കായംകുളം : ഈ വർഷത്തെ ആദ്യത്തെ പുതിയൊടുക്കാൽ ചടങ്ങുമായി പെരിയ കായകുളം തറവാട് ഇന്ന് നവംബർ ഒന്നിന്റെ രാത്രിയിലാണ് ചടങ്ങ് തൊണ്ടച്ചന്റെ പ്രീതിക്ക് വേണ്ടിയുള്ള പൂജയും വെളിച്ചപ്പാടും പ്രസാദമായി അടയും അന്നദാനവും നൽകും
കായംകുളം : ഈ വർഷത്തെ ആദ്യത്തെ പുതിയൊടുക്കാൽ ചടങ്ങുമായി പെരിയ കായകുളം തറവാട് ഇന്ന് നവംബർ ഒന്നിന്റെ രാത്രിയിലാണ് ചടങ്ങ് തൊണ്ടച്ചന്റെ പ്രീതിക്ക് വേണ്ടിയുള്ള പൂജയും വെളിച്ചപ്പാടും പ്രസാദമായി അടയും അന്നദാനവും നൽകും
കേരളാ സ്റ്റേറ്റ് ഡിസ്ട്രിബ്യൂട്ടേർസ് ഫെഡറേഷൻ കാസർഗോഡ് ജില്ലാ കൺവെൻഷൻ സ്വാഗത സംഘം രൂപീകരണയോഗം നടന്നു.
വ്യവസായ സമിതി ജില്ലാ കമ്മിറ്റി ഓഫീസിൽ വച്ച് നടന്ന ചടങ്ങങ്ങിൽ സമിതി ജില്ലാ സെക്രട്ടറി ശ്രീ രാഘവൻ വെളുത്തോളി ഉത്ഘാടനം ചെയ്തു. ഫെഡറേഷൻ സംസ്ഥാന പ്രസിഡണ്ട് ശ്രീ ബാബു തോട്ടും കര മുഖ്യപ്രഭാഷണം നടത്തി. ഏരിയാ സെക്രട്ടറി ടി. സത്യൻ പടന്നക്കാട് അദ്ധ്യക്ഷത വഹിച്ചു. KS DF ജില്ലാ സെക്രട്ടറി ശ്രീ Kv ദിനേശൻ സ്വാഗതം പറഞ്ഞു.
സ്വാഗതം സംഘം ചെയർമാനായി ശ്രീ രാഘവൻ വെളുത്തോളി
വൈസ് ചെയർമാൻമാരായി
സത്യൻ പടന്നക്കാട്, സുകുമാരൻ P
കൺവീനർ : Kv ദിനേശൻ
ജോയിൻറ് കൺവീനർ മാർ : ഷബീർ ഹസൻ ,ഉമ്മറുൽ ഫാറൂഖ്
ട്രഷററർ : Av വാമനൻ
കൂടാതെ വിവിധ സബ് കമ്മിറ്റി മെമ്പർമാരെയും തെരെഞ്ഞെടുത്തു
കാഞ്ഞങ്ങാട് : പുതുക്കൈ പ്രദേശത്തോടുള്ള കാഞ്ഞങ്ങാട് നഗരസഭയുടെ അവഗണനക്കെതിരെ ഇന്ത്യൻ നാഷണൽ കോൺഗ്രസ് പുതുക്കൈ മേഖല കമ്മിറ്റി നഗരസഭ മാർച്ച് നടത്തി. കാഞ്ഞങ്ങാട് മുൻസിപ്പാലിറ്റിയുടെ കിഴക്കൻ പ്രദേശങ്ങളായ പുതുകൈ, ഉപ്പിലികൈ, വാഴുനോറടി തുടങ്ങിയ പ്രദേശങ്ങളോടുള്ള അവഗണനക്കെതിരെയാണ് പ്രതിഷേധ മാർച്ച് നടത്തിയത്. നാലു കോടി ചിലവഴിച്ചു നിർമ്മിച്ച കുടിവെള്ള പദ്ധതി ഇപ്പോഴും പ്രവർത്തനക്ഷമമല്ല, റോഡുകൾ മുഴുവൻ പൊട്ടി പൊളിഞ്ഞിരിക്കുന്നു, സ്ട്രീറ്റ് ലൈറ്റ് തെളിയുന്നില്ല, പൊതു ശ്മശാനങ്ങൾ ഇല്ലാത്തത് അടക്കമുള്ള നിരവധി പ്രശ്നങ്ങൾ ഉന്നയിച്ചു കൊണ്ടാണ് നഗരസഭയിലേക്ക് മാർച്ച് നടത്തിയത്. മാർച്ച് ഡിസിസി പ്രസിഡന്റ് പി കെ ഫൈസൽ ഉത്ഘാടനം ചെയ്തു. ഡോ കെ വി ഗംഗാധരൻ അധ്യക്‌ഷനായി, പി വി സുരേഷ് അനിൽ വാഴുനോറടി, കെ പി ബാലകൃഷ്ണൻ, കെ കെ ബാബു,ഷിബിൻ ഉപ്പിലികൈ, രാധാകൃഷ്ണൻ മണിയാണി, സുരേഷ് ബാബു, സുജിത് പുതുകൈ, കെ കെ അലാമി, മനോജ്‌ ഉപ്പിലികൈ, കുഞ്ഞികോമൻ, ചന്ദ്രശേഖൻ മേനിക്കാട്ട്, പത്മനാഭൻ മണ്ഡലം ,കുഞ്ഞി കൃഷ്ണൻ, രാജൻ തേക്കേകര, പ്രശാന്ത്, കെ കുഞ്ഞികൃഷ്ണൻ തുടങ്ങിയവർ സംസാരിച്ചു
ദോത്തി ചലഞ്ചിൽ അതിശയിപ്പിക്കുന്ന ഫണ്ട്‌ പിരിവുമായി യൂത്ത് ലീഗ് ഒക്ടോബർ 10മുതൽ 30വരെ പ്രത്യേക മൊബൈൽ ആപ്പ് വഴി നടത്തിയ ദോത്തി വില്പനയിലൂടെയാണ് 16കോടി14ലക്ഷത്തിൽ അധികം വരുമാനം കണ്ടെത്തിയത്. മലപ്പുറം ജില്ലയിൽ മാത്രം ഏഴു കോടി എഴുപത്തിഒമ്പത് ലക്ഷം രൂപയുടെ ചലഞ്ച് നടത്തി, കോഴിക്കോട് മൂന്ന് കോടിയിലധികവും കണ്ണൂർ ഒരു കോടിയിലധികം രൂപയുടെയും ചലഞ്ച് നടത്തി.
കാസറഗോഡ് 91ലക്ഷം രൂപയുടെ സംഭാവനയാണ് ദോത്തി ചലഞ്ചിലുടെ ലഭിച്ചത്. മുസ്ലിം ലീഗ് സംസ്ഥാന പ്രസിഡണ്ട് സയ്യിദ് സാദിഖ് അലി ശിഹാബ് തങ്ങൾ, യൂത്ത് ലീഗ് നേതാക്കളായ മുനവർ അലി ശിഹാബ് തങ്ങൾ, പി കെ ഫിറോസ് തുടങ്ങിയവർ സംസാരിച്ചു
രാജസ് സ്കൂളിലെ ഇലക്ഷൻ വിജയത്തിൽ കെ എസ് യു ആഹ്ലാദപ്രകടനം നടത്തി ചെയർപേഴ്സാണായി പവിത്ര വിജയിച്ചു. ഷാമിൽ, അനാമിക, സമാൻ, നന്ദന, അനിരുദ്ധ്, സുമയ്യ, ആര്യ, പാർവതി കൃഷ്ണ തുടങ്ങിയവർ വിജയിച്ചതായി കെ എസ് യു അറിയിച്ചു
മത്സരിച്ച സ്കൂളുകളിൽ കെ എസ് യു വിജയിച്ചു പല സ്കൂളുകളും പൊതുവായി സംഘടനാ രാഷ്ട്രീയമില്ലാത്ത തിരഞ്ഞാടുപ്പാണ് നടന്നത് ജില്ലയിലെ ചില സ്കൂളുകൾ എതിരില്ലാത്ത എസ് എഫ് ഐ പിടിച്ചു. നീലേശ്വരം രാജസ് , പരപ്പ, കാടങ്കോട്, പടന്ന, കോട്ടപ്പുറം, ബളാന്തോട്, കമ്പല്ലൂർ തുടങ്ങിയ സ്കൂളുകൾ കെ എസ് യു വിജയിച്ചതായി അറിയിച്ചു
കാഞ്ഞങ്ങാട് : ബേക്കൽ ഉപജില്ലാ കലോൽസവത്തിനെത്തുന്ന പ്രതിഭകൾക്കും ഒഫീഷ്യൽസിനും ഭക്ഷണമൊരുക്കാൻ കലവറ നിറച്ചു.
അജാനൂർ പഞ്ചായത്തിലെ 23 വാർഡുകളിലെയും കുടുംബശ്രീ യൂണിറ്റുകൾ ഒത്തൊരുമിച്ചാണ് നാട്ടുകാരുടെ സഹകരണത്തോടെ കലവറയിലേക്കുള്ള അരി, പച്ചക്കറികൾ, തേങ്ങ, പല വ്യഞ്ജനങ്ങൾ എന്നിവയെത്തിച്ചത്. കിഴക്കുംകര മുച്ചിലോട്ട് ജിഎൽപി സ്കൂൾ കേന്ദ്രീകരിച്ച് വാദ്യമേളങ്ങളുടെ അകമ്പടിയോടെയെത്തിയ കലവറഘോഷയാത്രയ്ക്ക് സംഘാടക സമിതിയും ഭക്ഷണ കമ്മിറ്റിയും സ്വീകരണം നൽകി. കലോൽസവം നടക്കുന്ന 1, 3, 4, 5 തീയതികളിൽ പായസം ഉൾപ്പെടെയുള്ള സദ്യ നൽകും. ദിവസവും മൂവായിരത്തിലധികം പേർക്കാണിത്. കലാപ്രതിഭകൾക്ക് രാവിലെ 2 നേരവും വൈകിട്ടും ചായയും പലഹാരവും നൽകും. സമാപന ദിവസമായ 5 ന് നാട്ടുകാർക്കും സദ്യയുണ്ട്. ദൂരസ്ഥലങ്ങളിലെത്തേണ്ട വിദ്യാർഥികൾക്ക് രാത്രി ഭക്ഷണവുമൊരുക്കും. ദിവസവും 60 ൽ അധികം കുടുംബശ്രീ പ്രവർത്തകർ, റെഡ്ക്രോസ്, ഗൈഡ്സ് കെഡറ്റുകൾ, വൊളൻ്റിയർമാർഎന്നിവർ ഭക്ഷണ ശാലയിൽ സേവനം നൽകും. എം.ദാമോദരൻ ചെയർമാനും എം.ബാബു കൺവീനറുമായ ഫുഡ് കമ്മിറ്റിയാണ് നേതൃത്വം നൽകുന്നത്
കലോൽസവ നഗരിയിൽ ലഹരിക്കെതിരെ രഹസ്യ സ്‌ക്വാഡ് . വെള്ളിക്കോത്തെ ബേക്കൽ ഉപജില്ലാ കലോൽസവ നഗരിയിൽ ലഹരിക്കെതിരെ രഹസ്യ സ്‌ക്വാഡ് പ്രവർത്തിക്കും.
ഹൊസ്ദുർഗ് പൊലീസിന്റെ നിയന്ത്രണത്തിൽ 2 സ്‌ക്വാഡുകളാണ് പ്രവർത്തിക്കുക. മഹാകവി പി സ്മാരക ഗവ. വൊക്കേഷണൽ ഹയർസെക്കൻഡറി സ്കൂളിൽ ചേർന്ന ലഹരി വിരുദ്ധ ക്ലബ് യോഗമാണ് ഈ തീരുമാനമെടുത്തത്. കലോൽസവ നഗരിയിലും ലഹരി ഉപയോഗവും വിപണനവും കർശനമായി തടയുകയാണ് ലക്ഷ്യം. പൊലീസിന്റെയും നാട്ടുകാരുടെയും സഹായത്തോടെ കലോൽസവ സമയങ്ങളിൽ വിവിധ വേദികളിലും സമീപങ്ങളിലും ചെറു ഗ്രൂപ്പുകളായി തിരിഞ്ഞു നിരീക്ഷണം ശക്തമാക്കും. സംശയാസ്പദമായി എന്തെങ്കിലും കണ്ടാൽ ഉടൻ ബന്ധപ്പെട്ട അധികൃതർക്കു വിവരം കൈമാറി നടപടിയെടുക്കും. വിപുലമായ ലഹരിവിരുദ്ധ കമ്മിറ്റിയും സംഘാടക സമിതിയുടെ ഭാഗമായി തിങ്കളാഴ്ച രാവിലെ 10ന് സ്‌കൂളിനു സമീപം മനുഷ്യചങ്ങലയുമൊരുക്കി.
കാഞ്ഞങ്ങാട് : ബേക്കൽ ഉപജില്ലാ സ്കൂൾ കലോൽസവം 1 മുതൽ 5 വരെ വെള്ളിക്കോത്ത് മഹാകവി പി സ്മാരക ജിവിഎച്ച്എസ്എസിൽ നടക്കും. ആദ്യദിനം
9.30 നു വിവിധ വേദികളിലായി സ്റ്റേജ് ഇതര മൽസരങ്ങൾ തുടങ്ങും.സംസ്കൃതം, അറബിക്, കന്നഡ സാഹിത്യോത്സവങ്ങളും ഇതോടനുബന്ധിച്ച് നടക്കും. എൽപി, യുപി, എച്ച്എസ്, എച്ച്എസ്എസ് വിഭാഗങ്ങളിലായി ബേക്കൽ ഉപജില്ലാ പരിധിയിലെ 76 വിദ്യാലയങ്ങളിൽ നിന്നുള്ള കലാപ്രതിഭകൾ മൽസരിക്കാനെത്തും. 290 ഇനങ്ങളിലായി 5500 മത്സരാർത്ഥികളാണുള്ളത്. സ്റ്റേജിന മൽസരങ്ങൾ 3 നു തുടങ്ങും. അന്നു വൈകിട്ടു 4 മണിക്ക് ഇ.ചന്ദ്രശേഖരൻ എംഎൽഎ കലോൽസവം ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണൻ അധ്യക്ഷത വഹിക്കും. സർവീസിൽ നിന്നു വിരമിച്ച കാസർകോട് ഡിഡിഇ, കെ.വി.പുഷ്പ ടീച്ചർ, കലോൽസവ ലോഗോ രൂപകൽപന ചെയ്ത ആശു കാഞ്ഞങ്ങാട് എന്നിവർക്ക് എംഎൽഎ ഉപഹാരം സമ്മാനിക്കും. സ്വാഗത നൃത്തശിൽപവും ഉണ്ടാകും. സമാപന സമ്മേളനം 5 ന് വൈകുന്നേരം 4 മണിക്ക് സി.എച്ച്.കുഞ്ഞമ്പു എംഎൽഎ ഉദ്ഘാടനം ചെയ്യും. സംഘാടക സമിതി ചെയർപേഴ്‌സണും അജാനൂർ പഞ്ചായത്ത് പ്രസിഡന്റും ആയ ടി.ശോഭ അധ്യക്ഷത വഹിക്കും. കലോൽസവം നാടിന്റെ ഉൽസവമാക്കാൻ വിപുലമായ ഒരുക്കങ്ങൾ പൂർത്തിയായതായി സംഘാടക സമിതി ഭാരവാഹികൾ വാർത്താ സമ്മേളനത്തിൽ അറിയിച്ചു. സംഘാടക സമിതി ചെയർപേഴ്‌സൺ ടി.ശോഭ, വർക്കിങ് ചെയർമാൻ കെ.ജയൻ, ജനറൽ കൺവീനർ സരള ചെമ്മഞ്ചേരി, ട്രഷറർ ബേക്കൽ എഇഒ, പി.കെ.സുരേഷ്, സ്കൂൾ പ്രിൻസിപ്പൽ സൈജു ഫിലിപ്, സബ് കമ്മിറ്റി ഭാരവാഹികളായ പി.പ്രവീൺകുമാർ (ചെയർമാൻ- മീഡിയ), രാജേഷ് സ്‌കറിയ (കൺവീനർ- പ്രോഗ്രാം), പി.വി.ഗീത (കൺവീനർ- ഫിനാൻസ്), എം.ബാബു (കൺവീനർ – ഫുഡ് കമ്മിറ്റി )തുടങ്ങിയവർ വാർത്താ സമ്മേളനത്തിൽ പങ്കെടുത്തു
7 വേദികൾ: കവിത തുളുമ്പും പേരുകൾ മഹാകവി പി കുഞ്ഞിരാമൻ നായരുടെ ജന്മനാടായ വെള്ളിക്കോത്ത് നടക്കുന്ന ബേക്കൽ ഉപജില്ലാ കലോൽസവത്തിനൊരുക്കിയത് 8 വേദികൾ.
8 വേദികൾക്കും മഹാകവി പിയുടെ പ്രശസ്ത കവിതകളുടെ പേരുകളാണ് നൽകിയിരിക്കുന്നത്. സ്കൂളിലെ പ്രധാന വേദിക്ക് താമരത്തോണിയെന്നാണ് പേര്. വേദി 2 : അഴീക്കോടൻ ക്ലബ് (കളിയച്ഛൻ), വേദി 3: യങ്‌മെൻസ് ക്ലബ് (ചിലമ്പൊലി), വേദി 4: അടോട്ട് ജോളി ക്ലബ് (മണിവീണ), വേദി 5: നെഹ്‌റു ബാലവേദി (ശംഖൊലി), വേദി 6: അടോട്ട് പഴയസ്ഥാനം ഹാൾ (നീരാഞ്ജനം), വേദി 7: അടോട്ട് എകെജി ഹാൾ (ഉപാസന), വേദി 8: കാരക്കുഴി കമ്മ്യൂണിറ്റി ഹാൾ (പൂനിലാവ്) എന്നിവയാണ് മറ്റു വേദികൾ
വാട്സ്ആപ്പിൽ ചിത്രമോ വിഡിയോയോ അയക്കുമ്പോൾ അതിനൊപ്പം അടിക്കുറിപ്പ് ചേർക്കാനുള്ള ഓപ്ഷനുണ്ട്. എന്നാൽ, അത് മറ്റൊരാൾക്ക് ഫോർവേഡ് ചെയ്യുമ്പോൾ അടിക്കുറിപ്പ് മാഞ്ഞുപോവുകയും ചിത്രം മാത്രം സെന്റാവുകയും ചെയ്യും. ചിത്രം വീണ്ടും തെരഞ്ഞെടുത്ത് കാപ്ഷൻ ചേർക്കേണ്ടിവരുന്ന അധിക ജോലി നിങ്ങളിൽ പലരെയും ബുദ്ധിമുട്ടിച്ചിട്ടുണ്ടാവും. ഈ പരിമിതിക്കാണ് വാട്സ്ആപ് പരിഹാരം കൊണ്ടുവരുന്നത്
ചാറ്റ് ചെയ്യുന്നതിനേക്കാൾ കൂടുതൽ ചിത്രങ്ങളും വിഡിയോകളും അയക്കാൻ വാട്സ്ആപ്പ് ഉപയോഗിക്കുന്നവരാണ് ഏറെയും. എളുപ്പത്തിൽ മീഡിയ ഫയലുകൾ അയക്കാനുള്ള സൗകര്യവും വാട്സ്ആപ്പ് നൽകുന്നുണ്ട്. എന്നാൽ, സ്ഥിരമായി അതിന് വേണ്ടി ആപ് ഉപയോഗിക്കുന്നവർ നേരിടുന്ന പ്രധാന പ്രശ്നം പരിഹരിക്കാൻ പോവുകയാണ് വാട്സ്ആപ്.
പ്രമുഖ വാട്സ്ആപ് ട്രാക്കറായ വാബീറ്റഇന്‍ഫോ (WABetaInfo ) പുറത്തുവിട്ട വിവരം അനുസരിച്ച് വാട്‌സ്ആപ്പിന്റെ പുതിയ ബീറ്റാ പതിപ്പുകളിൽ മീഡിയാ ഫയലുകള്‍ അതിനൊപ്പമുള്ള അടിക്കുറിപ്പോടുകൂടി തന്നെ മറ്റുള്ളവരുമായി പങ്കുവെക്കാന്‍ സാധിക്കുന്ന സൗകര്യവും ഉള്‍പ്പെടുത്തിയിട്ടുണ്ട്. ക്യാപ്ഷനോടുകൂടിയ ചിത്രം ഫോർവാഡ് ചെയ്യുമ്പോൾ കാപ്ഷൻ എഡിറ്റ് ചെയ്യാനുള്ള സൗകര്യവുമുണ്ടായിരിക്കും. ഫീച്ചർ പരീക്ഷണ ഘട്ടത്തിലാണ്. തെരഞ്ഞെടുത്ത ബീറ്റ ടെസ്റ്റർമാർക്ക് മാത്രമാണ് ഇത് ലഭ്യമാക്കിയിരിക്കുന്നത്.
കാഞ്ഞങ്ങാട്: കാഞ്ഞങ്ങാട് ഫിലിംസ് പുതുമുഖങ്ങളെ കോര്‍ത്തിണക്കി ദിനേശ് പൂച്ചക്കാട് രചനയും സംവിധാനവും നിര്‍വ്വഹിക്കുന്ന ചിത്രമായ രാമനും കദീജയുടെയും ചിത്രീകരണം കാസര്‍കോട് ജില്ലയില്‍ വിവിധയിടങ്ങളിലായി പുരോഗമിക്കുന്നു.
പുതുമുഖ താരങ്ങളായ നവനീത് കൃഷ്ണനും, അപര്‍ണ ഹരിയും മുഖ്യ കഥാപാത്രങ്ങളാവുന്ന ചിത്രത്തില്‍ മലയാളത്തിലെ പ്രശസ്ത താരങ്ങളും അഭിനയിക്കുന്നു.
സതീശ് കാനായിയും ബിന്‍രാജ് കാഞ്ഞങ്ങാടും നിര്‍മ്മിക്കുന്ന ചിത്രത്തില്‍ കോ-പ്രൊഡ്യൂസര്‍ മഹേഷ കാഞ്ഞങ്ങാട്, റാസ് കാഞ്ഞങ്ങാട്, കെ.വി.ശശികുമാര്‍ കാഞ്ഞങ്ങാട്, ക്യാമറ അഭിരാം സുദില്‍, സംഗീതം ഷാജി കാഞ്ഞങ്ങാട്, ശ്രീശൈലം രാധാകൃഷ്ണന്‍, ആര്‍ട്ട് മോഹന്‍ ചന്ദ്രന്‍, പി.ആര്‍.ഒ. സുരേഷ് എസ്‌ലൈന്‍, മേക്കപ്പ് ഇമാനുവല്‍ ആംബ്രോസ്, അനീഷ് ആന്‍, കൊറോയോഗ്രാഫി രാമചന്ദ്രന്‍ വേലാശ്വരം, മനൂപ്, സ്റ്റില്‍സ് രതീഷ് കാലിക്കടവ്, പ്രൊഡക്ഷന്‍ കണ്‍ട്രോള്‍ എബിന്‍ പാലംതലക്കല്‍, കോസ്റ്റ്യൂം പുഷ്പ ഡിസൈന്‍, പോസ്റ്റര്‍ ഡിസൈന്‍ ശ്രീരാഗം നയന്‍റീന്‍ എന്നിവര്‍ അണിയറയില്‍ പ്രവര്‍ത്തിക്കുന്നു.