കരിപ്പോടി എ.എൽ.പി : പഠനോത്സവം സംഘടിപ്പിച്ചു
പഠനോത്സവം സംഘടിപ്പിച്ചു
പാലക്കുന്ന്: അധ്യയന വർഷത്തിൽ കുട്ടികൾ നേടിയെടുത്ത പഠന നേട്ടങ്ങളെ ആസ്പദമാക്കി കരിപ്പോടി എ.എൽ.പി.സ്കൂൾ പഠനോത്സവം നടത്തി. ക്ലാസ് തല അവതരണങ്ങൾക്ക് ശേഷം മലയാളം, ഇംഗ്ലീഷ്, അറബിക്, ഇ.വി.എസ്, ഗണിതം എന്നീ വിഷയങ്ങളെ അടിസ്ഥാനമാക്കി പ്രദർശനങ്ങൾ നടന്നു. പoനോത്സവം ബ്ലോക്ക് പ്രോഗ്രാം കോർഡിനേറ്റർ ദിലീപ് കുമാർ ഉദ്ഘാടനം ചെയ്തു. പി.ടി.എ.വൈസ് പ്രസിഡൻ്റ് അഡ്വ.വിദ്യാധരൻ അധ്യക്ഷത വഹിച്ചു. പ്രധാനാധ്യാപിക ആശ, പി.ടി.എ പ്രസിഡൻ്റ് ജഗദീഷ് ആറാട്ടുകടവ്, എം.പി.ടി.എ.പ്രസിഡൻ്റ് ഷാന, സലീം എന്നിവർ പ്രസംഗിച്ചു.