Category: top news

ഹജ്ജ് ഡിജിറ്റൽ ക്ലാസ്സ്‌ സംഘടിപ്പിച്ചു

–

കാഞ്ഞങ്ങാട് : സ്വതന്ത്ര കർഷക സംഘം കാഞ്ഞങ്ങാട് മണ്ഡലം കമ്മിറ്റിയുടെ ആഭിമുഖ്യത്തിൽ കാഞ്ഞങ്ങാട് ബിഗ്‌ മാൾ പാലക്കി കൺവെൻഷൻ ഹാളിൽ വെച്ച് ഹജ്ജ് ഡിജിറ്റൽ ക്ലാസ്സ്‌ സംഘടിപ്പിച്ചു. മുന്നൂറ്റി അമ്പതിൽ പരം ഹജ്ജാജിമാർ പങ്കെടുത്ത ക്ലാസ്സിന് ഉസ്താദ് അബ്ദുൽ ഖാദർ നദ് വി കുണിയ, സൈനുദ്ധീൻ ഹാജി തൃക്കരിപ്പൂർ എന്നിവർ നേതൃത്വം നൽകി. മുസ്ലിം ലീഗ് ജില്ലാ വൈസ് പ്രസിഡന്റ്‌ അഡ്വ. എൻ എ ഖാലിദ് പരിപാടി ഉൽഘാടനം ചെയ്തു. സ്വതന്ത്ര കർഷക സംഘം മണ്ഡലം പ്രസിഡന്റ്‌ അബൂബക്കർ ഹാജി ചിത്താരി ആദ്യക്ഷം വഹിച്ചു.സ്വതന്ത്ര കർഷക സംഘം ജില്ലാ സെക്രട്ടറി പാലാട്ട് ഇബ്രാഹിം ആമുഖ പ്രഭാഷണം നടത്തി, മുസ്ലിം ലീഗ് ജില്ലാ വൈസ് പ്രസിഡന്റ്‌ ഒൺഫോർ അബ്ദുൽ റഹിമാൻ ഡിജിറ്റൽ ക്ലാസിന്റെ സ്വിച്ച് ഓൺ കർമ്മം നിർവഹിച്ചു. സംയുക്ത മുസ്ലിം ജമാഅത്ത് പ്രസിഡന്റ്‌ പാലക്കി സി കുഞ്ഞാമദ് ഹാജി മുഖ്യാതിഥിയായി.ഹോസ്ദുർഗ് ടൌൺ ജുമാ മസ്ജിദ് ഖത്തീബ് ഒ പി അബ്ദുള്ള സഖാഫി പ്രാർത്ഥന നടത്തി.ബഷീർ വെള്ളിക്കോത്ത്, എ ഹമീദ് ഹാജി, എം പി ജാഫർ, അബ്ദുൽ റസാഖ് തായലക്കണ്ടി,ബി അസൈനാർ ഹാജി, സലാം പരപ്പ, എൻ എ ഉമ്മർ,ബഷീർ മുക്കൂട്,കെ ബി കുട്ടി ഹാജി, സി എച്ച് അബൂബക്കർ ഹാജി, സി എച്ച് ഖാലിദ്, സി കെ ഷറഫു സംസാരിച്ചു, ജനറൽ സെക്രട്ടറി മുത്തലിബ് കൂളിയങ്കാൽ സ്വാഗതവും സെക്രട്ടറി കെ ശംസുദ്ധീൻ നന്ദിയും പറഞ്ഞു

കെഎംസിസി കാഞ്ഞങ്ങാട് അബുദാബി മുൻസിപ്പൽ പ്രസിഡന്റ് യാക്കൂബ് ആവിയിൽ അധ്യക്ഷത വഹിച്ചു. ജില്ലാ മുസ്ലിം ലീഗ് വൈസ് പ്രസിഡണ്ട് അഡ്വ. എൻ. എ ഖാലിദ് ഉദ്ഘാടനം ചെയ്തു.

ചടങ്ങിൽ വെച്ച് റിലീഫ് തുക യാക്കൂബ് ആവിയിൽ മുൻസിപ്പൽ മുസ്ലിം ലീഗ് പ്രസിഡന്റ് റസാഖ് തായ്ലക്കണ്ടിക്കും, ചികിത്സ സഹായം മഹമൂദ് കല്ലൂരാവി മുൻസിപ്പൽ ജനറൽ സെക്രട്ടറി കെ കെ ജാഫറിനും കൈമാറി.

ഇല്യസ്ബല്ലാ കടപ്പുറം സ്വാഗതം പറഞ്ഞു എം പി ജാഫർ,സി കെ റഹ്മത്തുള്ള,എം കെ റഷീദ് ഹാജി ഇസ്ലാം കരീം അസീസ് ആറങ്ങാടി, സൈദ് സിയാറത്തിങ്കര, അഷ്റഫ് സിയാറത്തിങ്കര, ഇബ്രാഹിം പള്ളിക്കര, ഷംസുദ്ദീൻ ആവിയിൽ,സെവൻ സ്റ്റാർ അബ്ദുൽ റഹിമാൻ,ടി മുത്തലിബ്, ഹാരിസ് ബദ്രിയ നഗർ ജാഫർ മുവാരിക്കുണ്ട് സി എച്ച് സുബൈദ ഗഫൂർ മുറിയനാവി തുടങ്ങിയവർ സംസാരിച്ചു.

കാസര്‍കോട് ലോക്‌സഭാ മണ്ഡലത്തില്‍ നാമനിര്‍ദ്ദേശ പത്രികകളുടെ സൂക്ഷ്മ പരിശോധന പൂര്‍ത്തിയായി. വരണാധികാരിയായ ജില്ലാ കളക്ടര്‍ കെ.ഇമ്പശേഖറിന്റെ നേതൃത്വത്തിലാണ് സൂക്ഷ്മ പരിശോധന നടത്തിയത്. 13 സ്ഥാനാര്‍ത്ഥികളുടെ പത്രികകളാണ് പരിശോധിച്ചത്. അതില്‍ രണ്ടു സ്വതന്ത്ര സ്ഥാനാര്‍ത്ഥികളുടെ നാമനിര്‍ദ്ദേശപത്രികകള്‍ മതിയായ രേഖകള്‍ ഹാജരാക്കത്തതിനാല്‍ തള്ളി. ബാലകൃഷ്ണന്‍ ചേമഞ്ചേരി (സ്വതന്ത്രന്‍) വി.രാജേന്ദ്രന്‍ (സ്വതന്ത്രന്‍) എന്നിവരുടെ നാമനിര്‍ദ്ദേശപത്രികകളാണ് തള്ളിയത്. സി.എച്ച്കുഞ്ഞമ്പു (സി.പി.ഐ എം) എ.വേലായുധന്‍ (ബി.ജെ.പി ) എന്നിവരുടെ നാമ നിര്‍ദ്ദേശപത്രികകള്‍ ഔദ്യോഗിക സ്ഥാനാര്‍ത്ഥികളുടെ പത്രികകള്‍ അംഗീകരിച്ചതിനാല്‍ പരിശോധിച്ച് തള്ളി.

എം.എല്‍.അശ്വിനി (ഭാരതീയ ജനത പാര്‍ട്ടി), എം.വി.ബാലകൃഷ്ണന്‍ മാസ്റ്റര്‍ (കമ്യുണിസ്റ്റ് പാര്‍ട്ടി ഓഫ് ഇന്ത്യ- മാര്‍ക്സിസ്റ്റ്), രാജ് മോഹന്‍ ഉണ്ണിത്താന്‍ (ഇന്ത്യന്‍ നാഷണല്‍ കോണ്‍ഗ്രസ്), സുകുമാരി എം (ബഹുജന്‍ സമാജ് പാര്‍ട്ടി), അനീഷ് പയ്യന്നൂര്‍ (സ്വതന്ത്രന്‍), എന്‍.കേശവ നായക് (സ്വതന്ത്രന്‍), ബാലകൃഷ്ണന്‍ എന്‍ (സ്വതന്ത്രന്‍), മനോഹരന്‍ കെ (സ്വതന്ത്രന്‍), രാജേശ്വരി കെ.ആര്‍ (സ്വതന്ത്ര) എന്നീ സ്ഥാനാര്‍ത്ഥികളാണ് മത്സര രംഗത്തുള്ളത്. ഏപ്രില്‍ എട്ടുവരെ നാമനിര്‍ദ്ദേശപത്രിക പിന്‍വലിക്കാം.

കാഞ്ഞങ്ങാട്: ആദര്‍ശ ധീരതയുള്ള മാധ്യമ പ്രവര്‍ത്തകനായിരുന്നു പി മുഹമ്മദ് കുഞ്ഞി മാസ്റ്ററെന്ന് കാഞ്ഞങ്ങാട് പ്രസ് ഫോറത്തില്‍ സംഘടിപ്പിച്ച പി മുഹമ്മദ് കുഞ്ഞി മാസ്റ്റര്‍ അഞ്ചാം ചരമവാര്‍ഷികദിനാചരണ പരിപാടിയില്‍ അഭിപ്രായപ്പെട്ടു. ഒരേ സമയം മാധ്യമ പ്രവര്‍ത്തകന്‍, പ്രഭാഷകന്‍, രാഷ്ട്രിയകാരന്‍, അധ്യാപകന്‍ തുടങ്ങിയ വിവിധ മേഖലയില്‍ നിസ്തുലമായ സംഭാവന മുഹമ്മദ് കുഞ്ഞി മാസ്റ്റര്‍ നല്‍കി. പുതിയകാലത്ത് മുഹമ്മദ് കുഞ്ഞി മാസ്റ്ററുടെ ജീവിതം മാതൃകയായി കാ ണേണ്ടതാണെന്നും അനുസ്മരണത്തില്‍ അഭിപ്രായമുയര്‍ന്നു. പ്രസ് ഫോറം സെക്രട്ടറി ബാബു കോട്ടപ്പാറ സ്വാഗതം പറഞ്ഞു. ട്രഷറര്‍ ഫസലുറഹ്മാന്‍ അധ്യക്ഷത വഹിച്ചു. മുതിര്‍ന്ന മാധ്യമ പ്രവര്‍ത്തകരായ ടി മുഹമ്മദ് അസ്ലം, കാവുങ്ങല്‍ നാരാണയന്‍ മാസ്റ്റര്‍, പി പ്രവീണ്‍ കുമാര്‍, റഹ്നാസ് മടിക്കൈ, സജേഷ് അടമ്പിൽ എന്നിവര്‍ പ്രസംഗിച്ചു. പ്രസ് ഫോറം വൈസ് പ്രസിഡന്റ് കെ.എസ് ഹരി നന്ദി പറഞ്ഞു.

ടാറിംഗ് പൂർത്തിയാക്കി ലൈനുകളും റിഫ്ലക്ടറുകളും വരെ സ്ഥാപിച്ച റോഡിനെ വീണ്ടും വെട്ടിപ്പൊളിച്ച്‌ കലുങ്കുകള്‍ നിർമിച്ച്‌ മാസങ്ങള്‍ കഴിഞ്ഞിട്ടും ഇതിനു മുകളില്‍ റീ ടാറിംഗ് നടത്താത്തത് അപകടഭീഷണി ഉയർത്തുകയാണ്.

ഭീമനടി മുതല്‍ ഒടയംചാല്‍ വരെ പല സ്ഥലങ്ങളിലും ഇങ്ങനെ കലുങ്കുകള്‍ നിർമിച്ചിട്ടുണ്ട്. മെക്കാഡം ടാറിംഗ് പൂർത്തിയായതിനു ശേഷമാണ് കലുങ്കുകളുടെ നവീകരണത്തിന് ഫണ്ട് ലഭിച്ചതെന്നാണ് അധികൃതരുടെ വിശദീകരണം.

പണി പൂർത്തിയായ റോഡുകള്‍ വെട്ടിപ്പൊളിക്കുന്നതിന് ജല അഥോറിറ്റിയേയും മറ്റും കുറ്റപ്പെടുത്തുന്ന പിഡബ്ല്യുഡി അധികൃതർ തന്നെ കലുങ്കിന് പുതിയ ഫണ്ട് ലഭിച്ചപ്പോള്‍ റോഡ് വീണ്ടും വെട്ടിപ്പൊളിക്കുകയായിരുന്നു.

ഈ സ്ഥലങ്ങളില്‍ വീണ്ടും മെക്കാഡം ടാറിംഗ് നടത്തി പഴയതുപോലെയാക്കാൻ ഇനിയും ലക്ഷങ്ങള്‍ വേണ്ടിവരും.

കലുങ്കിന് ലഭിച്ച അധിക ഫണ്ട് അതില്‍ നഷ്ടമാകുമെന്ന കാര്യം അധികൃതർ കണക്കിലെടുത്തതുമില്ല. പലയിടങ്ങളിലും കലുങ്ക് നിർമിച്ച ഭാഗവും റോഡും തമ്മില്‍ ഗണ്യമായ ഉയരവ്യത്യാസവും ഉണ്ടായിട്ടുണ്ട്. ഇനി ഇതെല്ലാം നികത്തി വീണ്ടും മെക്കാഡം ടാറിംഗ് നടത്തിയില്ലെങ്കില്‍ ഏതുനിമിഷവും അപകടങ്ങള്‍ സംഭവിക്കാമെന്ന നിലയാണ്. മഴക്കാലത്ത് ഈ സ്ഥലങ്ങളില്‍ വെള്ളം കെട്ടിക്കിടന്ന് കൂടുതല്‍ പ്രശ്നങ്ങളുണ്ടാകാനും ഇടയുണ്ട്. അതിനു മുമ്ബ് ഇനി ടാറിംഗ് നടത്താൻ ഫണ്ട് ലഭിക്കുമോയെന്ന കാര്യവും വ്യക്തമല്ല.

പെരിയാട്ടടുക്കം. ശ്രുതി സംഗീത വിദ്യാലയത്തിൻ്റെ സിൽവർ ജൂബിലി ആഘോഷം 2024 – ഏപ്രിൽ 20- ന് വിവിധ പരുപാടികളോടെ നടക്കും.

പരമ്പര വിദ്യാപീഠ സ്ഥാപകൻ Dr : വിഷ്ണുപ്രസാദ് ഹെബ്ബാറിൻ്റെ അദ്ധ്യക്ഷതയിൽ ഗിന്നസ് വേൾഡ് റെക്കോഡർ മൃദംഗ വിദ്വാൻ Dr :കുഴൽമന്ദം ജി. രാമകൃഷ്ണൻ ഉദ്ഘാടനം നിർവ്വഹിക്കും. ഉദുമMLA ശ്രീ CH കുഞ്ഞബു, സംഗിത രത്നം Dr:കാഞ്ഞങ്ങാട് രാമചന്ദ്രൻ , സംഗീത സാർവ്വഭൗമ ശ്രീ കൽമാടി സദാശിവആചാര്യ , സംഗീത പൂർണ്ണ ശ്രീ കാഞ്ഞങ്ങാട് T P ശ്രീനിവാസൻ ,പ്രശസ്ത സംഗീതജ്ഞൻ ശ്രീ വെള്ളിക്കോത്ത് വിഷ്ണു ഭട്ട്, ഗാനഭൂഷണം ശ്രീ വിപിൻ രാഗവീണ, DYSP Dr: V ബാലകൃഷ്ണൻ , former CA to Distric Police Chif ശ്രീ സതീന്ദ്രൻ തുടങ്ങി നിരവധി കലാ സാംസ്കാരിക പ്രമുഖർ പരുപാടിയിൽ പങ്കെടുക്കും. രാവിലെ 9 മണിക്ക് തുടക്കമിടുന്ന പരുപാടി സംഗീത ഘോഷയാത്ര, ശ്രുതിസാഗരം പ്രതിഭകൾ അണിനിരക്കുന്ന സർഗ്ഗ സംഗീതം, ഉദ്ഘാടന ചടങ്ങ് , ആദരിക്കൽ, നാദസുദാരസം, നൃത്ത സംഗിത നിശ ‘അടുക്കള ക്വിസ് , തുടർന്ന് SSV നീലാംബരി ഓർക്കസ്ട്രയുടെ സൂപ്പർഹിറ്റ് മെഗാ ഗാനമേളയും അരങ്ങേറും.

ചീമേനി: വെള്ളിക്കോത്ത് പനയന്തട്ട തറവാട് കാരണവർ ചെമ്പ്രകാനത്തെ പി.പി.കുഞ്ഞിക്കണ്ണൻ നായർ (95) അന്തരിച്ചു. സംസ്കാരം ഇന്ന് (വെള്ളി) ഉച്ചയ്ക്ക് 2.30 ന് പേരിയ പുളിയുള്ളകൊച്ചി ഭവനത്തിൽ. ഭാര്യ: പരേതയായ നായരച്ചംവീട്ടിൽ ലക്ഷ്മി അമ്മ, ലീല. മക്കൾ: എൻ.വി. ജനാർദനൻ നായർ, എൻ.വി.ദാമോദരൻ നായർ, എൻ.വി.ഗംഗാധരൻ നായർ, എൻ.വി.ദിവാകരൻ നായർ. മരുമക്കൾ: വിജയാംബിക, ഇന്ദിര, രാജേശ്വരി, വിലാസിനി. സഹോദരങ്ങൾ: പി.പി.കുഞ്ഞമ്മാർ അമ്മ, പി.പി.നാരായണൻ നായർ.

പി.പി. മീനാക്ഷി അമ്മ, പി.പി. ഭാർഗവി അമ്മ, പരേതരായ പി.പി.കുഞ്ഞക്കു അമ്മ, പി.പി.ഗോപാലൻ നായർ, പി.പി. പത്മനാഭൻ നായർ, നായർ.