സ്നേഹവും സൗഹൃദവുമാണ് ലഹരി, അല്ലാതെ മദ്യവും മയക്കുമരുന്നുമല്ല ലഹരിയെന്ന് റിട്ട. ഡി വൈ എസ് പി കെ.ദാമോദരൻ

തച്ചങ്ങാട് : സ്നേഹവും സൗഹൃദവുമാണ് ലഹരി, അല്ലാതെ മദ്യവും മയക്കുമരുന്നുമല്ല ലഹരിയെന്ന് റിട്ട. ഡി വൈ എസ് പി കെ.ദാമോദരൻ പറഞ്ഞു. തച്ചങ്ങാട് ബാലകൃഷ്ണന്റെ 8-ാം ചരമവാർഷിക ദിനാചരണത്തിന്റെ ഭാഗമായി തച്ചങ്ങാട് സംഘടിപ്പിച്ച ലഹരി വിരുദ്ധ സെമിനാർ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സംഘാടക സമിതി ചെയർമാൻ സുകുമാരൻ പൂച്ചക്കാട് അധ്യക്ഷനായി.

സംഘാടക സമിതി ഭാരവാഹികളായ രവീന്ദ്രൻ കരിച്ചേരി, സംഘാടക സമിതി ജന. കൺവീനർ മഹേഷ് തച്ചങ്ങാട്, യശോദ ടി തച്ചങ്ങാട്, ചന്തുകുട്ടി പൊഴുതല, ചന്ദ്രൻ തച്ചങ്ങാട്, കണ്ണൻ കരുവാക്കോട്, എം.സി.ഹനീഫ, എം.പി.ജയശ്രീ, ലത പനയാൽ, ട്രസീന ധനഞ്ചയൻ, എന്നിവർ സംസാരിച്ചു. എം.ജി.രഘുനാഥൻ ക്ലാസെടുത്തു.

ഏപ്രിൽ 3 നാണ് തച്ചങ്ങാട് ബാലകൃഷ്ണന്റെ ചരമവാർഷിക ദിനം. രാവിലെ 9 മണിക്ക് പുഷ്പാർച്ചന, വൈകുന്നേരം 4 മണിക്ക് അനുസ്മരണ സമ്മേളനവും 3-ാമത് പുരസ്ക്കാര വിതരണവും കെ.പി.സി.സി മുൻ പ്രസിഡണ്ട് വി. എം. സുധീരൻ ഉദ്ഘാടനം ചെയ്യും. കേവീസ് ബാലകൃഷ്ണൻ മാസ്റ്റർക്കാണ് ഈ വർഷത്തെ പുരസ്ക്കാരം.10,000/- രൂപയും ശിൽപ്പവുമാണ് പുരസ്ക്കാരം.