സംസ്ഥാന സ്കൂള് കായികോത്സവ വിജയികള്ക്ക് ക്യാഷ് അവാര്ഡ് തുക വര്ധിപ്പിച്ചു
സംസ്ഥാന സ്കൂള് കായികോത്സവ വിജയികളായ ഒന്നും രണ്ടും മൂന്നും സ്ഥാനങ്ങള്ക്കുള്ള കാഷ് അവാര്ഡുകള് വര്ധിപ്പിച്ചതായി പൊതു വിദ്യാഭ്യാസ മന്ത്രി വി.ശിവന്കുട്ടി അറിയിച്ചു. തിരുവനന്തപുരം എസ്എംവി സ്കൂളില് സംഘാടകസമിതി യോഗം ഉദ്ഘാടനം ചെയ്യുകയായിരുന്നു മന്ത്രി. ഒന്നാം സ്ഥാനക്കാര്ക്ക് 2000 രൂപയും രണ്ടാം സ്ഥാനക്കാര്ക്ക് 1500 രൂപയും മൂന്നാം സ്ഥാനക്കാര്ക്ക് 1250 രൂപയുമാണ് നല്കുക. ഗെയിംസിനങ്ങളില് ഒന്നും രണ്ടും മൂന്നും സ്ഥാനം നേടുന്നവര്ക്ക് നിലവില് നല്കിക്കൊണ്ടിരിക്കുന്ന പ്രൈസ് മണി ഇരട്ടിയായി വര്ധിപ്പിച്ചുവെന്നും മന്ത്രി വ്യക്തമാക്കി.