Author: Binoy Balan

യൂത്ത് കോൺഗ്രസ്‌ സംസ്ഥാന സെക്രട്ടറി ഉനൈസിനെതിരെ ബേഡകം പഞ്ചായത്ത് പ്രസിഡന്റ്‌ നൽകിയ വ്യാജ പീഡന പരാതിയുടെ അന്വേഷണ ഉദ്യോഗസ്ഥനായ അഡിഷണൽ സബ് ഇൻസ്‌പെക്ടർ കോളിച്ചാൽ സ്വദേശി ശ്രീ വിജയൻ അന്തരിച്ചു.

ലോകസഭ ഇലക്ഷനുമായി ബന്ധപ്പെട്ട്  ബേഡകത്ത് ഉണ്ടായ കോൺഗ്രസ്സ് – സി പി എം സംഘർഷത്തിന്റെ ഭാഗമായി പരസ്പരം പോർവിളിയും പൊതുയോഗങ്ങളും ഇരു വിഭാഗവും നടത്തിയിരിന്നു.

അതിനിടയിലാണ് ബേഡകം പഞ്ചായത്ത് പ്രസിഡന്റ് ജാമ്യം ലഭിക്കാൻ സാധ്യതയില്ലാത്ത മാനഭംഗ കേസ് കോൺഗ്രസ്‌ പ്രവർത്തകർക്ക് എതിരെ നൽകിയത്

യൂത്ത് കോൺഗ്രസ്‌ നേതാവ് ഉനൈസിനെതിരെയുള്ള വ്യാജ പരാതിയുമായി ബന്ധപ്പെട്ടു സിപിഎം നേതൃത്വത്തിന്റെ സമ്മർദ്ദത്തെ തുടർന്ന് ആത്മഹത്യ ശ്രമം നടത്തി.

അദ്ദേഹം ആദ്യം മംഗലാപുരത്തും പിന്നീട് കൊച്ചി അമൃത ഹോസ്പിറ്റലിലും ചികിത്സയിലായിരിന്നു

കള്ളക്കേസ് എടുക്കാൻ CPIM നേതാക്കൾ സമ്മർദം ചെലുത്തിയെന്ന് സ്പെഷ്യൽ ബ്രാഞ്ച് റിപ്പോർട്ട് വന്നിരിന്നു

യൂത്ത് കോൺഗ്രസ്സ് നേതാവിനെതിരെ കള്ള കേസ് എടുക്കില്ല എന്ന നിലപാടിലായിരിന്നു പോലിസ്.

ജാമ്യം പോലും ലഭിക്കാത്ത മാനഭംഗം ഉൾപ്പെടെയുള്ള വകുപ്പുകൾ ഉൾപ്പെടുത്തി കേസെടുക്കണമെന്നാണ് സിപിഎം ആവശ്യപ്പെട്ടത്.

ബേഡകം ചെമ്പക്കാട് ബൂത്തിൽ രതീഷ് ബാബു എന്ന കോൺഗ്രസ്സ് ബൂത്ത് എജന്റി നെ കള്ളവോട്ട് തടഞ്ഞു എന്ന കാരണത്താൽ തടഞ്ഞു വെക്കുകയും ബൂത്തിന് പുറത്ത് ഇറങ്ങുമ്പോൾ ആക്രമിക്കാനും സി പി എം ശ്രമിച്ച സമയത്ത് തൊട്ടടുത്ത ബൂത്തിൽ നൂറ്റിയമ്പതോളം വരുന്ന യൂത്ത് കോൺഗ്രസ് പ്രവർത്തകർ പഞ്ചായത്ത് പ്രസിണ്ടന്റ് ഉൾപ്പെടെയുള്ള ആറു പേരെ തടഞ്ഞുവെച്ചതാണ്  സിപിഎം പ്രകോപനത്തിന് കാരണം. തുടർന്നാണ് വ്യാജ പരാതിയും, കൊലവിളി മുദ്രാവാക്യവും സിപിഎം ബേഡകത്ത്  നടത്തിയത്

കാഞ്ഞങ്ങാട്: ടെസ്റ്റ് ഗ്രൗണ്ടുകളിൽ ഡ്രൈവിങ് ടെസ്റ്റുകൾ അനിശ്ചിത കാലത്തേക്ക് നിർത്തി. കാഞ്ഞങ്ങാട്, വെള്ളരിക്കുണ്ട്, കാസർകോട് എന്നീ കേന്ദ്രങ്ങളിൽ അനിശ്ചിത കാലത്തേക്കാണ് നിർത്തിവെച്ചത്. 2024 ലെ സർക്കുലറിൽ പ്രതിഷേധിച്ചാണ് നടപടി. ഇതിൻ്റെ ഭാഗമായി സി. ഐ.ടി.യുവും സ്വതന്ത്ര തൊഴിലാളി യൂണിയനും കരിദിനമാചരിച്ചു.

സ്‌കൂൾ ഉടമകളും ജീവനക്കാരും പങ്കെടുത്തു. തിരുമാനം കോവിഡ് 19 മൂലമെന്ന് പറഞ്ഞ് ടെസ്റ്റുകൾ വെട്ടിക്കുറച്ച വിചിത്ര ഉത്തരവാണ് പലേടത്തും മോട്ടോർ വാഹന വകുപ്പ് പുറത്തിറക്കിയതെന്ന് സമരക്കാർ ചൂണ്ടിക്കാട്ടി. ഗ്രൗണ്ടുകളിൽ കറുത്ത കൊടി കെട്ടി. വെള്ളരിക്കുണ്ടിൽ കെ. എൽ 79 ഡ്രൈവിങ് സ്‌കൂൾ കൂട്ടായ്മയുടെ നേതൃത്വത്തിൽ വെള്ളരിക്കുണ്ട് പുലിയംകുളം ആ ർ.ടി. ഒ ഗ്രൗണ്ടിൽ ഡ്രൈവിങ് ടെസ്റ്റ് തടഞ്ഞു പ്രതിഷേധിച്ചു.

ചീമേനി വിഷ്ണുമൂർത്തി ക്ഷേത്രം കളിയാട്ടം നാലുമുതൽ 15 വരെ നടക്കും. ഇന്ന്  വൈകുന്നേരം ആറു മണിക്ക് ചീമേനി പടിഞ്ഞാറെക്കര, വടക്കേക്കര, കിഴക്കേക്കര പിലാന്തോളി, തുറവ് തുടങ്ങിയ വിവിധ കരക്കാരുടെ നേതൃത്വത്തിൽ കലവറ നിറക്കൽ ഘോഷയാത്ര നടക്കും.

നാലിന് രാത്രി എട്ടുമുതൽ വിഷ്ണു മൂർത്തി, രക്തചാമുണ്ഡി തെയ്യങ്ങളുടെ തോറ്റം അരങ്ങേറും.

അഞ്ചിന് രാവിലെ ഒൻപതിന് രക്തചാമുണ്ഡി, പകൽ 11-ന് വിഷ്ണുമൂർത്തി തെയ്യം.

ആറുമുതൽ എല്ലാ ദിവസവും രാത്രി 7.30 മുതൽ വിഷ്ണുമൂർത്തി, രക്തചാമുണ്ഡി തോറ്റവും തെയ്യവും അരങ്ങിലെത്തും. 15-ന് പകൽ 11-ന് വിഷ്ണുമൂർത്തി അരങ്ങിലെത്തും.

എല്ലാ ദിവസവും പകൽ 12-നും രാത്രി 8.30-നും അന്നദാനം. പത്രസമ്മേളനത്തിൽ കെ. മാധവൻ, കെ. നാണുക്കുട്ടൻ, എം. വിനോദ്കുമാർ, കെ. രാഘവൻ, സി. വിദ്യാധരൻ എന്നിവർ സംസാരിച്ചു.

ഉത്തരകേരളത്തിലെ ഗുരുവായൂർ എന്ന പേരിൽ പ്രസിദ്ധമായ ക്ഷേത്രമാണ് ചീമേനി ശ്രീ വിഷ്നുമൂർത്തി ക്ഷേത്രം. ഏകദേശം 200 വർഷത്തിലെറെ പഴക്കമുള്ള ക്ഷേത്രമാണ് ‘ചീമേനി മുണ്ട്യ‘ എന്ന പേരിൽ അറിയപ്പെടുന്ന ചീമേനി വിഷ്നുമൂർത്തി ക്ഷേത്രം.

മണിയാണി (യാദവ) സമുദായം നടത്തിവരുന്ന ഏക മുണ്ട്യക്കാവാണ്. ചീമേനി മുണ്ട്യ വിഷഹാരി കൂടിയായ ശ്രീവിഷ്ണുമൂർത്തിയും ശ്രീ രക്തചാമുണ്ഡേശ്വരിയുമാണ് ഇവിടുത്തെ പ്രധാന ആരാധന മൂർത്തികൾ.

വിഗ്രഹ പ്രതിഷ്ഠയില്ലാത്ത അപൂർവ്വം തെയ്യക്ഷേത്രങ്ങളിലൊന്നാണ് ചീമേനി മുണ്ട്യ വിഷഹാരിയായ ശ്രീ വിഷ്ണുമൂർത്തിയെക്കണ്ട് സങ്കടമുണർത്തിച്ച് അനുഗ്രഹമെറ്റുവാങ്ങാൻ മംഗലാപുരം, കുടക്, കാസറഗോഡ്, കണ്ണൂർ എന്നീ ജില്ലകളിൽ നിന്നും നിരവധി ഭക്തജനങ്ങൾ ഇവിടെക്ക് എത്തിചേരുന്നു.

നീലേശ്വരം രാജാവിന്റെ കല്പനയാൽ പാരമ്പര്യമായി പൊതാവൂരിലെ കിഴക്കേപ്പുറത്ത് അള്ളോടൻ ആചാരക്കാരാണ് ഇവിടുത്തെ കോലധാരികൾ.

ഭജനമിരിക്കൽ എന്ന പ്രത്യേക ചടങ്ങ് നടക്കുന്ന അപൂർവ്വം ക്ഷേത്രങ്ങളിൽ ഒന്നാണ്ചീമേനി മുണ്ട്യ. ശാരീരികവും മാനസികവുമായ സൌക്യത്തിനും ത്വക്ക് രോഗങ്ങൾക്കുള്ള പ്രതിവിധിയായും, വിഷബാധയ്ക്കുള്ള ആശ്വാസത്തിനും സന്താനലബ്ധിക്കും മറ്റ് ഉദ്ദിഷ്ടകാര്യങ്ങളുടെ പ്രാപ്തിക്കുമായി ക്ഷേത്രത്തിൽ പ്രാർത്ഥനയുണ്ട്

പാലക്കുന്ന് : വിത്ത് തേങ്ങ സംഭരിക്കാൻ  വകുപ്പ് ഉദ്യോഗസ്ഥരുടെ അഭാവം വിത്ത് തേങ്ങ ഉൽപ്പാദിപ്പിക്കുന്ന കർഷകർക്ക്‌ ദുരിതമാകുന്നു.

ഉദുമയുടെ പടിഞ്ഞാർ ഭാഗങ്ങളിൽ നിന്നും പനയാലിൽ നിന്നുമാണ് വിത്ത് തേങ്ങ സംഭരിക്കാൻ കൃഷി വകുപ്പിന്റെ കീഴിൽ ഇതിനായി പ്രത്യേകം നിയുക്തരാകുന്ന ഉദ്യോഗസ്ഥർ എത്തിയിരുന്നത്.

ഡിസംബർ മുതൽ മെയ്‌ വരെയുള്ള കാലയളവിൽ മൂന്ന് തവണകളായി വിത്ത്തേങ്ങ സംഭരിക്കുന്നതായിരുന്നു രീതി. മാർച്ചിന് ശേഷം അതിനായി ആരും വന്നില്ലെന്നാണ് വിത്ത്തേങ്ങ ഉൽപ്പാദക കർഷക കൂട്ടായ്മയുടെ പരാതി.

യഥാസമയം ശേഖരിക്കാൻ ആളെത്തിയില്ലെങ്കിൽ മാർക്കറ്റ് വിലക്ക് ഇവ വിൽക്കേണ്ടി വന്നാൽ കർഷകർക്കത് വൻ സാമ്പത്തിക നഷ്ടമായിരിക്കുമെന്നാണ് പരാതി.

നിലവിലെ ഉദ്യോഗസ്ഥൻ പ്രമോഷൻ കിട്ടി പോയ ഒഴിവിൽ പകരം ആളെത്താതാണ് കാരണം. രണ്ട് പേർക്ക്‌ നിയമന ഉത്തരവ് നൽകിയിട്ടുണ്ടെങ്കിലും അവരിൽ ഒരാൾ തുടർപഠനത്തിനായി പോയെന്നും രണ്ടാമൻ എന്ന് ചാർജെടുത്തിട്ടില്ലെന്നുമാണ് കണ്ണൂരിലെ ഓഫീസുമായി ബന്ധപ്പെട്ടപ്പോൾ കിട്ടിയ മറുപടിയെന്നും കൂട്ടായ്മ ഭാരവാഹികൾ പറയുന്നു.

ബന്ധപ്പെട്ടവരുടെ അനാസ്ഥയിൽ വിത്ത് തേങ്ങ ഉൽപ്പാദക കർഷക കൂട്ടായ്മ പ്രതിഷേധിച്ചു. കെ. വി. കുഞ്ഞിക്കോരൻ അധ്യക്ഷനായി. കെ. വി. കുഞ്ഞിക്കണ്ണൻ, ടി. വി. ഭാസ്കരൻ, അഡ്വ. കെ. റീത്ത എന്നിവർ സംസാരിച്ചു.

പാലക്കുന്ന് : കരിപ്പോടി റിയൽ ആർട്സ് ആൻഡ് സ്പോർട്സ് ക്ലബ്ബ് പ്രമോദ് സ്മാരക സൂപ്പർ സിക്സ് ഉത്തരമേഖല ക്രിക്കറ്റ് ടൂർണമെന്റ് നാളെ നടക്കും. ക്ലബ്ബിന്റെ ഇരുപതാം വാർഷികത്തിന്റെ ഭാഗമായി കരിപ്പോടിയിൽ പ്രത്യേകം ഒരുക്കുന്ന ഫ്ലഡ് ലിറ്റ് മൈതാനിയിൽ വൈകുന്നേരം 6ന് പി. ബാലകൃഷ്ണൻ നായർ ( അസി. കമ്മിഷണർ ഓഫ് പോലിസ് ഡിസ്ട്രിക്ട് ക്രൈംബ്രാഞ്ച്, കണ്ണൂർ സിറ്റി) ഉദ്ഘാടനം ചെയ്യും.വിജയികൾക്ക് ട്രോഫിയും 15,000,

10000 ക. വീതം ക്യാഷും മാൻഓഫ് ദി മാച്ചിനും, സീരിസിനും പ്രത്യേക സമ്മാനങ്ങളും നൽകും.

ഫോൺ:9446696014.

ഉദുമ : ഉദുമ കണ്ണികുളങ്ങര വലിയവീട് വയനാട്ടുകുലവൻ തറവാട്ടിൽ നടന്ന തെയ്യംകെട്ട് ഉത്സവത്തിന്റെ ‘ചൂട്ടൊപ്പിച്ച മംഗലം’ നടന്നു. മുന്നോടിയായി കാടാങ്കോട്ട് കുഞ്ഞികൃഷ്ണൻ പണിക്കരുടെ നേതൃത്വത്തിൽ നടന്ന പ്രശ്നചിന്തക്ക് ശേഷം തറവാട് അങ്കണത്തിൽ ചേർന്ന പൊതുയോഗം പഞ്ചായത്ത്‌ പ്രസിഡന്റ്‌ പി. ലക്ഷ്മി ഉദ്ഘാടനം ചെയ്തു. ആഘോഷ കമ്മിറ്റി ചെയർമാൻ ഉദയമംഗലം സുകുമാരൻ അധ്യക്ഷത വഹിച്ചു. ജനറൽ കൺവീനർ കെ. ആർ. കുഞ്ഞിരാമൻ, വർക്കിംഗ്‌ ചെയർമാൻ പി. കെ. രാജേന്ദ്രനാഥ്‌, പാലക്കുന്ന് കഴകം ഭഗവതി ക്ഷേത്ര പ്രസിഡന്റ്‌ അഡ്വ. കെ. ബാലകൃഷ്ണൻ, കപ്പണക്കാൽ കുഞ്ഞിക്കണ്ണൻ ആയത്താർ, പി.വി.കുഞ്ഞിക്കോരൻ പണിക്കർ, കൃഷ്ണൻ പാത്തിക്കാൽ, രാജൻ പെരിയ, സുധാകരൻ പള്ളിക്കര, ദാമോദരൻ ബാര എന്നിവർ പ്രസംഗിച്ചു. വരവ് ചെലവ് കണക്കുകൾ അംഗീകരിച്ച ശേഷം തെയ്യംകെട്ട് നടത്തിപ്പിനായി 9 മാസമായി പ്രവർത്തിച്ച ആഘോഷകമ്മിറ്റിയെ പിരിച്ചു വിട്ടു.മികച്ച സംഘാടക മികവിൽ തെയ്യംകെട്ട് ഉത്സവം കുറ്റമറ്റ രീതിയിൽ മുന്നോട്ട് നയിച്ച ചെയർമാൻ ഉദയമംഗലംസുകുമാരൻ ജനറൽ കൺവീനർ കെ. ആർ. കുഞ്ഞിരാമൻ എന്നിവരെ പുരസ്കാരങ്ങൾ നൽകി ആദരിച്ചു. നവമാധ്യമങ്ങളിലൂടെ തെയ്യംകെട്ട് വിശേഷങ്ങൾ പുറംലോകത്തെത്തിച്ച അബി ഉദുമയെയും വിവിധ ഉപസമിതി ചെയർമാൻ കൺവീനർന്മാരെയും അനുമോദിച്ചു.

തെയ്യംകെട്ടിന് ചൂട്ടൊപ്പിച്ച മോഹനൻ കൊക്കാലിനെ പടിഞ്ഞാറ്റയിൽ ഇരുത്തി തറവാട് കാരണവർ കുഞ്ഞിരാമൻ ബാരയുടെ സാനിധ്യത്തിൽ പായസം വിളമ്പി അരിയിട്ട് അനുഗ്രഹിച്ച് ‘ചൂട്ടൊപ്പിച്ച മംഗലം’ പൂർത്തിയാക്കി. ആയിരങ്ങൾക്ക് സദ്യയും വിളമ്പി