ഫാസിസം ഇന്ത്യയുടെ നിലനില്പിനെ ഇല്ലാതാക്കും ഡോ: കേശവൻ വെളുത്താട്ട്

കാഞ്ഞങ്ങാട് – ബർട്രണ്ട് റസ്സൽ പറഞ്ഞത് പോലെ ഫാസിസം ആദ്യം വിഡ്ഢികളെ മോഹിപ്പിക്കുകയും, പിന്നീട് ബുദ്ധിമാൻമാരെ അടിച്ചമർത്തുകയും ചെയ്യുന്ന പ്രക്രിയയാണ് വർത്തമാനകാല ഇന്ത്യയിൽ അരങ്ങേറികൊണ്ടിരിക്കുന്നതെന്ന് പ്രശക്തചരിത്രകാരൻ ഇന്ത്യൻ ഹിസ്റ്ററി കോൺഗ്രസ്സിൻ്റെ മുൻ അദ്ധ്യക്ഷനുമായ ഡോ: കേശവൻ വെളുത്താട്ട് പറഞ്ഞു. ഇന്ത്യയെ യഥാർത്ഥത്തിൽ കണ്ടെത്തിയിട്ടില്ലാത്തവർ ഇന്ത്യയെ തെറ്റായ നിലയിൽ കണ്ടെത്താൻ ശ്രമിയ്ക്കുന്നു. ഒരു ദേശ രാഷ്ടമെന്ന നിലയിൽ ഇന്ത്യയുടെ നിലനില്പിനെ ഇതില്ലാതാക്കുമെന്നും ഡോ: വെളുത്താട്ട് കാഞ്ഞങ്ങാട് സെക്കുലർ ഫോറം സംഘടിപ്പിച്ച “മതത്തിൻ്റെ രാഷ്ട്രീയം, നാം എങ്ങോട്ട് ” എന്ന വിഷയം അവതരിപ്പിച്ച് സംസാരിക്കുകയായിരുന്നു അദ്ദേഹം.സംവാദത്തിൽ ഡോ: ഖാദർ മാങ്ങാട്, ഡോ: അജയ് കുമാർ കോടോത്ത്, ഡോ: ഗിൽബർട്ട് സെബാസ്റ്റ്യൻ എന്നിവരും പങ്കെടുത്തു. ഫോറം പ്രസിഡണ്ട് അഡ്വ: ടി.കെ. സുധാകരൻ, അദ്ധ്യക്ഷത വഹിച്ചു. അഡ്വ: രാജേന്ദ്രൻ സ്വാഗതവും, സി.മുഹമ്മദ് കുഞ്ഞി നന്ദിയും പറഞ്ഞു.