കള്ളനോട്ട് കേസ് പ്രതികളിൽ ഒരാളുടെ വീട്ടിൽ നിന്ന് വീണ്ടും കള്ളനോട്ട് കണ്ടെത്തി.

കാഞ്ഞങ്ങാട്: കള്ളനോട്ട് കേസ് പ്രതികളിൽ ഒരാളുടെ വീട്ടിൽ നിന്ന് വീണ്ടും കള്ളനോട്ട് കണ്ടെത്തി.

2000 രൂപയുടെ നാലു നോട്ടുകൾ ആണ് അമ്പലത്തറ ഇൻസ്പെക്ടർ കെ. പ്രജീഷിന്റെ നേതൃത്വത്തിലുള്ള സംഘം കണ്ടെത്തിയത്.

ആറുകോടി 90 ലക്ഷത്തിന്റെ കള്ളനോട്ട് കണ്ടെടുത്ത വീട്ടിൽ വാടകയ്ക്ക് താമസിക്കുന്ന അബ്ദുറസാഖ് ( 51), സുലൈമാൻ (51) എന്നിവരെ ബത്തേരി പോലീസ് ആണ് ബത്തേരി പഴുപ്പത്തൂരിലെ ഹോം സ്റ്റേയിൽ നിന്ന് കസ്റ്റഡിയിലെടുത്തത്.

അറസ്റ്റിലായ മൗവ്വൽ പരങ്ങാനത്തെ സുലൈമാന്റെ വീട്ടിൽ നിന്നാണ് നോട്ടുകൾ കണ്ടെടുത്തത്.

ഇന്നലെ പുലർച്ചെയാണ് ഇവരെ അമ്പലത്തറയിലേക്ക് കൊണ്ടുവന്നത്. അറസ്റ്റ് രേഖപ്പെടുത്തിയതിന് ശേഷമാണ് തെളിവെടുപ്പിനായി കൊണ്ടുപോയത്. ബുധനാഴ്ചയാണ് ഗുരുപുരത്തെ വീട്ടിൽ നിന്നും കള്ളനോട്ടുകൾ കണ്ടെടുത്തത്. തെളിവെടുപ്പിനു ശേഷം ഇരുവരെയും കോടതിയിൽ ഹാജരാക്കി.