ആർ.സി. ഫൗണ്ടേഷൻ, അമ്മ ട്രസ്റ്റ് രാംനഗർ സ്കൂളിൽ “പുനർജ്ജനി 2023 ” പരിപാടി സംഘടിപ്പിച്ചു: അനുമോനവും ബോധവത്ക്കരണ ക്ലാസും നടന്നു
ആർ.സി. ഫൗണ്ടേഷൻ, അമ്മ ട്രസ്റ്റ് രാംനഗർ സ്കൂളിൽ “പുനർജ്ജനി 2023 ” പരിപാടി സംഘടിപ്പിച്ചു: അനുമോനവും ബോധവത്ക്കരണ ക്ലാസും നടന്നു
മാവുങ്കാൽ : ആർ.സി.ഫൗണ്ടേഷൻ അമ്മ ട്രസ്റ്റിന്‍റെ ആഭിമുഖ്യത്തില്‍ മികച്ച വിജയിക്കുള്ള അനുമോദന യോഗവും കുട്ടികൾക്കും രക്ഷിതാക്കൾക്കുമായുളള ലഹരി വിരുദ്ധ ബോധവത്ക്കരണ ക്ലാസും നടത്തി.മാവുങ്കാൽ സ്വാമി രാംദാസ് മെമ്മോറിയൽ ഗവ.ഹയർ സെക്കൻഡറി സ്കൂളിൽ
സംഘടിപ്പിച്ച പരിപാടിയിൽ പ്രശസ്ത മോട്ടിവേഷൻ സ്പീക്കർ അഭിഷാദ് ഗുരുവായൂർ ലഹരി വിരുദ്ധ ബോധവത്ക്കരണ ക്ലാസെടുത്തു. എസ് എസ് എൽ സി,പ്ലസ് ടൂ പരീക്ഷകളിൽ മികച്ച വിജയം നേടിയ 21 കുട്ടികളെ വിശിഷ്ട വ്യക്തികൾ ഉപഹാരങ്ങൾ നല്‍കി ആദരിച്ചു.
ആർ.സി. ഗ്രൂപ്പിന്റെ വെബ്സൈറ്റ് പ്രകാശനം അഭിഷാദ് ഗുരുവായൂർ നിർവ്വഹിച്ചു.രജനി രാമചന്ദ്രൻ ഭദ്രദീപം തെളിയിച്ചു.പഞ്ചായത്ത് അംഗം ആർ.ശ്രീദേവി ചടങ്ങ് ഉദ്ഘാടനം ചെയ്തു.സ്കൂൾ പ്രിൻസിപ്പാൾ എം.കെ.ദീപ സ്വാഗതം പറഞ്ഞു. പി ടി എ പ്രസിഡണ്ട് രവീന്ദ്രൻ മാവുങ്കൽ അധ്യക്ഷത വഹിച്ചു.മോഹനൻ മാങ്ങാട്, സി.കെ.ലത, പി.പത്മനാഭൻ ,പി.എസ്. സുഷമ കുമാരി,പി. അശോകൻ, ടി.കൃഷ്ണൻ, അരുൺ ബാലകൃഷ്ണൻ എന്നിവർ സംസാരിച്ചു.
ആർ.സി ഫൗണ്ടേഷൻ, അമ്മ ട്രസ്റ്റ് സ്കൂളിന് അനുവദിച്ച സ്പോർട്ട് ഉപകരണങ്ങൾ എം.കെ.ബിന്ദു ഏറ്റുവാങ്ങി. സ്വരലയ പി.ബാലൻ അവതാരകയായി.
അകാലത്തിൽ മരണമടഞ്ഞ പ്രവാസി വ്യവസായിയും ജീവകാരുണ്യ പ്രവർത്തകനുമായ കൂക്കൾ രാമചന്ദ്രന്റെ സ്മരണയ്ക്കായിട്ടാണ് പുനർജ്ജനി 2023 എന്ന പേരിൽ പരിപാടി സംഘടിപ്പിച്ചത്. വീട്, ചികിത്സാ സഹായം, കുടിവെള്ള വിതരണ പദ്ധതി,തെരുവിൽ അലയുന്നവർക്ക് ഭക്ഷണം,
നിർധനരായ വിദ്യാർഥികൾക്ക് സ്കൂൾ കിറ്റ് ,എച്ച്‌. ഐ. വി. ബാധിതർക്ക് പോഷാകാഹാരം ,ജൈവ കൃഷി പ്രോത്സാഹനം ,വനവത്ക്കരണം,നിരവധി സ്ഥാപനങ്ങൾക്കും ആസ്പത്രികൾക്കും ഫർണ്ണിച്ചറുകൾ ,വിവാഹ ധനസഹായങ്ങൾ തുടങ്ങിയ ജീവ കാരുണ്യ പ്രവർത്തനങ്ങള്‍ ഈ സംഘടന നടത്തി വരുന്നുണ്ട്.
പടം:ആർ.സി. ഫൗണ്ടേഷൻ,അമ്മ ട്രസ്റ്റ് രാംനഗർ സ്വാമി രാംദാസ് മെമ്മോറിയൽ ഗവ:ഹയർ സെക്കണ്ടറി സ്കൂളിൽ സംഘടിപ്പിച്ച ” പുനർജ്ജനി 2023 ” പരിപാടിക്ക് തുടക്കം കുറിച്ച് രജനി രാമചന്ദ്രൻ ഭദ്രദീപം കൊളുത്തുന്നു.
