ദുബായിൽ മലയാളിയെ തട്ടിക്കൊണ്ടുപോയി കൊന്ന് കുഴിച്ചുമൂടി; പാകിസ്ഥാനികൾക്കെതിരെ കേസ്
ദുബായ്: പ്രവാസി മലയാളിയെ തട്ടിക്കൊണ്ടുപോയി കൊന്നു കുഴിച്ചുമൂടിയ സംഭവത്തിൽ നാല് പാകിസ്ഥാനികൾക്കെതിരെ പൊലീസ് കേസെടുത്തു. തിരുവനന്തപുരം പേരൂർക്കട സ്വദേശി അനില്‍ വില്‍സെന്റാണ് കൊല്ലപ്പെട്ടത്.
ട്രേഡിംഗ് കമ്പനിയില്‍ പി ആർ ഒ ആയി ജോലി ചെയ്തുവരികയായിരുന്നു അനിൽ വിൻസന്‍റ്. ഈ മാസം മൂന്നാം തീയതി മുതലാണ് ഇദ്ദേഹത്തെ കാണാതായത്. അനിലിന്റെ സഹോദരൻ പ്രകാശ് ഇതേ കമ്പനിയിലാണ് ജോലി ചെയ്യുന്നത്. ഈ മാസം മൂന്നാം തീയതി സ്റ്റോക്ക് പരിശോധിക്കാൻ വേണ്ടി കൂടെ ജോലി ചെയ്യുന്ന പാകിസ്ഥാൻ സ്വദേശിക്കൊപ്പം പോയതായിരുന്നു അനില്‍.
