കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ ഹോസ്ദുർഗ്ഗ് യൂണിറ്റ് കൺവെൻഷൻ നടന്നു.

കാഞ്ഞങ്ങാട്: കേരള സ്റ്റേറ്റ് സർവീസ് പെന്ഷനേഴ്സ് യൂണിയൻ ( കെ എസ് പി യു ) ഹോസ്ദുർഗ് യൂണിറ്റ് കൺവെൻഷൻ കാരാട്ട് വയൽ പെൻഷൻ ഭവനിൽ നടന്നു. 2024 ജൂലൈ മുതൽ പ്രാഭല്യത്തിൽ പെൻഷൻ പരിഷ്കരണ നടപടി ആരംഭിക്കുക, കുടിശ്ശിക ക്ഷാമശ്വാസം ഉടൻ അനുവദിക്കുക തുടങ്ങി വിവിധ ആവശ്യങ്ങൾ കൺവെൻഷൻ ആവശ്യപ്പെട്ടു. കെ എസ് പി യു ജില്ലാ സെക്രട്ടറി പി കുഞ്ഞമ്പു നായർ ഉൽഘാടനം ചെയ്തു യൂണിറ്റ് പ്രസിഡന്റ്‌ കെ രവീന്ദ്രൻ അദ്യക്ഷത വഹിച്ചു.ജില്ലാ ട്രഷറർ എസ്. ഗോപാലകൃഷ്ണൻ, ബ്ലോക്ക്‌ സെക്രട്ടറി കെ ചന്ദ്രശേഖരൻ,ബ്ലോക്ക് പ്രസിഡന്റ്‌ ബി പരമേശ്വരൻ,യൂണിറ്റ് ചാർജ് വഹിക്കുന്ന വി. കുഞ്ഞികൃഷ്ണൻ,ജില്ല കമ്മിറ്റി അംഗം വി.വി. ബാലകൃഷ്ണൻ എന്നിവർ സംസാരിച്ചു. യോഗത്തിൽ സംഘടയിൽ പുതുതായി അംഗത്വം എടുത്തവരെ പൂചെണ്ടുകൾ നൽകി സ്വീകരിച്ചു. യോഗത്തിൽ സെക്രട്ടറി കെ.ചന്ദ്രൻ സ്വാഗതവും ട്രഷറർ കെ. മോഹൻദാസ് നന്ദി പറഞ്ഞു.