Category: Latest news

കാഞ്ഞങ്ങാട് :ഭിന്നശേഷി സൗഹൃദമായി സോളിഡാരിറ്റി യൂത്ത് മൂവ്മെന്റ് കാസർകോട് ജില്ലാ കമ്മിറ്റിയുടെയും ഓൾ കേരള വീൽചെയർ റൈറ്റ് ഫെഡറേഷൻ ജില്ലാ കമ്മിറ്റിയുടെയും സംയുക്താഭിമുഖ്യത്തിൽ കാഞ്ഞങ്ങാട് സംഘടിപ്പിച്ച ഇഫ്താർ വിരുന്നും കുടുംബ സംഗമവും വേറിട്ട അനുഭവമായി. അരക്ക് താഴെ ചലനശേഷി നഷ്ടപ്പെട്ട ജില്ലയുടെ വിവിധ ഭാഗങ്ങളിൽ നിന്ന് വന്നവരുടെ സംഗമം മാധ്യമപ്രവർത്തകൻ ഷഫീക്ക് നസറുള്ള ഉദ്ഘാടനം ചെയ്തു. സോളിഡാരിറ്റി യൂത്ത് മൂവ്മെന്റ് ജില്ലാ കമ്മിറ്റിയംഗം ഡോ. മുഹമ്മദ് റിയാസ് അധ്യക്ഷത വഹിച്ചു. ഓൾ കേരള വീൽചെയർ റൈറ്റ് ഫെഡറേഷൻ ജില്ലാ പ്രസിഡൻ്റ് രാജേഷ്, ജമാഅത്തെ ഇസ്‌ലാമി ഏരിയ സെക്രട്ടറി മൊയ്തു ഇരിയ, മുതിർന്ന മാധ്യമ പ്രവർത്തകൻ ടി.മുഹമ്മദ് അസ്‌ലം, ബഷീർ സിറ്റി, ഡോ. മിസ്അബ് , ഇബ്രാഹിം ബിസ്മി അസീസ് കൊളവയൽ, ഷഫീഖ് ഇടുക്കി എന്നിവർ സംസാരിച്ചു. സി.എ യൂസുഫ് സ്വാഗതവും സജീർ പള്ളിക്കര നന്ദിയും പറഞ്ഞു.

പാലക്കുന്ന് : പാലക്കുന്ന് കഴകം ഭഗവതി ക്ഷേത്രത്തിൽ പൂരോത്സവത്തിന് ശേഷം നടന്ന ഉത്രവിളക്ക് ഉത്സവം ഭണ്ഡാര വീട്ടിലേക്കുള്ള തിരിച്ചെഴുന്നള്ളത്തോടെ സമാപിച്ചു.

കോലത്തു നാട്ടിൽ തീയ സമുദായ ക്ഷേത്രങ്ങളിൽ പാലക്കുന്നിൽ മാത്രം ആചരിക്കുന്ന അനുഷ്ഠാനമാണിതെന്ന് ക്ഷേത്രത്തിലെ മൂത്ത ഭഗവതിയുടെ നർത്തകനായ കപ്പണക്കാൽ കുഞ്ഞിക്കണ്ണൻ ആയത്താർ പറഞ്ഞു. ഉത്സവത്തോടനുബന്ധിച്ച് ഇന്നലെ പകൽ ചുവട്മായ്ക്കലും നടന്നു. കല്ലൊപ്പിക്കലിനും അനുബന്ധ ചടങ്ങുകൾക്കും ശേഷം വീണ്ടും ചുവട്മായ്ക്കൽ പൂർത്തിയാക്കി പള്ളിയറയിൽ തിരുവായുധം സമർപ്പിച്ചതോടെ ഉത്രവിളക്ക് സമാപിച്ചു.

ഇന്നലെ രാത്രി ഭണ്ഡാര വീട്ടിൽ തെയ്യം കൂടൽ ചടങ്ങ് നടന്നു

ഇന്ന് 25 മാർച്ച്‌ പകൽ വിഷ്ണുമൂർത്തി, പടിഞ്ഞാറ്റ ചാമുണ്ഡി, മൂവാളംകുഴി ചാമുണ്ഡി തെയ്യങ്ങൾ കെട്ടിയാടും. തൃക്കണ്ണാടപ്പന്റെ ‘അഞ്ച് കഴിഞ്ഞു ആറാമത്തെ’ പരദേവതയായി സങ്കൽപ്പിച്ചു വരുന്ന ശക്തിസ്വരൂപിണിയായ മൂവാളംകുഴി ചാമുണ്ഡിയമ്മയെ ഏതാനും ക്ഷേത്രങ്ങളിൽ മാത്രമേ കെട്ടിയാടാറുള്ളൂ . വൈകുന്നേരം വിളക്കിലരിയോടെ സമാപിക്കും.

ഉച്ചയ്ക്ക് അന്നദാനം ഉണ്ടായിരിക്കും.

പടം : പാലക്കുന്ന് ക്ഷേത്രത്തിൽ ഉത്രവിളക്ക് ഉത്സവത്തോടനുബന്ധിച്ച് നടന്ന ചുവട് മായ്ക്കൾ

പാലക്കുന്ന്: കഴകത്തിലെ കീക്കാനം കുന്നത്ത് കോതോർമ്പൻ തറവാട് തോക്കാനം താനത്തിങ്കാൽ ദേവസ്ഥാനത്ത് വയനാട്ടുകുലവൻ തെയ്യംകെട്ടിന് ഭക്ഷണം ഒരുക്കാൻ ആവശ്യമായ പച്ചക്കറികളുടെ വിളവെടുപ്പ് പൂരക്കളി അക്കാദമി ചെയർമാൻ കെ.കുഞ്ഞിരാമൻ ഉദ്‌ഘാടനം ചെയ്തു.

വിഷരഹിത പച്ചക്കറികൾ ഉപയോഗിച്ചുളള അന്നദാനം നൽകുക എന്ന ഉദ്ദേശത്തോടെ ആഘോഷകമ്മിറ്റിയും മാതൃസമിതിഅംഗങ്ങളും ചേർന്നാണ് കൃഷി നടത്തിയത്.ആഘോഷ കമ്മിറ്റി ചെയർമാൻ കെ. ശിവരാമൻ മേസ്ത്രി അധ്യക്ഷനായി. വർക്കിംഗ് ചെയർമാൻ പി. പി. ചന്ദ്രശേഖരൻ, കൺവീനർ ബാലകൃഷ്ണൻ പുളിക്കാൽ, ട്രഷറർ കേളു പുല്ലൂർ, പള്ളിക്കര പഞ്ചായത്ത് പ്രസിഡണ്ട് എം.കുമാരൻ, കൃഷി ഓഫീസർ പി.വി.ജലേശൻ, പാലക്കുന്ന് കഴകം ജനറൽ സെക്രട്ടറി പി.കെ.രാജേന്ദ്രനാഥ്‌, പഞ്ചായത്ത് അംഗങ്ങളായ ലീനകുമാരി, റീജരാജേഷ്, സി.ഡി.എസ്. ചെയർപേഴ്‌സൺ സുമതി, നാരായണൻ ആലിന്റടി, ബാലൻ കുന്നത്ത്, രാജൻ പള്ളയിൽ,എന്നിവർ പ്രസംഗിച്ചു .26ന് കൂവം അളക്കും. ഏപ്രിൽ 5 മുതൽ 7 വരെയാണ്‌ ഇവിടെ തെയ്യംകെട്ട് നടക്കുക.

 

പൂച്ചക്കാട് മഹാവിഷ്ണു ക്ഷേത്ര പരിധിയിലുള്ള പ്രദേശങ്ങളിലെ പ്രവാസികളുടെ കൂട്ടായ്മയായ പൈതൃകം പൂച്ചക്കാട്  പതിനൊന്നാം വർഷത്തിലേക്കാണ് കടക്കുന്നത്.

ഷാർജ റോളയിൽ റഫീഖ് റസ്‌റ്റോറന്റിൽ വെച്ച് പൈതൃകം പൂച്ചക്കാട് യു എ ഇ കമ്മിറ്റി വാർഷിക ജനറൽ ബോഡി യോഗം ചേർന്നത്. നാൽപതിലധികം അംഗങ്ങൾ പങ്കെടുത്തു.

ജനറൽബോഡി യോഗത്തിൽ നിലവിലുള്ള കമ്മിറ്റി തുടരാൻ തീരുമാനിക്കുകയായിരിന്നു.

തെക്ക് പുറം സ്വദേശി രാജേഷ് തെക്കേക്കര പ്രസിഡന്റായും രതീഷ് കുളിയന്മരം സെക്രട്ടറിയായും ഗംഗാധരൻ പൂച്ചക്കാട് ട്രഷറുമായുള്ള കമ്മിറ്റി തുടരും.

പതിനൊന്നാം വർഷത്തിലേക്ക് കടക്കുമ്പോൾ ഏറ്റെടുത്തു പൂർത്തീകരിച്ച കാര്യങ്ങൾ അഭിമാനമുള്ളവാക്കുന്നതാണെന്ന് ചർച്ചയിൽ പങ്കെടുത്തവർ പറഞ്ഞു.

ആദ്യ കാലഘട്ടത്തിൽ പൈതൃകം പൂച്ചക്കാട് മഹാവിഷ്ണു ക്ഷേത്രത്തിൽ കരിമരുന്നു പ്രയോഗത്തിനുള്ള സംഭാവന നൽകി കൊണ്ട് തുടങ്ങിയതാണ് . തുടർന്ന്

ആറര ലക്ഷത്തിനു മുകളിൽ ചിലവായ ക്ഷേത്ര ചുറ്റുമതിൽ നിർമ്മാണം പൈതൃകത്തിന്റെ നേതൃത്വത്തിലാണ് നടത്തിയത്

പുതിയ ക്ഷേത്ര ഭോജനശാലക്ക് വേണ്ടി നാല് ലക്ഷത്തിനടുത്ത് ചിലവിൽ ആവശ്യമായ ഫർണിച്ചർ സംഭാവന ചെയ്തതും ഈ പ്രവാസി കൂട്ടായ്യ്മ തന്നെയാണ്.

എല്ലാ വർഷവും നടക്കുന്ന ആറാട്ടിന് ഒരു ദിവസം നൽകുന്ന അന്നദാനം, ഉത്സവത്തോടനുബന്ധിച്ചു നടത്തുന്ന പരിപാടികളിൽ സഹകരണം, നറുക്കെടുപ്പുകളിൽ സ്വർണ്ണമടകമുള്ള കാര്യങ്ങൾ സംഭവ ചെയ്തതടക്കമുള്ള കാര്യങ്ങൾ ഓർമ്മപെടുത്തലുകളായി ചർച്ചയിൽ വന്നു.

നിരാലാംബരായവരെ സഹായിച്ചും പ്രവാസി കൂട്ടായ്മ മെമ്പർമാരെ പരസ്പരം സഹായിച്ചും പൈതൃകം ഒരു കൈത്താങ്ങായി നിലകൊള്ളുന്നു.

രാജേഷ് തെക്കേക്കര അധ്യക്ഷത വഹിച്ചു

കൃഷ്ണൻ കുന്നത്ത്കടവ്, സുരേഷ് ചാലിയം വളപ്പ്, സന്തോഷ്‌ തൊട്ടി, രാജേഷ് ചേറ്റുകുണ്ട്,  സന്തോഷ്‌ ചേറ്റുകുണ്ട് തുടങ്ങിയവർ സംസാരിച്ചു.

രതീഷ് കുളിയന്മരം സ്വാഗതവും ഗംഗധരൻ പൂച്ചക്കാട് നന്ദിയും പറഞ്ഞു.

2023 പ്രവർത്തന റിപ്പോർട്ട്‌, സാമ്പത്തിക റിപ്പോർട്ട്‌ കൂടാതെ ഭാവി പരിപാടികൾ തുടങ്ങിവയുടെ അവതരണം നടന്നു.

ഭാരവാഹികൾ

രക്ഷാധികാരി : കൃഷ്ണൻ കുന്നോത്ത് കടവ്

പ്രസിഡന്റ്:‌ രാജേഷ് തെക്കേക്കര

വൈസ് പ്രസിഡന്റ് : സന്തോഷ്‌ തോട്ടി

ജനറൽ സെക്രട്ടറി: രതീഷ് കുളിയന്മരം

ജോ: സെക്രട്ടറി : രാജേഷ് ചേറ്റുകുണ്ട്

ഖജാൻജി: ഗംഗാധരൻ പൂച്ചക്കാട്

സഹ ഖജാൻജി : സന്തോഷ്‌ ചെറ്റുക്കുണ്ട്

ഓഡിറ്റർ: സുരേഷ് ചാലിയം വളപ്പ്

എക്സികുട്ടീവ് മെമ്പർമാർ :

വസന്തൻ പൂച്ചക്കാട്, പ്രജി കിഴക്കേ വീട്, സുരേഷ് തെക്കേക്കര, പ്രജീഷ് ചേറ്റുക്കുണ്ട്, സന്ദീപ് ചേറ്റുക്കുണ്ട്, സന്തോഷ് ചേറ്റുകുണ്ട്, അനീഷ് തായത്ത്, സുരേഷ് തെക്കേകര.