കർഷക രജിസ്ട്രി സംബന്ധിച്ച സംശയങ്ങളും മറുപടിയും. എന്തിനാണ് കർഷക രജിസ്ട്രി?

കേരളത്തിലെ പി എം കിസാൻ ഗുണഭോക്താക്കൾ ഉൾപ്പെടെ 20 ലക്ഷം കർഷകരെ കർഷക രജിസ്ട്രിയുടെ ഭാഗമാക്കാനാണ് സംസ്ഥാന സർക്കാർ ലക്ഷ്യമിടുന്നത്. വിവിധ പദ്ധതികളിൽ ലഭ്യമാകുന്ന ഗവൺമെന്റ് ആനുകൂല്യങ്ങൾ മെച്ചപ്പെടുത്തുക, അതുവഴി അവ ഭാരതത്തിലെ എല്ലാ കർഷകരിലേക്കും വേഗത്തിലും എളുപ്പത്തിലും എത്തിച്ചേരുക, കർഷകരെ കൃത്യതയോടെ ആധികാരികമായി തിരിച്ചറിയുന്നതിനും അതുവഴി കർഷകർക്ക് കാർഷിക ക്രെഡിറ്റ് കാർഡുകൾ, വിത്ത്, വളം തുടങ്ങിയവ യഥാസമയംലഭ്യമാക്കുന്നത് ഉറപ്പ് വരുത്തുക തുടങ്ങിയവയ്ക്കായികാർഷിക അനുബന്ധ മന്ത്രാലയങ്ങളും സംസ്ഥാന സർക്കാരുകളും തമ്മിലുള്ള എളുപ്പത്തിലുള്ള പദ്ധതി സംയോജനത്തിലൂടെ കർഷകരെ സംബന്ധിച്ച വിവരങ്ങൾ ചേർത്ത് വച്ച് ആധാർ അധിഷ്ഠിത ഐ ഡി നമ്പർ കർഷകർക്ക് ലഭ്യമാക്കുക എന്നതാണ് കർഷക രജിസ്ട്രിയിലെ ആദ്യപടി._

ആരൊക്കെ കർഷക രജിസ്ട്രിയിൽ രജിസ്റ്റർ ചെയ്യണം?

_സ്വന്തമായി കൃഷി ഭൂമിയുള്ള കർഷകർക്ക് ഇതിൽ അംഗങ്ങളാകാം. (പാട്ടകൃഷിക്കാർക്ക് നിലവിൽ രജിസ്ട്രേഷൻ ചെയ്യുന്നില്ല)_

കതിർ ആപ്പിൽ രജിസ്റ്റർ ചെയ്തവർ കർഷക രജിസ്ട്രി ചെയ്യേണ്ടതുണ്ടോ?

_കതിർ ആപ്പും കർഷക രജിസ്ട്രിയും വ്യത്യസ്തമാണ്. കതിർ ആപ്പിൽ രജിസ്റ്റർ ചെയ്തവർ കർഷക രജിസ്ട്രി ചെയ്യേണ്ടതാണ്._

എങ്ങനെയാണ് രജിസ്ട്രേഷൻ ചെയ്യേണ്ടത്? എന്തൊക്കെ രേഖകൾ വേണം?

_കൃഷിഭവനുകൾ വഴിയാണ് കർഷക രജിസ്ട്രി റെജിസ്‌ട്രേഷൻ ചെയ്യുന്നത്. കർഷകന്റെ കൃഷി ഭൂമി സ്ഥിതി ചെയ്യുന്ന തദ്ദേശ സ്ഥാപനത്തിലെ കൃഷി ഭവനിൽ ആധാർ, ആധാർ ബന്ധിപ്പിച്ചിട്ടുള്ള മൊബൈൽ, ഈ വർഷത്തെ ഭൂനികുതി രശീതി* എന്നിവയുമായി ബന്ധപ്പെടണം_

പി എം കിസാൻ സമ്മാൻ നിധിയിലെ ഗുണഭോക്താക്കൾ ഈ രജിസ്ട്രേഷൻ ചെയ്യേണ്ടതുണ്ടോ?

പുതുതായി പി എം കിസാൻ ആനുകൂല്യത്തിനായി അപേക്ഷിക്കുന്നവർ നിർബന്ധമായും കർഷക രജിസ്ട്രി ഐ ഡി നമ്പർ ചേർക്കേണ്ടതുണ്ട്. നിലവിൽ പി എം കിസാൻ സമ്മാൻ നിധി ആനുകൂല്യം കൈപ്പറ്റുന്നവർ കർഷക രജിസ്ട്രി അംഗത്വം എടുത്ത് ഐ ഡി ലഭ്യമാക്കുന്നത് പിന്നീടുള്ള തിരക്കിട്ട രജിസ്ട്രേഷൻ ഒഴിവാക്കാൻ സഹായിക്കും

കൃഷിക്കുള്ള ഡിജിറ്റൽ പബ്ലിക് ഇൻഫ്രാസ്ട്രക്‌പറിൻ്റെ (അഗ്രി സ്‌റ്റാക്ക്) ഘടകങ്ങളിലൊന്നായ കർഷക രജിസ്ട്രീ പ്രവർത്തന ക്ഷമമാകുന്നതിൻ്റെ ഫലമായി സർക്കാർ പദ്ധതികൾ വേഗത്തിലും, സുതാര്യമായും കർഷകർക്ക് ലഭ്യമാകുന്നു. കേരളത്തിലെ പി എം കിസാൻ ഗുണഭോക്താക്കൾ ഉൾപ്പെടെ 20 ലക്ഷം കർഷകരെ കർഷക രജിസ്ട്രിയുടെ ഭാഗമാക്കാനാണ് സംസ്ഥാന സർക്കാർ ലക്ഷ്യമിടുന്നത്. കേന്ദ്രസർക്കാരിൻ്റെ കർഷക രജിസ്ട്രി ആപ്ലിക്കേഷനിലൂടെ സമർപ്പിക്കുന്ന കർഷകരുടെ വിവരങ്ങൾ ഉപയോഗിച്ച് ദേശീയതലത്തിൽ ജനറേറ്റ് ചെയ്യുന്ന ഒരു കർഷക ഐഡി കർഷകർക്ക് ലഭ്യമാകുന്നു. ഇതുപയോഗിച്ച് കർഷകർക്ക് ഭാവിയിൽ കേന്ദ്ര സംസ്ഥാന സർക്കാരിന്റെ വിവിധ പദ്ധതികളിലെ ആനുകൂല്യങ്ങൾ മറ്റ് രേഖകളൊന്നും കൂടാതെ തന്നെ സുതാര്യമായും കാര്യക്ഷമമായും വേഗത്തിലും ലഭ്യമാകും. കർഷക രജിസ്ട്രിയുമായി ബന്ധപ്പെട്ട് കൃഷിഭവനിൽ നിന്നും അറിയിപ്പ് ലഭിച്ചാലുടൻ തന്നെ കേന്ദ്ര സർക്കാരിൻ്റെ കർഷക രജിസ്ട്രി ആപ്ലിക്കേഷനിൽ ലോഗിൻ ചെയ്ത ആധാർ ലിങ്ക് ചെയ്‌ത മൊബൈൽ ഫോണിൽ വരുന്ന OTP നല്‌കി ആധാർ കാർഡ്, തങ്ങളുടെ കൃഷി ഭൂമി സംബന്ധിച്ച വിവരങ്ങൾ, കരമടച്ച രസീത് എന്നിവയുമായി ഒത്തു നോക്കി ശരിയാണെന്നു ഉറപ്പുവരുത്തേണ്ടതാണ് ഇത് സംബന്ധിച്ച പ്രവർത്തനങ്ങൾ 2024 ഡിസംബർ 2025 ജനുവരി മാസങ്ങളിൽ പൂർത്തിയാക്കുവാനാണ് സർക്കാർ ഉദ്ദേശിക്കുന്നത്. കൂടുതൽ വിവരങ്ങൾക്ക് 1800-425-1011 എന്ന ടോൾ ഫ്രീ നമ്പറിലോ, 0471 þ2309122, 2303990, 2968122 എന്നീ ഹെല്പ് ഡെസ്ക് നമ്പറിലേയ്ക്കോ വിളിക്കേണ്ടതാണ്