Author: Binoy Balan

കേരളീയ സമൂഹം നേരിടുന്ന ഏറ്റവും വലിയ വെല്ലുവിളി ലഹരി വ്യാപനമാണെന്ന് എൻ.എ നെല്ലിക്കുന്ന് എംഎൽഎ പറഞ്ഞു. മദ്യം മയക്കുമരുന്ന്, തുടങ്ങിയ ലഹരി പദാർത്ഥങ്ങളുടെ വ്യാപനം തടയുന്നതിൽ സർക്കാർ കുറെ കൂടി ജാഗ്രത കാണിക്കണമെന്നും അദ്ദേഹം ആവശ്യപ്പെട്ടു.ജനശ്രീ മിഷൻ ജില്ലാ കമ്മിറ്റി സംഘടിപ്പിച്ച ലഹരി വിരുദ്ധ ജനകീയ സദസ് ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ ചെയർമാൻ കെ. നീലകണ്ഠൻ അധ്യക്ഷനായി. സംസ്ഥാനസമിതി അംഗങ്ങളായ എം കുഞ്ഞമ്പു നമ്പ്യാർ, ശോഭന മാടക്കല്ല്, ഡോ വി.ഗംഗാധരൻ, ബ്ലോക്ക് ചെയർമാന്മാരായ രവിന്ദ്രൻ കരിച്ചേരി, കൃഷ്ണൻ അടുക്കം തൊട്ടി, ജില്ലാ സമിതി അംഗങ്ങളായ, സി.അശോക് കുമാർ, അഡ്വ. ജിതേഷ് ബാബു, പവിത്രൻ സി നായർ, ഭാസ്ക്കരൻ ചെറുവത്തൂർ, കെ.പുരുഷോത്തമൻ, ജി.നാരായണൻ, സി.രവി, മാത്യു ടി തോമസ്, ഇ.അമ്പിളി, പി ജയശ്രീ, മഹമൂദ് വട്ടക്കാട്, ശാന്ത പുതുകൈ, കുഞ്ഞികൃഷ്ണൻ മാസ്റ്റർ, കൊവ്വൽ ബാലകൃഷ്ണൻ, ലത പനയാൽ ,കെ.രാജകല രത്നാകരൻ ബേഡകം, രഘു പനയാൽ,എന്നിവർ സംസാരിച്ചു. ജീവൻ മതി ലഹരി വേണ്ട എന്ന വിഷയത്തിൽ കാസറഗോഡ് പ്രിവൻ്റീവ് ഓഫിസർ കെ.ജയരാജൻ ലഹരിവിരുദ്ധ ജനകീയ സദസിൽ ക്ലാസ് അവതരിപ്പിച്ചു.

ജില്ലാ ട്രഷറർ കെ.പി സുധർമ്മ സ്വാഗതവും, സിതാരാമ മല്ലം നന്ദിയും പറഞ്ഞു.

കേരളാ സ്റ്റേറ്റ് ഡിസ്ട്രിബ്യൂട്ടേർസ് ഫെഡറേഷൻ കാസർഗോഡ് ജില്ലാ കൺവെൻഷൻ സ്വാഗത സംഘം രൂപീകരണയോഗം നടന്നു.
വ്യവസായ സമിതി ജില്ലാ കമ്മിറ്റി ഓഫീസിൽ വച്ച് നടന്ന ചടങ്ങങ്ങിൽ സമിതി ജില്ലാ സെക്രട്ടറി ശ്രീ രാഘവൻ വെളുത്തോളി ഉത്ഘാടനം ചെയ്തു. ഫെഡറേഷൻ സംസ്ഥാന പ്രസിഡണ്ട് ശ്രീ ബാബു തോട്ടും കര മുഖ്യപ്രഭാഷണം നടത്തി. ഏരിയാ സെക്രട്ടറി ടി. സത്യൻ പടന്നക്കാട് അദ്ധ്യക്ഷത വഹിച്ചു. KS DF ജില്ലാ സെക്രട്ടറി ശ്രീ Kv ദിനേശൻ സ്വാഗതം പറഞ്ഞു.
സ്വാഗതം സംഘം ചെയർമാനായി ശ്രീ രാഘവൻ വെളുത്തോളി
വൈസ് ചെയർമാൻമാരായി
സത്യൻ പടന്നക്കാട്, സുകുമാരൻ P
കൺവീനർ : Kv ദിനേശൻ
ജോയിൻറ് കൺവീനർ മാർ : ഷബീർ ഹസൻ ,ഉമ്മറുൽ ഫാറൂഖ്
ട്രഷററർ : Av വാമനൻ
കൂടാതെ വിവിധ സബ് കമ്മിറ്റി മെമ്പർമാരെയും തെരെഞ്ഞെടുത്തു

കാഞ്ഞങ്ങാട് : പുതുക്കൈ പ്രദേശത്തോടുള്ള കാഞ്ഞങ്ങാട് നഗരസഭയുടെ അവഗണനക്കെതിരെ ഇന്ത്യൻ നാഷണൽ കോൺഗ്രസ് പുതുക്കൈ മേഖല കമ്മിറ്റി നഗരസഭ മാർച്ച് നടത്തി. കാഞ്ഞങ്ങാട് മുൻസിപ്പാലിറ്റിയുടെ കിഴക്കൻ പ്രദേശങ്ങളായ  പുതുകൈ, ഉപ്പിലികൈ, വാഴുനോറടി തുടങ്ങിയ പ്രദേശങ്ങളോടുള്ള അവഗണനക്കെതിരെയാണ് പ്രതിഷേധ മാർച്ച്‌ നടത്തിയത്. നാലു കോടി ചിലവഴിച്ചു നിർമ്മിച്ച കുടിവെള്ള പദ്ധതി ഇപ്പോഴും പ്രവർത്തനക്ഷമമല്ല, റോഡുകൾ മുഴുവൻ പൊട്ടി പൊളിഞ്ഞിരിക്കുന്നു, സ്ട്രീറ്റ് ലൈറ്റ് തെളിയുന്നില്ല, പൊതു ശ്മശാനങ്ങൾ ഇല്ലാത്തത് അടക്കമുള്ള നിരവധി പ്രശ്നങ്ങൾ ഉന്നയിച്ചു കൊണ്ടാണ് നഗരസഭയിലേക്ക് മാർച്ച്‌ നടത്തിയത്. മാർച്ച്‌ ഡിസിസി പ്രസിഡന്റ് പി കെ ഫൈസൽ ഉത്ഘാടനം ചെയ്തു. ഡോ കെ വി ഗംഗാധരൻ അധ്യക്‌ഷനായി, പി വി സുരേഷ് അനിൽ വാഴുനോറടി, കെ പി ബാലകൃഷ്ണൻ, കെ കെ ബാബു,ഷിബിൻ ഉപ്പിലികൈ, രാധാകൃഷ്ണൻ മണിയാണി, സുരേഷ് ബാബു, സുജിത് പുതുകൈ, കെ കെ അലാമി, മനോജ്‌ ഉപ്പിലികൈ, കുഞ്ഞികോമൻ, ചന്ദ്രശേഖൻ മേനിക്കാട്ട്, പത്മനാഭൻ മണ്ഡലം ,കുഞ്ഞി കൃഷ്ണൻ, രാജൻ തേക്കേകര, പ്രശാന്ത്, കെ കുഞ്ഞികൃഷ്ണൻ തുടങ്ങിയവർ സംസാരിച്ചു

കാഞ്ഞങ്ങാട് : ബേക്കൽ ഉപജില്ലാ കലോൽസവത്തിനെത്തുന്ന പ്രതിഭകൾക്കും ഒഫീഷ്യൽസിനും ഭക്ഷണമൊരുക്കാൻ കലവറ നിറച്ചു.

അജാനൂർ പഞ്ചായത്തിലെ 23 വാർഡുകളിലെയും കുടുംബശ്രീ യൂണിറ്റുകൾ ഒത്തൊരുമിച്ചാണ് നാട്ടുകാരുടെ സഹകരണത്തോടെ കലവറയിലേക്കുള്ള അരി, പച്ചക്കറികൾ, തേങ്ങ, പല വ്യഞ്ജനങ്ങൾ എന്നിവയെത്തിച്ചത്. കിഴക്കുംകര മുച്ചിലോട്ട് ജിഎൽപി സ്‌കൂൾ കേന്ദ്രീകരിച്ച് വാദ്യമേളങ്ങളുടെ അകമ്പടിയോടെയെത്തിയ കലവറഘോഷയാത്രയ്ക്ക് സംഘാടക സമിതിയും ഭക്ഷണ കമ്മിറ്റിയും സ്വീകരണം നൽകി. കലോൽസവം നടക്കുന്ന 1, 3, 4, 5 തീയതികളിൽ പായസം ഉൾപ്പെടെയുള്ള സദ്യ നൽകും. ദിവസവും മൂവായിരത്തിലധികം പേർക്കാണിത്. കലാപ്രതിഭകൾക്ക് രാവിലെ 2 നേരവും വൈകിട്ടും ചായയും പലഹാരവും നൽകും. സമാപന ദിവസമായ 5 ന് നാട്ടുകാർക്കും സദ്യയുണ്ട്. ദൂരസ്ഥലങ്ങളിലെത്തേണ്ട വിദ്യാർഥികൾക്ക് രാത്രി ഭക്ഷണവുമൊരുക്കും. ദിവസവും 60 ൽ അധികം കുടുംബശ്രീ പ്രവർത്തകർ, റെഡ്ക്രോസ്, ഗൈഡ്സ് കെഡറ്റുകൾ, വൊളൻ്റിയർമാർഎന്നിവർ ഭക്ഷണ ശാലയിൽ സേവനം നൽകും. എം.ദാമോദരൻ ചെയർമാനും എം.ബാബു കൺവീനറുമായ ഫുഡ് കമ്മിറ്റിയാണ് നേതൃത്വം നൽകുന്നത്

കലോൽസവ നഗരിയിൽ ലഹരിക്കെതിരെ രഹസ്യ സ്‌ക്വാഡ് .  വെള്ളിക്കോത്തെ ബേക്കൽ ഉപജില്ലാ കലോൽസവ നഗരിയിൽ ലഹരിക്കെതിരെ രഹസ്യ സ്‌ക്വാഡ് പ്രവർത്തിക്കും.

ഹൊസ്ദുർഗ് പൊലീസിന്റെ നിയന്ത്രണത്തിൽ 2 സ്‌ക്വാഡുകളാണ് പ്രവർത്തിക്കുക. മഹാകവി പി സ്മാരക ഗവ. വൊക്കേഷണൽ ഹയർസെക്കൻഡറി സ്‌കൂളിൽ ചേർന്ന ലഹരി വിരുദ്ധ ക്ലബ് യോഗമാണ് ഈ തീരുമാനമെടുത്തത്. കലോൽസവ നഗരിയിലും ലഹരി ഉപയോഗവും വിപണനവും കർശനമായി തടയുകയാണ് ലക്ഷ്യം.  പൊലീസിന്റെയും നാട്ടുകാരുടെയും സഹായത്തോടെ കലോൽസവ സമയങ്ങളിൽ വിവിധ വേദികളിലും സമീപങ്ങളിലും ചെറു ഗ്രൂപ്പുകളായി തിരിഞ്ഞു നിരീക്ഷണം ശക്തമാക്കും. സംശയാസ്പദമായി എന്തെങ്കിലും കണ്ടാൽ ഉടൻ ബന്ധപ്പെട്ട അധികൃതർക്കു  വിവരം കൈമാറി നടപടിയെടുക്കും. വിപുലമായ ലഹരിവിരുദ്ധ കമ്മിറ്റിയും സംഘാടക സമിതിയുടെ ഭാഗമായി തിങ്കളാഴ്ച രാവിലെ 10ന് സ്‌കൂളിനു സമീപം മനുഷ്യചങ്ങലയുമൊരുക്കി.

കാഞ്ഞങ്ങാട് :  ബേക്കൽ ഉപജില്ലാ സ്‌കൂൾ കലോൽസവം 1 മുതൽ 5 വരെ വെള്ളിക്കോത്ത് മഹാകവി പി സ്മാരക ജിവിഎച്ച്എസ്എസിൽ നടക്കും. ആദ്യദിനം
9.30 നു വിവിധ വേദികളിലായി സ്റ്റേജ് ഇതര മൽസരങ്ങൾ തുടങ്ങും.സംസ്കൃതം, അറബിക്, കന്നഡ സാഹിത്യോത്സവങ്ങളും ഇതോടനുബന്ധിച്ച് നടക്കും. എൽപി, യുപി, എച്ച്എസ്, എച്ച്എസ്എസ് വിഭാഗങ്ങളിലായി ബേക്കൽ ഉപജില്ലാ പരിധിയിലെ 76 വിദ്യാലയങ്ങളിൽ നിന്നുള്ള കലാപ്രതിഭകൾ മൽസരിക്കാനെത്തും. 290 ഇനങ്ങളിലായി 5500 മത്സരാർത്ഥികളാണുള്ളത്. സ്റ്റേജിന മൽസരങ്ങൾ 3 നു തുടങ്ങും. അന്നു വൈകിട്ടു 4 മണിക്ക് ഇ.ചന്ദ്രശേഖരൻ എംഎൽഎ കലോൽസവം ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണൻ അധ്യക്ഷത വഹിക്കും. സർവീസിൽ നിന്നു വിരമിച്ച കാസർകോട് ഡിഡിഇ, കെ.വി.പുഷ്പ ടീച്ചർ, കലോൽസവ ലോഗോ രൂപകൽപന ചെയ്ത ആശു കാഞ്ഞങ്ങാട് എന്നിവർക്ക് എംഎൽഎ ഉപഹാരം സമ്മാനിക്കും. സ്വാഗത നൃത്തശിൽപവും ഉണ്ടാകും. സമാപന സമ്മേളനം 5 ന് വൈകുന്നേരം 4 മണിക്ക് സി.എച്ച്.കുഞ്ഞമ്പു എംഎൽഎ ഉദ്ഘാടനം ചെയ്യും. സംഘാടക സമിതി ചെയർപേഴ്‌സണും അജാനൂർ പഞ്ചായത്ത് പ്രസിഡന്റും ആയ ടി.ശോഭ അധ്യക്ഷത വഹിക്കും. കലോൽസവം നാടിന്റെ ഉൽസവമാക്കാൻ വിപുലമായ ഒരുക്കങ്ങൾ പൂർത്തിയായതായി സംഘാടക സമിതി ഭാരവാഹികൾ വാർത്താ സമ്മേളനത്തിൽ അറിയിച്ചു. സംഘാടക സമിതി ചെയർപേഴ്‌സൺ ടി.ശോഭ, വർക്കിങ് ചെയർമാൻ കെ.ജയൻ, ജനറൽ കൺവീനർ സരള ചെമ്മഞ്ചേരി, ട്രഷറർ ബേക്കൽ എഇഒ, പി.കെ.സുരേഷ്, സ്‌കൂൾ പ്രിൻസിപ്പൽ സൈജു ഫിലിപ്, സബ് കമ്മിറ്റി ഭാരവാഹികളായ പി.പ്രവീൺകുമാർ (ചെയർമാൻ- മീഡിയ), രാജേഷ് സ്‌കറിയ (കൺവീനർ- പ്രോഗ്രാം), പി.വി.ഗീത (കൺവീനർ- ഫിനാൻസ്), എം.ബാബു (കൺവീനർ – ഫുഡ് കമ്മിറ്റി )തുടങ്ങിയവർ വാർത്താ സമ്മേളനത്തിൽ പങ്കെടുത്തു

7 വേദികൾ:  കവിത തുളുമ്പും പേരുകൾ മഹാകവി പി കുഞ്ഞിരാമൻ നായരുടെ ജന്മനാടായ വെള്ളിക്കോത്ത് നടക്കുന്ന ബേക്കൽ ഉപജില്ലാ കലോൽസവത്തിനൊരുക്കിയത് 8 വേദികൾ.

8 വേദികൾക്കും മഹാകവി പിയുടെ പ്രശസ്ത കവിതകളുടെ പേരുകളാണ് നൽകിയിരിക്കുന്നത്. സ്‌കൂളിലെ പ്രധാന വേദിക്ക് താമരത്തോണിയെന്നാണ് പേര്. വേദി 2 : അഴീക്കോടൻ ക്ലബ് (കളിയച്ഛൻ), വേദി 3:  യങ്‌മെൻസ് ക്ലബ് (ചിലമ്പൊലി), വേദി 4:  അടോട്ട് ജോളി ക്ലബ് (മണിവീണ), വേദി 5:  നെഹ്‌റു ബാലവേദി (ശംഖൊലി), വേദി 6:  അടോട്ട് പഴയസ്ഥാനം ഹാൾ (നീരാഞ്ജനം), വേദി 7: അടോട്ട് എകെജി ഹാൾ (ഉപാസന), വേദി 8: കാരക്കുഴി കമ്മ്യൂണിറ്റി ഹാൾ (പൂനിലാവ്) എന്നിവയാണ് മറ്റു വേദികൾ