Author: PTN

അള്ളംകോട് ചേടിക്കണ്ടം ശ്രീ വിഷ്ണുമൂർത്തി ദേവസ്ഥാനം പ്രതിഷ്ഠാദിന ഉത്സവവും ഒറ്റക്കോല മഹോത്സവവും 2023 ജനുവരി 17 മുതൽ 21 വരെ നടക്കും

രാവണീശ്വരം: വാണിയംപാറ അള്ളംകോട് ചേടികണ്ടം ശ്രീ വിഷ്ണുമൂർത്തി ദേവസ്ഥാനത്തിലെ പ്രതിഷ്ഠാദിന ഉത്സവവും ഒറ്റക്കോല മഹോത്സവവും 2023 ജനുവരി 17 മുതൽ 21 വരെ നടക്കുമെന്ന് ദേവസ്ഥാന ഭാരവാഹികൾ അറിയിച്ചു.
പ്രതിഷ്ഠാദിനമായ ജനുവരി 17 ന് ഉച്ചയ്ക്ക് 12 മണിക്ക് മഹാപൂജയും ശേഷം ദേവസ്ഥനത്തേക്ക് എത്തിച്ചേരുന്ന മുഴുവൻ ഭക്തജനങ്ങൾക്കും അന്നദാനവും ഉണ്ടായിരിക്കും. തുടർന്ന് രാത്രി 7 മണിമുതൽ ദേവസ്ഥാന പരിധിയിലെ കലാകാരി കലാകാരന്മാർ അവതരിപ്പിക്കുന്ന നൃത്ത നൃത്യങ്ങളും അരങ്ങേറും.
ജനുവരി 20 ന് വൈകിട്ട് വ്യാസേശ്വരം ശിവക്ഷേത്രത്തിൽ നിന്ന് ദീപവും തിരിയും കൊണ്ടുവരുന്നത്തോടെ ഒറ്റക്കോല മഹോത്സവത്തിന് തുടക്കം കുറിക്കും തുടർന്ന് രാത്രി 8 മണിക്ക് അന്നദാനവും 11 മണിക്ക് വാണിയംപാറ ചങ്ങമ്പുഴ കലാ കായിക വേദി പ്രവർത്തകർ അവതരിപ്പിക്കുന്ന ഗ്രാമകം നാടൻപാട്ടുകളും നാട്ടുകലകളും എന്ന പരിപാടി നടക്കും. ജനുവരി 21 ന് രാവിലെ 4 മണിക്ക് വിഷ്ണുമൂർത്തിയുടെ അഗ്നിപ്രവേശവും തുടർന്ന് ദേവസ്ഥാനത്ത് പണിപൂർത്തീകരിച്ച മേൽമാടിന്റെ സമർപ്പണവും നടക്കും

ഭരണാധികാരികള്‍ കേരളത്തെ ഇരുണ്ട കാലഘട്ടത്തിലേക്ക് നയിക്കുന്നു ; രാജ്മോഹന്‍ ഉണ്ണിത്താന്‍

കാസർഗോഡ് : പണ്ഡിറ്റ് ജവഹര്‍ലാല്‍ നെഹ്റു സ്വതന്ത്ര ഭാരതം കണ്ട ദീര്‍ഘവീക്ഷണമുള്ള, സാധാരണക്കാരുടെ ഉന്നമനത്തിനുവേണ്ടി അക്ഷീണം പ്രവര്‍ത്തിച്ച കരുത്തനായ പ്രധാനമന്ത്രിയായിരുന്നു എന്ന് രാജ്മോഹന്‍ ഉണ്ണിത്താന്‍ എം.പി അനുസ്മരിച്ചു. അന്ധവിശ്വാസങ്ങള്‍ക്കും അനാചാരങ്ങള്‍ക്കുമെതിരെ ചരിത്രം കണ്ട ഏറ്റവും വലിയ സമരങ്ങള്‍ നടന്ന കേരളത്തെ ഭരണാധികാരികൾ വീണ്ടും ഇരുണ്ട കാലഘട്ടത്തിലേക്ക് കൊണ്ടുപോകുകയാണെന്ന് അദ്ദേഹം പറഞ്ഞു. ജവഹര്‍ലാല്‍ നെഹ്റുവിന്റെ 133-ാം ജന്മവാര്‍ഷിക ദിനത്തില്‍ ഡി.സി.സി സംഘടിപ്പിച്ച നവോത്ഥാന സദസ്സ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നെഹ്റുവിന്റെ ഛായാചിത്രത്തില്‍ നിലവിളക്ക് കൊളുത്തി നേതാക്കള്‍ പുഷ്പാര്‍ച്ചന നടത്തി. ഡി.സി.സി പ്രസിഡണ്ട് പി.കെ.ഫൈസല്‍ അദ്ധ്യക്ഷത വഹിച്ചു. നേതാക്കളായ കെ.പി കുഞ്ഞികണ്ണന്‍, ഹക്കീം കുന്നില്‍, കെ.നീലകണ്ഠന്‍, രമേശന്‍ കരുവാച്ചേരി, ഡി.സി.സി ഭാരവാഹികളായ വിനോദ് കുമാര്‍ പള്ളിയില്‍ വീട്, കരുണ്‍ താപ്പ, എം.കുഞ്ഞമ്പു നമ്പ്യാര്‍, ബ്ലോക്ക്‌ പ്രസിഡണ്ടുമാരായ കെ.ഖാലിദ്, കെ.ലക്ഷ്മണ പ്രഭു, യൂത്ത് കോണ്‍ഗ്രസ്‌ ജില്ലാ പ്രസിഡണ്ട് ബി.പി.പ്രദീപ്കുമാര്‍, പോഷക സംഘടന നേതാകളായ എ.വാസുദേവന്‍, ജി.നാരായണന്‍, ജമീല അഹമ്മദ്, അഡ്വ: ശ്രീജിത്ത് മാടകല്ല്, മനാഫ് നുള്ളിപ്പാടി, മണ്ഡലം പ്രസിഡണ്ടുമാരായ സി.അശോക് കുമാര്‍, ഉമേഷ് അണങ്കൂര്‍, എം.രാജീവന്‍ നമ്പ്യാര്‍, ഹനീഫ ചേരങ്കൈ എന്നിവര്‍ ചടങ്ങിൽ സംസാരിച്ചു.

ഇടതുപക്ഷ ജനാധിപത്യ മുന്നണി മംഗൽപ്പാടി പഞ്ചായത്ത് കമ്മിറ്റിയുടെ അനിശ്ചിതകാല ധർണ്ണ സമരം 20 ദിവസം പിന്നിട്ടു അഴിമതിയും കെടും കാര്യസ്ഥതയും കൈ മുതലാക്കിയ മുസ്ലിം ലീഗ് ഭരണസമിതിയുടെ നിഷ്കൃയത്വത്തിനെതിരെ LDF മംഗൽപ്പാടി പഞ്ചായത്ത് കമ്മിറ്റിയുടെ ഇരുപതാം ദിവസത്തെ ധർണ്ണ സമരം CITU കാസർഗോഡ് ജില്ല വൈസ് പ്രസിഡന്റ് സ: ബേബി ഷെട്ടി ഉദ്ഘാടനംചെയ്തു. ഗംഗധരൻ മസ്റ്റർ അധ്യക്ഷത വഹിച്ചു. ഡിവൈഎഫ്ഐ ജില്ലാ ജോയിന്റ് സെക്രട്ടറി സാദ്ദിഖ് ചെറുഗോളി സ്വാഗതവും പറഞ്ഞു , മുഹമ്മദ് സെയ്ദ് ,ഫറൂക്ക് ഷിറിയ ‘അഷറഫ് മുട്ടം,NCP കാസർഗോഡ് ജില്ല ജോയിൻ സെക്രട്ടറി സിദ്ദിഖ് കൈകമ്പ,LDF കൺവിനർ ഹമീദ് കോസ് മുസ്, മഹമൂദ്കൈകമ്പ,തുടങ്ങിയവ സംസാരിച്ചു. ഉപ്പളയിലും പരിസര പ്രദേശങ്ങളിലും ഫ്ലസ്റ്ററിക് മാലിന്യം കത്തിക്കുന്ന സമുഹ്യ ദ്രോഹികൾ കെതിരെ ശക്തമായ നടപടികൾ കൈകോളണമെന്നും, MCF മലിന്യ നിക്ഷേപ പേട്ടി അഴിമതിൻ്റെ പേരിൽ ശക്ത മായ അന്വേഷണം വെണമെന്നും ,സ്:ബേബി ഷെട്ടി ഉൽഘട്ടന പ്രസങ്കത്തിൽ പറഞ്ഞു