ജിഎച്ച്എസ്എസ് ബല്ല ഈസ്റ്റ്‌ പ്ലാറ്റിനം ജൂബിലി സമാപനവും ഭരണഘടനാശില്പം അനാച്ഛാദനവും മെയ് 2ന്
കാഞ്ഞങ്ങാട്:-കാസർഗോഡ് ജില്ലയിലെ മികച്ച വിദ്യാലയമായ ജിഎച്ച്എസ്എസ് ബല്ല ഈസ്റ്റിന്റെ പ്ലാറ്റിനം ജൂബിലി ആഘോഷ പരിപാടികൾ മെയ് രണ്ടിന് അവസാനിക്കും. സമാപന പരിപാടിയു പ്ലാറ്റിനം ജൂബിലിയുടെ സ്മരണാർത്ഥം പ്രത്യേകം തയ്യാറാക്കിയ ഭരണഘടനയുടെ ആമുഖം ആലേഖനം ചെയ്ത ശില്പവും ഹൈക്കോടതി ജഡ്ജി പി.വി കുഞ്ഞികൃഷ്ണൻ ഉദ്ഘാടനം ചെയ്യും. ചടങ്ങിനോടനുബന്ധിച്ച് വിരമിക്കുന്ന അധ്യാപകർക്കുള്ള ആദരം, വിദ്യാർഥി പ്രതിഭകൾക്കുള്ള അനുമോദനം,മെഗാ തിരുവാതിര,നാടൻ പാട്ട്, നൃത്തനൃത്ത്യങ്ങൾ, തുടങ്ങിയ വൈവിധ്യമാർന്ന പരിപാടികളുടെ അവതരണവുമുണ്ടാകും.
ഒരു വർഷം നീണ്ട പ്ലാറ്റിനം ജൂബിലി ആഘോഷങ്ങളുടെ ഭാഗമായി സ്കൂളിൻ്റെ ഭൗതിക സൗകര്യം വികസിപ്പിക്കുന്നതിനാവശ്യമായ നിരവധി പ്രവർത്തനങ്ങൾക്ക് തുടക്കം കുറിക്കാനായി. പ്ലാറ്റിനം ജൂബിലി വർഷത്തിൽ അക്കാദമിക രംഗത്ത് വലിയ നേട്ടങ്ങൾ വിദ്യാലയം സ്വന്തമാക്കി.
