കാരുണ്യ മനസ്സുകൾക്ക് അഭിവാദ്യമർപ്പിച്ചു കൊണ്ട് ഫ്ലെക്സ് ബോർഡ് സ്ഥാപിച്ചു
കാഞ്ഞങ്ങാട് : കാരുണ്യം തിരമാലമകളെ പോലെ കവിഞൊഴുകിയപ്പോൾ മലയാളി മാതാവിന്റെ കവിളിലൂടെ ഒഴുകിയ കണ്ണീർ തുടക്കുന്നതിനും ഏഴാം കടലിനപ്പുറം തൂക്കു കയറിനായി കാത്തു കഴിയുന്ന കോഴിക്കോട് ഫാറൂകിലെ അബ്ദുൽ റഹീം എന്ന സഹോദരന്റെ ജീവിതം തിരിച്ചു പിടിക്കുന്നതിനും നിമിത്തമായി.
നന്മ നിറഞ്ഞ മലയാളി മനസ്സ് കൈകോർക്കുന്നതിന് പ്രവാസി സംഘടനകൾ തുടക്കം കുറിച്ചപ്പോൾ 34 കൊടിയെന്ന ഭീമമായ തുക കേവലം നാല് ദിവസം കൊണ്ട് സ്വരൂപിക്കുന്നതിനായി നേതൃത്വം നൽകി മലയാളിക്ക് അഭിമാനമായി മാറിയ ബോച്ചേ എന്ന ബോബി ചെമ്മന്നൂരിന് നന്ദി അറിയിച്ചു കൊണ്ട് കാഞ്ഞങ്ങാട് മണ്ഡലം സ്വതന്ത്ര കർഷക സംഘം കമ്മിറ്റി പുതിയകോട്ട ടി ബി റോഡ് ജംഗ്ഷനിൽ സ്ഥാപിച്ച കൂറ്റൻ ഫ്ലെക്സ് ബോർഡ് ശ്രദ്ധേയമായി
സ്വതന്ത്ര കർഷക സംഘം മണ്ഡലം പ്രസിഡന്റ്‌ അബൂബക്കർ ഹാജി ചിത്താരി ജനറൽ സെക്രട്ടറി മുത്തലിബ് കൂളിയങ്കാൽ മുസ്ലിം ലീഗ് ദേശീയ സമിതി അംഗം എ ഹമീദ് ഹാജി എന്നിവരുടെ നേതൃത്വത്തിലാണ് ഫ്ലെക്സ് സ്ഥാപിച്ചത്. യൂത്ത് ലീഗ് മുനിസിപ്പൽ സെക്രട്ടറി പി ശകീർ, ഫസിലുൽ റഹ്മാൻ ഹാജിറോട്, സഫീർ കൂളിയങ്കാൽ എന്നിവരും പങ്കെടുത്തു
