52-ാമത് യു.എ.ഇ. ദേശീയ ദിനത്തോടനുബന്ധിച്ച് രാജ്യത്തെ സ്വകാര്യ മേഖലയ്ക്ക് മൂന്ന് ദിവസത്തെ അവധി

ദുബായ് : 52-ാമത് യു.എ.ഇ. ദേശീയ ദിനത്തോടനുബന്ധിച്ച് അടുത്ത മാസം രണ്ടു മുതൽ നാലു വരെ (ശനി മുതൽ തിങ്കൾ വരെ) രാജ്യത്തെ സ്വകാര്യ മേഖലയ്ക്ക് അവധി ആയിരിക്കുമെന്ന് മാനവവിഭവശേഷി സ്വദേശിവത്കരണ മന്ത്രാലയം അധികൃതർ വ്യാഴാഴ്ച അറിയിച്ചു. ശമ്പളത്തോടു കൂടിയ അവധിയാണ് പ്രഖ്യാപിച്ചിട്ടുളളത്. ദേശീയ ദിനം ആഘോഷിക്കാനായി രണ്ടു ദിവസത്തെ അവധിയായിരുന്നു നേരത്തെ അനുവദിച്ചിട്ടുള്ളത്. ദേശീയ ദിനം പ്രമാണിച്ച് സർക്കാർ ഫെഡറൽ ജീവനക്കാർക്ക് വെള്ളിയാഴ്ച ഓൺലൈൻ പ്രവൃത്തി ദിനമായും പ്രഖ്യാപിച്ചിട്ടുണ്ട്. ജോലിയിൽ നിർബന്ധമായും പ്രവേശിക്കേണ്ടവർക്ക് ഓൺലൈൻ പ്രവർത്തനം ബാധകമല്ലെന്നും അധികൃതർ വ്യക്തമാക്കി.