പുല്ലൂർ പെരിയ ഗ്രാമപഞ്ചായത്തിന്റെ കേരളോത്സവം കലാമേള കാട്ടുമാടം ജവഹർ ആർട്സ് ആൻഡ് സ്പോർട്സ് ക്ലബ്ബിന്റെ നേതൃത്വത്തിൽ സത്യ സായി ഗ്രാമത്തിൽ നടന്നു. വാർഡ് മെമ്പർ രജനിയുടെ അധ്യക്ഷതയിൽ ബഹുമാന്യനായ എം പി രാജ്മോഹൻ ഉണ്ണിത്താൻ പരിപാടി ഉത്ഘാടനം ചെയ്തു. പഞ്ചായത്ത് പ്രസിഡന്റ് സി. കെ അരവിന്ദൻ സമ്മാനദാനം നിർവഹിച്ചു. ജന സാഗരം പരിപാടിയുടെ വിജയത്തെ മാറ്റ്കൂട്ടി.
23 ഓളം ക്ലബ്ബുകൾ പങ്കെടുത്ത മത്സരത്തിൽ ഓവർ ഓൾ ചാമ്പ്യൻമാരായി ജവഹർ കാട്ടുമാടവും യുവശക്തി കപ്പത്തികാൽ രണ്ടാം സ്ഥാനതെത്തി.
ഈസ്റ്റ്‌ എളേരി ജനാതിപത്യ വികസന സഖ്യം കോൺഗ്രസിൽ ലയിച്ചു. ലയന സമ്മേളനം കെ പി സി സി പ്രസിഡന്റ് കെ സുധാകരൻ ഉത്ഘാടനം ചെയ്തു. ലയനം കാണാൻ ആയിരകണക്കിന്ന് കോൺഗ്രസ് പ്രവർത്തകരാണ് മലയോരത്ത് സംഘടിച്ചത്. ഈസ്റ്റ്‌ എളേരി പഞ്ചായത്ത് പ്രസിഡണ്ട് ജെയിംസ് പന്തമാക്കാനും കൂട്ടരും കോൺഗ്രസിൽ ചേർന്നത് ആവേശത്തോടെയാണ് കോൺഗ്രസ് പ്രവർത്തകർ വരവേറ്റത്. കെ സുധാകരനെ ചെറുപുഴ പാലം മുതൽ ആനയിച്ചാണ് കൊണ്ടുവന്നത്. സി കെ ശ്രീധരൻ കോൺഗ്രസ് വിട്ടതിനെതിരെ സുധാകരൻ വിമർശിച്ചു. രാജ്മോഹൻ ഉണ്ണിത്താൻ എം പി, പി കെ ഫൈസൽ, കെ പി കുഞ്ഞികണ്ണൻ, ഹകീം കുന്നിൽ, ബാലകൃഷ്ണൻ പെരിയ, വിനോദ് കുമാർ പള്ളയിൽ വീട് തുടങ്ങി ജില്ലയിലെ പ്രമുഖ കോൺഗ്രസ് നേതാക്കൾ ലയന സമ്മേളനത്തിൽ പങ്കെടുത്തു
പള്ളിക്കര : റെയിൽവേ വികസനകാര്യത്തിൽ സ്റ്റേഷനുകളോട് റെയിൽവേ ഉദ്യോഗസ്ഥ സമൂഹം കാണിക്കുന്ന വിവേചനം അവസാനിപ്പിക്കാൻ കേന്ദ്ര സർക്കാർ മുൻകൈ എടുക്കനാമെന്ന് കെ പി സി സി മെമ്പർ ഹക്കീം കുന്നിൽ ആവശ്യപ്പെട്ടു…
ബേക്കൽ ഫോർട്ട്‌ റെയിൽവേ സ്റ്റേഷനോടുള്ള അവഗണന അവസാനിപ്പിക്കുക , ബേക്കൽ ഫോർട്ട്‌ സ്റ്റേഷനെ ടൂറിസം സ്റ്റേഷനായി ഉയർത്തുക , ഏറനാട് ഉൾപെടുയുള്ള ദീര്ഘദൂര ട്രയിനുകൾക്ക് സ്റ്റോപ്പ് അനുവദിക്കുക , റയിൽവേ സ്റ്റേഷൻ വികസനം ത്വരിതപ്പെടുത്തുക എന്നീ ആവശ്യങ്ങൾ ഉന്നയിച്ചു കൊണ്ട് പള്ളിക്കര ടൗൺ കോൺഗ്രസ് കമ്മിറ്റിയുടെ നേതൃത്വത്തിൽ സ്റ്റേഷൻ പരിസരത്ത് നടത്തിയ മനുഷ്യ റെയിൽ സമരം ഉത്ഘാടനം ചെയ്യുകയായിരുന്നു അദ്ദേഹം.
ഷറഫു മൂപ്പൻ അധ്യക്ഷത വഹിച്ചു , എം പി എം ഷാഫി , രാജേഷ് പള്ളിക്കര , മഹേഷ്‌ തച്ചങ്ങാട് , റാഷിദ്‌ പള്ളിമാൻ , ജാഫർ കല്ലിങ്കാൽ , ബി ടി സുരേഷ് , ശേഖരൻ മഠത്തിൽ , ബി കെ സലീം, രാജേഷ്, ജമാൽ കല്ലിങ്കാൽ , അബ്രാദ് കല്ലിങ്കാൽ, ശംസാൻ പള്ളിപ്പുഴ, നിയാസ് കപ്പണ , തുടങ്ങിയവർ നേതൃത്വം നൽകി
മാണിക്കോത്ത് :ഓല പന്തൽ കൊണ്ട് നിർമ്മിച്ച മാണിക്കോത്തേ ശ്രീ നാരായണ ഹോട്ടലാണ് പ്രവർത്തിച്ചു കൊണ്ടിരിക്കുന്ന സമയത്ത് തീ പിടിച്ചത്. ഹോട്ടലിലുണ്ടായിരുന്ന ഗ്യാസ് സിലണ്ടറുകൾ ഉഗ്രസ്ഫോടനത്തിൽ പൊട്ടിത്തെറിച്ചതായി സമീപവാസികൾ പറഞ്ഞു
മംഗല്‍പ്പാടി ഗ്രാമ പഞ്ചായത്ത് പ്രസിഡണ്ട് റിസാന സാബിര്‍ രാജിവെച്ചു. റിസാനയുടെ സഹോദരന്‍ റിയാസാണ് പഞ്ചായത്ത് ഓഫീസിലെത്തി രാജിക്കത്ത് കൈമാറിയത്. ഒരാഴ്ച്ച മുമ്പ് റിസാന മുസ്ലിംലീഗ് കാസര്‍കോട് ജില്ലാ കമ്മിറ്റിക്ക് രാജിക്കത്ത് നല്‍കിയിരുന്നു. ഇതിന് ശേഷമാണ് ഔദ്യോഗികമായി ശനിയാഴ്ച്ച രാജിക്കത്ത് നല്‍കിയത്. ഇതോടെ പഞ്ചായത്തില്‍ പ്രസിഡണ്ടുമായി ബന്ധപ്പെട്ടുയര്‍ന്ന വിവാദങ്ങള്‍ അവസാനിച്ചു. റിസാന പാര്‍ട്ടി ജില്ലാ കമ്മിറ്റിക്ക് രാജിക്കത്ത് നല്‍കിയപ്പോള്‍ തന്നെ പുതിയ പ്രസിഡണ്ട് ആരെന്ന കാര്യത്തില്‍ ലീഗില്‍ ചര്‍ച്ചകള്‍ തുടങ്ങിയിരുന്നു. രാജി ഉറപ്പായതോടെ തിരക്കിട്ട ചര്‍ച്ചകള്‍ സജീവമായി.
പ്രകൃതിദത്തമായ ഒട്ടേറെ മനോഹരതടാകങ്ങള്‍ നിറഞ്ഞ നാടാണ് സിക്കിം. അക്കൂട്ടത്തില്‍ അല്‍പം വ്യത്യസ്തമായതും പവിത്രമായി കരുതപ്പെടുന്നതാണ് സമുദ്രനിരപ്പിൽനിന്ന് ഏകദേശം ആയിരത്തി എഴുനൂറ് മീറ്റർ ഉയരത്തിലുള്ള ഖേചിയോപൽരി തടാകം . ഹിന്ദുക്കൾക്കും ബുദ്ധമതക്കാർക്കും ഒരുപോലെ പ്രധാനപ്പെട്ട ഈ തടാകം, സിക്കിമിലെ വളരെ പ്രധാനപ്പെട്ട തീര്‍ഥാടനകേന്ദ്രം കൂടിയാണ്.
യുക്‌സോമിലെ ദുബ്ദി മൊണാസ്ട്രി പെമയാങ്‌റ്റ്‌സെ മൊണാസ്ട്രി, റാബ്‌ഡെന്റ്‌സെ, സംഗ ചോലിങ് മൊണാസ്ട്രി, താഷിഡങ് മൊണാസ്ട്രി എന്നിവ ഉൾപ്പെടുന്ന ബുദ്ധമത തീർഥാടന സർക്യൂട്ടിന്‍റെ ഭാഗമാണ് ഖേചിയോപൽരി തടാകം. ബുദ്ധ ഗുരുവായിരുന്ന പത്മസംഭവ ഇവിടെ അറുപത്തിനാല് യോഗിനിമാരോട് പ്രസംഗിച്ചു എന്നുപറയപ്പെടുന്നു. മാത്രമല്ല, ബുദ്ധന്‍റെ പാദത്തിന്‍റെ ആകൃതിയാണ് തടാകത്തിന് എന്നും അവര്‍ വിശ്വസിക്കുന്നു. ചുറ്റുമുള്ള കുന്നുകള്‍ക്കു മുകളില്‍നിന്നു നോക്കിയാല്‍ ഈ രൂപം വ്യക്തമായി കാണാനാവും.
എല്ലാവര്‍ഷവും മാർച്ച്, ഏപ്രിൽ മാസങ്ങളിൽ തടാകതീരത്ത് സിക്കിമിലെ ഏറ്റവും വലിയ ഉത്സവങ്ങളിലൊന്നായ ചോമ്പ ചോപ്പ അരങ്ങേറുന്നു. ഈ ഉത്സവത്തില്‍ പങ്കെടുക്കാനായി നേപ്പാളിൽനിന്നും ഭൂട്ടാനിൽനിന്നുമെല്ലാം ബുദ്ധമതവിശ്വാസികള്‍ ഇവിടേയ്ക്ക് എത്തുന്നു.
ശിവനുമായി ബന്ധപ്പെട്ടതാണ് മറ്റൊരു ഐതിഹ്യം. തടാകത്തിനു മുകളിൽ സ്ഥിതി ചെയ്യുന്ന ഡ്യൂപുക്‌നി ഗുഹയിൽ ശിവന്‍ ധ്യാനമിരുന്നിരുന്നത്രേ. ഇതിന്‍റെ ഓര്‍മയ്ക്കായി നാഗപഞ്ചമി ദിവസം ഇവിടെ പ്രത്യേക ഉത്സവങ്ങളും ആഘോഷങ്ങളും നടത്തിവരുന്നു.
ഖേചിയോപൽരി തടാകത്തിലെ ജലത്തിന് ആഗ്രഹങ്ങള്‍ നിറവേറ്റാനുള്ള കഴിവുണ്ടെന്ന് ആളുകള്‍ വിശ്വസിക്കുന്നു. ഉത്സവസമയത്ത് ആളുകള്‍ ഇവിടെയെത്തി തടാകത്തിലെ ജലം പ്രസാദമായി കൊണ്ടുപോകാറുണ്ട്. തടാകത്തിലെ ജലം ആചാരങ്ങൾക്കും അനുഷ്ഠാനങ്ങൾക്കും മാത്രമേ ഉപയോഗിക്കാനാവൂ. ഈ വെള്ളത്തില്‍ ഇറങ്ങാനോ കാലുകള്‍ വയ്ക്കാനോ സന്ദര്‍ശകര്‍ക്ക് അനുവാദമില്ല. മാത്രമല്ല, തടാകത്തിനടുത്ത് പോകുന്നവര്‍ ഷൂസ് ധരിക്കാനും പാടില്ല. തടാകത്തിനടുത്തുള്ള പര്‍വതശിഖരത്തിലേക്ക് സഞ്ചാരികള്‍ക്ക് ട്രെക്കിങ് നടത്താം. ഏകദേശം ഇരുപതു മിനിറ്റെടുക്കും ഏറ്റവും മുകളിലെത്താന്‍. ഇവിടെനിന്ന് നോക്കിയാല്‍ തടാകക്കാഴ്ച വളരെ മനോഹരമാണ്. ട്രെക്കിങ് കഴിഞ്ഞു വരുന്നവര്‍ക്ക് നല്ല ചൂടു പറക്കുന്ന കാപ്പി വിളമ്പുന്ന ഒരു കഫേയും പ്രദേശത്തുണ്ട്.
ഖേചിയോപൽരി തടാകത്തില്‍ ഒട്ടേറെ മത്സ്യങ്ങളുണ്ട്. സന്ദര്‍ശകര്‍ക്ക് ഇവയ്ക്ക് ഭക്ഷണം കൊടുക്കാം. ഇവയ്ക്കുള്ള തീറ്റ എറിഞ്ഞുകൊടുക്കുന്ന ആളുകള്‍ ഇവിടുത്തെ സ്ഥിരം കാഴ്ചയാണ്. തടാകയാത്രയുടെ ഓര്‍മയ്ക്കായി സൂക്ഷിക്കാവുന്ന വിവിധ വസ്തുക്കള്‍ വില്‍ക്കുന്ന ധാരാളം കടകളും ഇവിടെയുണ്ട്. തടാകത്തിനടുത്ത് പഴയൊരു ബുദ്ധമത ആശ്രമമുണ്ട്. ബഹളങ്ങളില്‍ നിന്നെല്ലാം മാറി അല്‍പ സമയം ചെലവഴിക്കാനും ധ്യാനിക്കാനും ഇവിടേക്ക് വരാം.
ഖേചിയോപൽരി തടാകത്തിന് ചുറ്റുമായി സ്ഥിതിചെയ്യുന്ന ഒരു കൊച്ചുഗ്രാമമുണ്ട്. ഖേചിയോപൽരി എന്നുതന്നെയാണ് ഇതിന്‍റെ പേര്. തടാകം സന്ദര്‍ശിക്കുന്ന ആളുകള്‍ തങ്ങുന്ന സ്ഥലമാണിത്. ഗ്രാമവാസികള്‍ സഞ്ചാരികളെ വളരെ ഊഷ്മളതയോടെ സ്വീകരിക്കുന്നു. ഇവിടെ ഭക്ഷണം കഴിക്കാനായി എത്തുന്നവരും കുറവല്ല.
തടാകത്തിൽനിന്ന് പതിനേഴു കിലോമീറ്റർ അകലെയാണ് കാഞ്ചൻജംഗ വെള്ളച്ചാട്ടം. നിബിഡ വനങ്ങളാലും പച്ചക്കുന്നുകളാലും ചുറ്റപ്പെട്ട മനോഹരമായ വെള്ളച്ചാട്ടത്തിലേക്ക് എത്താന്‍ ഖേചിയോപൽരിയിൽ‍നിന്ന് നാല്‍പതു മിനിറ്റ് ഡ്രൈവ് ചെയ്യണം. കാഞ്ചൻജംഗ പർവതത്തിലെ ഹിമാനികളില്‍നിന്ന് ഒഴുകിയെത്തുന്ന ശുദ്ധജലമാണ് ഇവിടെയുള്ളത്. പെല്ലങ് മേഖലയിലെ ഏറ്റവും ഉയരമുള്ള വെള്ളച്ചാട്ടമാണിത്.
പെല്ലിങ് ടൗണിൽനിന്ന് ഏകദേശം മുപ്പത് കിലോമീറ്റർ അകലെയാണ് ഖേചിയോപൽരി തടാകം. തടാകത്തിന് ഏറ്റവും അടുത്തുള്ള പ്രധാന പട്ടണമാണിത്. ഇവിടെനിന്ന് ഒരു മണിക്കൂറിലേറെ യാത്ര ചെയ്തുവേണം തടാകത്തില്‍ എത്താന്‍. സംസ്ഥാന തലസ്ഥാനമായ ഗാങ്‌ടോക്കിൽ നിന്ന് ഏകദേശം 112 കിലോമീറ്റർ അകലെയാണ് പെല്ലങ്. ഇവിടെനിന്നു തടാകത്തിലേക്ക് പോകാനായി ക്യാബുകളും ജീപ്പുകളും ലഭ്യമാണ്. പെല്ലിങ്ങിൽനിന്ന് തടാകത്തിലേക്ക് ദിവസത്തിൽ ഒരിക്കൽ സര്‍വീസ് നടത്തുന്ന സംസ്ഥാന ബസുകളുമുണ്ട്.
ഏകദേശം 140 കിലോമീറ്റർ അകലെയുള്ള സിലിഗുരിയിലെ ബാഗ്‌ഡോഗ്രയാണ് ഏറ്റവും അടുത്തുള്ള വിമാനത്താവളം. ഏറ്റവും അടുത്തുള്ള റെയിൽവേ സ്റ്റേഷൻ സിലിഗുരി – ന്യൂ ജൽപായ്ഗുരി റെയിൽവേ സ്റ്റേഷനാണ്.
ഒക്ടോബർ മുതൽ ഫെബ്രുവരി വരെയുള്ള ശൈത്യകാലമാണ് ഖേചിയോപൽരി തടാകം സന്ദർശിക്കാൻ ഏറ്റവും അനുയോജ്യമായ സമയം. തടാകവും പരിസരപ്രദേശങ്ങളും അതിമനോഹരമായി അണിഞ്ഞൊരുങ്ങുന്ന സമയമാണിത്. മേയ്മാസത്തിന് ശേഷം ഈ പ്രദേശത്ത് കനത്ത മഴ തുടങ്ങും. അതിനാൽ സഞ്ചാരികൾ മഴക്കാലം ഒഴിവാക്കുന്നു. രാവിലെ ആറു മുതല്‍ വൈകിട്ട് ആറു വരെയാണ് സന്ദര്‍ശകര്‍ക്ക് അനുവദിക്കപ്പെട്ട സമയം.
കാഞ്ഞങ്ങാട്: ഇന്ത്യൻ ലോയേഴ്‌സ് കോൺഗ്രസ് ഹോസ്ദുർഗിന്റെ ആഭിമുഖ്യത്തിലാണ് മത്സരം സംഘടിപ്പിക്കുന്നത്. ലോകകപ്പ് ഫുട്ബോൾ ആവേശത്തിൽ ലോകകപ്പ് ഫുട്ബോളിന്റെ ആരവമുയർത്തി ഹോസ്ദുർഗിലെ അഭിഭാഷകർ, അഭിഭാഷക ക്ലർക്കുമാർ, കോടതി ജീവനക്കാർ, പ്രോസിക്യൂഷൻ സ്റ്റാഫ് എന്നിവർ ഉൾപ്പെടെയുള്ളവരുടെ ടീമുകളെ പങ്കെടുപ്പിച്ചു കൊണ്ടാണ് ഷൂട്ടൗട്ട് മത്സരം സംഘടിപ്പിക്കുന്നത്
നവംബർ 22 തിയ്യതി വൈകുന്നേരം 4മണിക്ക് ഹോസ്ദുർഗ് കോടതിക്ക് മുന്നിലുള്ള ഗ്രൗണ്ടിൽ വെച്ചാണ് മത്സരം നടക്കുന്നത്
മംഗൽപാടി ഗ്രാമ പഞ്ചായത്തിലെ മാലിന്യ പ്രശ്നമടക്കമുള്ള ദുർഭരണത്തിനെതിരെ എൽ ഡി എഫ് പഞ്ചായത്ത് കമ്മിറ്റിയുടെ നേതൃത്വത്തിൽ നടന്നുവരുന്ന അനിശ്ചിതകാല സമരത്തിന്റെ ഇരുപത്തിന്നാലാം ദിവസത്തെ ഉൽഘാടനം കേരള കോൺഗ്രസ് എം കാസറഗോഡ് ജില്ലാ പ്രസിഡന്റ് കുര്യാക്കോസ് പ്ലാപ്പറമ്പിൽ ഉൽഘാടനം ചെയ്തു.
സമരം കണ്ടില്ലെന്ന് നടിക്കുന്ന പഞ്ചായത്ത് ഭരണ സമിതിയുടെ അലംഭാവം മാറുന്നിലെങ്കിൽ സമരത്തിന്റെ രീതി മാറുമെന്ന് താക്കീത് ചെയ്തു. ഫാറൂഖ് ഷിറിയ അധ്യക്ഷത വഹിച്ചു. രാഘവ ചേരാൾ സ്വാഗതം പറഞ്ഞു. കേരള കോൺഗ്രസ് എം സംസ്ഥാന കമ്മിറ്റി അംഗം ജെയിംസ് മരുർ, ഗംഗാധരൻ അടിയോടി, എൽ ഡി എഫ് പഞ്ചായത്ത് കൺവീനർ ഹമീദ് കോസ്മോസ്, ഹരീഷ്കുമാർ ഷെട്ടി, മെഹമൂദ് കൈകമ്പ, സാദ്ദിഖ്‌ ചെറുഗോളി, സിദ്ദിഖ് കൈകമ്പ, അഷ്‌റഫ്‌ മുട്ടം, രവീന്ദ്ര ഷെട്ടി, ഷെക്കുഞ്ഞി എന്നിവർ പ്രസംഗിച്ചു..
തൃകരിപ്പൂർ : ഫിഫ വേൾഡ്
കപ്പിൻ്റെ ഭാഗമായി സംസ്ഥാന സർക്കാരിൻ്റെ വൺ മില്യൺ ഗോൾ എന്ന പരിപാടിയുടെ സ്കൂൾ തല ഉദ്ഘാടനം തൃക്കരിപ്പൂർ സെൻറ് പോൾസ് എയുപി സ്കൂളിൽ വെച്ച് നടന്നു.സ്കൂൾ പിടിഎ പ്രസിഡണ്ട് കരീം ചന്തേര ഉദ്ഘാടനം നിർവഹിച്ചു. വിദ്യാർത്ഥികളാടൊപ്പം ഹെഡ്മിസ്ട്രസ്സ് സിസ്റ്റർ.ഷീന ജോർജ്ജ്, സ്റ്റാഫ് സെക്രട്ടറി ഷഹീദ് മാസ്റ്റർ, ഫിസിക്കൽ അധ്യാപകൻ, എ ജി സി ഹംലാദ്, ടോം പ്രസാദ്,മാസ്റ്റർ ശങ്കരൻകുട്ടി, മുസ്തഫ, സന്തോഷ്, അജയകുമാർ, എന്നിവർ പങ്കെടുത്തു. പരിപാടിയുടെ ഭാഗമായി കുട്ടികൾക്ക് ഫുട്ബോൾ പരിശീലന ക്യാമ്പ് നടത്തുന്നുണ്ട്.
കാഞ്ഞങ്ങാട് : ഖത്തർ ലോകകപ്പിന്റെ ആവേശമുയർത്തി അർജന്റീന ഫാൻസുകാർ കാഞ്ഞങ്ങാട് നഗരത്തിൽ വിളംബര റാലി നടത്തി.
പുതിയ കോട്ട മുതൽ അതിഞ്ഞാൽ വരെ നടന്ന വിളംബര റാലിയിൽ നൂറുകണക്കിന് അർജന്റീന ആരാധകർ പങ്കെടുത്തു. പുതിയ കോട്ടയിൽ നടന്ന ഫ്ലാഗ് ഓഫ് ചടങ്ങ് ഹോസ്ദുർഗ് പോലീസ് സബ് ഇൻസ്പെക്ടർ മോഹനൻ നിർവഹിച്ചു. അർജന്റീന ഫാൻസ് കെ എൽ 60 കാഞ്ഞങ്ങാടിന്റ നേതൃത്വത്തിലാണ് റാലി നടന്നത്. കമ്മിറ്റി പ്രസിഡന്റ് ആരിഫ് യു വി, ശരീഫ് കെ കെ, നിലാർ, റഷീദ്, ഹിഷാമ, സിദ്ദിഖ് തുടങ്ങിയവർ നേതൃത്വം നൽകി.