എൻഡോസൾഫാൻ : സമരം ജനപ്രതിനിധികൾ ഏറ്റെടുക്കണം. ഡോ:ഖാദർ മാങ്ങാട്

എൻഡോസൾഫാൻ :സമരം ജനപ്രതിനിധികൾ ഏറ്റെടുക്കണം.
ഡോ:ഖാദർ മാങ്ങാട്

എൻഡോസൾഫാൻ ദുരിത ബാധിതർ നടത്തുന്ന സമരം ഏറെറടുക്കാൻ അഞ്ച് എം.എൽ.എമാരും എം.പി.യും തയ്യാറാവണമെന്ന് ഡോ : ഖാദർ മാങ്ങാട് ആവശ്യപ്പെട്ടു.

മൂന്ന് മാസം പിന്നിട്ടിട്ടും ഇടതുപക്ഷം ഹൃദയ പക്ഷമാണെന്ന് ഉദ്ഘോഷിക്കുന്ന സർക്കാർ ചർച്ചയ്ക്ക് പോലും തയ്യാറാകത്തത് അമ്മമാരെ പട്ടിണിക്കിടുന്നത് ജനാധിപത്യത്തിന് നിരക്കുന്നതല്ലെന്ന് അദ്ദേഹം പറഞ്ഞു.
കാഞ്ഞങ്ങാട് മിനി സിവിൽ സ്റ്റേഷന് മുന്നിൽ നടക്കുന്ന സമരത്തിന് ഐക്യദാർഢ്യം പ്രഖ്യാപിച്ചു സംസാരിക്കുകയായിരുന്നു ഖാദർ മാങ്ങാട്.

എൻഡോസൾഫാൻ വിഷയത്തിൽ പൊതു സമൂഹം ഇടപെട്ട് സർക്കാറിൽ സമ്മർദ്ദം ചെലുത്തണമെന്ന് ഡോ:അജയകുമാർ കോടോത്ത് ആവശ്യപ്പെട്ടു.

ഡോ:അംബികാസുതൻ മാങ്ങാട് നിരാഹാരസമരം ഉദ്ഘാടനം ചെയ്തു .
ചർച്ച ചെയ്ത് സമരം അവസാനിപ്പിക്കാനുളള ശ്രമം സർക്കാർ നടത്തണമെന്ന് അംബികാസുതൻ ആവശ്യപ്പെട്ടു.

എം.കെ. അജിത അദ്ധ്യക്ഷം വഹിച്ചു.

ഡോ: ഖാദർ മാങ്ങാട്, ഡോ:അജയകുമാർ കോടോത്ത്,
അഡ്വ: ടി. വി. രാജേന്ദ്രൻ,
ഫറീന കോട്ടപ്പുറം എന്നിവർ ഐകൃദാർഢ്യ നിരാഹാരം നടത്തി.

ഡോ: ടി. എം. സുരേന്ദ്രനാഥ് , മോഹനൻ കുശാൽ നഗർ ,
വി.കമ്മാരൻ , ഉമേശൻ തൈക്കടപ്പുറം,
പി. മുരളീധരൻ ,
എച്ച് സൂര്യഭട്ട് , മാധവൻ കരിവെള്ളൂർ,
തമ്പാൻ മടിയൻ,
ഇ. തമ്പാൻ സംസാരിച്ചു.
അമ്പലത്തറ കുഞ്ഞികൃഷ്ണൻ സ്വാഗതവും പി. ഷൈനി നന്ദിയും പറഞ്ഞു.