അജാനൂർ കടപ്പുറം എം യു മദ്രസ്സയിൽ പ്രവേശനോൽസവം നടന്നു

കാഞ്ഞങ്ങാട:അജാനൂർ കടപ്പുറം എം യു മദ്രസ്സയിൽ ഈ വർഷത്തെ പ്രവേശനോൽസവം സമുചിതമായി ആഘോഷിച്ചു.

ജമാഅത്ത് പ്രസിഡണ്ട് എ.ഹമീദ് ഹാജിയുടെ അദ്ധ്യക്ഷതയിൽ നടന്ന ആഘോഷ ചടങ്ങ് സ്ഥലം ചീഫ് ഇമാം അഷറഫ് ദാരിമി ഉദ്ഘാടനം ചെയ്തു.മതവിദ്യാഭ്യാസ ത്തോടൊപ്പം ലൗകീക വിദ്യാഭ്യാസവും കരസ്ഥമാക്കുന്ന കാര്യത്തിൽ വിദ്യാർത്ഥികൾ ജാഗരൂകരായിരിക്കണമെന്ന് അദ്ധ്യക്ഷ പ്രസംഗത്തിൽ ഹമീദ് ഹാജി ചൂണ്ടിക്കാട്ടി.അച്ചടക്കവും അനുസരണയും വിദ്യാർത്ഥികൾ അവലംബിക്കണമെന്ന് ഉൽഘാടന പ്രസംഗത്തിൽ ദാരിമി അഭിപ്രായപ്പെട്ടു.ജമാഅത്ത് ജനറൽ സെക്രട്ടറി അബ്ബാസ് പാലായി,ട്രഷറർ കെ.എം.അഹമ്മദ്,സിറാജുദ്ദീൻ ദാരിമി,ശിഹാബുദ്ദീൻ ദാരിമി,എ.അബ്ദുള്ള,കെ.സി.ഹംസ,ജാഫർ പാലായി, സിറാജ് പാലക്കി,കെ.പി. ഷൗക്കത്തലി,മുനീർ പാലായി,എം.കെ.മുഹമ്മദ് കുഞ്ഞി,സി.എച്ച്.മജീദ് എന്നിവർ പ്രസംഗിച്ചു.സദർ മുഅലിം ഹംസ മൗലവി സ്വാഗതവും, പൈസ് പ്രസിഡണ്ട് കെ.സി.ഹംസ നന്ദിയും പറഞ്ഞു.