Category: Latest news

ഇന്ത്യാ-ചൈന അതിർത്തിയായ രസങ്ക് ലാ ചിസൂതിൽ വെച്ച് 1962 ൽ ഉണ്ടായ ഇന്തോ – ചൈന യുദ്ധത്തിൽ വീരമൃത്യു മരിച്ച 114 ധീര ആഹിർ ( യാദവ) ജവാന്മാരുടെ ധീര രക്തസാക്ഷിത്വത്തിന്റെ അറുപതാം വാർഷിക മാണ് നവംബർ 18.
ധീര രക്തസാക്ഷികളുടെ സ്മരണകളുറങ്ങുന്ന രസങ്ക് ലായിൽ നിന്നും മഹാസഭയുടെ പ്രതിനിധികളായ ബ്രിഗേഡിയർ പ്രദീപ് യദു , ശ്രീ രമേശ് പൈലറ്റ് എന്നിവർ കുംഭങ്ങളിൽ ശേഖരിച്ച രസങ്ക് ലാ മണ്ണ് രാജ്യത്തുടനീളം വിതരണം ചെയ്യുന്നതിന് സംഘടി പ്പിക്കുന്ന രസങ്ക് ലാ ഷഹീദ് യാത്രഹരിയാനയിലെ ഗുരു ഗ്രാമിലെ രസങ്ക് ലാ സ്മാരകത്തിൽ വെച്ച് ദേശീയ അദ്ധ്യക്ഷൻ ഡോ. സ്വപൻകുമാർ ഘോഷ് ഉൽഘാടനം ചെയ്തു.

ആഹിർ റജിമെന്റ് രൂപീകരിക്കണമെന്ന ആവശ്യമുന്നയിച്ചു കൊണ്ട് നടത്തുന്ന ഈ പരിപാടിയിൽ ദേശീയ നേതാക്കളോടൊപ്പം എല്ലാ സംസ്ഥാന അദ്ധ്യക്ഷന്മാരും മറ്റു ഭാരവാഹികളും പങ്കെടുത്തു. ദേശീയ സെക്രട്ടറി Adv.രമേശ് യാദവ് ഹരിയാനയിൽ നിന്ന് കലശം ഏറ്റുവാങ്ങി. സംസ്ഥാന ഭാരവാഹി കളുടെ സാന്നിദ്ധ്യത്തിൽ കാഞ്ഞങ്ങാട് വെച്ച് ദേശീയ സെക്രട്ടറിയെ ഹാരമണിയിച്ച് സ്വീകരിച്ചു. സംസ്ഥാന രക്ഷാധികാരി വയലപ്രം നാരായണൻ, ജനറൽ സെക്രട്ടറി കെ. യം. ദാമോദരൻ എന്നിവർ കലശം ഏറ്റുവാങ്ങി.

അഖില കേരള യാദവ സഭ രക്ഷാധികാരി വയലപ്രം നാരായണൻ്റെഅദ്ധ്യക്ഷതയിൽ ചേർന്ന സ്വീകരണ യോഗത്തിൽ ദേശീയ സെക്രട്ടറി Adv. രമേശ് യാദവ് ഗുരുഗ്രാം, ഹരിയാനയിൽ നടന്ന പരിപാടിയുടെ വിശദീകരണം നടത്തി. സംസ്ഥാന കമിററി അംഗം ചന്ദ്രൻ പെരിയ ആശംസ അർപ്പിച്ച് സംസാരിച്ചു. ജനറൽ സെക്രട്ടറി കെ.യം.ദാമോദരൻ സ്വാഗതവും, സംസ്ഥാന സെക്രട്ടറി ബാബു കുന്നത്ത് നന്ദിയും പറഞ്ഞു.

തിരുവനന്തപുരം: പാറശ്ശാല ഷാരോണ്‍വധക്കേസില്‍ നിര്‍ണായക തെളിവായ വിഷക്കുപ്പി കണ്ടെടുത്തു. കേസിലെ മുഖ്യപ്രതി ഗ്രീഷ്മയുടെ വീടിന് സമീപത്തെ കുളത്തിന് അടുത്തുള്ള കാട്ടില്‍ നിന്നാണ് കളനാശിനിയുടെ കുപ്പി കണ്ടെത്തിയത്.തെളിവെടുപ്പിനിടെ ഗ്രീഷ്മയുടെ അമ്മാവന്‍ നിര്‍മ്മല്‍ കുമാറാണ് കുപ്പി ഉപേക്ഷിച്ച സ്ഥലം പൊലീസിന് കാണിച്ചു കൊടുത്തത്. തുടര്‍ന്ന് നടത്തിയ തിരച്ചിലില്‍ പച്ച അടപ്പുള്ള വെളുത്ത നിറത്തിലുള്ള കുപ്പി കണ്ടെടുക്കുകയായിരുന്നു.

ഉച്ചയ്ക്ക് 12.30-ഓടെയാണ് ഷാരോണ്‍ കൊലക്കേസില്‍ പോലീസിന്റെ തെളിവെടുപ്പ് ആരംഭിച്ചത്. ഗ്രീഷ്മയുടെ അമ്മ സിന്ധു, അമ്മാവന്‍ നിര്‍മല്‍ കുമാര്‍ എന്നിവരെയാണ് ചൊവ്വാഴ്ച തെളിവെടുപ്പിന് കൊണ്ടുവന്നത്. പ്രതികളെ തിരുവനന്തപുരത്തുനിന്നും ഗ്രീഷ്മയുടെ വീട് സ്ഥിതി ചെയ്യുന്ന പ്രദേശത്തുള്ള തമിഴ്നാട്ടിലെ പളുകല്‍ പൊലീസ് സ്റ്റേഷനിലെത്തിച്ചിരുന്നു. ഇവിടെ നിന്നാണ് ഗ്രീഷ്മയുടെ വീട് സ്ഥിതിചെയ്യുന്ന രാമവര്‍മന്‍ ചിറയിലേക്ക് കൊണ്ടുവന്നത്.

ഷാരോണിന് കഷായത്തില്‍ ചേര്‍ത്തു നല്‍കിയ കളനാശിനിയുടെ കുപ്പി പറമ്ബിലേക്ക് എറിഞ്ഞു കളഞ്ഞെന്നും, പിന്നീട് അമ്മാവന്‍ അവിടെ നിന്നും അതെടുത്തു മാറ്റിയെന്നുമായിരുന്നു ഗ്രീഷ്മ പൊലീസിന് മൊഴി നല്‍കിയിരുന്നത്. പ്രതികളെ തെളിവെടുപ്പിന് എത്തിക്കുന്നതറിഞ്ഞ്
: നിരവധിപേരാണ് ഗ്രീഷ്മയുടെ വീടിന്റെ പരിസരത്ത് തടിച്ചുകൂടിയിരുന്നത്.

പാറശ്ശാല ഷാരോണ്‍ വധക്കേസില്‍ ക്രൈംബ്രാഞ്ച് നിയമോപദേശം തേടിയിരുന്നു. കൊലപ്പെടുത്തുന്നതിനായി കഷായത്തില്‍ വിഷം കലര്‍ത്തി നല്‍കിയത് തമിഴ്‌നാട്ടിലായതിനാല്‍ തുടരന്വേഷണത്തിലെ നിയമപരമായ ആശയക്കുഴപ്പം ദുരീകരിക്കുന്നതിനാണ് നിയമോപദേശം തേടിയത്. ഷാരോണിന് വിഷം കലര്‍ന്ന കഷായം നല്‍കിയത് ഗ്രീഷ്മയുടെ കന്യാകുമാരി ജില്ലയിലെ
രാമവര്‍മന്‍ചിറയിലെ വീട്ടില്‍ വെച്ചാണ്.

ഈ വീട് സ്ഥിതി ചെയ്യുന്നത് തമിഴ്‌നാട്ടിലെ പളുകല്‍ പൊലീസ് സ്റ്റേഷന്‍ പരിധിയിലാണ്. ഷാരോണ്‍ മരിച്ചത് കേരളത്തില്‍ വെച്ചാണ്. ഷാരോണ്‍ വധക്കേസില്‍ പരാതി ലഭിച്ചതും കേസ് രജിസ്റ്റര്‍ ചെയ്തതും കേരളത്തിലെ പാറശ്ശാല പൊലീസാണ്. ഈ സാഹചര്യത്തിലാണ് തുടരന്വേഷണത്തില്‍ നിയമ പ്രശ്‌നങ്ങളുണ്ടോ, തമിഴ്‌നാട് പൊലീസിന് കേസ് കൈമാറേണ്ടതുണ്ടോ തുടങ്ങിയ
: കാര്യങ്ങളില്‍ അന്വേഷണ സംഘം നിയമോപദേശം തേടിയത്.

തിരുവനന്തപുരം > പീഡനകേസില്‍ എല്‍ദോസ് കുന്നപ്പിള്ളി അന്വേഷണവുമായി സഹകരിക്കണമെന്ന് ഹൈക്കോടതി. എല്ലാദിവസവും രാവിലെ ഒമ്പതുമണിക്ക് അന്വേഷണ ഉദ്യോഗസ്ഥന്‍ മുമ്പാകെ ഹാജരാകണമെന്ന് കോടതി പറഞ്ഞു. മുന്‍കൂര്‍ ജാമ്യം റദ്ദാക്കണമെന്ന ഹര്‍ജി അടുത്ത ചൊവ്വാഴ്‌ച പരിഗണിക്കും.