റംല ടീച്ചർ വിരമിച്ചു: അധ്യാപികയ്ക്ക് കെ.പി.എസ്.ടി.എ സി.ജെ. എച്ച്. എസ്.എസ് യൂണിറ്റ് യാത്രയയപ്പ് നൽകി
ചെമ്മനാട് : 32 വർഷത്തെ സ്തുത്യർഹസേവനത്തിനു ശേഷം ചെമ്മനാട് ജമാഅത്ത് ഹയർ സെക്കന്ററി സ്കൂളിൽ നിന്നും വിരമിക്കുന്ന അറബിക് അധ്യാപിക റംല ടീച്ചർക്ക്‌ കെ പി എസ് ടി എ, ചെമ്മനാട് ജമാഅത്ത് ഹയർ സെക്കണ്ടറി സ്കൂൾ യൂണിറ്റ് കമ്മിറ്റി യാത്രയയപ്പ് നൽകി. എരിഞ്ഞിപ്പുഴ പൊലിയംതുരുത്ത് ഇക്കോ വില്ലേജിൽ വെച്ച് നടന്ന ചടങ്ങിൽ യൂണിറ്റിന്റെ ഉപഹാരം ചെമ്മനാട് ബ്രാഞ്ച് സെക്രട്ടറി ടി.അശോകൻ നായർ കൈമാറി. യൂണിറ്റ് പ്രസിഡന്റ്‌ എം. രേണുക അധ്യക്ഷയായി.
മുഹമ്മദ് യാസിർ, ഷാഹിന, പ്രീതി, സതി, ശ്രീവിദ്യ, സബീന, ഫർസാന എന്നിവർ പ്രസംഗിച്ചു. യൂണിറ്റ് സെക്രട്ടറി കെ. സജ്‌ന സ്വാഗതവും ട്രഷറർ അനിൽകുമാർ നന്ദിയും പറഞ്ഞു.
