അണ്ടർ( 20 )യൂത്ത് ഫുട്ബോൾ ചാമ്പ്യൻഷിപ്പിൽ ശക്തരായ എറണാകുളത്തെ തോൽപിച്ച് കാസർഗോഡ് ജില്ലാ ടീം കലാശപോരാട്ടത്തിനുള്ള ടിക്കറ്റ് നേടി ..

അണ്ടർ( 20 )യൂത്ത് ഫുട്ബോൾ ചാമ്പ്യൻഷിപ്പിൽ ശക്തരായ എറണാകുളത്തെ തോൽപിച്ച് കാസർഗോഡ് ജില്ലാ ടീം കലാശപോരാട്ടത്തിനുള്ള ടിക്കറ്റ് നേടി ..

തൃക്കരിപ്പൂർ നടക്കാവ് രാജീവ് ഗാന്ധി സിന്തറ്റിക് സ്റ്റേഡിയത്തിൽ കേരളത്തിലെ 14 ജില്ലാ ടീമുകളെ പങ്കെടുപ്പിച്ചുകൊണ്ട്
കേരള ഫുട്ബോൾ അസോസിയേഷൻ്റെ ആഭിമുഖ്യത്തിൽ കാസർഗോഡ് ജില്ലാ ഫുട്ബോൾ അസോസിയേഷൻ ആദിത്യമരുളുന്ന( അണ്ടർ 20 )യൂത്ത് ഫുട്ബോൾ ചാമ്പ്യൻഷിപ്പിൽ ഏകപക്ഷീയമായ ഒരു ഗോളിന് ശക്തരായ എറണാകുളത്തെ തോൽപിച്ച് കാസർഗോഡ് ജില്ലാ ടീം കലാശപോരാട്ടത്തിനുള്ള ടിക്കറ്റ് നേടി ..

ആർത്തിരമ്പിയ കാണികളെ സാക്ഷികളാക്കി ഇരു ടീമുകളും ഒപ്പത്തിനൊപ്പം പൊരുതിയെങ്കിലും വിജയം കാസർകോടിന്റെ ഒപ്പമായിരുന്നു.
സെമി ഫൈനലിൽ ഗോൾ സ്‌കോർ ചെയ്‌ത കാസർകോടിന്റെ അഹമദ് അൻഫാസിനെ കളിയിലെ താരമായി തെരഞ്ഞെടുത്തു.

നാളെ നടക്കുന്ന രണ്ടാം സെമിഫൈനൽ പോരാട്ടത്തിൽ കരുത്തരായ പാലക്കാടും തിരുവനന്തപുരവും തമ്മിൽ ഏറ്റ് മുട്ടും. വൈകുന്നേരം 4 മണിക്ക് മത്സരം ആരംഭിക്കും.