ഗവ: യു.പി.സ്കൂൾ ആയമ്പാറ പ്രധാനാധ്യാപകൻ ദിവാകരൻ മാഷിന് ആയമ്പാറ പൗരാവലി അനുമോദനങ്ങൾ അർപ്പിച്ചു. നാടൊന്നാകെ അദ്ദേഹത്തോടുള്ള സ്നേഹം പങ്കിടുന്നതിനായി സ്വീകരണ ഘോഷയാത്രയിലും അനുമോദന യോഗത്തിലും സംബന്ധിച്ചു. പുല്ലൂർ പെരിയ ഗ്രാമ പഞ്ചായത്ത് പ്രസിഡണ്ട് ശ്രീ സി.കെ അരവിന്ദാക്ഷന്റെ അധ്യക്ഷതയിൽ ഉദുമ എം എൽ എ ശ്രീ സി എച്ച് കുഞ്ഞമ്പു അവർകൾ യോഗം ഉദ്ഘാടനം ചെയ്തു, ഉപഹാര സമർപ്പണം നടത്തി. ബ്ലോക്ക് പഞ്ചായത്ത് പ്രസിഡണ്ട് ശ്രീ കെ മണികണ്ഠൻ മുഖ്യാതിഥി ആയിരുന്നു. സമൂഹത്തെ എങ്ങനെ വിദ്യാലയവുമായി അടുപ്പിക്കാം എന്നും ഉന്നം വെച്ച ലക്ഷ്യങ്ങളിലേക്കുള്ള വഴികൾ എങ്ങനെയെക്കെ കണ്ടെത്താമെന്നും ദിവാകരൻ മാഷ് നമുക്ക് കാട്ടിത്തന്നു എന്ന് ഉദ്ഘാടന പ്രസംഗത്തിൽ എം.എൽ എ അഭിപ്രായപ്പെട്ടു.
പൊതു വിദ്യാലയവും നാടും തമ്മിലുള്ള ഇഴ ചേർക്കൽ എങ്ങനെ സാധ്യമാക്കാമെന്ന് മാഷ് ചെയ്തു കാണിച്ചു എന്ന് മുഖ്യാതിഥിയും സൂചിപ്പിച്ചു. ചടങ്ങിൽ പഞ്ചായത്ത് വൈസ് പ്രസിഡണ്ട് ശ്രീമതി കാർത്യായനി കൃഷ്ണൻ , മെമ്പർമാരായ ശ്രീമതി ലതാ രാഘവൻ ,ശ്രീ ടി.വി. കരിയൻ , ബേക്കൽ എ ഇ ഒ ശ്രീ. അരവിന്ദ ,ശ്രീ ഉണ്ണികൃഷ്ണൻ ടി.വി, മനോജ് കുമാർ വിവി, കുഞ്ഞിരാമൻ ആകാശ് , എം നാരായണൻ , നന്ദികേശൻ മാഷ്, അമീർ മാഷ്, കെ മധു , ശാലിനി സതീശൻ , ലീല ടീച്ചർ, രജനി ടീച്ചർ എന്നിവർ സംസാരിച്ചു.
ചിത്രകാരൻ ദേവദാസ് പെരിയ മാഷിന് അദ്ദേഹത്തിന്റെ ഛായാചിത്രം സ്നേഹോപഹാരമായി നൽകി .അവാർഡ് ജേതാവ് ദിവാകരൻ എം. മറുപടി പ്രസംഗം നടത്തി. വികസന സമിതി ചെയർമാൻ മോഹനൻ എം. സ്വാഗതവും സ്റ്റാഫ് സെക്രട്ടറി കെ.എൻ പുഷ്പ നന്ദിയും പറഞ്ഞു.