‘ചെർക്കളം ഓർമ്മ’ ഡോ. ശശി തരൂർ പ്രകാശനം ചെയ്തു.

തിരുവനന്തപുരം: മുസ്ലിം ലീഗ് നേതാവും മുൻ തദ്ദേശ സ്വയം ഭരണ വകുപ്പ് മന്ത്രിയുമായിരുന്ന ചെർക്കളം അബ്ദുല്ലയുടെ ജീവിതം അനാവരണം ചെയ്യുന്ന ‘ചെർക്കളം ഓർമ്മ’ എന്ന പുസ്തകം തലസ്ഥാനത്ത് വെച്ച് ഐക്യ രാഷ്ട്ര സഭാ മുൻ അണ്ടർ സെക്രട്ടറിയും മുൻ കേന്ദ്ര മന്ത്രിയുമായ ഡോ. ശശി തരൂർ എം.പി. പ്രകാശനം ചെയ്തു.

ചടങ്ങിൽ സൈത്തൂൺ അക്കാദമി ഡയറക്ടർ സിദ്ദീഖ് സഖാഫി നേമം, ഇന്ത്യൻ യൂണിയൻ മുസ്ലിം ലീഗ് കാസർകോട് ജില്ലാ സെക്രട്ടറി എ.ബി. ശാഫി, മുസ്ലിം ലീഗ് മണ്ഡലം കമ്മിറ്റി സെക്രട്ടറിയും ചെർക്കളം അബ്ദുള്ള ഫൗണ്ടേഷൻ ചെയർമാനുമായ നാസർ ചെർക്കളം, മുസ്‌ലിം ലീഗ് മുൻസിപ്പൽ കമ്മിറ്റി സെക്രട്ടറിയും ‘ചെർക്കളം ഓർമ്മ’ സ്മരണിക എഡിറ്ററുമായ അമീർ പള്ളിയാൻ എന്നിവർ സംബന്ധിച്ചു.

2024 ജനുവരി 25 ന് വ്യാഴാഴ്ച ഉച്ചക്ക് കൃത്യം രണ്ട് മണിക്ക് കുഞ്ചത്തൂരിൽ മഞ്ചേശ്വരം യതീംഖാന ക്യാമ്പസ്സിൽ വെച്ച് നടക്കുന്ന ചെർക്കളം അബ്ദുള്ള അനുസ്മരണ സംഗമത്തിൽ പുസ്തകം വിതരണം നടത്തും