കെഎസ്‌യു സംസ്ഥാന പ്രസിഡന്‍റായി അലോഷ്യസ് സേവ്യറിനെ നിയമിച്ചു

തിരുവനന്തപുരം : കെഎസ്‌യു സംസ്ഥാന പ്രസിഡന്‍റായി അലോഷ്യസ് സേവ്യറിനെ നിയമിച്ചു കോൺഗ്രസ് അധ്യക്ഷന്റെ അനുമതിയോടെ എഐസിസി ജനറൽ സെക്രട്ടറി കെ സി വേണുഗോപാൽ ആണ് പ്രഖ്യാപനം നടത്തിയത്. നിലവിൽ എറണാകുളം ജില്ലാ പ്രസിഡന്റായിരുന്ന അലോഷ്യസ് സേവ്യർ ആണ് സംസ്ഥാന പ്രസിഡന്റായി നിയമിതനായത്. NSU(i) ദേശിയ കോർഡിനേറ്റർ, KSU എറണാകുളം ജില്ലാ സെക്രട്ടറി, ബ്ലോക്ക്‌ പ്രസിഡന്റ്,
സെക്രെഡ് ഹെർട്ട് കോളേജ് തേവരയുടെ ചെയർമാൻ, യൂണിവേഴ്സിറ്റി യൂണിയൻ കൗൺസിലർ എന്നി നിലകളിൽ പ്രവർത്തിച്ചിട്ടുണ്ട്.
എംജി സർവകലാശാല മുൻ വിദ്യാർത്ഥി പ്രതിനിധിയും എറണാകുളം ജില്ലാ സെക്രട്ടറിയുമായ ആൻ സെബാസ്റ്റ്യനും കണ്ണൂർ ജില്ലാ പ്രസിഡന്റായ മുഹമ്മദ് ഷമ്മാസുമാണ് വൈസ് പ്രസിഡന്റുമാർ. സംസ്ഥാന പ്രസിഡന്റ് ആയിരുന്ന കെഎം അഭിജിത്ത് രാജിവച്ചതിനെ തുടർന്നാണ് പുനസംഘടന വേഗത്തിൽ നടത്തിയത്