Author: Binoy Balan

മാവുങ്കാൽ:ഏച്ചിക്കാനത്തിൻ്റെയും പരിസര പ്രദേശങ്ങളിലെയും കുരുന്നുകൾക്ക് അറിവിൻ്റെ ആദ്യാക്ഷരങ്ങൾ പകർന്ന് ഭാരതീയ മൂല്യങ്ങളിൽ ഊന്നിയ പാഠ്യ പാഠ്യേതര പ്രക്രിയയിലൂടെ കഴിഞ്ഞ നാലു പതിറ്റാണ്ടായി സൗജന്യ വിദ്യാഭ്യാസം നൽകി പ്രവർത്തിച്ചു വരുന്ന ഏച്ചിക്കാനം ശ്രീ ഗുരുജി വിദ്യാമന്ദിരത്തിൻ്റെ 39 മത് വാർഷികവും അനുബന്ധ പരിപാടികളും ഏറെ ശ്രദ്ധേയമായി.

വാർഷികാഘോഷ കമ്മിറ്റി ചെയർമാൻ ബിനോ രാജിൻ്റെ അദ്ധ്യക്ഷതയിൽ നടന്ന ചടങ്ങ് പ്രശസ്ത കവിയും മുൻ സെൻസർ ബോർഡ് അംഗവുമായ കല്ലറ അജയൻ ഉൽഘാടനം ചെയ്തു.

ഭാരതീയ വിദ്യാനികേതൻ ദക്ഷിണ ക്ഷേത്രകാര്യദർശി എൻ.സി.ടി.രാജഗോപാലൻ മുഖ്യപ്രഭാഷണം നടത്തി.പ്രധാനാദ്ധ്യാപിക ടി. ആർ.ഷീജ സ്കൂൾ റിപ്പോർട്ട് അവതരിപ്പിച്ചു.

രാഷ്ട്രീയ സ്വയം സേവകസംഘം കാഞ്ഞങ്ങാട് ജില്ല സഹസംഘ ചാലക് പി.ഉണ്ണികൃഷ്ണൻ,മടി ക്കൈ പഞ്ചായത്ത് വാർഡ് അംഗം കെ.വേലായുധൻ, പ്രസിഡണ്ട് സി.യതിൻ,എന്നിവർ സംസാരിച്ചു.ചടങ്ങിൽ വെച്ച് ജില്ല ക്രിക്കറ്റ് ടീമിൽ സെലക്ഷൻ നേടിയ പൂർവ്വ വിദ്യാർത്ഥി പി.വിഷ്ണുദാസ്, മികച്ച പ്രകടനം കാഴ്ചവച്ച വിദ്യാലയത്തിലെ കുട്ടികൾ, പൂർവ്വ വിദ്യാർത്ഥികൾ,അദ്ധാപകർ,മാതൃസമിതി അംഗങ്ങൾ എന്നിവരെയും വിശിഷ്ട വ്യക്തികൾ അനുമോദിച്ചു.

സ്കൂൾ സെക്രട്ടറി പി.പുഷ്പലത സ്വാഗതവും,ആഘോഷ കമ്മിറ്റി കൺവീനർ പി.ശിവപ്രസാദ് നന്ദിയും പറഞ്ഞു.തുടർന്ന് കുട്ടികളും മുതിർന്നവരും അവതരിപ്പിച്ച വിവിധങ്ങളായ കലാപരിപാടികൾ അരങ്ങേറി.

പാലക്കുന്ന് : ആദ്യമായി രാജ്യത്ത് നിന്ന് വിദേശത്തേക്ക് കപ്പലോട്ടിയ ദിനത്തെ സ്മരിച്ചു കൊണ്ട് മർച്ചന്റ് നേവി ജില്ലാ അസോസിയേഷന്റെ നേതൃത്വത്തിൽ ദേശീയ കപ്പലോട്ട ദിനം ആചരിച്ചു.

ഇന്ത്യയിൽ നിന്ന് ആദ്യമായി അന്തർദേശീയ ജലപാതയിൽ കപ്പൽ യാത്ര നടത്തിയത് 1919 ഏപ്രിൽ 5 നാണ്.സിന്ധ്യ സ്ററീം നാവിഗേഷൻ കമ്പനിയുടെ ‘എസ്.എസ് ലോയൽറ്റി’ എന്ന ചരക്ക് കപ്പലാണ് ബോംബെയിൽ നിന്നും ലണ്ടനിലേക്ക് ആദ്യമായി സമുദ്ര യാത്ര അതിന്റെ ഓർമ്മക്കായാണ് എല്ലാ വർഷവും ഏപ്രിൽ 5 ന് ദേശീയ കപ്പലോട്ട ദിനം ആചരിക്കുന്നത്.

അസോസിയേഷന്റെ പാലക്കുന്ന് ഓഫീസിൽ കേക്ക് മുറിച്ചും മധുര പലഹാരം വിതരണവും നടത്തിയാണ് ഈ ദിവസം ആഘോഷിച്ചത്. വിവിധ രോഗ ബാധിതരായി ചികിത്സയിൽ കഴിയുന്ന വർക്കുള്ള ധനസഹായ വിതരണവും നടത്തി. അസോസിയേഷൻ പ്രസിഡന്റ്‌ രാജേന്ദ്രൻ മുദിയക്കാൽ അധ്യക്ഷനായി. വൈസ് പ്രസിഡന്റ്‌കെ.എ.രമേശൻ, നുസി നിർവാഹക കമ്മിറ്റി അംഗം സുജിത് ബേക്കൽ, മണി അമ്പങ്ങാട്, രതീശൻ കുട്ടിയൻ,മനോജ്‌ പള്ളം, സുനിൽകുമാർ കൊക്കാൽ,രാജേഷ് രാഘവൻ, എ. കെ. സുധിൽ എന്നിവർ സംസാരിച്ചു..

പാലക്കുന്ന് : വയനാട്ടുകുലവൻ തെയ്യംകെട്ടുകളിൽ ബോനം കൊടുക്കൽ ചടങ്ങ് ഏറെ പ്രാധാന്യമുള്ളതാണ്. മതമൈത്രി സന്ദേശമുണർത്തുന്ന ചടങ്ങ് കുഞ്ഞാലിയ്ക്ക് കുലവനുമായുള്ള സൗഹൃദം പുതുക്കൽകൂടിയാണ്. കുഞ്ഞാലിയെ രാജകോപത്തിൽ നിന്ന് കുലുവൻ രക്ഷിച്ചുവെന്നാണ് ഐതീഹ്യം. അന്ന് കുഞ്ഞാലി മധുപ്രിയനായ കുലവന് ആരും കാണാതിരിക്കാൻ തലയിൽ മുണ്ടിട്ട് കള്ള് കൊടുത്തുവത്രേ. അതിന്റെ ഓർമപുതുക്കലാണ് ഇന്ന് മറക്കളത്തിൽ നടക്കുന്ന ബോനം കൊടുക്കൽ.

പാലക്കുന്ന് : ചടുലമായ ചുവടുകളും അതുല്യമായ മെയ് വഴക്കുമായി മറക്കളത്തിലെത്തിയ കണ്ടനാർ കേളനെ ആർപ്പുവിളികളുമായി ആയിരങ്ങൾ വരവേറ്റപ്പോൾ തറവാട്ടു കാരുടെയും ദേശവാസികളുടെയും അരനൂറ്റാണ്ടു നീണ്ട കാത്തിരിപ്പിന് സുകൃത പുണ്യമായി. കണ്ടനാർ കേളന്റെ ബപ്പിടൽ ചടങ്ങിന് സാക്ഷ്യം വഹിക്കാൻ ഇന്നലെ രാത്രി നാടൊന്നാകെ കീക്കാനം കുന്നത്ത് കോതോർമ്പൻ തറവാട് തോക്കാനം താനത്തിങ്കാൽ ദേവസ്ഥാന സന്നിധിയിലേക്ക് ഒഴുകിയെത്തി.മൂന്നോ നാലോ ദിവസം നീണ്ടുനിൽക്കുന്ന തെയ്യംകെട്ട് ഉത്സവങ്ങളിൽ കൂടുതൽ ജനങ്ങൾ തറവാട്ടിലെത്തുന്നത് സവിശേഷ അനുഷ്ഠാനമായ ബപ്പിടൽ ചടങ്ങ് നടക്കുന്ന ദിവസമാണ്.

ഇന്നലെ വൈകീട്ട് കോരച്ചൻ തെയ്യത്തിന്റെ വെള്ളാട്ടത്തിന് ശേഷമാണ് കണ്ടനാർ കേളൻ തെയ്യത്തിന്റെ മുഖ്യചടങ്ങായ ബപ്പിടൽ പൂർത്തിയാക്കിയത്. വിഷ്ണുമൂർത്തിയുടെ തിടങ്ങലിന് ശേഷം വയനാട്ടുകുലുവൻ തെയ്യത്തിന്റെ വെള്ളാട്ടം കെട്ടിയാടി.

ഇന്ന് വൈകുന്നേരം 4മണിയോടെ വയനാട്ടുകുലവൻ അരങ്ങിലെത്തും. വേഷത്തിലും നൃത്തത്തിലും ആചാരാനുഷ്ഠാനങ്ങളിലും വട്ടമുടിയും അരയാടയും പൊയ്ക്കണ്ണും വെള്ളത്താടിയും കന്നക്കത്തിയും മുളയമ്പും മുളവില്ലും ഒന്നായുള്ളത് കുലവന്റെ പ്രത്യേകതയാണ്.

പാലക്കുന്ന് ക്ഷേത്ര സ്ഥാനികരുടെ മേൽനോട്ടത്തിൽ തയ്യാറാക്കിയ ചൂട്ട് വെളിച്ചപ്പാടന്റെ സഹായത്തോടെ അതിനായി നിയുക്തനായ ആൾ തെയ്യത്തിന് സമർപ്പിക്കും. ഈ ചൂട്ടുമായുള്ള കുലവന്റെ നൃത്തം ഏറെ ഹൃദ്യമാണ്. ഉത്സവം കഴിഞ്ഞാൽ ഈ ചൂട്ടിൻകുറ്റി കൊട്ടിലകത്ത് സൂക്ഷിച്ചു വെക്കും. വിഷ്ണുമൂർത്തിയുടെ പുറപ്പാടിന് ശേഷം മറപിളർക്കലും കൈവീതും കഴിഞ്ഞാൽ ഇന്ന് അർധരാത്രിയോടെ തെയ്യംകെട്ട് സമാപിക്കും.

മതമൈത്രി സന്ദേശവുമായി

ബോനം കൊടുക്കൽ

പാലക്കുന്ന് : വയനാട്ടുകുലവൻ തെയ്യംകെട്ടുകളിൽ ബോനം കൊടുക്കൽ ചടങ്ങ് ഏറെ പ്രാധാന്യമുള്ളതാണ്. മതമൈത്രി സന്ദേശമുണർത്തുന്ന ചടങ്ങ് കുഞ്ഞാലിയ്ക്ക് കുലവനുമായുള്ള സൗഹൃദം പുതുക്കൽകൂടിയാണ്. കുഞ്ഞാലിയെ രാജകോപത്തിൽ നിന്ന് കുലുവൻ രക്ഷിച്ചുവെന്നാണ് ഐതീഹ്യം. അന്ന് കുഞ്ഞാലി മധുപ്രിയനായ കുലവന് ആരും കാണാതിരിക്കാൻ തലയിൽ മുണ്ടിട്ട് കള്ള് കൊടുത്തുവത്രേ. അതിന്റെ ഓർമപുതുക്കലാണ് ഇന്ന് മറക്കളത്തിൽ നടക്കുന്ന ബോനം കൊടുക്കൽ.