും കലാസ്വാദകർക്ക് കൗതുകക്കാഴ്ചയൊരുക്കുന്നു. കലോത്സവത്തിൻ്റെ സമാപന ദിവസമായ ഇന്ന് കലോത്സവ നഗരിയിലെ 8 വേദികളിലേക്കും കാണികളുടെ ഒഴുക്കാണ്. ഉച്ചയ്ക്ക് വിപുലമായ സദ്യയും ഒരുക്കിയിട്ടുണ്ട്

ബേക്കൽ ഉപജില്ലാ സ്കൂൾ കലോത്സവം സമാപിച്ചു

കാഞ്ഞങ്ങാട്: വെള്ളിക്കോത്ത് 4 ദിവസം കൗമാരകലയുടെ ഉത്സവക്കാഴ്ചയൊരുക്കി ബേക്കൽ ഉപജില്ലാ സ്കൂൾ കലോത്സവം സമാപിച്ചു.
വെള്ളിക്കോത്ത് മഹാകവി പി സ്മാരക ഗവ.വൊക്കേഷണൽ ഹയർസെക്കൻ്ററി സ്കൂളിലെ പ്രധാന വേദിയിലും സമീപത്തെ 7 വേദികളിലുമായാണ് മത്സരങ്ങൾ നടന്നത്. സമാപന സമ്മേളനം ജില്ലാ പഞ്ചായത്ത് പ്രസിഡൻ്റ് ബേബി ബാലകൃഷ്ണൻ ഉദ്ഘാടനം ചെയ്തു. സംഘാടക സമിതി ചെയർപേഴ്സൺ അജാനൂർ പഞ്ചായത്ത് പ്രസിഡൻ്റ് ടി.ശോഭ അധ്യക്ഷത വഹിച്ചു.സംസ്ഥാന സ്കൂൾ തെയ്ക്കോൺഡോ ചാമ്പ്യൻഷിപ്പിലെ വിജയികളെ അനുമോദിച്ചു. ഉദുമ പഞ്ചായത്ത് പ്രസിഡൻ്റ് പി.ലക്ഷ്മി, അജാനൂർ പഞ്ചായത്ത് വൈസ് പ്രസിഡൻ്റ് കെ.സബീഷ്, സ്റ്റാൻ്റിങ്ങ് കമ്മിറ്റി ചെയർപേഴ്സൺമാരായ ഷീബ ഉമ്മർ, കെ.മീന, കാഞ്ഞങ്ങാട് ബ്ലോക്ക് പഞ്ചായത്തംഗം എം.ജി.പുഷ്പ, അജാനൂർ പഞ്ചായത്തംഗം കെ.ബാലകൃഷ്ണൻ, ജില്ലാ വ്യവസായ കേന്ദ്രം ജനറൽ മാനേജർ കെ. സജിത്കുമാർ ബേക്കൽ എഇഒ, പി.കെ.സുരേശൻ, ഐടി അറ്റ് സ്കൂൾ കോ- ഓർഡിനേറ്റർ രാജേഷ് കുമാർ, ബേക്കൽ ബിപിസി, കെ.എം.ദിലീപ് കുമാർ, വെള്ളിക്കോത്ത് മഹാകവി പി സ്മാരക ജിവിഎച്ച്എസ്എസ്സ്എസ്എസ് പിടിഎ പ്രസിഡൻ്റ് കെ ജയൻ, മദർ പിടിഎ പ്രസിഡൻ്റ് വി.വി.തുളസി എന്നിവർ പ്രസംഗിച്ചു. സംഘാടക സമിതി ജനറൽ കൺവീനറും സ്കൂൾ പ്രധാനധ്യാപികയുമായ സരള ചെമ്മഞ്ചേരി സ്വാഗതവും പ്രോഗ്രാം കമ്മിറ്റി കൺവീനർ രാജേഷ് സ്കറിയ നന്ദിയും പറഞ്ഞു.