Category: main-slider

ബളാൽ: മാലോം മഹാത്മാഗാന്ധി ചാരിറ്റബിൾ ട്രസ്റ്റ് അതിഥ്യം വഹിക്കുന്ന തളിർ 2023 ഉത്തര മലബാർ കാർഷിക മേള നാലാം വർഷവും വിവിധ പരിപാടികളോടെ മാലോംമഹാത്മാഗാന്ധി നഗറിൽ 2023 ജനുവരി 7 മുതൽ 15 വരെ നടത്തപ്പെടുകയാണ്. കാർഷിക മേളയോട് അനുബന്ധിച്ച് കാർഷിക നടീൽ വസ്തുക്കൾ, പുഷ്പ ഫലങ്ങൾ, കരകൗശലവസ്തുക്കൾ, തുടങ്ങിയവയുടെ പ്രദർശനങ്ങൾ – അക്വാഷോ, പെറ്റ് ഷോ, ഇൻഫർമേഷൻ സ്റ്റാളുകൾ, വിൽപന സ്റ്റാളുകൾ, ഫുഡ് കോർട്ട്, കൂടാതെ അമ്യൂസ്മെന്റ് ഇനങ്ങളായ മരണക്കിണർ , ജൈന്റ് വീൽ , ഡ്രാഗൺ , ബ്രേക്ക് ഡാൻസ് , ചിൽഡ്രൻസ് ട്രെയിൻ സുപ്പർ കംബർ സ്പെയിസ് ഗൺ, മിസ്റ്റിക് സോ സർ, നെറ്റ് വാക്ക്, ഡാൻസിംഗ് കാർ, ജംബിംഗ് ഫ്രോഗ് കോൺ വോയ്, ജംപിങ്ങ് ഹോഴ്സ് , കാസിൽ ജറ്റ്, തുടങ്ങി നിരവധി അമ്യൂസ്മെന്റ് ഇനങ്ങൾ ഉൾപ്പെടുത്തി മലയോര മേഖലയിലെ ജനങ്ങൾക്ക് വിജ്ഞാനവും വിനോദവും പ്രദാനം ചെയ്യുന്ന തളിർ 2023 ഉത്തര മലബാർ കാർഷിക മേള 2023 ജനുവരി 7 മുതൽ 15 വരെ നടത്താൻ തീരുമാനിച്ചു
മഹാത്മാ ഗാന്ധി ചാരിറ്റബിൾ ട്രസ്റ്റ് ചെയർമാൻ ശ്രീ രാജു കട്ടക്കയം ചെയർമാനും ട്രസ്റ്റ് സെക്രട്ടറി ആൻഡ്രൂസ് വട്ടക്കുന്നേൽ ജനറൽ കൺവീനറും ജോബി കാര്യാ വിൽ ട്രഷറുമായ 201 അംഗ സംഘാടക സമിതിക്ക് രൂപം നൽകി. യോഗത്തിൽ ശ്രീമതി എം.രാധാമണി, ഷോബി ജോസഫ് , രേഖ സി. അലക്സ് നെടിയകാല , പത്മാവ മതി എം. ദേവസ്യ തറപ്പേൽ പി.സി. രഘുനാഥൻ, ബിൻ സി ജെയിൻ, മോൻസിജോയി, ജെസി ടോമി, വിഷ്ണു കെ, ശ്രീജ രാമ ചന്ദ്രൻ . ബിനു . കെ.ആർ സന്ധ്യ ശിവൻ, അജിത എം. ഹരീഷ് പി.നായർ , എം.പി. ജോസഫ്, ദിനേശൻ നാട്ടക്കൽ, കെ.ഡി. മോഹനൻ , ജോയി മൈക്കിൾ , രമണി.കെ.എസ്, സണ്ണി പൈക്ക ട , സാനി വി.ജോസഫ്, എൻ.ഡി. വിൻസെന്റ്, ജാൻസി ടോമി ,ജോസ് തോമസ് തുടങ്ങിയവർ പ്രസംഗിച്ചു.

ഇരുചക്ര വാഹനങ്ങളില്‍ രണ്ട് ഹെല്‍മെറ്റ് നിര്‍ബന്ധം; കര്‍ശന പരിശോധനയുമായി മോട്ടോര്‍ വാഹന വകുപ്പ്

കാസര്‍കോട്: കാസര്‍കോട് ജില്ലയില്‍ അപകടങ്ങളില്‍പ്പെടുന്ന വാഹനങ്ങളില്‍ ഇരുചക്രവാഹന യാത്രക്കാരുടെ മരണനിരക്ക് ക്രമാതീതമായി കൂടുന്ന സാഹചര്യത്തിലാണ് ആര്‍.ടി.ഒ എന്‍ഫോഴ്‌സ്‌മെന്റ് രണ്ട് ഹെല്‍മറ്റ് നിയമം കര്‍ശനമാക്കിയത് ഒക്ടോബര്‍, നവംബര്‍ മാസങ്ങളിലായി 1230 പിലിയണ്‍ ഹെല്‍മെറ്റ് കേസുകളും, 1005 റെയ്ഡര്‍ കേസുകളും രജിസ്റ്റര്‍ ചെയ്തു.ഇരുചക്ര വാഹനങ്ങളില്‍ ഡ്രൈവറും യാത്രക്കാരനും നിര്‍ബന്ധമായും ഹെല്‍മെറ്റ് ധരിക്കണമെന്ന് മോട്ടോര്‍ വാഹന ചട്ടം സെക്ഷന്‍ 129 നിഷ്‌കര്‍ഷിച്ചിട്ടുണ്ട്. എന്‍ഫോഴ്‌സ്‌മെന്റ് ഓഫീസര്‍മാര്‍ ഇ-ചലാന്‍ ക്യാമറയും, ഇന്റര്‍സെപ്ടര്‍ ക്യാമറയും വഴിയാണ് കേസുകള്‍ രജിസ്റ്റര്‍ ചെയ്യുന്നത്. വാഹന ഉടമയുടെ രജിസ്റ്റര്‍ ചെയ്ത മൊബൈല്‍ നമ്പറില്‍ ചലാന്‍ രജിസ്റ്റര്‍ ചെയ്തതിന്റെ സന്ദേശം വാഹന്‍ വഴി ഉടന്‍ ലഭ്യമാകും. 500 രൂപയാണ് പിഴയീടാക്കുന്നത്. രണ്ടുപേരും ഹെല്‍മറ്റ് ധരിച്ചില്ലെങ്കില്‍ ആയിരം രൂപയാണ് പിഴ. ഓണ്‍ലൈന്‍ ആയും പിഴയൊടുക്കാം. നിശ്ചിത കാലയളവിനുള്ളില്‍ പിഴയൊടുക്കാത്ത കേസുകള്‍ കോടതി നടപടികള്‍ക്കായി സമര്‍പ്പിക്കും.

കാഞ്ഞങ്ങാട്ട് കർഷക മാർച്ചും പിക്കറ്റിങ്ങും

കേന്ദ്ര സർക്കാരിൻ്റെ കർഷക വിരുദ്ധ നയങ്ങൾ ക്കെതിരെ സംയുക്ത കർഷക സമിതി കാഞ്ഞങ്ങാട്ട് ഇന്ന് രാവിലെ (26.11.22) നടത്തിയ പോസ്റ്റ് ഓഫീസ് പിക്കറ്റിങ് മുൻ അഴീക്കോട് എം.എൽ.എ. പ്രകാശൻ മാസ്റ്റർ ഉദ്ഘാടനം ചെയ്തു

യോഗത്തിൽ പി.ജനാർദ്ദനൻ, ബങ്കളം കുഞ്ഞികൃഷ്ണൻ, പി.ആർ ചാക്കോ , വിജയകുമാർ, ഹുസൈനാർ നുള്ളിപ്പാടി, പി.പി.രാജു അരയി, ജെയിംസ് മാരൂർ, ജോസ് കാക്കക്കൂടുങ്കൽ എന്നിവർ പ്രസംഗിച്ചു.

കോട്ടച്ചേരിയിൽ നിന്ന് പുതിയോട്ട പോസ്റ്റ് ഓഫീസ് വരെ കർഷക മാർച്ചും ഉണ്ടായിരുന്നു

പ്രാദേശിക സാമ്പത്തിക വികസനത്തിന് തദ്ദേശ സ്വയം ഭരണ സ്ഥാപനങ്ങൾ ഊന്നൽ നൽകണമെന്ന് മന്ത്രി എം ബി രാജേഷ് പടന്നക്കാട് കാർഷിക കോളേജ് ഓഡിറ്റോറിയത്തിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

നവകേരള തദ്ദേശകം 20
ജില്ലയിലെ തദ്ദേശ സ്വയം ഭരണ സ്ഥാപനങ്ങളുടെ പ്രവർത്തന അവലോകനം തദ്ദേശ സ്വയം ഭരണവും എക്സൈസും വകുപ്പ് മന്ത്രി എം.ബി.രാജേഷ്
പടന്നക്കാട് കാർഷിക കോളേജ് ഓഡിറ്റോറിയത്തിൽ ഉദ്ഘാടനം ചെയ്തു.
പ്രാദേശിക സാമ്പത്തിക വികസനത്തിന് തദ്ദേശ സ്വയം ഭരണ സ്ഥാപനങ്ങൾ ഊന്നൽ നൽകണമെന്ന് മന്ത്രി എം ബി രാജേഷ് പറഞ്ഞു.

പുല്ലൂർ : പള്ളയിൽ കണ്ണച്ഛൻ ദേവസ്ഥാനം കളിയാട്ടം ഡിസംബർ രണ്ട് മുതൽ ആറ് വരെ തിയ്യതികളിൽ നടക്കും. രണ്ടിന് രാവിലെ 10 ന് കലവറനിറയ്ക്കൽ, മൂന്നിന് രാത്രി ഏഴിന് ആധ്യാത്മിക പ്രഭാഷണം., രാത്രി ഒമ്പതിന് വിവിധ തെയ്യങ്ങളുടെ കുളിച്ചു തോറ്റം രാത്രി 10 ന് കാലിച്ചാൻ ദൈവത്തിന്റെ പുറപ്പാട്, 11ന് ശ്രീഭൂതം, 12 ന് രക്തജാതൻ ഈശ്വരന്റെ പുറപ്പാട് നാലിന് രാവിലെ 11 ന് അടുക്കത്ത് ചാമുണ്ഡിയമ്മയുടെ പുറപ്പാട്, 12.30 ന് വിഷ്ണുമൂർത്തിയുടെ പുറപ്പാട്, വൈകിട്ട് മൂന്നിന് മുളവന്നൂർ ഭഗവതിയുടെ പുറപ്പാട്, ഏഴിന് തിരുവാതിര, അഞ്ചിന് രാവിലെ 11 ന് വിവിധ തെയ്യങ്ങൾ അരങ്ങിലെത്തും. രാത്രി ഏഴിന് കുന്നുമ്മൽവിഷ്ണുമൂർത്തി ദേവസ്ഥാന ഭജന സമിതിയുടെ ഭജന, ആറിന് രാവിലെ 11 നും വിവിധ തെയ്യങ്ങൾഅരങ്ങിലെത്തും. ഉച്ചയ്ക്ക് ഒന്നിന് അന്നദാനവും നടക്കും വൈകിട്ട് മൂന്നിന് മുളവന്നൂർഭഗവതിയമ്മയുടെ പുറപ്പാട് വൈകിട്ട് ആറിന് വിളക്കരിയോടെ കളിയാട്ടം സമാപിക്കും.