യുവാക്കൾ മതേതര സംരക്ഷണത്തിന്റെ കാവലാളാവണം: യു ഡി വൈ എഫ് 

രാജ്യത്തിന്റെ ഭാവി നിർണയിക്കുന്ന പാർലിമെന്റ് തിരഞ്ഞെടുപ്പിൽ യുവാക്കൾ രാജ്യത്തിന്റെ മതേതര സംരക്ഷണത്തിന്റെ കാവലാളാവണമെന്ന് യു ഡി വൈ എഫ് കാഞ്ഞങ്ങാട് നിയോജക മണ്ഡലം കമ്മിറ്റി ആവിശ്യപ്പെട്ടു.

വിഘടന വാദം മുന്നോട്ട് വെക്കുന്ന ഫാസിസ്റ്റു സർക്കാരിനെതിരെയുള്ള വിധിയെഴുത്തായി പാർലിമെന്റ് തിരഞ്ഞെടുപ്പ് മാറുമെന്ന് യോഗം ഉദ്ഘാടനം ചെയ്തുകൊണ്ട് യൂത്ത് ലീഗ് ജില്ലാ വൈസ് പ്രസിഡന്റ്‌ ഷംസുദ്ധിൻ ആവിയിൽ പറഞ്ഞു.ഡിസിസി ജനറൽ സെക്രട്ടറി അഡ്വ. പി. വി. സുരേഷ് മുഖ്യാതിഥിയായി. യൂത്ത് ലീഗ് മണ്ഡലം പ്രസിഡന്റ്‌ നദീർ കൊത്തിക്കാൽ ആദ്യക്ഷത വഹിച്ചു.സിഎം പി നേതാവ് സി കമ്മാരൻ,യൂത്ത് കോൺഗ്രസ്‌ നിയോജക മണ്ഡലം പ്രസിഡന്റ്‌ ഷിബിൻ ഉപ്പിലിക്കൈ, കെ എസ് വൈ എഫ് ജില്ലാ വൈസ് പ്രസിഡന്റ്‌ നിവേദ്. പി. പി, യൂത്ത് ലീഗ് ജില്ലാ സെക്രട്ടറി നൗഷാദ് എം. പി , യൂത്ത് കോൺഗ്രസ്‌ ജില്ലാ ജനറൽ സെക്രട്ടറി അക്ഷയ എസ് ബാലൻ,സിജോ അമ്പാട്ട്, റമീസ് ആറങ്ങാടി, ജബ്ബാർ ചിത്താരി, ശരത്ത് മരക്കാപ്പ്, അയൂബ് ഇഖ്ബാൽ നഗർ, വിനീത് എച്ച്. ആർ, റഷീദ് ഹോസ്ദുർഗ്,ലിബിൻ ആലപ്പാട്ട്, തുടങ്ങിയവർ സംസാരിച്ചു.

യു ഡി വൈ എഫ് കാഞ്ഞങ്ങാട് നിയോജക മണ്ഡലം പ്രസിഡന്റായി നദീർ കൊത്തിക്കാലിനെയും, ജനറൽ കൺവീനറായി ഷിബിൻ ഉപ്പിലിക്കൈ യെയും തിരഞ്ഞെടുത്തു