Category: Latest news

വിഷ്ണുമംഗലം മഹാവിഷ്ണു ക്ഷേത്ര ത്തിൽ 2023 നവംബർ 30, ഡിസംബർ 1,2,3തീയതികളിൽ നടക്കുന്ന പുണർതം ഉത്സവകളിയാട്ട മഹോത്സവത്തിന് മുന്നോടിയായുള്ള ആദ്യ ദാനശേഖരണത്തിന്റെ ഉൽഘാടനവും കളിയാട്ടത്തിനുള്ള അടയാളം കൊടുക്കലും ഇന്ന് നടന്നു. ക്ഷേത്രം തന്ത്രി അലമ്പാടി പത്മനാഭ പട്ടേരി വി ദേവകിയമ്മ വിഷ്ണുമംഗലം എന്നവരിൽ നിന്നും ആദ്യ തുക ഏറ്റുവാങ്ങി. ചടങ്ങിൽ ആഘോഷകമ്മിറ്റി ചെയർമാൻ എം ദാമോദരൻ വിഷ്ണുമംഗലം, ആദ്യക്ഷത്തവഹിച്ചു. കൺവിനർ വി പിതബരൻ സ്വാഗതവും ജോ :കൺവിനർ ശ്രീധരൻ പള്ളോട്ട് നന്ദിയും പറഞ്ഞു. ട്രെസ്റ്റി ബോർഡ് മെമ്പർ മാരായ വി നാരായണൻ വിഷ്ണുമംഗലം, പദ്മനാഭൻ മണ്ണട്ടഎന്നിവർ സംസാരിച്ചു
ഡിസംബർ 2,3തീയതികളിൽ നടക്കുന്ന കളിയാട്ടത്തിനുള്ള അടയാളം കൊടുക്കലും നടന്നു

ഷട്ടിൽ ബാഡ്മിൻറൺ ക്ലബ്ബ്
സുധീർ മാഷിന്റെ നിര്യാണത്തിൽ അനുശോചിച്ചു
കാഞ്ഞങ്ങാട്:-കഴിഞ്ഞ ദിവസംപ്രഭാത സവാരി സവാരികിടയിൽവാഹന അപകടത്തിൽ മരണമടഞ്ഞഷട്ടിൽ ബാഡ്മിൻറൺ ക്ലബ്ബ് അംഗവുംചിത്രകല അധ്യാപകനുമായകാഞ്ഞങ്ങാട് സൗത്തിലെസുധീർ മാഷിന്റെഅകാല നിര്യാണത്തിൽകാഞ്ഞങ്ങാട് ഷട്ടിൽ ബാഡ്മിൻറൺ ക്ലബ്അനുശോചിച്ചു.
എന്നും ക്ലബ്ബിൽ കളിക്കാൻ എത്തുന്ന അദ്ദേഹം എല്ലാവർക്കും പ്രിയങ്കരനായിരുന്നൊന്നുംഅദ്ദേഹത്തിന്റെ നിര്യാണം ക്ലബ്ബിന് നികത്താൻ ആകാത്ത നഷ്ടമാണെന്നും ദുഃഖിതരായ കുടുംബത്തിന്ആവശ്യമായ മുഴുവൻ സഹായത്തിനും കൂടെ ഉണ്ടാകുമെന്നുംഅനുശോചന യോഗത്തിൽ സഹ കളിക്കാർ പറഞ്ഞു.
ക്ലബ്ബിൽ നടന്നയോഗത്തിൽ പ്രസിഡണ്ട് പി പി കുഞ്ഞി കൃഷ്ണൻ നായർ അധ്യക്ഷത വഹിച്ചു.ക്ലബ്ബ് രക്ഷാധികാരികെ രവീന്ദ്രൻ അനുസ്മരണ പ്രഭാഷണം നടത്തി.
എം കെ വിനോദ്കുമാർ, എം.ഉണ്ണികൃഷ്ണൻ, എൻ. ആർ.പ്രശാന്ത്,രാജൻ മീങ്ങോത്ത്,എന്നിവർ സംസാരിച്ചു.
ക്ലബ്ബ് സെക്രട്ടറി ടി വി രാഘവൻ സ്വാഗതം പറഞ്ഞു

നീലേശ്വരം: വ്യത്യസ്ത ജനവിഭാഗങ്ങളുടെ വായനയെ പ്രോത്സാഹിപ്പിക്കാൻ വായനോത്സവവുമായി ലൈബ്രറി കൗൺസിൽ. യുപി, ഹൈസ്കൂൾ, വനിത, മുതിർന്നവർ ഒന്ന്, മുതിർന്നവർ രണ്ട് എന്നീ അഞ്ച് വിഭാഗങ്ങളിലായി സംഘടിപ്പിക്കുന്ന വായനോൽസവത്തിൻ്റെ ഹൊസ്ദുർഗ് താലൂക്ക്തല മത്സരം നീലേശ്വരം രാജാസ് ഹയർ സെക്കൻ്ററി സ്കൂളിൽ നടന്നു. തെരഞ്ഞെടുക്കപ്പെട്ട പുസ്തകങ്ങളുടെ വായനയെ ആസ്പദമാക്കിയാണ് മത്സരം. ഗ്രന്ഥശാല, താലൂക്ക്, ജില്ല, സംസ്ഥാന തലങ്ങളിലായുള്ള മത്സരം വായനയുടെ പൂക്കാലം സൃഷ്ടിക്കാനുള്ള യത്നം കൂടിയാണ്.
ഹൊസ്ദുർഗ് താലൂക്ക് കൗൺസിൽ സംഘടിപ്പിച്ച മത്സരം ജില്ലാ ലൈബ്രറി കൗൺസിൽ സെക്രട്ടറി ഡോ.പി പ്രഭാകരൻ ഉദ്ഘാടനം ചെയ്തു. താലൂക്ക് കൗൺസിൽ പ്രസിഡൻ്റ് പി വേണുഗോപാലൻ അധ്യക്ഷനായി. ജില്ലാ എക്സി.മെമ്പർ പി രാമചന്ദ്രൻ, താലൂക്ക് സെക്രട്ടറി വി ചന്ദ്രൻ ,സി വി വിജയരാജ്, പി വി ദിനേശൻ,ജി അംബുജാക്ഷൻ, പപ്പൻ കുട്ടമത്ത് ,എച്ച് കെ ദാമോദരൻ, ടി വി സജീവൻ, ടി തമ്പാൻ, പി ശ്രീധരൻ, ലത്തീഫ് പെരിയ, സുനീഷ് കക്കാട്ടി, ജയൻ മടിക്കൈ ,എം മധുസൂദനൻ , ആനന്ദവല്ലി എന്നിവർ സംസാരിച്ചു.

കാഞ്ഞങ്ങാട് : കേരള ശാസ്ത്ര സാഹിത്യ പരിഷത്ത് ജില്ലാ കമ്മിറ്റി
ദേശീയ പൊതുജനാരോഗ്യ പ്രസ്ഥാനത്തിന്റെ മുഖ്യ സൂത്രധാരനും ദേശീയ ആരോഗ്യനയ രൂപീകരണത്തിന്റെ മുഖ്യ പങ്കാളിയുമായിരുന്ന ഈയിടെ അന്തരിച്ച ഡോ. സഫറുള്ളചൗധരിഅനുസ്മരണം നടത്തി. പി.സ്മാരക മന്ദിരത്തിൽ നടന്ന അനുസ്മരണ യോഗം പരിഷത്ത് മുൻ സംസ്ഥാന പ്രസിഡണ്ട് ഡോ.ബി. ഇക്ബാൽ അനുസ്മരണ പ്രഭാഷണവും ജനകീയ ആരോഗ്യ പ്രസ്ഥാനത്തിന്റെ അരനൂറ്റാണ്ട് എന്നവിഷയത്തിൽ പ്രഭാഷണവും നടത്തി. ആരോഗ്യ വിഷയ സമിതി ചെയർമാൻ ടി. ഭാസ്കരൻഅധ്യക്ഷനായി.ആരോഗ്യ വിഷയ സമിതി സംസ്ഥാന കൺവീനർ സി.പി.സുരേഷ് ബാബു ഭാവി പ്രവർത്തനങ്ങൾ അവതരിപ്പിച്ചു. :ഡോ: വി.സുരേശൻ,പി നാരായണൻ, വി.ടി. കാര്‍ത്യായനി, എ. ,മാധവൻ, ടി.വി.ശ്രീധരൻ,എന്നിവർ സംസാരിച്ചു
ജില്ലാ സെക്രട്ടറി കെ. ടി. സുകുമാരൻസ്വാഗതവും വി.മധുസൂദനൻ നന്ദിയും പറഞ്ഞു

കാഞ്ഞങ്ങാട് : ലളിതമായ ജീവിതം കൊണ്ടും സൗമ്യമായ പെരുമാറ്റം കൊണ്ടും എന്നും മാതൃകയായ നേതാവായിരുന്നു മുസ്ലിം ലീഗ് നേതാവും, കാസറഗോഡ് ജില്ലാ ന്യൂനപക്ഷ എക്സിക്യൂട്ടീവ് അംഗമായിരുന്ന സി.എം.കാദർ ഹാജി എന്ന് സമിതി രക്ഷാധികാരി എ.ഹമീദ് ഹാജി അഭിപ്രായപ്പെട്ടു. ശരിയും തെറ്റും നോക്കി വ്യക്തമായ കാഴ്ചപാടോടെയും ശക്തമായ നിലപാടോടെയും നിലകൊണ്ട് വിനയാന്യിതനായി ജനങ്ങളിലേക്ക് ഇറങ്ങിച്ചെന്ന നേതാവായിരുന്നു അദ്ദേഹമെന്നും ഹമീദ് ഹാജി തുടർന്നു. കാസറഗോഡ് ജില്ലാ ന്യൂനപക്ഷ വിദ്യാഭ്യാസ സമിതി സംഘടിപ്പിച്ച ഖാദർ ഹാജി അനുസ്മരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ബി.എസ്.ഇബ്രാഹിം മഞ്ചേശ്വരം അധ്യക്ഷത വഹിച്ചു. ജനറൽ സെക്രട്ടറി സി.മുഹമ്മദ്‌ കുഞ്ഞി സ്വാഗതം പറഞ്ഞു. സമിതി രക്ഷാധികാരി തായൽ അന്തൂമായി ഹാജി, എം.പി ജാഫറർ, ബഷീർ ശിവപുരം, സുറൂർ മൊയ്തു ഹാജി, അഷറഫ് ബാവാനഗർ, സെവൻസ്റ്റാർ അബ്ദുൾ റഹ്മാൻ, ബഷീർ ചിത്താരി , മുഹമ്മദലി ചിത്താരി, എ അബ്ദുല്ല, പി.പി അബ്ദുൾ റഹ്മാൻ, സി.കെ ശറഫുദ്ദീൻ, എന്നിവർ സംസാരിച്ചു .സെക്രട്ടറി ബഷീർ ആറങ്ങാടി നന്ദി പറഞ്ഞു.

കെപിസിസി പ്രഖ്യാപിച്ച ജില്ലയിലെ നിയുക്ത മണ്ഡലം പ്രസിഡന്റുമാരുടെ ലിസ്റ്റ് ഡിസിസി പുറത്തിറക്കി.പുല്ലൂർ പെരിയ മണ്ഡലം പ്രസിഡന്റായി പ്രമോദ് പെരിയ തുടരും.ഒരു വർഷം മുമ്പാണ് പ്രമോദ് പെരിയ മണ്ഡലം പ്രസിഡന്റായി ചുമതലയേറ്റത്.ഒരു വർഷത്തെ പ്രവർത്തന മികവ് തന്നെയാണ് പ്രസിഡന്റ് സ്ഥാനത്ത് തുടർന്നും പേര് നിലനില്ക്കാൻ കാരണമായത്.*ജില്ലയിൽ എഐസിസി-കെപിസിസി-ഡിസിസി നേതൃത്വം പ്രഖ്യാപിച്ച മുഴുവൻ പരിപാടികളും നടത്തിയ ഏക മണ്ഡലമാണ് പുല്ലൂർ പെരിയ. 138 ചാലഞ്ചിൽ ജില്ലയിൽ മൂന്നാം സ്ഥാനത്താണ് പുലൂർ പെരിയ എത്തിയത്.ഭാരത് ജോഡോ യാത്രയിൽ മലപ്പുറത്തേക്ക് 288 പ്രവർത്തകരെ സംബന്ധിപ്പിക്കാനായത് വലിയ നേട്ടമാണ്.കഴിഞ്ഞ മാസം ഒരു വർഷം പൂർത്തിയാക്കിയ വേളയിൽ 250 പാർട്ടി പ്രവർത്തകരെ സംബന്ധിപ്പിച്ച് ഏകദിന ക്യാമ്പ് സംഘടിപ്പിച്ചതും പ്രസിഡന്റുമാരെ നിശ്ചയിക്കാൻ ചേർന്ന സമവായ കമ്മിറ്റിയുടെ ചർച്ചയിൽ പ്രമോദ് പെരിയക്ക് മുൻഗണന കിട്ടാൻ കാരണമായത്.

എരോല്‍ ആയിഷ മന്‍സില്‍ മൂസ മുഹമ്മദ് (52) അന്തരിച്ചു.

എരോല്‍ ആയിഷ മന്‍സില്‍ മൂസ മുഹമ്മദ് (52) അന്തരിച്ചു. പരേതരായ മുഹമ്മദ് ഇസ്മായിലിന്റേയും ആയിഷാബിയുടേയും മകനാണ്. ഭാര്യ: ജമീല, മക്കള്‍: മുഹമ്മദ് ഇസ്മായില്‍, അബ്ദുള്ള, മുഹമ്മദ്, സഹോദരങ്ങള്‍ : സിദ്ദീഖ് പാക്യാര, ഷരീഫ് ഏരോല്‍ (എഡിറ്റര്‍, മലബാര്‍ ഫ്‌ളാഷ്) , പരേതനായ അബ്ദുള്‍ ഹമീദ്. ഖബറടക്കം രാത്രി 8 മണിക്ക് എരോല്‍ മുഹയിദ്ദീന്‍ ജുമാ മസ്ജിദില്‍.