വോട്ടര്‍ പട്ടിക ഉറക്കെ വായിച്ച് കലക്ടര്‍ ഇലക്ഷൻ ഗ്രാമസഭ ജില്ലാതല ഉദ്ഘാടനം ജില്ലാ കലക്ടര്‍ നിര്‍വ്വഹിച്ചു
തെരഞ്ഞെടുപ്പ് ഗ്രാമസഭ ജില്ലാതല ഉദ്ഘാടനം ഷിറിയ ഗവ. ഹയർ സെക്കണ്ടറി സ്കൂളിൽ ജില്ലാ കലക്ടർ കെ.ഇമ്പശേഖർ നിര്‍വ്വഹിച്ചു.
മഞ്ചേശ്വരം നിയോജക മണ്ഡലത്തിലെ 15ആം വാര്‍ഡായ ഷിറിയയിലെ 101ആം ബൂത്തിലെ വോട്ടര്‍ പട്ടിക ജില്ലാ കളക്ടര്‍ ഉറക്കെ വായിച്ചു. ജില്ലയില്‍ വിവിധ ഘട്ടങ്ങളിലായി വോട്ടര്‍ പട്ടിക ശുദ്ധീകരണ പ്രവര്‍ത്തനങ്ങള്‍ നടത്തിയിട്ടുണ്ടെന്നും വോട്ടര്‍ പട്ടികയില്‍ പേരുള്ള എല്ലാവരും വോട്ട് ചെയ്യണമെന്നും കലക്ടര്‍ പറഞ്ഞു. ബി.എല്‍.ഒമാരായ എ.കെ. രേവതി, പ്രമീള, വിവിധ രാഷ്ട്രീയ പാര്‍ട്ടി പ്രതിനിധികള്‍,മംഗല്‍പാടി ഗ്രാമ പഞ്ചായത്ത് സ്റ്റാന്റിംഗ് കമ്മിറ്റി ചെയര്‍പേഴ്സണ്‍ ഖൈറുന്നിസ , അംഗം ബീഫാത്തിമ അബൂബക്കര്‍, സമ്മതിദായകർ എന്നിവര്‍ പങ്കെടുത്തു. വോട്ടർ പട്ടികയിൽ തെറ്റുകൾ കണ്ടെത്തുന്നതിനും തിരുത്തലുകൾ വരുത്തുന്നതിനും ഇലക്ഷൻ ഗ്രാമസഭയിൽ പങ്കെടുക്കാൻ പോളിംഗ് സ്റ്റേഷനിലെ മുഴുവൻ ആളുകളും അറിയുന്നതിന് ഉറക്കെ വായിച്ചാണ് വോട്ടർ പട്ടിക ശുദ്ധീകരണം ഉറപ്പുവരുത്തുന്നത്
