Categories
Latest news main-slider Sports

ടി-20 ലോകകപ്പ് 2024 ഇന്ത്യന്‍ ടീമിനെ പ്രഖ്യാപിച്ചു.15 അംഗ ടീമിനെ രോഹിത് ശര്‍മ്മ നയിക്കും. മലയാളി താരം സഞ്ജു സാംസൺ ടീമിൽ

ടി-20 ലോകകപ്പ് 2024 ഇന്ത്യന്‍ ടീമിനെ പ്രഖ്യാപിച്ചു.15 അംഗ ടീമിനെ രോഹിത് ശര്‍മ്മ നയിക്കും. മലയാളി താരം സഞ്ജു സാംസണും ടീമിലുണ്ട്. ഇന്ന് പ്രഖ്യാപിച്ച ടീമില്‍ വിക്കറ്റ് കീപ്പറായിട്ടാണ് സഞ്ജുവെത്തിയത്. സഞ്ജുവിനൊപ്പം റിഷഭ് പന്തും ടീമിലിടം നേടിയപ്പോള്‍ കെ എല്‍ രാഹുലിന് സ്ഥാനം നഷ്ടമായി. ഹാര്‍ദിക് പാണ്ഡ്യയാണ് ടീമിന്റെ വൈസ് ക്യാപ്റ്റന്‍.

ടീം: രോഹിത് ശര്‍മ (ക്യാപ്റ്റന്‍), ഹാര്‍ദിക് പാണ്ഡ്യ (വൈസ് ക്യാപ്റ്റന്‍), യശസ്വി ജയ്‌സ്വാള്‍, വിരാട് കോഹ്‌ലി, സൂര്യകുമാര്‍ യാദവ്, ഋഷഭ് പന്ത് , സഞ്ജു സാംസണ്‍, ശിവം ദുബെ, രവീന്ദ്ര ജഡേജ, അക്‌സര്‍ പട്ടേല്‍, കുല്‍ദീപ് യാദവ്, യുസ്‌വേന്ദ്ര ചാഹല്‍ , അര്‍ഷ്ദീപ് സിംഗ്, ജസ്പ്രീത് ബുംറ, മുഹമ്മദ് സിറാജ്.

ഋഷഭ് പന്തിനൊപ്പം രണ്ടാം വിക്കറ്റ് കീപ്പറായാണ് സഞ്ജു ടീമിലിടം നേടിയിരിക്കുന്നത്. അങ്ങനെ മലയാളിത്തിളക്കമുള്ള ഒരു ലോകകപ്പ് കൂടി കാണാൻ അവസരമൊരുങ്ങിയിരിക്കുകയാണ് കേരളീയർക്ക്. ഇഷാൻ, കിഷൻ, കെ.എൽ. രാഹുൽ, ദിനേഷ് കാർത്തിക്, ജിതേഷ് ശർമ, ധ്രുവ് ജുറേൽ എന്നിവരെ മറികടന്നാണ് സഞ്ജു ടീമിൽ ഇരിപ്പുറപ്പിച്ചിരിക്കുന്നത്.

ഐ.പി.എൽ. നടപ്പു സീസണിലെ പ്രകടനംതന്നെയാണ് സഞ്ജുവിനെ പരിഗണിച്ചതിൻ്റെ പ്രധാന കാരണം. ഒൻപത് കളിയിൽനിന്ന് എട്ട് ജയവും ഒരു തോൽവിയുമായി പോയിൻ്റ് പട്ടികയിൽ ഒന്നാമതാണ് രാജസ്ഥാൻ. സഞ്ജു സാംസന്റെ വ്യക്തിഗത മികവിന്റെയും നേതൃപാടവത്തിന്റെയും വിജയമായിട്ടാണ് ഇതിനെ കണക്കാക്കുന്നത്.

ഇപ്പോൾ നടന്നു കൊണ്ടിരിക്കുന്ന ഐ പി എൽ മത്സരങ്ങളിൽ ഒമ്പത് കളികളിൽ നിന്നായി 385 റൺസ് നേടി ഓറഞ്ച് ക്യാപ് പട്ടികയിൽ ആറാമതായി സഞ്ജുവുണ്ട്. 398 റൺസോടെ ഋഷഭ് പന്ത് നാലാമതുണ്ടെങ്കിലും 11 കളികളിൽനിന്നാണ് ഈ നേട്ടം. അതേസമയം, ഒൻപത് കളിയിൽ 378 റൺസോടെ കെ.എൽ. രാഹുൽ ഏഴാമതുമുണ്ട്. പുറത്താവാതെ നേടിയ 82 റൺസ് ഉൾപ്പെടെ നാല് അർധ സെഞ്ചുറികൾ ചേർന്നതാണ് സഞ്ജുവിൻ്റെ ഇന്നിങ്സ്. ഒന്നാം സ്ഥാനത്തുള്ള വിരാട് കോലിയേക്കാൾ ആവറേജിലും സ്ട്രൈക്ക് റേറ്റിലും മുന്നിൽ. ആദ്യ പത്തിൽ സഞ്ജുവിനേക്കാൾ സ്ട്രൈക്ക് റേറ്റുള്ളത് ട്രാവിസ് ഹെഡിനും സുനിൽ നരെയ്നും മാത്രം.

 

Categories
Kasaragod Latest news main-slider Sports

ജില്ലാ സബ്ജൂനിയർ ഹോക്കി ടീമിന്റെ പരിശീലന ക്യാമ്പ് രാജപുരം ഹോളി ഫാമിലി സ്കൂൾ ഗ്രൗണ്ടിൽ സമാപിച്ചു .

ഒമ്പതാമത് കേരള സംസ്ഥാന ഹോക്കി ചാമ്പ്യൻഷിപ്പിനായി ഉള്ള കാസർഗോഡ് ജില്ലാ സബ്ജൂനിയർ ഹോക്കി ടീമിന്റെ കഴിഞ്ഞ രണ്ടു ദിവസങ്ങളിലായി നടന്നുവന്ന പരിശീലന ക്യാമ്പ് രാജപുരം ഹോളി ഫാമിലി സ്കൂൾ ഗ്രൗണ്ടിൽ സമാപിച്ചു . കാസർഗോഡ് ഹോക്കി സെക്രട്ടറി എം ടി മുബാറക്ക് മാസ്റ്ററും, ശ്രീകാന്ത് പനത്തടിയുടെയും പരിശീലന പരിപാടിക്ക് തുടക്കമിട്ടു.

മെയ് 2 മുതൽ തലശേരിയിലാണ് സംസ്ഥാന സബ് യൂണിയൻ ആൻ,പെൺകട്ടികളുടെയും ഹോക്കി ചാമ്പ്യൻഷിപ്പ് നടക്കുന്നത്.

പരിശീലന പരിപാടികൾക്ക് ശേഷം വൈകുന്നേരം പ്രശസ്ത പേഴ്സണാലിറ്റി ഡെവലപ്പ്മെന്റ്  ട്രയിനറും മോട്ടിവേഷൻ സ്പീക്കറുമായ സിനോ പി. കെ കുട്ടികളുമായി സംവദിക്കുകയും ആവശ്യമായ നിർദ്ദേശങ്ങൾ നൽകുകയും ചെയ്തു.

ദേശീയതലത്തിൽ തന്നെ ആദ്യമായായിരിക്കും ഒരു കായിക ടീം പരിശീലന പരിപാടിയിൽ മയക്കുമരുന്നുകളുടെ ഉപയോഗത്തിനും, സോഷ്യൽ മീഡിയ ഉപയോഗവുമായി ബന്ധപ്പെട്ടു ബോധവൽകരണക്ലാസ് സംഘടിപ്പിക്കുന്നതെന്ന് സംഘാടകർ പറഞ്ഞു.

അവസാന ദിവസമായ ഇന്ന് ഉച്ചയോടു കൂടി മൈതാന പരിശീലനം അവസാനിപ്പിക്കുകയും സംഗീത് ബാബു, മൈക്കിൾ എന്നിവരുടെ നേതൃത്വത്തിൽ താമസസ്ഥലമായ ജോയ്സ് ഹോം സ്റ്റേയിൽ വച്ച് കുട്ടികൾക്ക് വിശദമായ മാർഗ്ഗനിർദ്ദേശങ്ങൾ നൽകുകയും ചെയ്തു. പ്രസിഡന്റ്  രാമകൃഷ്ണൻ മാസ്റ്ററുടെയും കാസർഗോഡ് ഒളിമ്പിക് അസോസിയേഷൻ പ്രസിഡന്റ്  അച്യുതൻ മാസ്റ്ററുടെയും മേൽനോട്ടത്തിൽ ആയിരുന്നു ക്യാമ്പ് സംഘടിപ്പിച്ചത്.

പ്രജിത്ത് എളംബച്ചി, മാജി ജോസഫ് മാങ്ങോട്, നീതു രാജപുരം, അഡ്വക്കേറ്റ് പികെ ബിജു എന്നിവർ പരിശീലന പരിപാടിക്ക് ആശംസകൾ അറിയിച്ചു

 

Categories
Latest news main-slider Sports

ടി20 ചരിത്രത്തിലെ റെക്കോര്‍ഡ് ചെയ്‌സ്, ചരിത്രവിജയം സ്വന്തമാക്കി പഞ്ചാബ് കിങ്‌സ്

കൊല്‍ക്കത്ത: ഇന്ത്യന്‍ പ്രീമിയര്‍ ലീഗില്‍ ചരിത്രവിജയം സ്വന്തമാക്കി പഞ്ചാബ് കിങ്‌സ്. ഈഡന്‍ ഗാര്‍ഡന്‍സില്‍ കൊല്‍ക്കത്തയ്‌ക്കെതിരെ നടന്ന മത്സരത്തില്‍ എട്ട് വിക്കറ്റിനാണ് പഞ്ചാബ് വിജയം പിടിച്ചെടുത്തത്. കൊല്‍ക്കത്ത ഉയര്‍ത്തിയ 262 റണ്‍സെന്ന കൂറ്റന്‍ വിജയലക്ഷ്യം എട്ട് പന്തുകള്‍ ബാക്കിനില്‍ക്കേ പഞ്ചാബ് മറികടന്നു. ടി20 ചരിത്രത്തിലെ റെക്കോര്‍ഡ് ചെയ്‌സാണിത്.

ഇന്ത്യന്‍ പ്രീമിയര്‍ ലീഗിന്റെ ചരിത്രത്തില്‍ തന്നെ ഇങ്ങനെയൊരു മത്സരം ഇതാദ്യമാണ്. കൊല്‍ക്കത്ത നൈറ്റ് റൈഡേഴ്‌സും പഞ്ചാബ് കിങ്‌സും തമ്മിലുള്ള മത്സരമാണ് ഓപ്പണര്‍മാരുടെ വെടിക്കെട്ടിലൂടെ ചരിത്രത്തില്‍ ഇടം നേടിയത്. ഇരുടീമുകളുടെയും ഓപ്പണര്‍മാര്‍ അര്‍ദ്ധ സെഞ്ച്വറി നേടിയ ആദ്യ ഐപിഎല്‍ മത്സരമാണ് ഇന്ന് നടന്ന കൊല്‍ക്കത്ത- പഞ്ചാബ് പോരാട്ടം. കൊല്‍ക്കത്തയുടെ ഓപ്പണര്‍മാരായ ഫില്‍ സാള്‍ട്ടും സുനില്‍ നരെയ്നും പഞ്ചാബിന്‍റെ ഓപ്പണര്‍മാരായ പ്രഭ്സിമ്രാന്‍ സിങ്ങും ജോണി ബെയര്‍സ്റ്റോയും അര്‍ദ്ധ സെഞ്ച്വറി തികച്ചു.

ഈഡനില്‍ ടോസ് നഷ്ടപ്പെട്ട് ബാറ്റിങ്ങിനിറങ്ങിയ കൊല്‍ക്കത്ത നിശ്ചിത 20 ഓവറില്‍ ആറ് വിക്കറ്റ് നഷ്ടത്തില്‍ 261 റണ്‍സ് അടിച്ചെടുത്തു. അര്‍ദ്ധ സെഞ്ച്വറി നേടിയ ഫില്‍ സാള്‍ട്ട് (75), സുനില്‍ നരെയ്ന്‍ (71) എന്നിവരുടെ വെടിക്കെട്ട് ഇന്നിങ്സാണ് കൊല്‍ക്കത്തയ്ക്ക് കരുത്തായത്. മറുപടി ബാറ്റിങ്ങില്‍ 18.4 ഓവറില്‍ രണ്ട് വിക്കറ്റ് നഷ്ടത്തില്‍ 262 റണ്‍സ് നേടിയാണ് പഞ്ചാബ് വിജയം പിടിച്ചെടുത്തത്. ജോണി ബെയര്‍സ്‌റ്റോയുടെ (48 പന്തില്‍ പുറത്താവാതെ 108) വെടിക്കെട്ട് സെഞ്ച്വറിയാണ് പഞ്ചാബിനെ വിജയത്തിലേക്ക് നയിച്ചത്.

കൂറ്റന്‍ സ്‌കോറിന് മറുപടി പറയാനിറങ്ങിയ പഞ്ചാബിന് വെടിക്കെട്ട് തുടക്കമാണ് ലഭിച്ചത്. പവര്‍പ്ലേയില്‍ തന്നെ 93 റണ്‍സ് കൂട്ടിച്ചേര്‍ക്കാന്‍ പ്രഭ്‌സിമ്രാന്‍ സിങ്- ജോണി ബെയര്‍സ്‌റ്റോ സഖ്യത്തിന് സാധിച്ചു. പ്രഭ്‌സിമ്രാന്‍ 18 പന്തില്‍ അര്‍ദ്ധ സെഞ്ച്വറി തികച്ച് കൊല്‍ക്കത്തയെ ഞെട്ടിച്ചു. ആറാം ഓവറിലെ അവസാന പന്തില്‍ പ്രഭ്‌സിമ്രാനെ റണ്ണൗട്ടാക്കി സുനില്‍ നരെയ്‌നാണ് ഈ കൂട്ടുകെട്ട് തകര്‍ത്തത്. 20 പന്തില്‍ അഞ്ച് സിക്‌സും നാല് ബൗണ്ടറിയുമടക്കം 54 റണ്‍സെടുത്താണ് പ്രഭ്‌സിമ്രാന്‍ കൂടാരം കയറിയത്.

Categories
Kasaragod Latest news main-slider Sports

നാലാമത് കൃപേഷ് ശരത് ലാൽ മെമ്മോറിയൽ വോളി ബോൾ ട്രോഫി ഇന്ദിരാ ജീ അയ്യങ്കാവിന് 

കല്ല്യോട്ട് : നാലാമത് കൃപേഷ് -ശരത് ലാൽ മെമ്മോറിയൽ ട്രോഫി വോളി ബോൾ ചാമ്പ്യൻഷിപ്പിൽ ഇന്ദിരാ ജീ അയ്യങ്കാവ് ചാമ്പ്യന്മാരായി.

ഫൈനലിൽ വീർ സവർക്കാർ പൊള്ളക്കടയെയാണ് ഇന്ദിരാ ജീ അയ്യങ്കാവ് തോല്പിച്ചത്.

ഇന്ത്യൻ നേവിയുടെ ഫുൾ ടീമാണ് അയ്യങ്കാവിന് വേണ്ടി അണി നിരന്നത്.

സെമി ഫൈനലിൽ ഇന്ത്യൻ ആർമിയെ തറ പറ്റിച്ചു കൊണ്ടാണ് അയ്യങ്കാവ് ഫൈനലിൽ എത്തിയത്.

ഫൈനലിൽ ആദ്യ സെറ്റ് പൊള്ളക്കട വിജയിച്ചെങ്കിലും തുടർന്നുള്ള രണ്ട് സെറ്റുകൾ അതി ശക്തമായി തിരിച്ചു വന്നു കൊണ്ടാണ് നേവി പട അയ്യങ്കാവിന് കപ്പ്‌ നേടി കൊടുത്തത്.

Categories
Kasaragod Latest news main-slider Sports

ജില്ലാ ഹോക്കി ചാമ്പ്യൻഷിപ്പ് സബ്ജൂനിയർ ആൺ/പെൺ വിഭാഗങ്ങളിലും ഹോളി ഫാമിലി സ്കൂൾ രാജപുരം ജേതാക്കളായി.

രണ്ട് ദിവസങ്ങളിലായി രാജപുരം ഹോളി ഫാമിലി സ്കൂൾ ഗ്രൗണ്ടിൽ നടന്നു വന്ന ജില്ലാ ഹോക്കി ചാമ്പ്യൻഷിപ്പ് സമാപിച്ചു. ഹോക്കി അസോസിയേഷൻ ജില്ലാ പ്രസിഡന്റ് ശ്രീ രാമകൃഷ്ണൻ മാസ്റ്റർ അധ്യക്ഷത വഹിച്ച ചടങ്ങിൽ പ്രശസ്ത സിനിമാ താരം ശ്രീ കൂക്കൾ രാഘവൻ ഉദ്ഘാടനം ചെയ്ത് വിജയികൾക് സമ്മാനദാനവും ചെയ്തു. ഒളിമ്പിക് അസോസിയേഷൻ സെക്രട്ടറി ശ്രീ അച്യുതൻ മാസ്റ്റർ, ഹെഡ്മാസ്റ്റർ ശ്രീ ഒ എ എബ്രഹാം,ഡോ സിബി ലൂക്കോസ് ,മുബാറക് എം ടി, ശ്രീകാന്ത് പനത്തടി, സംഗീത് എന്നിവർ സംസാരിച്ചു.

സബ്ജൂനിയർ ആൺ കുട്ടികളുടെ വിഭാഗത്തിൽ രാജപുരം ഹോളി ഫാമിലി സ്കൂൾ, വി.കെ.എസ്. എച്ച്. എസ്. എസ് വരക്കാട്,ജി.സി.എസ്. ജി.എച്ച്. എസ്. എസ്. എളംമ്പച്ചി, സബ്ജൂനിയർ പെൺകുട്ടികളുടെ വിഭാഗത്തിൽ ഹോളി ഫാമിലി സ്കൂൾ രാജപുരം, വി.കെ.എസ്. എച്ച്. എസ്. എസ്. ജൂനിയർ ആൺകുട്ടികളുടെ വിഭാഗത്തിൽ വി.കെ.എസ്. എച്ച്.എസ്. എസ് വരക്കാട്. രാജപുരം ബറ്റാലിയൻ,ജി.സി.എസ്. ജി.എച്ച്.എസ്. എസ്. എളംമ്പച്ചി . എന്നിവർ യധാക്രമം ഒന്നും രണ്ടും മൂന്നും സ്ഥാനങ്ങൾ നേടി. ജൂനിയർ വിഭാഗത്തിൽ മികച്ച താരമായി വരക്കാട് സ്കൂളിലെ ലിതിൻ.പി. യും മികച്ച ഗോൾകീപ്പറായി എളംമ്പച്ചി സ്കൂളിലെ ഫഹദും. സബ്ജൂനിയർ ആൺ കുട്ടികളുടെ വിഭാഗത്തിൽ മികച്ച താരമായി രാജപുരം ഹോളി ഫാമിലി സ്കൂളിലെ എനോഷ് ബിജുവിനെയും,ഗോൾകീപ്പറായി എളംമ്പച്ചി സ്കൂളിലെ ലിവിൻദാസിനെയും എമർജിംഗ് പ്ലെയറായി വരക്കാട് സ്കൂളിലെ അതുൽ രാജിനെയും , പെൺ കുട്ടികളുടെ വിഭാഗത്തിൽ മികച്ച താരമായി വരക്കാട് സ്കൂളിലെ ശിഖയും,എമർജിംഗ് പ്ലെയറായി രാജപുരം ഹോളി ഫാമിലി സ്കൂളിലെ തീർത്ഥ സി യും, മികച്ച ഗോൾകീപ്പറായി രാജപുരം ഹോളി ഫാമിലി സ്കൂളിലെ ശ്രേയഗൗരിയേയും തിരഞ്ഞെടുത്തു.

Categories
Latest news main-slider Sports

പുതിയ ഐസിസി ടെസ്‌റ്റ് റാങ്കിങ്ങിൽ ഒന്നാം സ്‌ഥാനത്തേക്കുയർന്ന് ടീം ഇന്ത്യ. വൺ ഡേ, ട്വന്റി ക്രിക്കറ്റുകളിലും ഇന്ത്യ തന്നെ തലപ്പത്ത്

ധരംശാല: ഏറ്റവും പുതിയ ഐസിസി ടെസ്‌റ്റ് റാങ്കിങ്ങിൽ ഒന്നാം സ്‌ഥാനത്തേക്കുയർന്ന് ടീം ഇന്ത്യ. ഇംഗ്ലണ്ടിനെതിരെ അഞ്ച് മത്സരങ്ങൾ അടങ്ങിയ ടെസ്‌റ്റ് പരമ്പര 4-1ന് സ്വന്തമാക്കിയതോടെയാണ് ഓസ്‌ട്രേലിയയെ പിൻതള്ളി ഇന്ത്യ ഒന്നാം സ്‌ഥാനത്തേക്ക് കുതിച്ചത്. ഹൈദരാബാദിൽ നടന്ന പ്രഥമ ടെസ്‌റ്റിൽ തോൽവി അറിഞ്ഞതിനു ശേഷം, പരമ്പരയിലെ പിന്നീടുള്ള നാല് മത്സരങ്ങളും അനായാസമായി വിജയിച്ച് ഇന്ത്യ മികച്ച പോരാട്ടം കാഴ്ചവെക്കുകയായിരുന്നു. നിലവിൽ ഐ.സി.സി റാങ്കിംഗിൽ മൂന്നാമതുള്ള ഇംഗ്ലണ്ടിന് 111 പോയിന്റുണ്ട്. ലോക ടെസ്റ്റ‌് ചാംപ്യൻഷിപ് പോയിൻ്റ് ടേബിളിലും ഇന്ത്യയാണ് നിലവിലെ ഒന്നാം സ്ഥാനത്ത്. ഏകദിന, ട്വന്റി20 റാങ്കിങ്ങിലും ഇന്ത്യതന്നെയാണ് തലപ്പത്ത്. ഏകദിന ക്രിക്കറ്റ് റാങ്കിങ്ങിൽ ഇന്ത്യയ്ക്ക് 121 പോയിന്റും രണ്ടാമതുള്ള ഓസീസിന് 118 പോയിന്റുകളുമാണുള്ളത്. ട്വന്റി ക്രിക്കറ്റിൽ ഇന്ത്യയ്ക്ക് 266 പോയിന്റും ഇംഗ്ലണ്ടിന് 256 പോയിന്റുമുണ്ട്. കഴിഞ്ഞ വർഷം സെപ്റ്റംബർ മുതൽ 2024 ജനുവരി വരെ ക്രിക്കറ്റിലെ മൂന്നു ഫോർമാറ്റുകളിലും ഇന്ത്യയായിരുന്നു ഒന്നാമൻ. ദക്ഷിണാഫ്രിക്കയ്ക്കെതിരായ ടെസ്റ്റ് പരമ്പരയിൽ 1-1 ന്റെ സമനില വഴങ്ങിയതോടെയാണ് ഇന്ത്യ രണ്ടാം സ്ഥാനത്ത് പോയത്

Categories
Latest news main-slider Sports

അണ്ടർ 19 ലോകകപ്പിൽ ഓസ്ട്രേലിയയുടെ നാലാം കിരീടം, ഇന്ത്യക്ക് ഒരിക്കൽ കൂടി തോൽവി.

ബെനോനി: ഫൈനലിൽ ഓസ്ട്രേലിയയെ കീഴടക്കുക എന്ന ദൗത്യത്തിനു മുന്നിൽ ഇന്ത്യ ഒരിക്കൽ കൂടി തോൽവി സമ്മതിച്ചു. ലോക ടെസ്റ്റ് ചാംപ്യൻഷിപ്, ഏകദിന ലോകകപ്പ് എന്നിവയ്ക്കു ശേഷം അണ്ടർ 19 ലോകകപ്പിലാണ് ഇന്ത്യ ഓസീസിനു മുന്നിൽ വീണത്. കപ്പ് നിലനിർത്തുകയെന്ന ലക്ഷ്യവുമായി ഇറങ്ങിയ ഇന്ത്യയ്ക്കെതിരെ ഓസ്ട്രേലിയ നേടിയത് 79 റൺസിന്റെ മിന്നും വിജയം. ആദ്യം ബാറ്റു ചെയ്ത ഓസ്ട്രേലിയ ഏഴു വിക്കറ്റ് നഷ്ടത്തിൽ 254 റൺസെടുത്തപ്പോൾ ഇന്ത്യ 43.5 ഓവറിൽ 174 റൺസെടുത്തു പുറത്തായി. അണ്ടർ 19 ലോകകപ്പിൽ ഓസ്ട്രേലിയയുടെ നാലാം കിരീടമാണ് ദക്ഷിണാഫ്രിക്കയിലെ ബെനോനിയിൽ സ്വന്തമാക്കിയത്. 77 പന്തുകൾ നേരിട്ട് 47 റൺസെടുത്ത ആദർശ് സിങ്ങാണ് ഇന്ത്യയുടെ ടോപ് സ്കോറർ. ഓസ്ട്രേലിയയ്ക്കായി മഹ്‍ലി ബേഡ്മാൻ, റാഫ് മക്മിലൻ എന്നിവർ മൂന്നു വിക്കറ്റുകൾ വീതം വീഴ്ത്തി. ഇന്ത്യൻ നിരയിൽ മുരുകൻ അഭിഷേക് (46 പന്തിൽ 42), മുഷീർ ഖാൻ (33 പന്തിൽ 22), നമൻ തിവാരി (35 പന്തില്‍ 14) എന്നിവരാണ് ആദർശ് സിങ്ങിനെ കൂടാതെ രണ്ടക്കം കടന്ന ഇന്ത്യൻ ബാറ്റർമാർ

Categories
Kasaragod Latest news main-slider Sports

ദുബായിൽ നടന്ന റോ ഏഷ്യൻ പവർലിഫ്റ്റിംഗ് മത്സരത്തിൽ ജില്ലയിലെ മൂന്ന് പേർക്ക് സ്വർണം.

പാലക്കുന്ന് :  ദുബായിൽ നടന്ന റോ ഏഷ്യൻ പവർലിഫ്റ്റിംഗ് മത്സരത്തിൽ ജില്ലയിലെ മൂന്ന് പേർക്ക് സ്വർണം.

മാസ്റ്റേഴ്സ് വിഭാഗം 82.5 കിലോ കാറ്റഗറിയിൽ പ്രദീഷ് മീത്തൽ,75 കിലോയിൽ അനിൽ കുമാർ കിഴക്കുംകര, ജൂനിയർ 48 കിലോയിൽ ശ്രീഹരി മീത്തൽ എന്നിവർ ജേതാക്കളായി.മൂവരും കാഞ്ഞങ്ങാട് സ്വദേശികളാണ്.

ഏഷ്യൻ പവർലിഫ്റ്റിംഗ് മത്സരത്തിൽ സ്വർണം നേടിയ അനിൽകുമാർ, പ്രദീപ് മീത്തൽ, ശ്രീഹരി മീത്തൽ.

Categories
Kerala Latest news main-slider Sports

മാസ്റ്റേഴ്സ് കബഡി ഫെസ്റ്റിൽ ഷണ്മുഖ കൊക്കാൽ ചാമ്പ്യന്മാർ  

പാലക്കുന്ന് :മഞ്ചേശ്വരം, കാസറഗോഡ്, ഉദുമ മണ്ഡലങ്ങളിലെ പഴയ കാല കബഡി താരങ്ങളുടെ കൂട്ടായ്മയുടെ ആഭിമുഖ്യത്തിൽ 40 വയസ്സിന് മുകളിലുള്ള കളിക്കാരെ പങ്കെടുപ്പിച്ച് നടന്ന രണ്ടാമത് മാസ്റ്റേഴ്സ് കബഡി ഫെസ്റ്റിൽ ഷണ്മുഖ കൊക്കാൽ ജേതാക്കളായി. ഓൾഡ് യോദ്ധാ നീലേശ്വരം, റെഡ് സ്റ്റാർ പാലായി യഥാ ക്രമം രണ്ടും മൂന്നും സ്ഥാനങ്ങൾ നേടി. ഏറ്റവും നല്ല കളിക്കാരനായി ഷണ്മുഖ കൊക്കാലിന് വേണ്ടി കളിച്ച കുമാർ പാലക്കാടിനെ തിരഞ്ഞെടുത്തു. മുൻ കേരള കബഡി താരം രാമകൃഷ്ണൻ പള്ളം വിജയികൾക്കുള്ള സമ്മാനങ്ങൾ വിതരണം ചെയ്തു. മത്സരത്തോടനുബന്ധിച്ച് പഴയകാല കളിക്കാരെ ആദരിച്ചു. കെ. വി. ശ്രീധരൻ വയലിൽ ഉദ്ഘാടനം ചെയ്തു. സംഘാടക സമിതി ചെയർമാൻ ഉമേഷൻ ആറാട്ടുകടവ് അധ്യക്ഷത വഹിച്ചു. കൺവീനർ ഗണേഷ് കുമ്പള, സെക്രട്ടറി കെ. ടി. പുരുഷോത്തമൻ, സുജാത അച്ചേരി, മൈമൂന,സഫറുള്ള, ചന്ദ്രൻ കൊക്കാൽ, കൃഷ്ണൻ കുതിരക്കോട്, എന്നിവർ സംസാരിച്ചു.

Categories
Kasaragod Latest news main-slider Sports

വിലക്കയറ്റവും ധൂർത്തും നിയന്ത്രിക്കുക.- KTAC

വിലക്കയറ്റവും ധൂർത്തും നിയന്ത്രിക്കുക.- KTA

വിലക്കയറ്റവും മുഖ്യമന്ത്രിയുടേയും മന്ത്രിമാരുടേയും ധൂർത്തും നിയന്ത്രിക്കണമെന്ന് 3-12-23 ന് ചേർന്നകേരള ട്രഡീഷണൽ ആർട്ടിസാൻസ് കോൺഗ്രസ്സ് (KTAC) കാസറഗോഡ് ജില്ലാ എക്സിക്യൂട്ടീവ് യോഗം സർക്കാറിനോടാവശ്യപ്പെട്ടു. ജില്ലാ പ്രസിഡൻ്റ് ബാലകൃഷ്ണൻ പെരളം അധ്യക്ഷത വഹിച്ചു. ജില്ലാ സെക്രട്ടറി മണികണ്ഠൻ പുതിയകണ്ടം സ്വാഗതവും സുനേഷ് പുതിയ കണ്ടം നന്ദിയും പറഞ്ഞു.സംസ്ഥാന വൈസ് പ്രസി.ഗോപാലൻ കളവയൽ, കാഞ്ഞങ്ങാട് മണ്ഡലം പ്രസിഡൻ്റ് കുഞ്ഞിരാമൻ ഓളിയക്കാൽ, മോഹനൻ കരിച്ചേരി, ജയരാമൻ കുണ്ടംകുഴി ദീപേഷ് പുതിയ കണ്ടംഎന്നിവർ സംസാരിച്ചു.

Back to Top