പെരിയയിൽ ഏകീകൃത മൽസ്യമാർക്കറ്റും ആധുനിക സംവിധാനത്തോടെയുള്ള ഓട്ടോസ്റ്റാൻറും യാഥാർത്ഥ്യമാക്കണം :ഡ്രൈവേഴ്സ് യൂണിറ്റ് സമ്മേളനം

പെരിയ:അനുദിനം വികസിച്ചു കൊണ്ടിരിക്കുന്ന പെരിയ ടൗണിൽ ഏകീകൃത മൽസ്യമാർക്കറ്റും ആധുനിക സംവിധാനത്തോടെയുള്ള ഓട്ടോസ്റ്റാൻറും നിർമ്മിക്കണമെന്ന് ഐഎൻടിയുസി ഡ്രൈവേഴ്സ് പെരിയ ടൗൺ യൂണിറ്റ് സമ്മേളനം ആവശ്യപ്പെട്ടു.

പെരിയ വായനശാല ഹാളിൽ നടന്ന സമ്മേളനം മണ്ഡലം കോൺഗ്രസ്സ് കമ്മിറ്റി പ്രസിഡന്റ് പ്രമോദ് പെരിയ ഉൽഘാടനം ചെയ്തു.യൂണിറ്റ് പ്രസിഡന്റ് ചന്ദ്രൻ മഞ്ഞട്ട അദ്ധ്യക്ഷത വഹിച്ചു.നേതാക്കളായ ടി രാമകൃഷ്ണൻ,പത്മനാഭൻ പുല്ലൂർ,അഗസ്റ്റിൻ കാഞ്ഞിരടുക്കം,ഫസൽ മൂന്നാംകടവ്,കമലാക്ഷൻ സി എന്നിവർ സംസാരിച്ചു.സെക്രട്ടറി സുരേഷ് സ്വാഗതവും മധു കൂടാനം നന്ദിയും പറഞ്ഞു.