തപസ്യ സംസ്ഥാന വാർഷികോൽസവത്തിന് കാഞ്ഞങ്ങാട് നെല്ലിത്തറയിൽ തുടക്കം. കേന്ദ്ര സംസ്കാരിക സഹമന്ത്രി മീനാക്ഷി ലേഖി ഓൺലൈനിലൂടെ വാർഷികാഘോഷം ഉദ്ഘാടനം ചെയ്തു.  

Share

കാഞ്ഞങ്ങാട്:പഞ്ചമദ്ദള കേളികൊട്ടുണർന്നു. തപസ്യ കലാസാഹിത്യ വേദി 48 മത് സംസ്ഥാന വാർഷികാഘോഷങ്ങൾക്ക് കാഞ്ഞങ്ങാട് നെല്ലിത്തറ പൂങ്കാവനം സഭാമണ്ഡപത്തിൽ വർണ്ണാഭമായ തുടക്കം.

സംസ്ഥാന പ്രസിഡൻ്റ് പ്രൊഫസർ പി ജി.ഹരിദാസ് പതാക ഉയർത്തി .കേന്ദ്ര സംസ്കാരിക സഹമന്ത്രി മീനാക്ഷി ലേഖി ഓൺലൈനിലൂടെ വാർഷികാഘോഷം ഉദ്ഘാടനം ചെയ്തു.

സംസ്ഥാന പ്രസിഡൻ്റ് പ്രൊഫസർ പി ജി.ഹരിദാസ് അധ്യക്ഷനായി. വിഷ്ണു ഭട്ട് വെള്ളിക്കോത്ത്  സ്വാഗത ഗാനവും കുമാരി ശ്രീനിധി കെ.ഭട്ട് നന്ദി ഗീതം അവതരിപ്പിച്ചു.

തെയ്യം കലാചാര്യൻ പത്മശ്രീ ഇ പി നാരായണ പെരുവണ്ണാൻ ,പ്രശസ്ത നർത്തകി ഡോ .കൃപ ഫഡ്കേ എന്നിവർ മുഖ്യാതിഥികളായി.

 കാലടി ശങ്കരാചാര്യ യൂണിവേഴ്സിറ്റി പ്രൊഫസർ ഡോ.എം വി നടേശൻ സ്മരണിക പ്രകാശനം ചെയ്തു. ചിൻമയാ മിഷൻ കേരള റീജിയൺ തലവൻ സ്വാമി വിവിക്താനന്ദസരസ്വതി അനുഗ്രഹഭാഷണം നടത്തി . പൂരക്കളി ആചാര്യൻ പി.ദാമോദര പണിക്കർ ,തപസ്യ സംസ്ഥാന വർക്കിംഗ് പ്രസിഡൻ്റ് കല്ലറ അജയൻ ,സംസ്കാർ ഭാരതി അഖില ഭാരതീയ കാര്യകാരി സദസ്യൻ കെ.ലക്ഷ്മി നാരായണൻ ,സ്വാഗത സംഘം രക്ഷാധികാരി കെ.ദാമോദരൻ ആർക്കിടക് ,ജില്ലാ പ്രസിഡൻ്റ് കെ.ബാലചന്ദ്രൻ എന്നിവർ സംസാരിച്ചു.

 സംസ്ഥാന ജനറൽ സെക്രട്ടറി കെ ടി രാമചന്ദ്രൻ സ്വാഗതവും സെക്രട്ടറി എംവി ശൈലേന്ദ്രൻ നന്ദിയും പറഞ്ഞു.

ഈ വർഷത്തെ ദുർഗ്ഗാദത്തപുരസ്കാരം യദുകൃഷ്ണന്

ഗാനരചിതാവ് കെ എസ് കുണ്ടൂർ സമ്മാനിച്ചു.

തപസ്യ സംസ്ഥാന ഉപാധ്യക്ഷൻമാരായ ശ്രീശൈലം ഉണ്ണികൃഷ്ണൻ ദുർഗ്ഗാദത്ത് അനുസ്മരണവും നടത്തി.തപസ്യ സംസ്ഥാന വർക്കിംഗ് പ്രസിഡൻ്റ് കല്ലറ അജയൻ അധ്യക്ഷനായി .

പി എം മഹേഷ് സ്വാഗതവും പിജി ശ്രീകുമാർ നന്ദിയും പറഞ്ഞു.തിരഞ്ഞെടുക്കപ്പെട്ട

250 പ്രതിനിധികളാണ് സമ്മേളനത്തിൽ പങ്കെടുക്കുന്നത്.നീലേശ്വരം ഉണ്ണികൃഷ്ണമാരാരും സംഘവും അവതിരിച്ച പഞ്ചമദ്ദള കേളി സദസിനെ ഹൃദ്യമാക്കി.

വൈകിട്ട് 6ന് നടക്കുന്ന കലാസന്ധ്യ

പ്രശസ്ത നർത്തകി ഡോ .കൃപ ഫഡ്കെ ഉദ്ഘാടനം ചെയ്യും.

സംസ്ഥാന ഉപാദ്ധ്യക്ഷത രജനി സുരേഷ്

അധ്യക്ഷത വഹിക്കും. പൂരകളി ,യാക്ഷഗാനം ,ഓട്ടൻതുള്ളൽ ,തിരുവാതിര ,നൃത്തശിൽപ്പം , കൈ കൊട്ടിക്കളി തുടങ്ങിയ കലാപരിപാടികൾ അരങ്ങേറും.വിവിധ ശിൽപ്പ – ചിത്രപ്രദർശനം ഒക്കും .

നാളെ രാവിലെ 8.30 ന് നടക്കുന്ന പ്രതിനിധി സഭ ഭാരതീയ വിചാര കേന്ദ്രം ഡയറക്ടർ ആർ സഞ്ജയൻ ഉദ്ഘാടനം ചെയ്യും. പ്രൊഫസർ പി ജി ഹരിദാസ് അധ്യക്ഷനവും.

വാർഷിക റിപ്പോർട്ട്

സംസ്ഥാന സെക്രട്ടറി കെ ടി.രാമചന്ദ്രനും വാർഷിക കണക്ക് ട്രഷറർ അനൂപ് കുന്നത്ത്

അവതരിപ്പിക്കും.11 ന് സംഘടനാ ചർച്ച തപസ്യ സുവർണ്ണ ജയന്തി ആഘോഷം . സമാപന സഭയിൽ രാഷ്ട്രീയ സ്വയംസേവക സംഘം പ്രാന്ത കാര്യവാഹ് കെ പി രാധാകൃഷ്ണൻ പ്രഭാഷണം നടത്തും.

Back to Top