ലഹരിക്കെതിരെ കൂട്ടായ ചെറുത്തുനില്‍പ്പ് ഉയരണം ; മന്ത്രി ആര്‍.ബിന്ദു*
*ലഹരിക്കെതിരെ കൂട്ടായ ചെറുത്തുനില്‍പ്പ് ഉയരണം ; മന്ത്രി ആര്‍.ബിന്ദു*
രാഷ്ട്ര പുനര്‍നിര്‍മ്മാണ പ്രക്രിയയ്‌ക്കായി പ്രവര്‍ത്തിക്കേണ്ട യുവാക്കളുടെ കര്‍മ്മശേഷിയെ മയക്കുമരുന്ന് നല്‍കി മയക്കികിടത്തുന്ന ലഹരിക്കെതിരെ കൂട്ടായ ചെറുത്തുനില്‍പ്പ് ഉയരണമെന്ന് മന്ത്രി ആര്‍.ബിന്ദു. എന്‍.സി.സി, എന്‍.എസ്.എസ് സന്നദ്ധ പ്രവര്‍ത്തകരെ ഉള്‍പ്പെടുത്തി രൂപീകരിച്ച ലഹരിവിരുദ്ധ കര്‍മ്മസേനയുടെ ഉദ്‌ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. അപകടകരമായ പ്രവൃത്തിയിലേക്കല്ല, സ്നേഹത്തിന്റെയും സര്‍ഗാത്മകളുടെയും പരിചയേന്തി ലഹരിക്കെതിരെ പൊരുതാനാണ് കോളേജുകളില്‍ കര്‍മ്മസേന രൂപീകരിച്ചതെന്നും മന്ത്രി പറഞ്ഞു. ലഹരിവിരുദ്ധ കര്‍മ്മ സേനയ്ക്ക് ‘ആസാദ്’ (ഏജന്റ്സ് ഫോര്‍ സോഷ്യല്‍ അവര്‍നെസ് എഗൈന്‍സ്റ്റ് ഡ്രഗ്സ്) എന്ന് മന്ത്രി നാമകരണം ചെയ്‌തു.
