NCP കേരള ഘടകം NDA യിലേക്ക്!!! Adv. റോയ് വരിക്കാട് പുതിയ സംസ്ഥാന പ്രസിഡന്റ്‌.
NCP കേരള ഘടകം NDA യിലേക്ക്!!! Adv. റോയ് വരിക്കാട് പുതിയ സംസ്ഥാന പ്രസിഡന്റ്‌.
NCP കേന്ദ്ര നയത്തിന് പൂർണ പിന്തുണയുമേകി കേരള ഘടകം NDA യുമായി സഹകരിച്ച് മുന്നോട്ട് പോകാൻ തൃശ്ശൂരിൽ ചേർന്ന സംസ്ഥാന കമ്മിറ്റി യോഗത്തിൽ തീരുമാനമായി. സംഘടനാ വിരുദ്ധ പ്രവർത്തനങ്ങളുമായി പാർട്ടിയിൽ ഭിന്നതയ്ക്ക് ശ്രമിച്ച N.A. മുഹമ്മദ്കുട്ടിയെ സംസ്ഥാന പ്രസിഡന്റ്‌ പദവിയിൽ നിന്നും നീക്കം ചെയ്യുകയും പുതിയ സംസ്ഥാന പ്രസിഡന്റായി Adv. റോയ് വാരിക്കാടിനെ തിരഞ്ഞെടുക്കുകയും ചെയ്തു.
സംസ്ഥാനത്ത് വർഷങ്ങളായി തുടർന്നു വന്ന LDF ബന്ധം പൂർണമായും അവസാനിപ്പിച്ച് NDA യിക്കൊപ്പം സഹകരിച്ചുകൊണ്ടുള്ള രാഷ്ട്രിയ നീക്കം സംസ്ഥാന രാഷ്ട്രീയത്തിൽ പുതിയൊരു സംസ്കാരത്തിന് വഴിതുറക്കുന്നതിനുള്ള രാഷ്ട്രീയ കാഹളമായി വരും നാളുകളിൽ വിലയിരുത്തപ്പെടുമെന്ന് സംസ്ഥാന കമ്മിറ്റിയെ അഭിസംഭോധന ചെയ്തുകൊണ്ട് ADV. റോയ് വാരിക്കാട് പ്രസ്ഥാവിച്ചു. ബിജെപി നേതൃത്വം നൽകുന്ന NDA യ്ക്ക് കേരളത്തിൽ ശക്തമായ പിന്തുണ നൽകുന്നതിനൊപ്പം വിഘടിച്ചു നിൽക്കുന്ന ഇതര മത, രാഷ്ട്രീയ സംഘടനകളെ NDA ഭാഗമാക്കുന്നതിനും പുതിയ രാഷ്ട്രീയ നയം സഹായകരമാകുമെന്ന്‌ റോയ് വാരിക്കാട് കൂട്ടിച്ചേർത്തു.
BJP രാഷ്ട്രീയ നയത്തിന് പിന്തുണയേകി NDA ഭാഗമായി രാഷ്ട്രീയ പ്രവർത്തനങ്ങൾക്ക് തുടക്കം കുറിക്കുന്ന NCP കേരള ഘടകത്തിന് പൂർണ പിന്തുണയും, പരിഗണനയും യഥേഷ്ടം നൽകുമെന്ന് യോഗത്തിൽ മുഖ്യാതിഥിയായി പങ്കെടുത്ത BJP സംസ്ഥാന ഉപാദ്ധ്യക്ഷൻ ADV. B.ഗോപാലകൃഷ്ണൻ പ്രസ്ഥാവിച്ചു.
യോഗത്തിൽ സംസ്ഥാന വർക്കിംഗ്‌ പ്രസിഡന്റ്‌ P. കുഞ്ഞിക്കണ്ണൻ, വൈസ് പ്രസിഡന്റ്മാരായ ശശി പുളിക്കൽ, K.G. പുരുഷോത്തമൻ, ജനറൽ സെക്രട്ടറിമാരായ A.V. സജീവ്, A.R നരേന്ദ്രൻ, K.B മധു, സുബിൻ സി ഭാസ്കർ, ജെയിംസ് ചാക്കോ, NYC സംസ്ഥാന കൺവീനർ ശരത് മോഹൻ, ജില്ലാ പ്രസിഡന്റ്മാരായ വസന്തകുമാർ കാട്ടുകുളങ്ങര , പ്രശാന്തൻ മുരിങ്ങോലിൽ, C.A ജോയ്, മുരളി തകടിയേൽ, J.വിനോദ്, ഭുവനചന്ദ്രൻ നായർ തുടങ്ങിയവർ പങ്കെടുത്തു.
