ഇന്ത്യന്‍ തങ്കം! ലോക അത്ലറ്റിക്സ് ചാമ്ബ്യന്‍ഷിപ്പില്‍ ചരിത്ര സ്വര്‍ണമണിഞ്ഞ് നീരജ് ചോപ്ര
ഇന്ത്യന്‍ തങ്കം! ലോക അത്ലറ്റിക്സ് ചാമ്ബ്യന്‍ഷിപ്പില്‍ ചരിത്ര സ്വര്‍ണമണിഞ്ഞ് നീരജ് ചോപ്ര
ഇത് ചരിത്രം,ചന്ദ്രന്‍ കീഴടക്കിയ ഇന്ത്യയുടെ ലോകം കീഴടക്കിയ അത്‍ലറ്റായി പുരുഷ ജാവലിന്‍ ത്രോ താരം നീരജ് ചോപ്ര.ഒളിംപിക്സിന് പിന്നാലെ ലോക അത്ലറ്റിക്സ് ചാമ്ബ്യന്‍ഷിപ്പിലും ഇന്ത്യന്‍ പതാക ഉയരങ്ങളില്‍ പാറിച്ച്‌ ചോപ്ര സ്വര്‍ണ മെഡല്‍ അണിഞ്ഞു. ബുഡാപെസ്റ്റിലെ ലോക മീറ്റില്‍ 88.17 മീറ്റര്‍ ദൂരം കണ്ടെത്തിയാണ് നീരജ് ചോപ്രയുടെ സ്വര്‍ണ നേട്ടം. മെഡല്‍ നേട്ടത്തോടെ ലോക അത്ലറ്റിക്സ് ചാമ്ബ്യന്‍ഷിപ്പില്‍ സ്വര്‍ണം നേടുന്ന ആദ്യ ഇന്ത്യന്‍ താരമായി നീരജ് ചോപ്ര റെക്കോര്‍ഡ് ബുക്കില്‍ പേരെഴുതി. ലോക അത്ലറ്റിക്സ് ചാമ്ബ്യന്‍ഷിപ്പില്‍ നീരജ് ചോപ്രയുടെ രണ്ടാം മെഡലാണിത്. കഴിഞ്ഞ ചാമ്ബ്യന്‍ഷിപ്പില്‍ വെള്ളി നേടിയിരുന്നു.
