Category: main-slider

കാഞ്ഞങ്ങാട് ഐ എം

ചടങ്ങിൽ മുതിർന്ന ഡോക്ട്ടർമാരെ ആദരിച്ചു.

കാഞ്ഞങ്ങാട്: കാഞ്ഞങ്ങാട് ഐ എം എ യിൽ അന്താരാഷ്ട്ര വനിതാ ദിനം ആചരിച്ചു. റിട്ട കമാൻഡർ പ്രസന്ന ഇടയില്ലം വിശിഷ്ടാതിയായി ചടങ്ങ് കാഞ്ഞങ്ങാട് മുനിസിപ്പൽ ചെയർപേഴ്സൺ സുജാത ഉത്ഘാടനം ചെയ്തു. ഐ എം എയുടെ വനിതാ വിഭാഗമായ വിമെൻ ഇൻ ഐ എം എ ഭാരവാഹികളുടെ സ്ഥാനാരോഹണവും ചടങ്ങിന്റെ ഭാഗമായി നടന്നു. വിമയുടെ പ്രസിഡന്റായി ഡോ കൃഷ്ണകുമാരിയും സെക്രട്ടറിയായി ഡോ നീരജ നമ്പ്യാരും സ്ഥാനമേറ്റു. മുതിർന്ന ഡോക്ടർമാരായ ഡോ വിലാസിനി, ഡോ പദ്മിനി എ, ഡോ പദ്മിനി ഭട്ട് എന്നിവരെ ചടങ്ങിൽ ആദരിച്ചു. കാഞ്ഞങ്ങാട് ഐ എം എ പ്രസിഡന്റ് ഡോ സുരേശൻ വി അധ്യക്ഷത വഹിച്ച ചടങ്ങിൽ ജില്ലാ ചെയർപേഴ്സൺ ഡോ ദീപിക കിഷോർ, ഐ എം എ കേരള കൾച്ചറൽ കമ്മിറ്റി ചെയർമാൻ ഡോ ജ്യോതി കുമാർ, കാഞ്ഞങ്ങാട് ഐ എം എ സെക്രട്ടറി ഡോ ജോൺ ജോൺ കെ , ഡോ. ത്രേസ്യാമ്മ ജോസ് എന്നിവർ സംസാരിച്ചു. ഡോക്ടർമാരും കുടുംബാംഗങ്ങളും വിവിധ കലാപരിപാടികളും അവതരിപ്പിച്ചു.

ലോക വനിതാ ദിനത്തിൽ കേരള മഹിള ഫെഡറേഷൻ അജാനൂർ ഏരിയ കമ്മിറ്റിയുടെ നേതൃത്വത്തിൽ വനിതകൾക്ക് ആദരവ് നൽകി

അജാനൂർ പഞ്ചായത്തിലെ മാവുങ്കാൽ ആനന്ദാശ്രമത്തുള്ള എഫ് എച്ച് സി യിലും കൊളവയൽ എഫ് എച്ച് സി യിലുമായി 700 പരം പാലിയേറ്റീവ് രോഗികളെ 12 വർഷത്തോളമായി പരിചരിക്കുന്ന പാലിയേറ്റീവ് നേഴ്സ് ആയ കൊളവയൽ ഇട്ടമ്മലിലെ എ സമീറയെ ആദരിച്ചു.

വയനാട് -പൂക്കോട് വെറ്റിനറി കോളേജിൽ എസ്എഫ്ഐ ക്രൂരമായി കൊലപ്പെടുത്തിയ സിദ്ധാർഥ് എന്ന വിദ്യാർത്ഥിയുടെ നീതിക്കായി കഴിഞ്ഞ അഞ്ചുദിവസമായി സെക്രട്ടറിയേറ്റ് പടിക്കൽ നിരാഹാരം ഇരിക്കുന്ന യൂത്ത് കോൺഗ്രസ് മഹിളാ കോൺഗ്രസ് കെഎസ്‌യു അധ്യക്ഷൻ മാർക്ക് ഐക്യദാർഢ്യം പ്രഖ്യാപിച്ചുകൊണ്ട് യൂത്ത് കോൺഗ്രസ് പള്ളിക്കര മണ്ഡലം കമ്മിറ്റി ബേക്കൽ മുതൽ പള്ളിക്കര വരെ പന്തം കൊളുത്തി പ്രതിഷേധ പ്രകടനം സംഘടിപ്പിച്ചു.യൂത്ത് കോൺഗ്രസ് പള്ളിക്കര മണ്ഡലം പ്രസിഡണ്ട് അഖിലേഷ് തച്ചങ്ങാട് അധ്യക്ഷത വഹിച്ചു. കെപിസിസി മെമ്പർ ഹക്കീം കുന്നിൽ പ്രതിഷേധ യോഗം ഉൽഘാടനം ചെയ്തു. മണ്ഡലം കോൺഗ്രസ് പ്രസിഡന്റ് രവീന്ദ്രൻ കരിച്ചേരി ,യൂത്ത് കോൺഗ്രസ്‌ ജില്ലാ ജനറൽ സെക്രട്ടറി സുജിത്ത് തച്ചങ്ങാട്, കിഞ്ജുഷ സുകേഷ് ,ബ്ലോക്ക്‌ കോൺഗ്രസ് ജനറൽ സെക്രട്ടറി ചന്ദ്രൻ വി. രാജേഷ് പള്ളിക്കര, മഹേഷ്‌ കുമാർ,എം സി ഹനീഫ, കണ്ണൻ കരുവാക്കോട്,ഗോപാലകൃഷ്ണൻ കരിച്ചേരി, ശ്രീജിത്ത്‌ പുതിയകണ്ടം, രമേശ്‌ പള്ളിക്കര,രശ്മി ചന്ദ്രൻ, ശശീന്ദ്രകുമാർ,ജിതിൻ,പ്രീത തുടങ്ങിയവർ സംസാരിച്ചു. യോഗത്തിൽ കൃഷ്ണപ്രസാദ് കരിച്ചേരി സ്വാഗതവും അഭിലാഷ് നന്ദിയും പറഞ്ഞു.

പാലക്കുന്ന് : പാലക്കുന്ന് കഴകം ഭഗവതി ക്ഷേത്ര ഭരണി ഉത്സവത്തിന് ഭക്തിസാന്ദ്രമായ തുടക്കം.

അർധരാത്രിക്ക് ശേഷമാണ് കൊടിയേറ്റ ചടങ്ങുകൾ പൂർത്തിയായതെങ്കിലും വലിയൊരു പുരുഷാരമാണ് ഇത് കാണാൻ ക്ഷേത്രത്തിലെത്തിയത്. പള്ളിപ്പുറം-കൂവത്തൊട്ടി-അരമങ്ങാനം തിരുമുൽകാഴ്ചയുടെ ഭാഗമായുള്ള 101 വർണ മുത്തുക്കുടകളും രണ്ട് സത്യക്കുടകളും ഭണ്ഡാര വീട്ടിൽ കൊടിയേറ്റ നാളിൽ സമർപ്പിച്ചു. ക്ഷേത്രത്തിലെ അനുഷ്ഠാന ആചാര ചടങ്ങുകളും ഐതീഹ്യങ്ങളും കോർത്തിണക്കി സംഘം ഷാഫി എന്ന കരിപ്പോടി മുഹമ്മദ്‌ ഷാഫി സംവിധാനം ചെയ്ത ‘പാലക്കുന്നമ്മ’ എന്ന ഹ്രസ്വ ചിത്രത്തിന്റെ പ്രകാശനവും അതിന്റെ പ്രദർശനവും ക്ഷേത്രത്തിൽ നടന്നു. ഷാഫിയെയും പിന്നിൽ പ്രവർത്തിച്ചവരെയും തിരു സന്നിധിയിൽ ആദരിച്ചു.

8ന്( ഇന്ന്) പകൽ അച്ചേരി മഹാവിഷ്ണു ക്ഷേത്ര മാതൃസമിതിയുടെയും ഉദയമംഗലം കൃഷ്ണമുരാരി വനിതാ സംഘത്തിന്റെയും ലളിതാ സഹസ്രനാമ പാരായണവും രാത്രി പൂരക്കളിയും ഉണ്ടായിരുന്നു.

നീർവേട്ട സമുദായക്കാരുടെ ഭൂതബലിപ്പാട്ട് ദേവലോകത്ത് നിന്ന് ദേവി ഇറങ്ങിവരുന്ന കഥകൾ പാടി കേൾപ്പിച്ചു. പുലർച്ചെ ഭൂതബലി ഉത്സവം നടന്നു.

9ന് (ശനി) താലപ്പൊലി ഉത്സവമാണ്. ഉച്ചയ്ക്ക് 12ന് കാസർകോട് കല്ലങ്കയ് ഹരിജാൽ മഹാവിഷ്ണു മഹിളാ സംഘവും 2ന് പെരിയ പതിക്കാൽ ദേവി സമിതിയും ഭജന നടത്തും.4ന് ക്ഷേത്ര സംഘത്തിന്റെ ലളിതാ സഹസ്ര നാമ പാരായണം നടക്കും. രാത്രി 8ന് പൂരക്കളി.11ന് കേന്ദ്രമാതൃസമിതിയുടെ നേതൃത്വത്തിൽ വിവിധ പ്രാദേശിക സമിതികളുടെ നൃത്തനിശയിൽ തിരുവാതിരകളി, നാടോടി നൃത്തം, പെൺകുട്ടികളുടെ പൂരക്കളി എന്നിവ ഉണ്ടായിരിക്കും. പുലർച്ചെയാണ്‌ താലപ്പൊലി ഉത്സവം.