Category: Latest news

ഉദുമ: പഞ്ചായത്തിൽ കറവപ്പശുകൾക്കുള്ള കാലിത്തീറ്റ വിതരണം പഞ്ചായത്ത്‌ പ്രസിഡന്റ്‌ പി. ലക്ഷ്മി ഉദ്ഘാടനം ചെയ്തു. പഞ്ചായത്തിലെ 218 കർഷകർക്ക് 6 മാസത്തേക്ക് 2 ചാക്ക് കാലിത്തീറ്റ വീതം 50 ശതമാനം സബ്‌സിഡി നിരക്കിൽ നൽകുന്നതാണ് പദ്ധതി. കാലിത്തീറ്റയുടെ വില കുത്തനെ വർധിച്ചുവരുന്ന സാഹചര്യത്തിൽ, പഞ്ചായത്തിന്റെ ഈ സഹായം കർഷകർക്ക് വലിയ ആശ്വാസമാകും. കാലിത്തീറ്റ വിതരണം ചെയ്യുന്നതിലൂടെ, പശുക്കളുടെ ആരോഗ്യം മെച്ചപ്പെടുന്നതായും, പാൽ ഉത്പാദനം വർധിക്കുന്നതായും കർഷകർ പറയുന്നുണ്ട്.

ഉദുമ ക്ഷീര സഹകരണ സംഘം പ്രസിഡന്റ് പി. ഭാസ്കരൻ നായർ അധ്യക്ഷനായി. പഞ്ചായത്ത് സ്ഥിരം സമിതി അധ്യക്ഷ എം. ബീവി, അംഗം ചന്ദ്രൻ നാലാംവാതുക്കൽ, സീനിയർ വെറ്ററിനറി സർജ്ജൻ ഡോ. ചന്ദ്രബാബു, ക്ഷീര സംഘം സെക്രട്ടറി പി. രജനി, ലൈവ് സ്റ്റോക്ക് ഇൻസ്‌പെക്ടർ റസിയ എന്നിവർ പ്രസംഗിച്ചു..

പടം : ഉദുമ പഞ്ചായത്തിൽ കാലിതീറ്റ വിതരണം പഞ്ചായത്ത്‌ പ്രസിഡന്റ് പി. ലക്ഷ്മി ഉദ്ഘാടനം ചെയ്യുന്നു

സാമൂഹ്യ നീതിവകുപ്പിന്റെ നേർവഴി പദ്ധതിയുടെ ഭാഗമായി ഹോസ്ദുർഗ്ഗ് ജില്ലാ ജയിൽ തടവുകാര്‍ക്കായി കാസർകോട് ജില്ലാ പ്രൊബേഷൻ ഓഫീസും കാസർകോട് റൂറൽ സെൽഫ്‌ എംപ്ലോയ്‌മെന്റ് ട്രെയിനിങ് ഇൻസ്റ്റിറ്റ്യൂട്ടും കാസർകോട് ജില്ലാ നിയമ സേവന അതോറിറ്റിയും (ഡി.എൽ.എസ്.എ) സംയുക്തമായി സംഘടിപ്പിക്കുന്ന നിയമ ബോധവത്കരണ ജീവിത നൈപുണ്യ- സംരംഭകത്വവികസന പരിശീലന പരിപാടി ആരംഭിച്ചു. ഹോസ്ദുർഗ്ഗ് അസിസ്റ്റന്റ് സെഷന്‍സ്‌ ജഡ്ജ് എം.സി.ബിജു പരിപാടി ഉദ്ഘാടനം ചെയ്തു. ജില്ലാ ജയില്‍ സുപ്രണ്ട് കെ.വേണു വിന്റെ അദ്ധ്യക്ഷത വഹിച്ചു. ജില്ലാ സാമൂഹ്യ നീതി ഓഫീസർ ആര്യ പി രാജ് മുഖ്യാതിഥിയായി. കുറ്റകൃത്യങ്ങളിൽ ഉൾപ്പെട്ടു ജയിലിൽ കഴിയുന്നവർക്ക് നല്ലനടപ്പു നിയമത്തെക്കുറിച്ചും മറ്റു പ്രധാന നിയമസംവിധാനങ്ങളെക്കുറിച്ചും അവബോധം നൽകിക്കൊണ്ടും ലോകാരോഗ്യസംഘടന നിർദേശിച്ച ജീവിത നൈപുണികളെ ആധാരമാക്കിയുമാണ് സംരംഭകത്വ പരിശീലനം നൽകുന്നത്. അത് വഴി അവര്‍ വീണ്ടും കുറ്റകൃത്യങ്ങളില്‍ ഏര്‍പ്പെടുന്നതിനുള്ള പ്രവണത കുറക്കുന്നതിനും സാധിക്കും. മൂന്ന് ദിവസം നീണ്ടുനിൽക്കുന്ന പരിശീലന പരിപാടിയില്‍ കാസർകോട് ചീഫ് ലീഗൽ എയിഡ് ഡിഫെൻസ് കൗൺസിൽ അഡ്വ.കെ.എ.സാജൻ തടവുകാരുടെ അവകാശങ്ങളും കടമകളും നല്ലനടപ്പ് നിയമത്തിന്റെ പശ്ചാത്തലത്തിൽ എന്ന വിഷയത്തിൽ അവതരണം നടത്തി. പേപ്പർ ക്യാരിബാഗ് ആൻറ് ലോങ്ങ്‌ കവർ നിർമാണം എന്നിവയിൽ ആണ് സംരഭകത്വ പരിശീലനം. വെള്ളിക്കോത്ത് ആർ.എസ്.ഇ.ടി.ഐ ഡയറക്ടർ വി.പി.ഗോപി, പി.രമ, എൻ നിർമൽ കുമാർ, ഷൈജിത്ത് കരുവാക്കോട്, സുഭാഷ് വനശ്രീ, ഇർഫാദ് മായിപ്പാടി, ജില്ലാ പ്രൊബേഷൻ ഓഫീസർ പി.ബിജു, സുപ്രണ്ട് കെ.വേണു എന്നിവരാണ് പരിശീലനത്തിനു നേതൃത്വം നൽകുന്നത്.

ഗാന്ധിജയന്തി വാരാഘോഷത്തിന്റെ ഭാഗമായി കാസര്‍കോട് ജില്ലാ ഇന്‍ഫര്‍മേഷന്‍ ഓഫീസ് ജില്ലയിലെ സര്‍ക്കാര്‍ ജീവനക്കാര്‍ക്ക്ഒക്ടോബര്‍ ഏഴിന് ഇന്‍ഫര്‍മേഷന്‍ ഓഫീസ് ഹാളില്‍ കവിതാലാപന മത്സരം സംഘടിപ്പിക്കും. ഗാന്ധിജിയെ കുറിച്ചുള്ള കവിതകളാണ് ആലപിക്കേണ്ടത്. താത്പര്യമുള്ളവര്‍ ഒക്ടോബര്‍ ആറിനകം prdcontest@gmail.com എന്ന മെയിലില്‍ പേര്, ഓഫീസ് വിലാസം, ഫോണ്‍ നമ്പര്‍ എന്നിവ രജിസ്റ്റര്‍ ചെയ്യണം. ഫോണ്‍ 04994 255145.

ഗവ: കോളേജ് കാസർഗോഡ്, സി കെ നായർ, അബേദ്കർ പെരിയ എന്നിവിടങ്ങളിൽ കെ എസ് യു, പടന്നകാട് നെഹ്റു കോളേജ്, മൂന്നാട് പീപ്പിൾസ്, എസ് എൻ ട്രസ്റ്റ് എന്നിവ നിലനിർത്തി എസ് എഫ് ഐ. ഏഴ് വർഷത്തിന് ഇപ്പുറം രാജപുരം സെന്റ് പയസ് കോളേജ് പിടിച്ച് കെ എസ് യു. കണ്ണൂർ യുണിവേഴ്സിറ്റി കാമ്പസുകൾ നിലനിർത്തി എസ് എഫ് ഐ, വീറോടെ പൊരുതി പുതിയ കാമ്പസുകൾ പിടിച്ചെടുത്ത്  കെ എസ് യു

കണ്ണൂർ യൂണിവേഴ്സിറ്റിക്ക് കീഴിലുള്ള കോളേജുകളിൽ നടന്ന യൂണിയൻ ഇലക്ഷനിൽ KSU MSF മുന്നണിക്ക് വൻ മുന്നേറ്റം.

7 വർഷങ്ങൾക്കു ശേഷം രാജപുരം സെന്റ് പയസ് കോളേജ് KSU മുഴുവൻ സീറ്റും പിടിച്ചെടുത്തു.

സെൻറ് ജൂഡ് വെള്ളരിക്കുണ്ട് , സെൻറ് മേരീസ് പനത്തടി എന്നീ കോളേജുകളിലും KSU ഒറ്റക്ക് വിജയിച്ചു.

അംബേദ്കർ കോളേജ്, CK നായർ കോളേജ്, ഗവ. കോളേജ് കാസർഗോഡ് എന്നിവിടങ്ങളിൽ KSU – MSF മുന്നണി യൂണിയൻ നിലനിർത്തി.

ഗോവിന്ദ പൈമെമ്മോറിയൽ ഗവൺമെൻറ് കോളേജ്, IHRD കോളേജ് കുമ്പള, ഗവൺമെൻറ് കോളേജ് ഉദുമ, ബെജ മോഡൽ കോളേജ്, നെഹ്റു കോളേജ് നീലേശ്വരം എന്നിവിടങ്ങളിൽ യൂണിയനിൽ പ്രാതിനിധ്യം ഉറപ്പാക്കി.

സർവകലാശാലക്ക് കീഴിലുള്ള കോളേജ് യൂണിയയിലേക്കുള്ള തിരഞ്ഞടുപ്പ്നടന്ന

കോളേജുകളിൽ പടന്നക്കാട് നെഹ്‌റു കോളേജ്, മുന്നാട് പീപ്പിൾസ്, എസ്എൻ കോളേജ് കാഞ്ഞങ്ങാട്,ഗവ കോളേജ് ഉദുമ,എന്നിവിടങ്ങളിൽ എസ് എഫ് ഐ

മുഴുവൻ സീറ്റിലും വിജയിച്ചു..മുള്ളേരിയ ബജ കോളേജിൽ മത്സരിച്ച 8 സീറ്റിലും 7 എണ്ണവും, സെന്റ് മേരീസ്‌ ചെറുപനത്തടിയിൽ 8ൽ 6 ലും എസ്എഫ്ഐ വിജയിച്ചു..

IHRD പള്ളിപ്പാറ,ഗവൺമെൻ്റ് കോളേജ് കിനാനൂർ കരിന്തളം,

നീലേശ്വരം ക്യാമ്പസ്,

മടിക്കൈ IHRD,

EKNM എളേരി,SNDP കാലിച്ചാനടുക്കം, സനാതന എന്നിവടങ്ങളിൽ നേരത്തെ എതിരില്ലാതെ വിജയിച്ചിരുന്നു…