Category: Kasaragod

പൊയിനാച്ചി : മതേതര ഇന്ത്യ നിലനിൽക്കണമോ എന്ന് തീരുമാനിക്കുന്ന ഗൗരവമേറിയ തിരഞ്ഞെടുപ്പിൽ പിറന്ന മണ്ണിൽ ജീവിക്കാനുള്ള പോരാട്ടമാണിതെന്ന് യുഡിഎഫ് ജില്ലാ ചെയർമാൻ കല്ലട്ര മാഹിൻ ഹാജി പറഞ്ഞു.

കേന്ദ്ര-കേരള സർക്കാരുകളുടെ ദുർഭരണത്തിനെതിരെയുളള വിധിയെഴുത്താകണം ഈ തെരെഞ്ഞടുപ്പെന്ന് അദ്ദേഹം കൂട്ടി ചേർത്തു. ഉദുമ നിയോജക മണ്ഡലം യു.ഡി.എഫ് തിരഞ്ഞടുപ്പ് സ്റ്റിയറിംഗ് കമ്മിറ്റി യോഗം ഉൽഘാടനം ചെയ്യുകയായിരുന്നു അദ്ധേഹം.

ചെയർമാൻ കല്ലട്ര അബ്ദുൽ ഖാദർ അധ്യക്ഷത വഹിച്ചു. ജനറൽ കൺവീനർ സി രാജൻ പെരിയ സ്വാഗതം പറഞ്ഞു. ഡിസിസി പ്രസിഡണ്ട് പി കെ ഫൈസൽ, കെപിസിസി ജനറൽ സെക്രട്ടറി സൈമൺ അലക്സ്, സെക്രട്ടറി മാരായ കെ പി കുഞ്ഞി കണ്ണൻ, കെ നീലകണ്ഠൻ, ഹക്കീം കുന്നിൽ, ഹരീഷ് പി നമ്പ്യാർ, കെ ബി മുഹമ്മദ് കുഞ്ഞി, എം സി പ്രഭാകരൻ കെ വി ഭക്തവത്സരൻ,ഹമീദ് മാങ്ങാട്,അബ്ദുള്ള കുഞ്ഞി കീഴൂർ, ഹനീഫ കുന്നിൽ, മുഹമ്മദ് കുഞ്ഞി പെരുമ്പള, ഹാരിസ് തൊട്ടി, സാജിദ് മൗവ്വൽ, ബഷീർ പള്ളങ്കോട്, ഖാലിദ് ബെള്ളിപ്പാടി, ടി ഡി കബീർ തെക്കിൽ, കെ ബിഎം ശരീഫ് കാപ്പിൽ, സിദ്ദീഖ് പള്ളിപ്പുഴ, കുഞ്ഞികൃഷ്ണൻ മാടക്കൽ, ബലരാമൻ നമ്പ്യാർ, സാബു അബ്രഹാം, കൃഷ്ണൻ ചട്ടഞ്ചാൽ കെ വി ഗോപാലൻ,സുകുമാരൻ പൂച്ചക്കാട്, പ്രമോദ് പെരിയ, തെരേസ ഫ്രാൻസിസ്, ശ്രീകല പുല്ലൂർ, മൻസൂർ ഗുരുക്കൾ, മണികണ്ഠൻ, സി അശോക് കുമാർ,ടി കെ ദാമോദരൻ, പ്രമോദ് ദേലമ്പാടി, ബാലചന്ദ്രൻ മാഷ്, അഡ്വക്കേറ്റ് ബാബുരാജ്, സി കെ അരവിന്ദൻ, പത്മനാഭൻ എം വി, രവീന്ദ്രൻ കരിച്ചേരി, എം ബി ഷാനവാസ്, ഷെരീഫ് കൊടവഞ്ചി, റൗഫ് ബായിക്കര, ഉണ്ണികൃഷ്ണൻ പൊയ്നാച്ചി,പവിത്രൻ സി നായർ സംബന്ധിച്ചു.

പാലക്കുന്ന് : കഴകം ഭഗവതി ക്ഷേത്രത്തിൽ പൂരോത്സവത്തിന്റെ ഭാഗമായി മറുത്തുകളിക്ക് തുടക്കമായി. പെരുമുടിത്തറയെ പ്രതിനിധികരിച്ച് കൊയങ്കര രാജീവൻ പണിക്കരും മേൽത്തറയിലെ അണ്ടോൾ രാജേഷ് പണിക്കരും സംവാദം നടത്തി. 5 വർഷത്തിന് ശേഷം നടക്കുന്ന മറുത്തുകളിയും തുടർന്നുള്ള പൂരക്കളിയും കാണാൻ നിരവധി പേർ ക്ഷേത്രത്തിലെത്തിയിരുന്നു.

22 ന് കീഴ്ത്തറ പണിക്കർ പെരുമുടിപണിക്കരുമായി സംവദിക്കും.

പാലക്കുന്ന്: കപ്പലോട്ടക്കാരുടെ ദേശീയ സംഘടനയായ നാഷണൽ യൂണിയൻ ഓഫ് സീഫെറെഴ്‌സ് ഓഫ് ഇന്ത്യ (നുസി), ദേശീയ അടിസ്ഥാനത്തിൽ കപ്പൽ ജീവനക്കാർക്കും കുടുംബാംഗങ്ങൾക്കും നൽകിവരുന്ന സൗജന്യ ഇംഗ്ലീഷ് ഭാഷ പരിശീലന ക്ലാസ്സിന് തുടക്കമായി. നുസി കാസറഗോഡ് ബ്രാഞ്ചിന്റെ നേതൃത്വത്തിൽ നടത്തപ്പെടുന്ന പരിശീലന ക്ലാസ്സിന്റെ ആദ്യ ബാച്ച് മെർച്ചന്റ് നേവി കാസറഗോഡ് അസോസിയേഷന്റെ പാലക്കുന്നിലുള്ള ഓഫീസിൽ തുടക്കമായി. ഖദീജത്ത് പരിശീലന ക്ലാസ്സ് കൈകാര്യം ചെയ്യും.

നുസി കാസറഗോഡ് ബ്രാഞ്ച് പ്രതിനിധി പ്രജിത അനൂപ് ഉദ്ഘാടനം ചെയ്തു.

അസോസിയേഷൻ പ്രസിഡന്റ്‌ രാജേന്ദ്രൻ മുദിയക്കാൽ അധ്യക്ഷത വഹിച്ചു. സുജിത് ബേക്കൽ, പി. വി. ജയരാജ്‌ , രാജേന്ദ്രൻ കണിയാമ്പാടി, മണി അമ്പങ്ങാട്, രതീശൻ കുട്ടിയൻ എന്നിവർ സംസാരിച്ചു

പെരിയ:വരാനിരിക്കുന്ന കാലത്തിനു വേണ്ടി എഴുതിയ കവിയായിരുന്നതിനാലാണ് കുമാരനാശാൻ ഇക്കാലത്തും പ്രസക്തനാവുന്നതെന്ന് എഴുത്തുകാരനും പ്രഭാഷകനുമായ ഡോ. രാജേന്ദ്രൻ എടത്തുംകര അഭിപ്രായപ്പെട്ടു. ജീവിച്ചിരുന്ന കാലത്തെ അപേക്ഷിച്ച് പിൽക്കാലത്ത് ഏറെ തിരിച്ചറിയപ്പെട്ട കവിയാണ് ആശാൻ. എഴുത്തച്ഛനു ശേഷം വിരൽ മടക്കി എണ്ണാവുന്ന കവികളിൽ എന്തുകൊണ്ടും മുമ്പനാണ് ആശാനെന്നും അദ്ദേഹം കൂട്ടിച്ചേർത്തു.

കേന്ദ്ര സർവകലാശാല മലയാളം വകുപ്പും നാട്യരത്‌നം കണ്ണൻ പാട്ടാളി സ്മാരക കഥകളി ട്രസ്റ്റും കണ്ണൂർ സർവകലാശാല ബഹുഭാഷാ പഠന കേന്ദ്രത്തിന്റെ സഹകരണത്തോടെ നടത്തുന്ന രണ്ടു ദിവസത്തെ ആശാൻ ചരമശതാബ്ദി സെമിനാറിൽ അനുസ്മരണ പ്രഭാഷണം നടത്തുകയായിരുന്നു അദ്ദേഹം.

സെമിനാർ കേന്ദ്ര സർവകലാശാല വൈസ് ചാൻസലർ പ്രൊഫ. കെ.സി. ബൈജു ഉദ്ഘാടനം ചെയ്തു. കേരളത്തിന്റെ ആധുനികതയിലേയ്ക്കുള്ള പ്രയാണത്തിൽ ആശാൻ കവിതകൾക്കുള്ള സംഭാവന വളരെ വലുതാണെന്ന് അദ്ദേഹം പറഞ്ഞു. ഡോ.എ.എം. ശ്രീധരൻ അധ്യക്ഷത വഹിച്ചു. ഡോ.ആർ. ചന്ദ്രബോസ് സ്വാഗതവും കെ. ദേവി നന്ദിയും പറഞ്ഞു.

വായന – എഴുത്ത് – പുനരെഴുത്ത് എന്ന വിഷയത്തിൽ ഡോ. സി.ജെ.ജോർജും മുണ്ടശ്ശേരിയുടെ ആശാൻ എന്ന വിഷയത്തിൽ ഡോ.പി. പ്രജിതയും പ്രബന്ധങ്ങൾ അവതരിപ്പിച്ചു. പ്രൊഫ. വി.രാജീവ്, ഡോ.കെ.ഹരിദാസ് എന്നിവർ മോഡറേറ്റർമാരായി. ഉച്ചയ്ക്കുശേഷം

കലാമണ്ഡലം ആദിത്യനും സംഘവും അവതരിപ്പിച്ച കരുണാ കാവ്യത്തിന്റെ കഥകളി ആവിഷ്ക്കാരം ഏറെ ശ്രദ്ധേയമായി. തുടർന്ന് ഗവേഷകരായ ഡോ. ശരൺ ചന്ദ്രൻ എൻ.പി. പ്രിയലത, ആയിഷത്ത് ഹസൂറ ബി.എ., അരുൺ രാജ് എം.കെ. എന്നിവരും പ്രബന്ധങ്ങൾ അവതരിപ്പിച്ചു. സെമിനാർ ഇന്ന് വൈകിട്ട് സമാപിക്കും.

ഉദുമ: മാർച്ച് 28 മുതൽ 31 വരെ വയനാട്ടുകുലവൻ തെയ്യം കെട്ട് നടക്കുന്ന ഉദുമ കണ്ണിക്കുളങ്ങര തറവാട്ടിൽ ഇന്ന് സംഘടി പ്പിച്ച ഇഫ്താര്‍ സംഗമം സാഹോദര്യവും മതമൈത്രി യുടെ സന്ദേശവും വിളിച്ചോ തുന്നതായി.

മത സൗഹാർദ്ദത്തിന് ഇതുവരെ ഒരു കോട്ടവും സംഭവിക്കാത്ത ഉദുമയിൽ നടക്കുന്ന തെയ്യം കെട്ടുക ളും ഉറൂസുകളും മറ്റു ആഘോഷങ്ങളും മനുഷ്യ മനസുകളെ തമ്മിൽ അടുപ്പിക്കുന്നതാണ്.

മുസ് ലിം ങ്ങളുടെ വ്രത ശുദ്ധിയുടെ മാസമാസമായ റമസാനിൽ കണ്ണിക്കുളങ്ങ ര തറവാട്ടിൽ നടക്കുന്ന വയനാട്ടുകുലവൻ തെയ്യം കെട്ട് മഹോത്സവത്തോ ടനുബന്ധിച്ചാണ് ആഘോ ഷ കമ്മിറ്റി ഇത്തരമൊരു പരിപാടി സംഘടിപ്പിച്ചത്.

ഉദുമ ടൗൺ ജുമാ മസ്ജിദ്, ഉദുമ പടിഞ്ഞാർ മുഹ് യുദ്ദീൻ ജുമാ മസ്ജിദ്, പാക്യാര മുഹ് യുദ്ദീൻ ജുമാ മസ്ജിദ്, ഉദുമ ടൗൺ ഖുബ മസ്ജിദ് ഭാരവാഹികൾ, പരിസരവാസികൾ, ഉദുമ ടൗണിലെ വ്യാപാരികൾ

ഉള്‍പെടെയുള്ളവര്‍ പങ്കെടുത്ത ഇഫ്താര്‍ മീറ്റ് ഉദുമയുടെ മാനവ ഐക്യ ത്തിൻ്റെ സന്ദേശം കൂടി യാണ്.ഒരു മേശക്ക് ചുറ്റുമിരുന്ന് നോമ്പ് തുറന്ന ശേഷം പരസ്പരം ഹസ്ത ദാനം നൽകിയാണ് എല്ലാവരും പിരിഞ്ഞു പോയത്.

ഇഫ്താർ സംഗമം കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡൻ്റ് കെ മണികണ്ഠൻ ഉദ്ഘാടനം ചെയ്തു.

പാലക്കുന്ന് കഴകം ഭഗവതി ക്ഷേത്രം പ്രസിഡൻ്റ് അഡ്വ. കെ ബാലകൃഷ്ണൻ അധ്യക്ഷത വഹിച്ചു.

ആഘോഷ കമ്മിറ്റി ചെയർമാൻ ഉദയമംഗലം സുകുമാരൻ സ്വാഗതം പറഞ്ഞു.

ഉദുമ ഗ്രാമ പഞ്ചായത്ത് പ്രസിഡൻ്റ് പി ലക്ഷ്മി, പളളിക്കര ഗ്രാമപഞ്ചാ യത്ത് പ്രസിഡൻ്റ് എം കുമാരൻ, ജില്ലാ പഞ്ചായത്ത് സ്റ്റാൻ്റിംഗ് കമ്മിറ്റി ചെയർപേഴ്സൺ ഗീത കൃഷ്ണൻ, കാഞ്ഞങ്ങാട് ബ്ലോക്ക് പഞ്ചായത്ത് മെമ്പർ പുഷ്പ ശ്രീധരൻ, ഉദുമ സർവ്വീസ് സഹകരണ ബാങ്ക് പ്രസിഡൻ്റ് വിആർ വിദ്യാസാഗർ, ഹക്കീം കുന്നിൽ,

കെഇഎ ബക്കർ, കെ ശിവരാമൻ മേസ്ത്രി, മുഹമ്മദ് കുഞ്ഞി പൂച്ചക്കാട്, ഉദുമ ടൗൺ ജമാഅത്ത് കമ്മിറ്റി പ്രസിഡൻ്റ് കെഎ മുഹമ്മദലി, ജനറൽ സെക്രട്ടറി ഇകെ അബ്ദുൽ ലത്തീഫ്, ട്രഷറർ യുസഫ് റൊമാൻസ്, ഉദുമ പടിഞ്ഞാർ മുഹ് യുദ്ദീൻ ജമാ അത്ത് കമ്മിറ്റി ജനറൽ സെക്രട്ടറി അബ്ദുൽ റഹ് മാൻ സഫർ, പാക്യാര മുഹ് യുദ്ദീൻ ജമാ അത്ത് കമ്മിറ്റി പ്രസിഡൻ്റ് പിഎം മുഹമ്മദ്കുഞ്ഞി, ജനറൽ സെക്രട്ടറി ബഷീർ പാക്യാര, ജി ജാഫർ, കെഎം അബ്ദുൽ റഹ് മാൻ എന്നിവർ പ്രസംഗിച്ചു.

സമൂഹ നോമ്പ് തുറയിൽ പികെ അഷ്റഫ്, ടിവി മുഹമ്മദ് കുഞ്ഞി ഹാജി, കെഎ ഷുക്കൂർ, ഇസ്മയിൽ ഉദുമ, ഹമീദ് കുണ്ടടുക്കം, ജാസ്മിൻ റഷീദ്, ബീവി മാങ്ങാട്, ശകുന്തള ഭാസ്കരൻ, ചന്ദ്രൻ നാലാം വാതുക്കൽ, വികെ അശോകൻ, ശ്രീധരൻ വയലിൽ, കെ സന്തോഷ് കുമാർ, പാലക്കുന്നിൽ കുട്ടി, അബ്ദുല്ലക്കുഞ്ഞി ഉദുമ, സികെ കണ്ണൻ, ബാബു പാണത്തൂർ, വൈ കൃഷ്ണ ദാസ്, വിജയരാജ് ഉദുമ, മൂസ പാലക്കുന്ന്, വിപിഹിദായത്തുള്ള, സലാം പാലക്കുന്ന് തുടങ്ങിയവർ പങ്കെടുത്തു.