ലഹരി വിരുദ്ധ ബോധവൽക്കരണം നടത്തി ബ്രദേർസ് ആർട്സ് & സ്പോർട്സ് ക്ലബ്ബ്

ചെറുവത്തൂർ: വർദ്ധിച്ചു വരുന്ന ലഹരി ഉപയോഗത്തിനെതിരെ നാപ്പച്ചാൽ പുതിയ കണ്ടത്തെ ബ്രദേർസ് ആർട്സ് & സ്പോർട്സ് ക്ലബ്ബ് ലഹരി വിരുദ്ധ ബോധവൽക്കരണ ക്ലാസ്സ് സംഘടിപ്പിച്ചു.
ഒക്ടോബർ 30 ഞായറാഴ്ച വൈകുന്നേരം 5 മണിക്ക് നാപ്പച്ചാൽ ഏ.വി.സ്മാരക മന്ദിര പരിസരത്ത് നടന്ന പരിപ്പാടി ചന്തേര പോലീസ് സ്റ്റേഷൻ. ഇൻസ്പെക്ടറും എസ്.എച്ച്.ഒ യുമായ ശ്രീ.പി.നാരായണൻ ഉൽഘാടനം ചെയ്തു. ക്ലബ്ബ് സെക്രട്ടറി എ.ശ്രീജിത്ത് സ്വാഗതവും, പ്രസിഡണ്ട് എം.ശ്രീധരൻ അദ്ധ്യക്ഷതയും വഹിച്ചു, ചെറുവത്തൂർ ഗ്രാമപഞ്ചായത്ത് ക്ഷേമകാര്യ സ്റ്റാൻ്റിംഗ് കമ്മിറ്റി ചെയർമാൻ സി.വി.ഗിരീശൻ,സി.പി.ഐ.എം നാപ്പച്ചാൽ ബ്രാഞ്ച് സെക്രട്ടറി കെ.ടി.യശോദ, സി.പി.ഐ.എം.പുതിയ കണ്ടം സെൻട്രൽ ബ്രാഞ്ച് സെക്രട്ടറി വി.വി.ശ്രീധരൻ തുടങ്ങിയവർ ആശംസകൾ അർപ്പിച്ച് സംസാരിച്ചു. സീനിയർ സിവിൽ പോലീസ് ഓഫീസറും ജനമൈത്രി ബീറ്റ് ഓഫീസ്ർ കൂടിയായ ശ്രീ സുരേശൻ കാനം ലഹരി വിരുദ്ധ ബോധവൽക്കരണ ക്ലാസ്സ് എടുത്തു.