മംഗല്‍പ്പാടി ഗ്രാമ പഞ്ചായത്ത് പ്രസിഡണ്ട് റിസാന സാബിര്‍ രാജിവെച്ചു
മംഗല്‍പ്പാടി ഗ്രാമ പഞ്ചായത്ത് പ്രസിഡണ്ട് റിസാന സാബിര്‍ രാജിവെച്ചു. റിസാനയുടെ സഹോദരന്‍ റിയാസാണ് പഞ്ചായത്ത് ഓഫീസിലെത്തി രാജിക്കത്ത് കൈമാറിയത്. ഒരാഴ്ച്ച മുമ്പ് റിസാന മുസ്ലിംലീഗ് കാസര്‍കോട് ജില്ലാ കമ്മിറ്റിക്ക് രാജിക്കത്ത് നല്‍കിയിരുന്നു. ഇതിന് ശേഷമാണ് ഔദ്യോഗികമായി ശനിയാഴ്ച്ച രാജിക്കത്ത് നല്‍കിയത്. ഇതോടെ പഞ്ചായത്തില്‍ പ്രസിഡണ്ടുമായി ബന്ധപ്പെട്ടുയര്‍ന്ന വിവാദങ്ങള്‍ അവസാനിച്ചു. റിസാന പാര്‍ട്ടി ജില്ലാ കമ്മിറ്റിക്ക് രാജിക്കത്ത് നല്‍കിയപ്പോള്‍ തന്നെ പുതിയ പ്രസിഡണ്ട് ആരെന്ന കാര്യത്തില്‍ ലീഗില്‍ ചര്‍ച്ചകള്‍ തുടങ്ങിയിരുന്നു. രാജി ഉറപ്പായതോടെ തിരക്കിട്ട ചര്‍ച്ചകള്‍ സജീവമായി.
