മെന്റൽ ഹെൽത്ത് ക്ലബ്ബ് ഉദ്ഘാടനവും സെമിനാറും

മെന്റൽ ഹെൽത്ത് ക്ലബ്ബ് ഉദ്ഘാടനവും സെമിനാറും

കാഞ്ഞങ്ങാട്: ജി.വി.എച്ച്.എസ്.എസ് കാഞ്ഞങ്ങാട് സൗത്ത് എൻ.എസ്.എസ് യൂണിറ്റിന്റെയും, കരിയർ ഗൈഡൻസിന്റെയും ആഭിമുഖ്യത്തിൽ മെന്റൽ ഹെൽത്ത് ക്ലബ്ബ് രൂപീകരണവും സെമിനാറും നടന്നു.

കുട്ടികളുടെ മാനസികാരോഗ്യം മെച്ചപ്പെടുത്തുന്നതിനും, മാനസിക പ്രശ്നങ്ങൾ ചർച്ച ചെയ്യുന്നതിനും,പരിഹാരങ്ങൾ നിർദ്ദേശിക്കുന്നതിനും ഉദ്ദേശിച്ചാണ് ക്ലബ് രൂപീകരിച്ചത്.

കാസർഗോഡ് ജില്ല മാനസിക ആരോഗ്യ പരിപാടിയുടെ ഭാഗമായി ഡി.എം.എച്ച്.പി പ്രോജക്ട് ഓഫീസർ ഹർഷ.ടി.കെ, കൗൺസിലർമാരായ സജിന.വി.വി,അശ്വതി.എ എന്നിവർ മാനസിക ആരോഗ്യ സെമിനാറിൽ പങ്കെടുത്തു.

പി.ടി.എ പ്രസിഡന്റ് വി. ഉണ്ണികൃഷ്ണൻ മാനസികാരോഗ്യ സർവ്വേ ഉദ്ഘാടനം ചെയ്തു. മെന്റൽ ഹെൽത്ത്‌ ക്ലബ്ബിന്റെ ഉദ്ഘാടനം ഡി.എം.എച്ച്.പി പ്രോജക്ട് ഓഫീസർ ഹർഷ. ടി.കെ നിർവഹിച്ചു.

സ്കൂൾ കരിയർ മാസ്റ്റർ പി.സമീർ സിദ്ദിഖി സ്വാഗതവും, പ്രിൻസിപ്പൽ പി. എസ് അരുൺ ആശംസയും,എൻ.എസ്.എസ്.പ്രോഗ്രാം ഓഫീസർ ആർ.മഞ്ജു നന്ദിയും പറഞ്ഞു.
അധ്യാപകരായ റോസ്മേരി,പ്രജീഷ്. സി. എം,സുബിത സ്വാതി, സിംജാ മോൾ,സിന്ധു. പി. രാമൻ, ആരതി തുടങ്ങിയവർ നേതൃത്വം നൽകി.

ഫോട്ടോ ക്യാപ്ഷൻ :
കാഞ്ഞങ്ങാട് സൗത്ത് സ്കൂളിലെ മെന്റൽ ഹെൽത്ത്‌ ക്ലബ്‌ DMHP പ്രൊജക്റ്റ്‌ ഓഫീസർ ഹർഷ. ടി. കെ. ഉദ്ഘാടനം ചെയ്യുന്നു.