അഭിമാനമായി അഭിരാമി: കാർട്ടൂൺ രചനയിൽ തുടർച്ചയായി രണ്ടാം വർഷവും എ ഗ്രേഡ്

🖊️പാലക്കുന്നിൽ കുട്ടി

ജില്ലാ കലോത്സവത്തിൽ കാർട്ടൂൺ രചനയിൽ എ ഗ്രേഡിന്റെ തിളക്കത്തിൽ ഒന്നാം സ്ഥാനം കിട്ടിയ ആത്മവിശ്വാസത്തോടെയാണ്‌ സംസ്ഥാന സ്കൂൾ കലോത്സവത്തിൽ പങ്കെടുക്കാൻ അഭിരാമി കൊല്ലത്തേക്ക് വണ്ടികയറിയത്. തച്ചംങ്ങാട് ഗവ. ഹൈസ്കൂളിൽ പത്താംതരത്തിൽ പഠിക്കുന്ന കെ. വി. അഭിരാമി ഹൈസ്കൂൾ വിഭാഗത്തിൽ പ്രതീക്ഷിച്ചതു പോലെ എ ഗ്രേഡ് വാങ്ങിയാണ്‌ വീട്ടിലേക്ക് മടങ്ങിയത്. തുടർച്ചയായി രണ്ടു വർഷവും ജില്ലയിൽ എ ഗ്രേഡോടെ ഒന്നാം സ്ഥാനം നേടിയ

അഭിരാമി സംസ്ഥാന തലത്തിലും അതേ മികവിൽ എ ഗ്രേഡ് നിലനിർത്തിയത് നാടിനും വീടിനും സ്കൂളിനും അഭിമാനമായി. കൊല്ലത്ത് നടന്ന മത്സരത്തിൽ “നവവർഷം പുതുകേരളം” എന്ന വിഷയത്തിലായിരുന്നു കാർട്ടൂൺ രചന. രണ്ടര മണിക്കൂറിൽ അവൾ വരച്ചത് എല്ലാവരുടെയും കൈയ്യടി നേടി. സമകാലിക സംഭവങ്ങൾ പരിപൂർണമായും മനസിലേക്ക് ആവാഹിച്ച്, അതിന് നർമത്തിന്റെ എരിവും പുളിയും മധുരവും ചേർത്ത് വരയ്ക്കാൻ ഏറെ മിടുക്കിയാണവൾ. അവൾ വരച്ച ഒട്ടേറെ കാർട്ടൂണുകൾ കണ്ടപ്പോൾ ഈ കൊച്ചുമിടുമിടുക്കി ഭാവിയിലെ അറിയപ്പെടുന്ന ‘വനിതാ കാർട്ടൂണിസ്റ്റാ’യി ഉയരുമെന്ന് സംശയലേശമന്യേ പറയാൻ സാധിക്കും. കോവിഡ് കാലതp 2023ൽ കോഴിക്കോട് നടന്ന കലോത്സവത്തിലും ഇപ്പോൾ കൊല്ലത്തും മകൾ എ ഗ്രേഡ് വാങ്ങി വന്ന ആഹ്ലാദത്തിലാണ് കുതിരക്കോട് അമ്പാടി നിലയത്തിൽ അച്ഛൻ അമ്പുജാക്ഷനും (ന്യൂ ഇന്ത്യ ഗ്ലാസ് ഏജൻസി, കാഞ്ഞങ്ങാട് ) അമ്മ ഭാരതിയും. സഹോദരൻ അഭിഷേക് ബംഗ്ലൂരിൽ സി. എ. യ്ക്ക് പഠിക്കുന്നു.