റൈസിംഗ് കാസർകോട് നിക്ഷേപക സംഗമത്തിന് നാളെ (18) തുടക്കം ആദ്യ ദിനം അഞ്ച് സെഷനുകൾ
ജില്ലയുടെ വ്യവസായ നിക്ഷേപത്തിനും തൊഴിൽ സാധ്യതകൾക്കും വികസനത്തിനും ഊർജമാകാൻ ജില്ലാ പഞ്ചായത്ത് ആവിഷ്ക്കരിച്ച് ജില്ലാ വ്യവസായ കേന്ദ്രം നടപ്പാക്കുന്ന റൈസിംഗ് കാസർകോട് നിക്ഷേപക സംഗമത്തിന് നാളെ (സെപ്റ്റംബർ 18 ) തുടക്കമാകും.. നാളെയും 19 നും ഉദുമ ലളിത് ഹോട്ടലിൽ നടക്കുന്ന നിക്ഷേപക സംഗമം വ്യവസായ നിയമ കയർ വകുപ്പ് മന്ത്രി പി.രാജീവ് ഉദ്ഘാടനം ചെയ്യും. തുറമുഖം മ്യൂസിയം പുരാവസ്തു പുരാരേഖ വകുപ്പ് മന്ത്രി അഹമ്മദ് ദേവർ കോവിൽ അധ്യക്ഷത വഹിക്കും. ജില്ലാ കളക്ടർ കെ ഇമ്പശേഖർ ആമുഖ പ്രഭാഷണം നടത്തും. രാജ്മോഹൻ ഉണ്ണിത്താന് എം.പി, എംഎല്എമാരായ സി.എച്ച് കുഞ്ഞമ്പു, എന്.എ നെല്ലിക്കുന്ന്, ഇ ചന്ദ്രശേഖരന്, എം രാജഗോപാലന്, എ.കെഎം അഷ്റഫ് എന്നിവര് മുഖ്യാതിഥികളാവും. ചീഫ് സെക്രട്ടറി ഡോ വി വേണു, എ.പി.എം മുഹമ്മദ് ഹനീഷ്, ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണന്, ജില്ലാ പഞ്ചായത്ത് സെക്രട്ടറി പികെ സജീവ്, മുന് എം.പി പി കരുണാകരന്, കണ്ണൂര് ജില്ലാ പഞ്ചായത്ത് പ്രസിഡന്റ് പി.പി ദിവ്യ, ജില്ലയിലെ വിവിധ തദ്ദേശ സ്ഥാപന അധ്യക്ഷന്മാര്, ജില്ലാ പഞ്ചായത്ത് സ്ഥിരം സമിതി അംഗങ്ങള് , ജില്ലാ പഞ്ചായത്ത് അംഗങ്ങള് എന്നിവര് സന്നിഹിതരാവും. വിവിധ വ്യവസായ പ്രമുഖരെ ഉദ്ഘാടന ചടങ്ങിൽ ആദരിക്കും.
ആദ്യ ദിനം അഞ്ച് സെഷനുകൾ
റൈസിംഗ് കാസർകോട് നിക്ഷേപക സംഗമം ഉദ്ഘാടനച്ചടങ്ങിന് ശേഷം നടക്കുന്ന വിവിധ സെഷനുകളിൽ വിവിധ വിഷയങ്ങളിൽ പ്രമുഖർ അവതരണം നടത്തും. വിവിധ സെഷനുകളിൽ എം എൽ എ മാരായ സി.എച്ച് കുഞ്ഞമ്പു, എൻ.എ നെല്ലിക്കുന്ന് , എം രാജഗോപാലൻ, ഇ ചന്ദ്രശേഖരൻ എന്നിവർ അധ്യക്ഷത വഹിക്കും.
ഉച്ചയ്ക്ക് 12 മണി:
• കാസര്കോടിന്റെ അനന്ത സാധ്യതകള് –
ഡോ വി വേണു (ചീഫ് സെക്രട്ടറി)
• കേരളത്തിന്റെ വ്യവസായ നയം
എ.പി.എം മുഹമ്മദ് ഹനീഷ്
(വ്യവസായ വകുപ്പ് പ്രിന്സിപ്പല് സെക്രട്ടറി )
ഉച്ചയ്ക്ക് 2 മണി :
• നിക്ഷേപകര്ക്ക് മുന്നില് പ്രൊജക്ട് ആശയങ്ങളുടെ അവതരണം
ആദില് മുഹമ്മദ്
(ജില്ലാ വ്യവസായ കേന്ദ്രം അഡ്മിനിസ്ട്രേറ്റീവ് അസിസ്റ്റന്റ് )
ലിജോ ജോസഫ്
( ഡി.ടി.പി.സി സെക്രട്ടറി)
സയ്യിദ് സവാദ്
(സ്റ്റാര്ട്ട് അപ് മിഷന്)
എം.എന് പ്രസാദ്
( നോര്ത്ത് മലബാര് ചേംബര് ഓഫ് കൊമേഴ്സ് )
വൈകീട്ട് 4 മണി :
• നിക്ഷേപകർക്കുള്ള പിന്തുണാ സംവിധാനം
പി.വി ഉണ്ണികൃഷ്ണന് (കെഡിസ്ക് മെമ്പർ സെക്രട്ടറി)
വൈകീട്ട് 5 മണി :
• നിക്ഷേപകരുടെ അനുഭവങ്ങൾ പങ്കു വെക്കൽ
____________